Muling pagsampa sa barko, nakatakda sa seaman

ni Maestro Honorio Ong @Kapalaran Ayon sa Inyong Numero | Pebrero 20, 2024

Dear Maestro,

Sa kasalukuyan ay nag-a-apply ako sa barko bilang seafarer. Dati na akong nakapag-barko, pero dahil sa pandemya, napababa kami at ngayon ay unti-unti nang nagre-resume ang operation. Gusto kong malaman kung matutuloy ba ako ngayong 2024 o sa susunod pang taon?

May isang kaibigan na tumutulong sa akin, isinilang siya noong February 17, 1989, mataas ang katungkulan niya sa barko at ako ang inirerekomenda niya na makasama. Paborable ba ang magiging tulong niya sa akin o suwerte ba ako sa kakilala kong ito? Isinilang ako noong June 23, 1988.

Umaasa,

Justine ng Pritil, Guiguinto, Bulacan

Dear Justine,

Ayon sa zodiac sign mong Gemini, tunay ngang compatible kayo ng sinasabi mong kaibigan na isinilang noong February 17, 1989. Sapagkat ang zodiac sign niyang Aquarius at ikaw naman ay Gemini ay kapwa pinaghaharian ng elementong air o hangin. Ibig sabihin, malaki ang maitutulong niya sa iyo at kapag kayo ay nagtulungan at nagsama, may malaking pag-unlad ang mangyayari sa inyong pagkakaibigan. 

Habang ang birth date na 17 o 8 (ang 17 ay 1+7=8) ng iyong kaibigan ay sobrang tugma rin sa birth date mong 23 o 5 (ang 23 ay 2+3=5) kung saan sinasabing ang pagsasama ng Taong Otso (8) at Singko (5) ay nagiging maunlad at masagana. Kaya naman bukod sa tulong na ipagkakaloob niya sa iyo, sa sandaling nagsama kayo sa isang venture, business o negosyo, tiyak na magtatagumpay at yayaman kayong dalawa. 

At pagpinagsama-sama ang mga datos na binanggit sa itaas, lalo na’t may malinaw at maaliwalas na Travel Line sa kaliwa at kanan mong palad, sigurado na ang magaganap. Sa taong ito ng 2024, sa buwan ng Mayo o Hulyo, may isang mabunga at mabiyayang pangingibang-bansa ang itatala sa iyong kapalaran.

Mga animal sign na swak sa mga isinilang sa Year of the Sheep

ni Maestro Honorio Ong @Forecast | Pebrero 20, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Sheep o Tupa.

Ang Sheep o Tupa ay silang mga isinilang noong taong 1931, 1943, 1955, 1967, 1979, 1991, 2003, 2015 at 2027.

Pagdating sa pakikipagrelasyon, hindi nagkokontrol ng Tupa ang mga pangyayari at sitwasyon. Ang nangyayari tuloy,  huli na bago nila matuklasan na niloloko o pinagtataksilan na pala sila ng kanilang partner. Kumbaga, dahil madaling bumigay ang kanilang damdamin, wala silang kamuwang-muwang o kamalay-malay na pinaglalaruan na pala sila ng kanilang kapareha. At ang masakit pa rito, dahil sa kanilang kabaitan kadalasan kahit niloloko na sila patuloy pa rin ang kanilang pagtitiis at pagpapaka-martir. Ngunit kung praktikalidad at tigas ng damdamin ang paiiralin ng Tupa sa pakikipagrelasyon mas malaki ang tsansa na makasumpong sila ng isang tapat at panghabambuhay na pag-ibig.

Dahil may pagkamahina, maramdamin at pagka-emosyonal, sinasabing the best na kapartner ng isang Tupa, ang isang indibidwal na may lakas na loob. Kumbaga, bagay na bagay sa isang Tupa ang animal sign na Kabayo. Kung saan, dadalhin ng Kabayo ang Tupa sa mga pakikipagsapalaran na ngayon pa lang nila mararanasan sa tanang buhay nila. Kaya naman, unti-unting tatapang at lalakas ang loob ng isang dating duwag na Tupa.

Bukod sa Kabayo, sakto rin nila kasama o kapareha ang isang tuso, maharot at kenkoy na Unggoy. Kung saan, malilibang ang malungkuting Tupa sa mga ikukuwento at ipaparanas sa kanya ng Unggoy. Kaya anumang bigat ang problema o suliraning dinadala ng isang Tupa, sa isang iglap ay makakalimutan niya lahat ng ito at para bang wala na siyang suliranin pang-iisipin sa sandaling makasama na niya ang isang Unggoy.

Bagay na bagay din sa isang duwag at laging nag-aalinlangan sa kanyang kakayahan na Tupa, ang isang matapang na Dragon, gayundin ang isang mapangaraping Kuneho, magkakasundo sila nito na mangarap habang nakasandal sa isang malaking punong kahoy na nakaharap sa magandang tanawin ng ulap at kabundukan. Kumbaga, habang magkasama ang Tupa at Kuneho, makakalimutan nila ang reyalidad. 

Tugma at okey din sa isang Tupa ang isang Tandang at Ahas. Kung saan, iga-guide ng isang Tandang at Ahas ang Tupa para maging praktikal at maging materyalismo hanggang sa matutunan ng Tupa na kumilos at umaksyon upang pagsumikapang lumago ang kanilang kabuhayan hanggang sa sila ay yumaman.   

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Itutuloy….

Horoscope | Pebrero 20, 2024 (Martes)

ni Maestro Honorio Ong @Horoscope | Pebrero 20, 2024

Sa may kaarawan ngayong Pebrero 20, 2024 (Martes): Hindi ka mauubusan ng mga suwerte dahil hindi ka rin naman maawat na ipakita ang kabutihan sa iyong kapwa. 

ARIES (Mar. 21-Apr. 19) - Tatalunin ka ng awa. Mas maganda ito kesa talunin ka ng galit at sama ng loob. Masuwerteng kulay-pink. Tips sa lotto-7-10-22-30-34-41.

TAURUS (Apr. 20-May 20) - Nagbabalita ang araw na ito na may ilan pang mga suwerte na magmamadaling lumapit sa iyo. Masuwerteng kulay-beige.  Tips sa lotto-1-8-20-24-27-31.

GEMINI (May 21-June 20) - Tutukan mo ngayon ang iyong personal na kaligayahan, at dapat mo ring malaman na ‘di puwedeng pagsabay-sabayin ang una at huli. Masuwerteng kulay-blue. Tips sa lotto-6-19-25-31-38-42.

CANCER (June 21-July 22) - Papasayahin ka ngayon ng langit, bilang premyo mo sa mga kabutihang pinakita mo sa mga nagdaang araw. Ito ang mensahe para sa iyo. Masuwerteng kulay-black.  Tips sa lotto-2-17-20-25-36-39.

LEO (July 23-Aug. 22) - Magpapatuloy ang paglago ng iyong kabuhayan kahit hindi ikaw mismo ang nagpapatakbo. Masuwerteng kulay-violet.  Tips sa lotto-1-10-21-34-40-45.

VIRGO (Aug. 23-Sept. 22) - Maganda kung madami kang alam. Pero ang munting kaalaman ay mapanganib sa mga taong malakas ang loob. Masuwerteng kulay-peach. Tips sa lotto-5-14-18-20-34-44.

LIBRA (Sept. 23-Oct. 22) - Piliin mo ang maganda, at huwag kang makinig sa sinasabi ng ibang tao. Masuwerteng kulay-red.  Tips sa lotto-4-15-28-31-36-41.

SCORPIO (Oct. 23-Nov. 21) - Lumaban at manindigan ka. Ang tao ay kinikilala kapag  pinaglalaban niya ang kanyang paniniwala.  Mamali ka man, ang mahalaga ay lumaban at nanindigan ka. Masuwerteng kulay-lilac.  Tips sa lotto-2-11-16-22-35-38.

SAGITTARIUS (Nov. 22-Dec. 21) -  Kumuha ka ng lakas sa mga bagay na iyong napagtagumpayan. Ito ang mensahe ng iyong kapalaran. Masuwerteng kulay-white.  Tips sa lotto-6-17-20-25-31-42.

CAPRICORN (Dec. 22-Jan. 19) -  Huwag kang umasa sa iba, mas magandang ikaw ang asahan ng kapwa mo. Sa ganitong paraan, mas mapapabilis ang iyong pag-asenso. Masuwerteng kulay-green.  Tips sa lotto-8-10-15-27-30-33.

AQUARIUS (Jan. 20-Feb. 18) - Huwag mong habulin ang umalis. Mas pahalagahan mo ang nagbabalik. Ito ang gawin mong gabay sa buhay upang hindi ka masaktan. Masuwerteng kulay-yellow.  Tips sa lotto-7-19-25-34-39-42.

PISCES (Feb. 19-Mar. 20) - Ito ang araw na sadyang inilaan sa ‘yo. Pero, wala kang matatanggap na anumang bagay kapag hindi ka kumilos. Masuwerteng kulay-purple. Tips sa lotto-4-11-14-25-36-41.