Pangit man pakinggan… PAGIGING KERIDA, NAKATAKDA SA KAPALARAN

ni Maestro Honorio Ong @Kapalaran Ayon Sa Palad | August 3, 2024

KATANUNGAN

1. May boyfriend ako ngayon. Kaya lang, may asawa na pala siya. Mahal na mahal ko siya, at nang malaman ng mga magulang ko na may asawa na siya, tumutol sila kahit na ipinaliwanag ko naman sa kanila na matagal na siyang hiwalay sa kanyang asawa.

2. Ano ang dapat kong gawin? Ano ba ang nakaguhit sa aking palad? Maestro, siya na ba ang nakatakda sa akin, kahit na tumutol ang aking mga magulang o may darating pang ibang lalaki?

3. Ang problema, kahit may dumating pang ibang lalaki sa buhay ko, parang hindi ko na magugustuhan. Siya kasi talaga kumumpleto sa buhay ko. Mahal na mahal ko siya, at siya ang pangarap kong makasama habambuhay. Napakabait kasi niya at sobrang maaalalahanin.

KASAGUTAN

1. Sa pag-ibig, hindi talaga maiiwasan na kung minsan ay mapagbiro ang tadhana, higit lalo sa panahong naiinlab tayo sa isang babae o lalaking may asawa na.

2. Ang masakit pa rito, kadalasan alam mo nang mali ang ginagawa mo, dahil nga may asawa na ang babae o lalaking mahal mo, pero nariyan ka pa ring nagtitiis, kinakabahan, at pinahihintulutan mo pa rin ang iyong sarili na mahalin ang isang lalaki na hindi naman dapat.

3. Samantala, napansin mo bang may island o bilog sa simulang bahagi ng iyong Marriage Line (Drawing A. at B. 1-M arrow a.) sa kaliwa at kanan mong palad. Ito ay tanda na sa simula pa lamang ng iyong pakikipagrelasyon, mapupuno na agad ito ng intriga at mga problema. Subalit kahit na ganu’n ang sitwasyon, nanatili namang tuwid, makapal at malinaw ang nasabing kaisa-isa Marriage Line (1-M arrow a.), kaya tiyak ang magaganap, tutol man ang mga magulang mo sa kasalukuyan n’yong relasyon ng boyfriend mong may asawa na pero hiwalay naman pala, at kahit sabihin pa ng iba na ikaw ay number two o kabit lang, sa bandang huli ang takdang kapalaran pa rin ang matutupad at huhusga, - kasal man kayo o hindi, kayo na nga ang magsasama habambuhay bilang isang illegal pero masaya pa rin naman, dahil tulad ng sinasabi mo, totoong hiwalay na talaga siya sa kanyang asawa, at maaari rin may iba ng pamilya ang legal wife niya.

DAPAT GAWIN

1. Minsan, kahit sabihin mo pang matino, mabuti at pilit kang umiwas sa kaimoralan, hindi talaga maiiwasang dumaan sa iyong buhay ang isang damdaming kung tawagin ay balighong pagmamahal.  

2. Ayon sa iyong mga datos, Jessa, sa umpisa lang naman magiging magulo ang inyong relasyon. Oo, maaaring sa una o sa ikalawang pagkakataon, hanggang sa unti-unti ay matatanggap na rin ng mga magulang ang sinapit mong kapalaran. Kahit na sabihin pa nila na ang napangasawa mo ay isang lalaking dati nang may kinakasama, hindi magbabago ang nakatakda - makakaranas ka pa rin ng isang maligaya at panghabambuhay na pagpapamilya.   

Horoscope | August 3, 2024 (Sabado)

ni Maestro Honorio Ong @Horoscope | August 3, 2024

Sa may kaarawan ngayong Agosto 3, 2024 (Sabado): Malambot ang iyong puso at kalooban, kaya sa lahat ng klase ng tao, ikaw ang pinakamasarap magmahal. Hindi ka puwedeng kalimutan ng mga magiging bahagi ng iyong buhay.

ARIES (Mar. 21-Apr. 19) - Kahit may bahagyang ulap sa kalangitan, hindi ito makakaawat sa ningning ng mga bituin. Tulad ng buhay mo ngayon, pansamantala lang ang madilim na kapalaran. Masuwerteng kulay-beige. Tips sa lotto-9-11-13-28-30-35.

TAURUS (Apr. 20-May 20) - Sukatin mo ang kakayahan ng taong gustong maging bahagi ng buhay mo. Huwag kang maniwala agad sa mga salita. Masuwerteng kulay-blue. Tips sa lotto-7-10-17-29-31-32.

GEMINI (May 21-June 20) - Sakyan mo ang masayang pangyayari sa iyong buhay. Magugulat ka dahil dadalhin ka nito sa lugar kung saan makakaharap mo nang mukhaan ang inilaan sa iyo ng kapalaran. Masuwerteng kulay-black. Tips sa lotto-6-14-27-39-40-45.

CANCER (June 21-July 22) - Hindi masama ang mangopya dahil ang lahat ay talaga namang nangongopya. Kopyahin mo ang ginawa ng nagtagumpay upang ikaw ay magtagumpay din sa buhay. Masuwerteng kulay-violet. Tips sa lotto-8-16-17-29-31-37.

LEO (July 23-Aug. 22) - Kumukupas ang lahat sa mundo. Kukupas din ang mga suwerte mo, kaya lang, ang masayang balita ay nagsasabing, nagbabalik na may mas matingkad na kulay ang iyong mga buwenas. Masuwerteng kulay-peach. Tips sa lotto-6-10-15-21-22-27.

VIRGO (Aug. 23-Sept. 22) - Lungkot ang dala ng makulimlim na panahon. Ito rin ang panahon ng pagsusuri sa nakaraan na kung may kailangang ayusin o itama ay dapat tanggapin at hindi dapat ikaila. Masuwerteng kulay-red. Tips sa lotto-9-11-17-18-29-36.

LIBRA (Sept. 23-Oct. 22) - Subok na sa buhay mo ang kasanayan na kung saan ka masaya, ru’n ka. Kung hindi na masaya, bakit mo dadayain ang iyong sarili? Ngayong alam mo na, muli kang maghanap ng saya at matatagpuan mo rin ang suwerte. Masuwerteng kulay-burgundy. Tips sa lotto-6-19-20-21-28-42.

SCORPIO (Oct. 23-Nov. 21) - Huwag mong pilitin ang iyong sarili sa alam mong mahihirapan ka lang. Mas magandang piliin mo ang masarap na buhay. Ito ang mensahe para sa iyo. Masuwerteng kulay-white. Tips sa lotto-5-14-26-31-36-40.

SAGITTARIUS (Nov. 22-Dec. 21) - Huwag magpatangay sa gusto ng iba. Dahil sila ang may gusto, mas mabuting hayaan mo sila. Hawak mo ang sarili mong kapalaran, bakit ka papayag na ikaw ay kanilang mahawakan Masuwerteng kulay-green. Tips sa lotto-4-18-19-21-28-31.

CAPRICORN (Dec. 22-Jan. 19) - Kaya ka nabibigo dahil mapagpilit ka. Ngayong alam mo na ang katotohanan, alam mo na rin ang gagawin. Maging desidido ka at dapat buo ang loob mo sa anumang gusto mong gawin. Masuwerteng kulay-yellow. Tips sa lotto-24-28-33-38-40-46.

AQUARIUS (Jan. 20-Feb. 18) - Ingatan mong mapalapit sa palagi mong nakakasama. Hindi dahil masama ang epekto niya sa iyo kundi siya ay hindi mo masisisi kapag minahal ka niya nang todo. Masuwerteng kulay-purple. Tips sa lotto-18-20-25-29-35-41.

PISCES (Feb. 19-Mar. 20) - Nakakahawa ang sigla at saya. Higit kailanman, sila ang kailangan mo sa iyong buhay. Kapag naging masaya at masigla ka, tuluy-tuloy nang dadaloy sa katauhan mo ang magagandang kapalaran. Masuwerteng kulay-pink. Tips sa lotto-2-17-21-27-32-36.

Horoscope | August 2, 2024 (Biyernes)

ni Maestro Honorio Ong @Horoscope | August 2, 2024

Sa may kaarawan ngayong Agosto 2, 2024 (Biyernes): Kakaiba ang kabutihang ipinakikita mo sa tao. Kaya kamangha-manghang mga suwerte rin ang ipagkakaloob sa iyo ng langit, higit lalo sa taong ito ng 2024. Ito ang mensahe ng araw ng iyong pagsilang.

ARIES (Mar. 21-Apr. 19) -  Huwag mong kalimutan ang mga nakatulong sa iyo, lalo na sa panahon ng iyong mga kagipitan. Yayaman ka at ang obligasyon mo ay balikan sila at iyong pasalamatan. Masuwerteng kulay-white. Tips sa lotto-4-11-15-20-31-39.

TAURUS (Apr. 20-May 20) - Tatalunin ka ng awa. Dati nang nangyari sa iyo ang ganito at ngayon muling mauulit. Walang ibang dapat sisihin kundi ang sarili mo sa maling awa na iyong ipinakita. Masuwerteng kulay-green. Tips sa lotto-6-12-18-20-21-34.

GEMINI (May 21-June 20) - Hindi masama ang maging mapagbigay, pero kung ang muling pagbibigyan ay alam mo namang wala sa lugar. Masuwerteng kulay-yellow. Tips sa lotto-7-18-23-28-34-41.

CANCER (June 21-July 22) - Hawak mo ang iyong kapalaran ngayon. Ito ay isang magandang oportunidad kung magagamit mo nang mabuti. Pero kung hindi naman ay kabaligtaran ang iyong sasapitin. Masuwerteng kulay-purple. Tips sa lotto-3-5-15-20-35-43.

LEO (July 23-Aug. 22) - Kinakapos dahil sa maling paggastos. Masaya ang buhay kapag nasa ayos ang lahat. Masuwerteng kulay-pink. Tips sa lotto-4-18-20-28-31-33.

VIRGO (Aug. 23-Sept. 22) - Babagal ang ikot ng iyong mundo dahil kailangan mong talunin ang mga negatibong pananaw. Ang mga ito mismo ang hadlang sa iyong buhay. Masuwerteng kulay-beige. Tips sa lotto-8-11-18-21-29-38.

LIBRA (Sept. 23-Oct. 22) - Huwag mong pansinin ang mga kontrabida sa buhay mo. Ang asikasuhin mo ay kung paano matutupad ang mga pangarap mo na noong musmos na bata ka ay pinangarap mo na. Masuwerteng kulay-blue. Tips sa lotto-9-17-20-21-29-33.     

SCORPIO (Oct. 23-Nov. 21) - Pakinggan mo ang sinasabi ng iyong isip. Isip ang nakakaalam kung ano ang tama at mali. Ang kailangan mo ngayon ay paraan kung paano maitutuwid ang mali sa buhay mo. Masuwerteng kulay-black. Tips sa lotto-2-11-18-20-27-35.

SAGITTARIUS (Nov. 22-Dec. 21) - Hindi mahalaga kung ‘di maabot ng tao ang tagumpay. Masuwerteng kulay-violet. Tips sa lotto-8-10-14-23-31-37.

CAPRICORN (Dec. 22-Jan. 19) - Hindi bigo ang patuloy na lumalaban. Ang kabiguan ay para lang sa mga sumusuko. Masuwerteng kulay-peach. Tips sa lotto-1-12-24-37-40-41.

AQUARIUS (Jan. 20-Feb. 18) - Huwag kang lumaban nang harapan. Ang pinakamaganda ay magkunwari kang mahina pero lihim kang kumilos para ang mga kaaway mo ay mabilis na magsibagsak. Masuwerteng kulay-red. Tips sa lotto-7-18-20-21-28-45.

PISCES (Feb. 19-Mar. 20) - Dito sa mundo, ang nauna ay ang unang natatalo. Masuwerteng kulay-brown. Tips sa lotto-3-14-16-27-30-33.