Katangian ng guy na magiging first and last BF

ni Maestro Honorio Ong @Kapalaran Ayon sa Inyong Numero | Pebrero 18, 2024

Dear Maestro,

May crush ako, isinilang siya noong August 16, 2001 habang December 20, 2000 naman ang aking birthday. 

Maestro, gusto kong malaman kung compatible ba kami at may pag-asa bang maging kami? Ang balita ko kasi ay may iba siyang nililigawan at hindi ko matiyak kung crush niya rin ba ako, pero sa tuwing nagkikita kami, nagtatanguan at nagbabatian naman kami.

Sa palagay n’yo, crush din kaya ako ng lalaking ito? May pag-asa rin bang siya na ang una kong magiging boyfriend?

Umaasa,

Audrey ng Landing, Limay, Bataan

Dear Audrey, 

Ang birthday mong December 20, 2000 ay nasa pagitan ng zodiac sign na Sagittarius at Capricorn dahil ilang araw na lang, lilipat na rin sa sign na Capricorn ang zodiac sign mong Sagittarius. Ibig sabihin, may double personality ka dahil may pagka-Sagittarius at Capricorn ang iyong birth date na December 20, habang ang crush mo naman ay walang alinlangan na isang Leo. 

Kung mahilig kang magsuot ng kulay pula, asul o marami kang damit na ganyan ang kulay, higit na umiiral sa iyong kapalaran ang pagiging Sagittarius na nangangahulugan na ka-compatible mo ang isang Leo. 

Ang Leo at Sagittarius ay may iisang elementong tinataglay at ito ay ang elementong fire o apoy. 

Ngunit, kung mas madami kang itim na damit, mas umiiral sa iyo ang pagiging Capricorn, kaya malabong maging crush ka rin ng lalaking Leo na crush mo.

Gayunman, kung purong Numerology ang pagbabatayan, ang birth date mong 20 o 2 (ang 2- ay 2+0=2) ay sadyang tugma sa birth date na 16 o 7 (ang 16 ay 1+6=7) ng crush mo. Sapagkat sa pang-istatistikang pagtataya, maraming isinilang sa petsang 7, 16 at 25, na nakatuluyan silang mga isinilang sa petsang 2, 11, 20 at 29. Ibig sabihin, kung Numerology ang pag-uusapan, tulad ng naipaliwanag na, tugma at compatible kayong dalawa. 

Para matiyak kung siya na ang una mong magiging boyfriend, kailangang pumasa muna siya sa qualification, kung saan ang unang magiging karelasyon mo ay may kayumangging kulay ng balat, medyo malaki ang pangangatawan at higit sa lahat, tahimik at may pagka-mahiyain kung umasta.

Kung ganyan ang porma ng lalaking binabanggit mo, ayon sa iyong Love Calendar, sa taon ding ito ng 2024, sa buwan ng Nobyembre hanggang Disyembre at sa edad mong 23 pataas, kahit may iba siyang nililigawan, tiyak na siya na ang una at kahuli-hulihang magiging boyfriend mo. 

Dos and don'ts ng Tupa para palarin ngayong Green Wood Dragon

ni Maestro Honorio Ong @Forecast | Pebrero 18, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Sheep o Tupa.

Ang Sheep o Tupa ay silang mga isinilang noong taong 1931, 1943, 1955, 1967, 1979, 1991, 2003, 2015 at 2027.

Ang kadalasang nangyayari sa Tupa sa panahong sila’y nangangailangan ng tulong, nagmumukha lamang silang mga kaawa-awa.

Nangyaring ganu’n, dahil ‘yung mga taong dating nangailangan ng kanilang tulong ay agad nilang pinagbigyan, ngunit ngayong sila’y nangangailangan nagmumukha lamang silang kaawa-awa na para bang pinagdaramutan ng kaunting halaga ng mga taong kanila’y natulungan.

Kaya para hindi na ito maranasan ng isang Tupa, dapat matuto silang mag-ipon at magsinop ng kuwarta para sa kanilang future at para na rin sa future ng kanilang mahal sa buhay. 

Dagdag dito, dahil sa taglay na kabutihan at mababang puso, sinasabi ring ang Tupa ay mabilis maimpluwensyahan at mauto. Kaya naman kung hindi sila mag-iingat, malaki ang tsansang sila’y maloko.

Kaya para umunlad at lumago ang kabuhayan, dapat nilang isipin na hindi okey ang pagiging sobrang bait at maawain, lalo na sa mga taong walang utang na loob.

Samantala, talakayin naman natin ang iba pang katangian ng mga Tupa. Ang pesimista ay ‘yung mga taong nakapokus lamang sa pangit na anyo ng buhay, kabaligtaran naman nito ang optimista o mga taong laging nakatingin sa magandang anyo ng buhay.

Kung saan, karamihan sa mga Tupa ay nakatingin palagi sa pangit na anyo ng buhay.  

Kaya kung hindi maaalis ng Tupa sa kanilang buhay ang pagiging pesimista, sinasabing malabo silang umunlad at lumigaya.

Dagdag dito, dahil nga likas ang taglay na kabaitan, madali ring magtampo at magdamdam ang Tupa. Nahihirapan din silang tanggapin ang katotohanan na hindi lahat ng tao sa mundo ay katulad nila na mabait, tapat, mapagbigay, mapagpasensya, at mahabagin.

Kaya kapag may nakasalamuha ang Tupa na masama ang ugali, mapagsamantala, tuso, kuripot, matapobre at mapang-api, hindi nila lubos maisip na may mga ganu’ng klase pala ng tao sa mundo.

Kaya naman habang nagma-mature ang isang Tupa, mas lumalawak ang kanilang karanasan, kasabay nito ay unti-unti ring lumalawak ang kanilang pananaw sa mundo. 

Kaya naman sinasabing uunlad at magiging maligaya sa buhay ang isang Tupa pagtuntong nila sa edad na 43. Sa panahong ‘yun, magiging aware o mulat na sila sa katotohanan na nangyayari sa mundo at sa kanyang kapaligiran.

Kaya malabo n’yo na silang maiisahan, at matututo na sila ngayon na maging financially stable hanggang sa matutunan nilang magpayaman.

Manatiling nakasubaybay sa Forecast 2024 na eksklusibo n’yo lang mababasa sa pahayagang Bulgar upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Itutuloy….

Horoscope | Pebrero 18, 2024 (Linggo)

ni Maestro Honorio Ong @Horoscope | Pebrero 18, 2024

Sa may kaarawan ngayong Pebrero  18, 2024 (Linggo): Yayaman ka. Ito ang nakatakda sa iyong kapalaran. Huwag mong kakalimutan ang mga taong  nakatulong sa iyo.

ARIES (Mar. 21-Apr. 19) - Iyo ang araw na ito at ang ilan pang mga araw na darating. Magsabi ka ng iyong mga kahilingan sa langit, at huwag mo na ito lagyan ng dekorasyon. Masuwerteng kulay-black.  Tips sa lotto-3-17-22-30-37-45.TAURUS (Apr. 20-May 20) - Lakas ng loob ang iyong kailangan upang magbukas ang pintuan ng napakaraming  oportunidad sa iyo. Masuwerteng kulay-violet. Tips sa lotto-6-19-21-27-33-42.

GEMINI (May 21-June 20) - Huwag kang titigil kahit hindi mo makuha ang iyong gusto. Dahil ang tunay na depinisyon ng kabiguan ay pansamantalang pagkaantala ng tagumpay. Masuwerteng kulay-peach. Tips sa lotto-5-14-23-29-32-41.

CANCER (June 21-July 22) - Hindi lahat ng bagay ay nakukuha mo sa pagpupumilit. Maghintay ka ng tamang  pagkakataon. Masuwerteng kulay-red. Tips sa lotto-7-11-20-25-32-43.

LEO (July 23-Aug. 22) - Malaking tagumpay ang nagkaabang sa iyo. Kaya hindi ka dapat mawalan ng pag-asa. Masuwerteng kulay-orange. Tips sa lotto-1-13-18-26-35-44.

VIRGO (Aug. 23-Sept. 22) - Magagawa mo ngayon ang mga hindi mo pa nagagawa noon. Samantalahin mo ang pagkakataon, gawin mo na ang hindi mo pa nagagawa. Masuwerteng kulay-white. Tips sa lotto-2-17-22-29-34-40.

LIBRA (Sept. 23-Oct. 22) - Kung ano ang hindi mo gusto, iyon ang mapapasaiyo habang ang mga bagay na gusto mo naman ay hindi mo nakakamit. Masuwerteng kulay-green. Tips sa lotto-3-12-19-27-33-39.

SCORPIO (Oct. 23-Nov. 21) - Kalma lang. Hindi maganda na makuha ang isang bagay ‘pag ika’y galit. Gumamit ka ng magandang salita para makita mo ito. Masuwerteng kulay-yellow. Tips sa lotto-6-11-20-24-31-40.

SAGITTARIUS (Nov. 22-Dec. 21) - Pahinga muna. Ang sobrang pagtatrabaho at pag-iisip ay hindi maganda sa kalusugan. Sa pagpapahinga mananariwa ang iyong lakas at talino. Masuwerteng kulay-purple. Tips sa lotto-3-18-21-30-36-42. 

CAPRICORN (Dec. 22-Jan. 19) - Bukas ang buhay mo sa mga bagong kaibigan. Mas magandang magdagdag kaysa magbawas. Masuwerteng kulay-pink. Tips sa lotto-4-14-17-27-34-43.

AQUARIUS (Jan. 20-Feb. 18) - Laban lang nang laban at huwag kang aatras. Puwede kang huminto panandalian, pero ang pag-ayaw ay para lamang sa mga talunan. Masuwerteng kulay-beige. Tips sa lotto-7-9-11-18-23-37.

PISCES (Feb. 19-Mar. 20) - Panoorin mo lang ang mga kaganapan sa iyong harapan, kapag may nakita kang puwedeng pakinabangan kumilos ka ng palihim. Masuwerteng kulay-blue. Tips sa lotto-1-15-25-31-39-40.