Mag-live in partner, nakatakdang yumaman sa taong 2032

ni Maestro Honorio Ong @Kapalaran Ayon sa Inyong Numero | Marso 6, 2024

Dear Maestro,

Naisipan kong sumangguni sa inyo para alamin ang aking kapalaran, pati na ang aking destiny number. Kasalukuyan akong may kinakasama na isinilang noong September 8, 1997, compatible ba kami at kami na ba ang magkakatuluyan habambuhay? Ang birthday ko ay May 14, 1991.

Umaasa,

Ner ng Arkong Bato, Valenzuela City

Dear Ner,

Bukod sa birth date mong 14 o 5, (ang 14 ay 1+4=5), ikaw ay nagtataglay ng destiny number na 3 (5+14+1991=2010/ 20+10=30/ 3+0=3). Kung saan, ang ibig sabihin ng numerong 3, mabibigo ka muna sa unang pag-ibig na nangangahulugan din na hindi mo makakatuluyan ang una mong girlfriend gayundin ang ikalawa.

Kaya kung ang kasalukuyan mong kinakasama na isinilang noong September 8, 1997 ay ang ikatlo mong girlfriend, tiyak ang magaganap – kayo na nga ang magkakatuluyan at habambuhay na magsasama.Ang pag-aanalisang kayo na nga ang magkakatuluyan ay madali namang kinumpirma ng zodiac sign mong Taurus na suwetung-suweto naman sa zodiac sign na Virgo ng kinakasama mo, sapagkat ang Taurus at Virgo ay kapwa pinaghaharian ng iisang elementong lupa o earth.

Ibig sabihin, sa usapang Western Astrology compatible talaga kayo at malaki ang tsansa na kayo na nga ang itinakdang magsama. Gayundin sa Numerology, ang birth date mong 14 o 5, (1+4=5) ay maganda rin isama sa birth date na 8 ng kinakasama mo.

Naging maganda ang pagsasama ng numerong 8 at 5, dahil kapwa sila suwerte pagdating sa pagnenegosyo. Kaya walang duda na ang pagsasama ng numerong 5 at 8 ay tunay ngang umaasenso at yumayaman sa pamamagitan ng walang habas na pagnenegosyo at pangingibang-bansa.

Kaya kung may mag-a-abroad o magnenegosyo sa inyong dalawa habang kayo ay nagmamahalan at nagsasama, tiyak ang magaganap, mabilis na aangat ang inyong kabuhayan patungo sa pagyaman at magsisimula ang lahat sa taong 2032, sa edad mong 41 pataas.

Mga animal sign na ka-compatible ng Rooster

ni Maestro Honorio Ong @Forecast | Marso 6, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Tandang o Rooster.

Ang Tandang o Rooster ay silang mga isinilang noong taong 1933, 1945, 1957, 1969, 1981, 1993, 2005, 2017 at 2029.

Sa aspetong damdamin at sa pakikipagrelasyon, sinasabing bagama’t tapat umibig ang isang Tandang, hindi naman niya naibibigay nang buo at sagad ang kanyang pagmamahal dahil marami siyang isinasaalang-alang at kinatatakutan sa buhay pagdating sa aspetong pandamdamin.

Dagdag pa rito, sa panahong siya ay umiibig, nauuna niyang hanapin ang kapintasan ng kanyang kasuyo sa halip na ang magagandang ugali ng kanyang minamahal. Dahil dito, bihira sa isang Tandang ang sobrang umibig at magmahal dahil para sa kanya, kailanman ay hindi niya “ia-idolize” o ilalagay sa sobrang taas na pedestal ng papuri, paghanga at pagmamahal ang kanyang sinisinta.

Kaya naman kapag nagkaroon na ng hindi pagkakaunawaan ang dalawang pusong nagmamahalan at niyaya ng hiwalayan ang Tandang, walang pagdadalawang-isip na hindi ka niya tatanggihan ito dahil para sa kanya, bukod sa aspetong pandamdamin, marami pa siyang dapat iprayoridad sa buhay. Kaya naman kapag sinasabi ng isang Tandang na mahal na mahal ka niya at ayaw niyang makipaghiwalay, posibleng hindi ito ang tunay niyang saloobin dahil kadalasan ay pilit niyang itinatago ang tunay na damdamin o saloobin sa kanyang minamahal.

Kaya naman kung bibigyan ng iskor kung gaano katindi mabigo ang Tandang sa pag-ibig, masasabing sa iskor na 1 to 10, hanggang 5 o 6 lang ang maitatala sa damdamin niya. Ito ay dahil ang Tandang ay hindi naman seryoso o tunay na nagmamahal sa kanyang kasuyo, dahil palagi siyang may reserbasyon at itinitira sa kanyang sarili at iba pang mga bagay na ipinaprayoridad niya sa buhay.

Sa kabila ng lahat, ang pinaka-compatible ng mapag-isip at mahilig mag-analisa na Tandang ay ang kapwa niya matalino at tusong Ahas. Ang relasyong Ahas at Tandang ay hindi nauubusan ng kuwento at halos lahat ng bagay ay kanilang masayang pagdedebatehan. 

Bagay na bagay din ang praktikal na Ox o Baka sa isang Tandang, kung saan ang relasyon nila ay mapupuno ng maraming mga proyekto at kasipagan. Gayundin, kapwa sila mahilig na palaguin ang kanilang career at kabuhayan.

Ang Dragon naman ay magugustuhan ang mga imposible at malalaking pangarap ng Tandang, na kung ang Tandang lang ang gagawa at magsisimula ay hindi niya ito matatapos, ngunit sa tulong ng Dragon, gaano pa kalaki ang plano ng Tandang, tiyak na ito ay kanilang matatapos at mapagtatagumpayan.

Tugma at ka-compatible rin ng Tandang ang Tigre, Kambing o Tupa, Unggoy, Aso at Baboy hangga’t ang nasabing mga animal sign ay hindi kokontra, sa halip ay susunod at makikiayon sa mga iniisip at pinaplano ng matalinong Tandang.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024. 

Itutuloy….

Horoscope | Marso 6, 2024 (Miyerkules)

ni Maestro Honorio Ong @Horoscope | Marso 6, 2024

Sa may kaarawan ngayong Marso 6, 2024 (Miyerkules): Lahat ng maganda ay para sa iyo. Ito ang mismong kapalaran mo at kung hindi sinasadya na pumangit ang buhay mo, kikilos ang langit upang agad itong gumanda.

ARIES (Mar. 21-Apr. 19) - Kung ano ang maganda, ‘yun ang pag-ukulan mo para makakuha ka ng inspirasyon. Masuwerteng kulay-blue. Tips sa lotto-9-12-18-21-24-36.

TAURUS (Apr. 20-May 20) - Sa iyo nakatutok ang lahat ng mga mata. Maraming humahanga at naniniwala sa iyo, ituloy mo lang ‘yan dahil mas marami pang suwerte at magandang kapalaran ang naghihintay sa iyo. Masuwerteng kulay-lavender. Tips sa lotto-7-11-23-29-38-45.

GEMINI (May 21-June 20) - Hanapin mo ang mga mali sa buhay mo at ayusin mo agad. Ngayon ang tamang panahon upang makabalik ka sa magandang buhay na kung saan ka sasaya at mabilis na uunlad. Masuwerteng kulay-violet. Tips sa lotto-1-6-17-22-31-39.

CANCER (June 21-July 22) - Nagbabalik ang lakas ng iyong karisma. Ang nakatutuwa ay ang sinumang madikit sa iyo ay maaari mong maakit at magayuma. Masuwerteng kulay-peach. Tips sa lotto-2-18-20-27-32-40.

LEO (July 23-Aug. 22) - Hindi ka dapat lumayo sa mga tao. Mas masaya ang buhay kapag marami ang taong nasa paligid. Masuwerteng kulay-red. Tips sa lotto-4-13-25-38-41-44.

VIRGO (Aug. 23-Sept. 22) - Kung ano ang nakikita mo, iyon ang sa iyo. Ang madalas na dahilan nang hindi maipaliwanag na lungkot ay ang pagdaya mo sa iyong sarili. Masuwerteng kulay-gray. Tips sa lotto-2-15-18-27-36-39.

LIBRA (Sept. 23-Oct. 22) - Hawak mo ngayon ang gulong ng iyong kapalaran. Kapag pinagalaw mo ito, dadagsa ang magagandang bagay para sa iyo. Pero kung wala kang gagawin, walang magbabago sa iyong kalagayan. Masuwerteng kulay-white. Tips sa lotto-14-23-28-34-38-40.

SCORPIO (Oct. 23-Nov. 21) - Huwag kang manghinayang sa idadagdag mong puhunan. Ang mahalaga ay may plano ka. Masuwerteng kulay-green. Tips sa lotto-9-10-18-22-28-35.

SAGITTARIUS (Nov. 22-Dec. 21) - Aasta ang mga taong walang alam na sila ay marunong. Hayaan at pagbigyan mo lang sila. Masuwerteng kulay-yellow. Tips sa lotto-3-6-15-24-33-39.

CAPRICORN (Dec. 22-Jan. 19) - Hawak ng mahal mo ang mga sikreto ng iyong kapalaran.  Mag-ingat ka at huwag mong dayain ang iyong sarili. Masuwerteng kulay-purple. Tips sa lotto-8-17-26-28-35-44.

AQUARIUS (Jan. 20-Feb. 18)  Sasaya ka, pero panandalian lang. Ito ang mensahe ng iyong kapalaran sa araw na ito. Masuwerteng kulay-pink. Tips sa lotto-2-7-11-16-20-29.

PISCES (Feb. 19-Mar. 20) - Buksan mo ang pintuan ng mga oportunidad na kumakatok sa iyong harapan. Ibig sabihin, ‘wag mong katakutan at iwasan ang mga bagong pakikipagsapalaran. Masuwerteng kulay-beige. Tips sa lotto-1-13-19-25-28-37.