Horoscope | August 6, 2024 (Martes)

ni Maestro Honorio Ong @Horoscope | August 6, 2024

Sa may kaarawan ngayong Agosto 6, 2024 (Martes): Hindi magsasawa ang iyong kapalaran na ayusin ang iyong buhay kahit na sa totoo lang, ikaw mismo ang nagkakamali at nagpapagulo nito.

ARIES (Mar. 21-Apr. 19) - Tumingin ka sa maganda para gumanda rin ang iyong  isipan. Ang mga tao ay madalas na pinapayuhang pumunta sa payapang lugar nang magkaroon ng mapayapang kalooban. Masuwerteng kulay-green. Tips sa lotto-3-12-19-24-39-44.

TAURUS (Apr. 20-May 20) - Huwag kang humatol para hindi ka rin husgahan. Hindi ito pakikinggan ng ilang nasa paligid kaya tatanggap sila ng kaparusahan sa kanilang paglabag sa nasabing banal na utos. Masuwerteng kulay-yellow. Tips sa lotto-4-10-21-25-38-42.

GEMINI (May 21-June 20) - Nagbababala ang kapalaran mo na mabibihag ka ng masarap na kausap. Ang hindi mo alam, ikaw ang masarap makakuwentuhan na dapat ay siya o sila ang iyong mabihag. Masuwerteng kulay-purple. Tips sa lotto-17-21-25-38-40-46.

CANCER (June 21-July 22) - Dagdag na pahinga ang iyong kailangan. Bawasan mo ang mga aktibidad na nakakasira ng kalusugan. Sa pamamahinga, hindi katawan ang gumaganda dahil nananariwa rin ang kaisipan. Masuwerteng kulay-pink. Tips sa lotto-19-22-24-33-36-45.

LEO (July 23-Aug. 22) - Huwag mong dayain ang iyong sarili. Kung ano ang nadarama mo, ‘yun na ‘yun. Ang sinasabi ng isip, kadalasan ay sagabal sa kasiyahan. Ito ang mensahe ng iyong kapalaran. Masuwerteng kulay-beige. Tips sa lotto-18-24-25-33-36-41.

VIRGO (Aug. 23-Sept. 22) - Magbigay ka nang maluwag sa puso. Ito ang sikreto ng masayang buhay. Magmahal ka nang maluwag sa puso at hindi ‘yung napipilitan ka lang. Masuwerteng kulay-blue. Tips sa lotto-6-10-15-23-38-40.

LIBRA (Sept. 23-Oct. 22) - Iyung-iyo ang araw na ito. Ingatan mong maabuso ang magandang regalong ito ng langit. Isabuhay mo ang sinasabing kung ano lang ang iyong kailangan, ‘yun lang ang iyong ipagdasal. Masuwerteng kulay-black. Tips sa lotto-7-13-14-20-31-35.

SCORPIO (Oct. 23-Nov. 21) - Huwag kang magsuot ng kupas at matamlay na kulay. Kung ano ang larawan ng katawan, ‘yun din ang magiging pakiramdam. Masuwerteng kulay-violet. Tips sa lotto-2-15-17-26-34-45.

SAGITTARIUS (Nov. 22-Dec. 21) - Hindi man kagandahang payo, kailangan mong malaman na kapag hindi mo pinagdamutan ang iyong sarili sa masasarap na bagay, mabilis na gaganda ang iyong kapalaran. Masuwerteng kulay-peach. Tips sa lotto-5-19-20-24-39-41.

CAPRICORN (Dec. 22-Jan. 19) - Kahit wala kang gawin at kahit nasaan ka, gaganda ang iyong buhay dahil noon pa man, itinakda na ng langit na ngayon magdaratingan ang iyong mga suwerte. Masuwerteng kulay-red. Tips sa lotto-18-21-24-27-34-42.

AQUARIUS (Jan. 20-Feb. 18) - Lumayo ka sa alam mong pangit ang mga nangyayari sa kanilang buhay. Dahil maaaring malipat sa iyo ang hindi magagandang kapalaran na kanilang pinagdurusahan. Masuwerteng kulay-brown. Tips sa lotto-16-22-26-30-33-36.

PISCES (Feb. 19-Mar. 20) - Huwag kang lumayo sa may gusto sa iyo. Hindi naman masama ang pakitaan sila ng maganda. Masuwerteng kulay-white. Tips sa lotto-7-21-24-30-34-38. 

Horoscope | August 5, 2024 (Lunes)

ni Maestro Honorio Ong @Horoscope | August 5, 2024

Sa may kaarawan ngayong Agosto 5, 2024 (Lunes): Bilis ng pasya at kilos ang magdadala sa iyo sa napakaraming suwerte. Ang pag-aalinlangan ay walang magandang maidudulot sa iyo.

ARIES (Mar. 21-Apr. 19) - Tutukan mo ang iyong negosyo para malayo ang iyong marating. Maiiwanan mo nang milya-milya ang iyong mga kakumpitensiya at karibal. Ito ang mensahe ng iyong kapalaran ngayon. Masuwerteng kulay-black. Tips sa lotto-3-9-18-21-27-36.

TAURUS (Apr. 20-May 20) - Sasaya ka. Hahanapin mo ang lungkot, pero hindi mo ito madarama ngayon. Ang kagustuhan ng langit ay maging masaya ka para magdatingan ang mga suwerte sa buhay mo. Masuwerteng kulay-violet. Tips sa lotto–5-15-23-30-41-45.

GEMINI (May 21-June 20) - Umiwas ka sa mga taong negatibo na ayaw makipagsapalaran sa buhay. Baka mahawa at maduwag ka pa na labanan ang mga hamon ng iyong kapalaran. Masuwerteng kulay-peach. Tips sa lotto-9-17-26-29-34-44.

CANCER (June 21-July 22) - Hawakan mo ang iyong mga luha. Ibig sabihin, hindi ngayon ang panahon para maging mahina ka. Kung ano ang inihagis sa iyo, ibalik mo sa naghagis. Ito ang mensahe para sa iyo. Masuwerteng kulay-red. Tips sa lotto–7-11-16-22-27-41.

LEO (July 23-Aug. 22) - Tama lang na maging mabilis ka. Ang mahalaga ay bukas ang isipan mo habang kumikilos. Masuwerteng kulay-orange. Tips sa lotto-2-14-25-36-39-45.

VIRGO (Aug. 23-Sept. 22) - Ngayon ang magandang panahon para simulan ang iniisip mong munting pagkakakitaan, pero sa maniwala ka o hindi, ito ay lalago tulad ng malaking punong-kahoy. Masuwerteng kulay-white. Tips sa lotto–5-14-22-28-37-43.

LIBRA (Sept. 23-Oct. 22) - Kunin mo ang para sa iyo. Kunin mo rin ang inayawan ng iba. Sa ganitong paraan, magugulat ang lahat dahil ikaw ang magiging pinakamayaman. Masuwerteng kulay-green. Tips sa lotto-6-18-21-26-33-39.

SCORPIO (Oct. 23-Nov. 21) - Malungkot ang buhay. Ito ang tunay na dahilan kung bakit may malulungkot. Piliin mo ang saya at ligaya dahil sa ganitong paraan nabubuhay ang tao sa mundo. Masuwerteng kulay-yellow. Tips sa lotto-7-17-22-26-31-40.

SAGITTARIUS (Nov. 22-Dec. 21) - Aagos ang ilog ng iyong kapalaran na ang dala-dala ay kayamanan. Minsan, malakas ang agos at minsan ay marahan. Masuwerteng kulay-purple. Tips sa lotto-3-12-18-27-33-42.

CAPRICORN (Dec. 22-Jan. 19) - Makisali ka sa masasayang aktibidad kahit pagod ka na. Ito ang kondisyon ng langit bago ihulog sa iyo ang malalaking suwerte na ikaw ay nakikiisa sa mga pagsasaya. Masuwerteng kulay-pink. Tips sa lotto–8-17-26-31-35-44.

AQUARIUS (Jan. 20-Feb. 18) - Ingatan mo ang iyong sarili habang nagsasaya. Talas ng isipan at pakiramdam ang iyong panangga. Masuwerteng kulay-beige. Tips sa lotto-4-13-22-28-35-45.

PISCES (Feb. 19-Mar. 20) - Paramihin mo kung ano ang nasa iyo. Ito ang tunay na susi ng mga taong nagtagumpay. Masuwerteng kulay-blue. Tips sa lotto-2-16-20-27-33-40.

Horoscope | August 4, 2024 (Linggo)

ni Maestro Honorio Ong @Horoscope | August 4, 2024

Sa may kaarawan ngayong Agosto 4, 2024 (Linggo): Ituloy mo lang at huwag kang mag-alinlangan sa iyong pagsisikap.

ARIES (Mar. 21-Apr. 19) - Magtatangka ang ilang kontrabida sa buhay mo na hadlangan ka sa papasulong mong buhay. Masuwerteng kulay-violet. Tips sa lotto-9-10-11-20-35-45.

TAURUS (Apr. 20-May 20) - Kumilos ka nang kumilos dahil kapag hindi ka naging abala sa pagkilos, maniwala ka man o hindi, mawawalan ka ng tiwala sa kakayahan mo. Masuwerteng kulay-peach. Tips sa lotto-15-17-26-28-30-32.

GEMINI (May 21-June 20) - Lumayo ka sa malungkot dahil baka mahawa ka. Tulad ng isang sakit, ang kalungkutan ay nakakahawa rin. Kapag malungkot ang tao, nawawalan siya ng gana na magsikap sa buhay. Masuwerteng kulay-red. Tips sa lotto-7-18-27-31-36-43. 

CANCER (June 21-July 22) - Sundan mo ang yapak ng mga nagtagumpay. Ito ang simpleng susi ng buhay na maunlad. Masuwerteng kulay-brown. Tips sa lotto-16-19-29-30-31-37.

LEO (July 23-Aug. 22) - Bilang pagtatapat sa iyo, tunay na may kahirapan ang pagtahak mo sa landas ng tagumpay, pero ito ay pansamantala lang, ngunit tinitiyak din ng iyong kapalaran na ito ay iyong malalampasan. Masuwerteng kulay-white. Tips sa lotto-11-16-20-23-31-36.

VIRGO (Aug. 23-Sept. 22) - Kikilos ang mga inggit sa iyo upang pabagsakin ka, pero hindi sila mananaig. Ito ang nakakatuwa sa iyo dahil sa dami ng iyong kahinaan, ikaw pa rin ang mananalo. Masuwerteng kulay-green. Tips sa lotto-12-23-30-38-40-41.

LIBRA (Sept. 23-Oct. 22) - Huwag mong bigyang-pansin ang iyong mga naririnig na usapan sa iyong paligid. Maganda man o pangit ang mga ito, ‘wag mong pakialaman. Sa halip, ituloy mo ang iyong sariling diskarte sa buhay. Masuwerteng kulay-yellow. Tips sa lotto-8-10-15-17-20-21.

SCORPIO (Oct. 23-Nov. 21) - Maluwag ang landas ng buhay na iyong tinatahak na aakalain mong maraming sagabal, pero ang mga ito ay nasa isip mo lang naman. Ito ang mensahe ng iyong kapalaran. Masuwerteng kulay-purple. Tips sa lotto-12-27-29-30-32-37.

SAGITTARIUS (Nov. 22-Dec. 21) - Para sa iyo ang araw na ito, gayundin ang mga araw na darating. Pagbutihin at ibigay mo ang lahat ng iyong makakaya. Masuwerteng kulay-pink. Tips sa lotto-9-12-20-21-40-44.

CAPRICORN (Dec. 22-Jan. 19) - Huwag mong dayain ang iyong sarili. Gawin mong batayan kung ano ang nakikita mo dahil ‘yun ang katotohanan at ang kasinungalingan ay nakatago sa mga kuwentong naririnig mo. Masuwerteng kulay-beige. Tips sa lotto-16-20-21-29-33-35.

AQUARIUS (Jan. 20-Feb. 18) - Huwag kang mabahala kapag ang mga kaganapan ay parang sobrang bilis natatapos. Masuwerteng kulay-blue. Tips sa lotto-18-19-27-30-33-38.

PISCES (Feb. 19-Mar. 20) - Bakit ka hihingi ng tulong kung sasakit lang ang ulo mo sa tutulong sa iyo? Subukan mo munang gawing mag-isa ang gusto mong mangyari. Ito ang mensahe ng iyong kapalaran. Masuwerteng kulay-black. Tips sa lotto-3-17-20-30-32-34.