Bebot, ngayong taon matutupad ang mga pangarap

ni Maestro Honorio Ong @Kapalaran Ayon sa Inyong Numero | Pebrero 7, 2024

Dear Maestro,

Naisipan kong sumangguni sa inyo upang itanong kung ano’ng business ang bagay sa akin? Sa ngayon ay balak ko muling mag-apply sa fast food company. Hotel and Restaurant Management (BS HRM) ang kursong natapos ko at gusto ko itong magamit ngayon. 

Makakapasok kaya ako? Ask ko na rin sana kung makakapag-abroad din kaya ako?

Kung sakaling oo, kailan naman kaya ito mangyayari? 

Ang birthday ko ay July 15, 1999 habang November 6, 2000 naman ang birthday ng live-in partner ko. Maestro, siya na rin ba ang makakatuluyan at makakasama ko habambuhay?

Umaasa,

Katrine ng Dapdap, Mabalacat, Pampanga

Dear Katrine,

Ang zodiac sign mong Cancer at Scorpio naman ang live-in partner mo ay nagsasabing compatible kayo dahil ang Scorpio at Cancer ay nagtataglay ng elementong water o tubig.

Ganundin ang nais sabihin ng birth date mong 15 o 6 (ang 15 ay 1+5=6) at ang birth date niyang 3. Kung saan, ang 3 at 6 ay tugmang-tugma dahil kapwa itong pasok sa tinatawag na series of 3-6-9.

Sa tanong mo na magtatagal ba kayo ng live-in partner mo o magiging panghabambuhay ba ang inyong pagsasama? Positibo ang tugon, uusad nang uusad ang mga taon at mananatiling buo ang inyong relasyon.

Habang ayon sa zodiac sign mong Cancer na nagsasabing mapalad ka sa lahat ng produktong may kaugnayan sa tubig, at halaman.  

Samantala, ang birth date mo namang 15 o 6 ay nagsasabing mapalad ka rin sa mga kalakal na may kaugnayan sa pagkain, sa lahat ng kalakal na tinitimpla at malasa, ganundin sa lahat ng produktong pampaganda at pabango.

Hinggil naman sa balak mong magtrabaho sa fast food, positibo rin ang tugon, dahil ang nasabing mga kumpanya ay may kaugnayan sa pagkain, kaya sa nasabing propesyon o hanapbuhay may tsansa kang palarin at umunlad.

Habang ayon sa Decandens ng Kapalaran, anuman ang iyong planuhin, tiyak na ito ay magaganap at isa-isa nang matutupad sa taong kasalukuyan 2024 hanggang sa taong 2025 sa edad mong 24 pataas.

Mga animal sign na swak sa Snake

ni Maestro Honorio Ong @Forecast | Pebrero 7, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Snake o Ahas.Ang Snake o Ahas ay silang mga isinilang noong taong 1929, 1941, 1953, 1965, 1977, 1989, 2001, 2013 at 2025. 

Tunay ngang bihira lang sa mga Ahas ang bigo sa buhay, dahil bukod sa katalinuhan, taglay din nila ang will power. Sa katunayan, kapag may ginusto silang isang bagay, walang dahilan upang hindi nila ito makamit.

Anuman ang kanilang pagsumikapan, ito ay tiyak na kanilang makakamit, higit lalo kung ito ay may kaugnayan sa negosyo, salapi at pagkakaperahan. Kaya malaki rin ang tendency na sila ay yumaman.

Sa pakikipagrelasyon sinasabing tugma at bagay na bagay sa isang Ahas ang kasabihang, “Ang tahimik na ilog ay napakalalim.” Sa panlabas ay tunay ngang passionate, mapagmahal at sobrang malambing ang isang Ahas, ngunit sa kaibuturan ng kanilang puso, hindi mo alam at hindi mo rin mapapansin, tunay ngang madami pang reserbasyon sa kanilang isipan at damdamin na iniiwasan niyang i-express o sabihin ninuman.

At dahil nga mapagmahal ang mga Ahas, matagal nilang pinagpaplanuhan ang kanilang hakbang na gagawin. Dahil dito, sa panlabas na anyo ay akala ng iba na ang Ahas ay sobrang seryoso, malambing at mapagmahal, pero sa panlabas lang iyon. Dahil sa katunayan, madami silang inireserbang damdamin. Dagdag pa rito, dahil nga naipapakita ng Ahas ang kanilang pagiging malambing, mapag-aruga at mapagmahal, kitang-kita talaga na pinoprotektahan ng isang Ahas ang kanyang mga mahal sa buhay at mga taong malapit sa kanya.

Dahil tuso, matalino at mautak, sinasabi ring kayang-kaya pakisamahan at pakitunguhan ng Ahas ang lahat ng klase o uri ng mga tao, madali o mahirap man silang unawain. 

Kaya nga, kung sino pa ang mahirap intindihin, sila pa ang mas napapalapit sa puso ng isang Ahas, dahil nauunawaan ng Ahas ang pag-iinaarte ng mga taong mahirap unawain at kausapin.

Dagdag dito, dahil likas na matalino at may pagka-praktikal, isa ang Ahas sa mga kaibigan o kasama na maasahan mo na mag-a-advice sa iyo sa tamang pamamaraan.

Kung anuman ang ipayo nila sa iyo, sundin mo dahil tiyak na aayusin nila ang iyong buhay.  

Kung halimbawa naman ikaw ay naging asawa, boyfriend, girlfriend ng isang Ahas, tunay ngang sundin mo lang nang sundin ang pinapayo at pinapagawa nila sa iyo dahil tiyak na magtatagumpay ka. Pero, tandaan mo lang na dahil nga may pagkatuso, praktikal at matalino ang isang Ahas, ayaw na ayaw nilang pinangungunahan, sa puntong ito maaaring magkagalit kayo at hindi na magkasundo.

Paano ka naman mapapalapit sa Ahas o Snake? Simple lang, ang gusto lang naman ng mga Ahas ay purihin nang purihin ang kanilang pisikal na kaanyuan at mga ginagawa.

Sa ganitong paraan, hindi nila mahahalata ang iyong pambobola, mas madali mo pa silang maaakit at mapapaamo.

Katugma at ka-compatible naman ng Snake ang isa pang tuso, praktikal at matalinong hayop na Tandang. Lalo na pagdating sa pagpaplano, at pagpapayaman. Kamukha at katulad na katulad ding mag-isip at magplano hinggil sa kabuhayan ng Ahas ang Ox o Baka, kaya kapag sila ang nagsama at nagkatuluyan tiyak na sila ay mas madaling uunlad at yayaman.

Bukod sa Tandang at Baka, tugma rin ng Ahas sa matapang na Dragon, mapag-arugang Rabbit, at madaling mauto na Kambing.

Manatiling nakasubaybay sa Forecast 2024 na eksklusibo n’yo lang mababasa sa pahayagang Bulgar upang madami pa kayong matutunan at matuklasan, tungkol sa inyong magiging kapalaran, sa taong ito ng 2024. Tatalakayin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024. 

Itutuloy…

Horoscope | February 7, 2024 (Miyerkules)

ni Maestro Honorio Ong @Horoscope | Pebrero 7, 2024

Sa may kaarawan ngayong Pebrero 7, 2024 (Miyerkules): Maglakbay ka sa malayong lugar dahil doon mananariwa ang iyong mga suwerte.

ARIES (Mar. 21-Apr. 19) - Gamitin mo ang iyong mayamang imahinasyon upang mapaunlad mo ang iyong buhay. Iwasan mong gamitin ito sa mga negatibo. Ito ang mensahe para sa iyo. Masuwerteng kulay-black. Tips sa lotto-9-12-18-21-27-33. 

TAURUS (Apr. 20-May 20) - Hindi ngayon ang panahon ng pagpili. Ang araw na ito ay para sa mga oportunidad na naunang dumating. Masuwerteng kulay-violet. Tips sa lotto-6-15-24-36-40-45. 

GEMINI (May 21-June 20) - Magdagdag ka ng kaalaman sa gusto mong pasuking negosyo.

Mas maganda ang mas madaming alam. Masuwerteng kulay-peach. Tips sa lotto-5-14-17-23-29-33. 

CANCER (June 21-July 22) - Nagbababala ang araw ngayon na maaari mong madaya ang iyong sarili. Ang katigasan ng iyong ulo ang magdudulot sa iyo ng kabiguan. Masuwerteng kulay-red. Tips sa lotto-1-11-18-20-25-35.

LEO (July 23-Aug. 22) - Harapin mo ang mga suliranin. Kapag hindi mo tinalikuran ang mga problema, masosolusyunan mo rin ito agad. Ito ang mensahe para sa iyo. Masuwerteng kulay-orange. Tips sa lotto-4-10-19-28-34-37.

VIRGO (Aug. 23-Sept. 22) - Yakapin mo ang mga makalumang turo ng mga matatanda. Sa ganitong paraan, hindi ka maliligaw at makakaiwas ka pa sa mga taong may masamang pagnanasa sa iyo. Masuwerteng kulay-white. Tips sa lotto-13-18-23-29-32-41.

LIBRA (Sept. 23-Oct. 22) - Kung ano ang itinanim, iyon ang dapat ang anihin. Kapag nagtanim ka ng kabutihan, aani ka ng magagandang kapalaran. Iwasan mong magtanim ng galit at sama ng loob sa iyong kapwa. Masuwerteng kulay-green. Tips sa lotto-3-12-24-35-40-44.

SCORPIO (Oct. 23-Nov. 21) - Kung ano ang iniutos, iyon dapat ang masunod. Huwag mo ng pahabain ang mga paliwanag kung sakaling hindi mo ito masusunod. Masuwerteng kulay-yellow. Tips sa lotto-4-15-19-26-39-43.

SAGITTARIUS (Nov. 22-Dec. 21) - Lagyan mo ng dekorasyon ang mga salita mo. Ito ang pinakamabisang solusyon para mapalapit sa iyo ang iyong kapwa. Masuwerteng kulay-purple. Tips sa lotto-9-18-21-25-33-39.

CAPRICORN (Dec. 22-Jan. 19) - Huwag mong hanapin ang mga taong nagtatago. Masuwerteng kulay-pink. Tips sa lotto-2-17-23-25-34-40.

AQUARIUS (Jan. 20-Feb. 18) - Mag-ingat ka! Madali kang mapapaniwala ngayon. Masuwerteng kulay-beige. Tips sa lotto-3-13-19-22-28-34.

PISCES (Feb. 19-Mar. 20) - Magbigay ka para makatanggap ka. Ito ang batas na dapat mong sundin ngayon. Masuwerteng kulay-blue. Tips sa lotto-7-11-20-29-34-39.