Proud to be gay, sa susunod na taon matatagpuan ang ka-match

ni Maestro Honorio Ong @Kapalaran Ayon sa Inyong Numero | Pebrero 9, 2024

Dear Maestro,

May kaugnayan sa aking kasarian ang aking problema. Ako ay isang gay at hindi pa ako nagkakaroon ng nobyo, pero marami akong crush. 

Noong una, hindi tanggap ng mga magulang ko ang aking sitwasyon, pero nang nag-college at nagladlad ako, wala na silang nagawa. Sa halip, napuri pa nila ako dahil ‘yung iba kong kapatid na lalaki ay hindi nakatapos ng kolehiyo, samantalang ako ay nakapagtapos at may magandang trabaho na ngayon.

Tulad ng nasabi ko, hindi career ang problema ko kundi love life dahil talagang zero ang love life ko hanggang ngayon. 

Maestro, kahit ba ganito ako, magkaka-dyowa pa rin kaya ako at kailan ito matutupad? Minsan kapag ako’y nag-iisa, hindi ko maiwasan ang maiyak at tanungin ang aking sarili kung bakit ako nagkaganito. April 25, 1998 ang birthday ko.

Umaasa,

Ekis ng San Jose, Dasmarinas, Cavite

Dear Ekis,

Sa isang pag-aaral na isinagawa tungkol sa Animal Journal, kinumpirma ng mga ebidensya ang ganitong katotohanan, “The Bonobo displays the highest rate of homosexual activity in any animal, being a fully bisexual species.” Ang Bonobo ay isang uri ng unggoy na kung tawagin ay Pygmy Chimpanzee o maliit o duwedeng uri ng chimpanzee at tulad ng nasabi na, may pagka-bakla o homosexual.

Habang ang sea urchin, snails, earthworms atbp. ay sinasabing mga uri ng hayop na hermaphroditic o hermaphrodite, na may kategoryang truly bisexual.

Pero mas hahanga ka sa mga dolphin sa Amazon River, kung saan napaka-immoral ng kanilang sexual life. 

Ayon sa sinipi nating pag-aaral, sinasabing: "The Amazon River Dolphin has been reported to form up in bands of 3-5 individuals enjoying group sex. The group usually compromises young males and sometimes one or two females. Sex is performed in non-reproductive ways, using snout, flippers and general rubbing, without regards to gender. They will sometimes perform homosexual penetration of the blowhole, the only known example of nasal sex. The males will sometimes also perform sex with another male dolphin.”

Kumbaga, bukod sa bisexual ang mga dolphin sa Amazon River, gumagawa rin sila ng sari-saring sexual activities na sadyang napakahirap arukin o unawain ang dahilan.

Samantala, halos lahat ng bulaklaking halaman ay tinatawag ding bisexual, sapagkat may kakayahan silang “i-fertile” o “buntisin” ang kanilang sarili upang magpatuloy ang kanilang pagdami at pagpapalahi. 

Kaya sa susunod, ‘wag mo nang itanong kung bakit ka naging bading, sapagkat maaaring may sadya talagang nilikhang ganyan at maaari ring may espesyal kayong assignment sa mundo kung bakit patuloy pa ring naglalakad sa ibabaw ng mundo ang mga kasapi ng LGBTQ+ community.

Samantala ayon sa iyong Love Calendar, sa taong 2024, tiyak ang magaganap, magkaka-dyowa ka na at magkakaroon kayo ng sexual relations. Ang unang magiging dyowa mo ay isang Virgo, pero hindi rin kayo magkakatuluyan o sabihin na nating, masarap pero panandaliang romansa lamang. Pagkatapos nito, bigyang-daan naman ang taong 2025, kung saan dito ka na magkakaroon ng pangmatagalang relasyon na hatid ng kapwa mo may kakaibang kasarian na isinilang sa zodiac sign na Capricorn. 

Horse, anuman ang hawakan tiyak na magiging ginto

ni Maestro Honorio Ong @Forecast | Pebrero 9, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Horse o Kabayo.

Ang Horse o Kabayo ay silang mga isinilang noong taong 1930, 1942, 1954, 1966, 1978, 1990, 2002, 2014 at 2026. 

Sinasabing ang animal sign na Horse o Kabayo ay isang Gemini sa Western Astrology na nagtataglay ng ruling planet na Mercury.

Pinaniniwalaang ang mga Kabayo ay mas papalarin mula alas-11 ng umaga hanggang ala-1:00 ng tanghali. Ang mapalad namang direksyon ng Kabayo ay ang south o timog.

Sinasabing ang mga Kabayo na isinilang sa panahon ng tagsibol at tag-araw ay higit na mabilis, malakas, may magandang pangangatawan at kapalaran kung ikukumpara sa kapatid niyang isinilang sa panahon ng winter o tag-ulan.

Sa madaling salita, sinasabing isa rin sa malapad na animal sign ngayong taon ay ang Kabayo, mabilis na lalago ang kanilang pangkabuhayan, career at siyempre lahat ng may kaugnayan sa materyal na bagay ay madodoble rin, higit lalo sa kalagitnaan ng taong 2024.

Kaya naman sa taong ito ng Wood Dragon, anuman ang i-invest at hawakan ng Kabayo ay tiyak na magiging ginto. Ibig sabihin, kikita ang mga kabayo ng malaking halaga, anuman ang kanilang makursunadahang gawin.

Samantala, hindi lang sa propesyon, career at materyal na bagay susuwertehin ang Kabayo, dahil maging sa pakikipagrelasyon ay tiyak din na makararanas sila ng sobrang saya at sarap na romansa.

Manatiling nakasubaybay sa Forecast 2024 na eksklusibo n’yo lang mababasa sa pahayagang Bulgar upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024

Itutuloy…

Horoscope | February 9, 2024 (Biyernes)

ni Maestro Honorio Ong @Horoscope | Pebrero 9, 2024

Sa may kaarawan ngayong Pebrero 9, 2024 (Biyernes): Tiyak na yayaman ka ngayon. Mahalin mo ang mga taong nakatulong sa iyo habang tinutupad mo ang iyong pangarap.

ARIES (Mar. 21-Apr. 19) - Suwerte ka ngayon. Alam mo kung sino naman ang mamalasin? Sino pa nga ba, kundi ang mga taong mapagpanggap. Masuwerteng kulay-burgundy. Tips sa lotto-5-19-22-28-31-45.

TAURUS (Apr. 20-May 20) - Lakas ng loob ang iyong kailangan upang maisakatuparan mo na ang iyong pinakamimithing tagumpay. Masuwerteng kulay-white. Tips sa lotto-6-14-24-29-31-37.

GEMINI (May 21-June 20) - Lumayo ka sa mga taong negatibo, gayundin sa mga taong alam mong magpapabagal lang sa iyong pag-asenso. Hangga't maaari, 'wag ka na rin munang lumapit sa mga taong duwag. Masuwerteng kulay-green. Tips sa lotto-2-12-20-34-37-44.

CANCER (June 21-July 22) - Kung ano ang ayaw mo, iyon ang mapapasaiyo. Sa huli, mauunawaan mo na ang tao pala ay walang  kakayahang kontrahin ang kanilang kapalaran. Masuwerteng kulay-yellow. Tips sa lotto-8-19-28-35-39-40.

LEO (July 23-Aug. 22) - Masyadong malakas ang lumalabas na puwersa sa iyo ngayon. Agad kang magagalit sa mga taong nahihina. Samantala, ang mga suwerte mo naman ay mas lalong lalakas. Masuwerteng kulay-purple. Tips sa lotto-1-4-10-19-22-28.

VIRGO (Aug. 23-Sept. 22) - Hindi ka mahihirapan sa mga gusto mong gawin ngayon, lalo na kung hindi mo makakatabi ang mga taong pakialamera. Masuwerteng kulay-pink. Tips sa lotto-5-17-23-29-34-41.

LIBRA (Sept. 23-Oct. 22) - Kumapit ka sa mga makalumang ginintuang aral. Sa ganitong paraan, lalayuan ka ng mga taong may hindi magandang motibo sa iyo. Masuwerteng kulay-beige. Tips sa lotto-6-16-19-21-26-37.

SCORPIO (Oct. 23-Nov. 21) - Kung ano ang iyong nasabi, huwag mo na itong baguhin pa. Masuwerteng kulay-blue. Tips sa lotto-4-15-19-23-28-34.

SAGITTARIUS (Nov. 22-Dec. 21) - Nakatutuwa ang mga darating sa iyo ngayon. Ito ang mensahe ng iyong kapalaran. Masuwerteng kulay-black. Tips sa lotto-3-9-17-28-30-44.

CAPRICORN (Dec. 22-Jan. 19) - Dagdag tapang ang iyong kailangan, hindi sa pakikipag-away kundi para sa negosyo. Masuwerteng kulay-violet. Tips sa lotto-8-11-19-23-29-31.

AQUARIUS (Jan. 20-Feb. 18) - Pakiramdaman mo ang iyong bilis dahil baka sumosobra ka na. Tandaan mo, lahat ng sobra ay nakasasama. Masuwerteng kulay-peach. Tips sa lotto-1-10-18-28-38-40.

PISCES (Feb. 19-Mar. 20) - Huwag kang matakot ngayon, dahil nand'yan ang langit para bantayan ka. Ang dapat na matakot ay ang mga taong walang ibang ginawa kundi ang mag-imbento ng mga istorya. Masuwerteng kulay-red. Tips sa lotto-2-7-16-25-29-34.