Horoscope | Pebrero 11, 2024 (Linggo)

ni Maestro Honorio Ong @Horoscope | Pebrero 11, 2024

Sa may kaarawan ngayong Pebrero 11, 2024 (Linggo): Makulay ang iyong buhay, kaya tiyak na magiging makulay din ang iyong tagumpay. 

ARIES (Mar. 21-Apr. 19) - Maglaan ka ng lakas para sa ibang araw dahil paparating na ang iyong mga suwerte. Masuwerteng kulay-beige. Tips sa lotto-5-14-18-27-33-40. 

TAURUS (Apr. 20-May 20) - Lumaban ka dahil ang mga taong hindi lumalaban ay napapabilang sa mga talunan. Huwag kang susuko para manatili ka sa mga listahan na puwedeng manalo sa laban. Masuwerteng kulay-blue. Tips sa lotto-7-10-14-18-21-29. 

GEMINI (May 21-June 20) - Nagiging dalawa ang isa at ang dalawa ay puwedeng maging apat. Ayon sa kapalaran mo, ang biyaya ay mapapasaiyo. Masuwerteng kulay-black. Tips sa lotto-2-13-19-22-33-40.

CANCER (June 21-July 22) -  Patuloy na hinahawakan ng langit ang landas ng buhay mo ngayon. Ito ay para hindi ka gaanong mahirapan. Masuwerteng kulay-violet.Tips sa lotto-4-17-20-25-34-42.

LEO (July 23-Aug. 22) - Humihina ang iyong sigla, pero huwag kang mag-alala dahil babalik pa rin naman ang iyong lakas. Masuwerteng kulay-peach. Tips sa lotto-7-11-15-31-40-45.

VIRGO (Aug. 23-Sept. 22) - Gagabayan ka ng mga aral sa buhay na iyong matututunan. Ang kabiguan ay hindi mo matitikman at ang iyong malalasahan ay ang matamis na tagumpay sa buhay. Masuwerteng kulay-red. Tips sa lotto-2-19-28-32-35-42.

LIBRA (Sept. 23-Oct. 22) - Huwag kang tumulad sa mga taong palaasa. Masuwerteng kulay-lilac. Tips sa lotto-5-17-21-25-29-42.

SCORPIO (Oct. 23-Nov. 21) - Maluwag ang  landas ng buhay na iyong nilalakaran, puwede mong isama sa tagumpay ang iyong pinakamamahal. Sa ganitong paraan ang kaligayahan sa iyong puso ay mag-umapaw. Masuwerteng kulay-white. Tips sa lotto-4-11-18-26-35-40.

SAGITTARIUS (Nov. 22-Dec. 21) - Maraming pintuan ng tagumpay. Para sa iyo kahit ano ang iyong piliin, ginagarantiyahan ka pa rin na makuha mo ang iyong mga pinapangarap sa buhay. Masuwerteng kulay-green. Tips sa lotto-3-15-19-22-27-33.

CAPRICORN (Dec. 22-Jan. 19) - Hindi naman nawawala ang mga bituin sa langit, natatakpan lang ito ng mga ulap pero ang mga ulap ay hindi rin naman nagtatagal kaya sa susunod pang mga araw, papaganda nang papaganda ang iyong buhay. Masuwerteng kulay-yellow. Tips sa lotto-2-13-16-20-25-32.

AQUARIUS (Jan. 20-Feb. 18) - Dedepensahan ka ng iyong kapalaran. Ang magagandang bagay ay ibabalot sa iyo at ang mga masasamang elemento na nagkalat ay hindi mananaig sa iyo sa ngayon, dahil ikaw ang mas mananaig sa kanila. Masuwerteng kulay-purple. Tips sa lotto-7-18-29-33-41-45.

PISCES (Feb. 19-Mar. 20) - Huwag kang manamlay! Labanan mo ang kalungkutan. Kailangan mo maging masigla at malakas dahil ang mga suwerteng paparating sa iyo ay mabibigat at napakarami. Masuwerteng kulay-pink.Tips sa lotto-3-12-17-28-33-39.

Kabayo, pinakamatalino at pinakamabilis sa 12 animal signs

ni Maestro Honorio Ong @Forecast | Pebrero 10, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Horse o Kabayo.

Ang Horse o Kabayo ay silang mga isinilang noong taong 1930, 1942, 1954, 1966, 1978, 1990, 2002, 2014 at 2026.

Pinaniniwalaan na may magandang kapalaran na naghihintay para sa mga Kabayo, lalo na kung sila ay nasa middle age na. Kung saan, ganap at nasa rurok na sila ng kanilang mga karanasan.

Ang pangunahing katangian ng isang Kabayo ay ang pagiging masayahin, energetic, hindi mapakali, hindi napapagod at napakahirap tanggihan.

Higit nilang pinapahalagahan ang pagiging malaya at ayaw na ayaw nilang nakakulong sa bahay. Sinasabing sa 12 animal signs, ang Kabayo o Horse ang isa sa pinakamahilig sa adventure at pakikipagsapalaran, dahil doon mismo sila lumiligaya.

Kung career naman ang pag-uusapan, ‘wag na ‘wag n’yong ikukulong ang isang Kabayo sa kuwarto, tulad ng mga gawain o propesyon na maghapong nakatutok sa computer.

Kung ganito ang mangyayari, tunay ngang hindi sila liligaya, maliban na lamang kung every weekend ay gagala o gi-gimmick sila kasama ang kanilang mga kaibigan.

Bukod sa pagiging malaya, sinasabi rin na ang Horse o Kabayo ay isa sa 12 animal sign na may mabilis at matalinong pag-iisip. Kung halimbawang may problema o iniisip na proyekto ang isang team, mabilis na nakakapag-isip ang mga Kabayo sa kung ano ang dapat gawin at solusyon.

Sa totoo lang dahil sa katalinuhan ng isang Kabayo, hindi lang solusyon ang agad nilang naiisip, bagkus kadalasan pa nga ay alam na alam nila ang kauuwian ng pangyayari.

Kung saan, kadalasan lagi pang tama at tumpak ang kanilang haka-haka.

Kaya naman ang Kabayo ay sinasabing higit na nagiging maligaya at tagumpay sa isang propesyon na ginagamitan ng isip at malalim na pag-aanalisa, tulad ng paglalaro ng chess o kaya naman madestino sila sa isang digmaan at sila ang pangunahing heneral na taga-isip ng kung ano ang dapat gawin.

Sa ganu’ng gawain, komplikado ang iniisip pero exciting ang nagiging resulta, gustung-gusto ito ng isang Kabayo at sa ganu’n ngang gawain, tunay ngang nagtatagumpay at nagiging maligaya sila.

Manatiling nakasubaybay sa Forecast 2024 na eksklusibo n’yo lang mababasa sa pahayagang Bulgar upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024

Itutuloy…

Horoscope | February 10, 2024 (Sabado)

ni Maestro Honorio Ong @Horoscope | Pebrero 10, 2024

Sa may kaarawan ngayong Pebrero 10, 2024 (Sabado): Hindi ka dapat talunin ng katamaran. Magpursigi ka sa buhay dahil ito ang pinakatamang gawin.

ARIES (Mar. 21-Apr. 19) - Magbigay ka para makatanggap ka.  Haluan mo rin ito ng kasiyahan. Ito ang mensahe para sa iyo. Masuwerteng kulay-beige. Tips sa lotto-9-18-22-28-33-39. 

TAURUS (Apr. 20-May 20) - Muli, hindi ka dapat maging emosyonal. Isip ang paganahin mo at mas maganda kung ang pananaw mo sa buhay ay praktikal. Masuwerteng kulay-blue.Tips sa lotto-6-17-19-21-27-36. 

GEMINI (May 21-June 20) - Huwag mong piliting makisabay sa mga taong mabagal mag-isip. Masuwerteng kulay-black. Tips sa lotto-5-14-18-23-28-34.

CANCER (June 21-July 22) - Bigyang saya mo ang iyong sarili para makita mo ang mga regalo sa iyo ng langit. Masuwerteng kulay-violet. Tips sa lotto-2-7-16-20-29-35.

LEO (July 23-Aug. 22) - Iyung-iyo ang araw na ito at ang mga araw pang darating. Walang magagawa ang mga kaaway mo. Masuwerteng kulay-peach. Tips sa lotto-1-4-8-19-28-31.

VIRGO (Aug. 23-Sept. 22) - Balewalain mo ang pagiging mahina mo, dahil ito ay nasa isip mo lang naman. Kumilos ka ayon sa gusto mo para makita ng lahat na ‘di ka nabigo. Masuwerteng kulay-red. Tips sa lotto-10-19-21-28-33-39.

LIBRA (Sept. 23-Oct. 22) - Mag-ingat ka. Hindi lahat ng nakangiti ay malinis ang hangarin sa iyo. Hindi rin lahat ng gumagawa sa iyo ng kabutihan ay may mabuting motibo. Masuwerteng kulay-lilac. Tips sa lotto-7-13-19-23-29-36.

SCORPIO (Oct. 23-Nov. 21) - Kung saan ka hindi nahihirapan iyon ang piliin mo. Kung saan ka maluluwagan iyon ang pasukin mo. Hindi ngayon ang panahon para pahirapan pa ang iyong sarili. Masuwerteng kulay-white. Tips sa lotto-7-18-22-27-34-40.

SAGITTARIUS (Nov. 22-Dec. 21) - Dobleng suwerte ang makukuha mo ngayon. Ang ibang suwerte na hindi mo kailangan ay mas magandang ibahagi sa iba. ‘Pag ito ang ginawa mo, mas madami pang suwerte ang magdaratingan sa iyo. Masuwerteng kulay-green. Tips sa lotto-9-12-15-24-33-45.

CAPRICORN (Dec. 22-Jan. 19) - Ipagkakaloob sa iyo ng langit ang iyong kahilingan na noon ay hindi mo nakuha. Masuwerteng kulay-yellow. Tips sa lotto-8-18-25-29-31-44.

AQUARIUS (Jan. 20-Feb. 18) - Magbabalik ang mga taong lumayo sa iyo. Pag-isipan mong mabuti kung sila ba ay kailangan mo pa. Masuwerteng kulay-purple. Tips sa lotto-4-13-16-22-25-35.

PISCES (Feb. 19-Mar. 20) - Huwag mong awatin ang mga taong matitigas ang ulo. Bagkus, hayaan mo silang madala sa kanilang mga pagkakamali. Masuwerteng kulay-pink. Tips sa lotto-2-11-19-20-29-34.