Horoscope | Marso 14, 2024 (Huwebes)

ni Maestro Honorio Ong @Horoscope | Ika-14 Araw ng Marso 2024

Sa may kaarawan ngayong Marso 14, 2024 (Huwebes): Bilis at saya ang susi ng iyong mga suwerte. Kapag mabilis at masaya ang pagkilos mo, ang magagandang kapalaran ay mapapasaiyo.

ARIES (Mar. 21-Apr. 19) - Iwasan mong malungkot, kaya lumayo ka sa mga sisira sa iyong mga diskarte. Ito ang mensahe para sa iyo. Masuwerteng kulay-yellow. Tips sa lotto-3-19-22-29-34-40.

TAURUS (Apr. 20-May 20) - Kumilos ka nang kumilos. Huwag kang titigil sa pagkilos dahil ang lungkot ay mapapasaiyo kapag wala kang ginawa. Masuwerteng kulay-purple. Tips sa lotto-1-11-18-21-39-45

GEMINI (May 21-June 20) - Nakakatuwa ang mensahe ng iyong kapalaran na nagsasabing kung sino ang gusto mong suwertehin ngayon, siya rin ay gugustuhin ng langit na maging masaya tulad mo. Masuwerteng kulay-pink. Tips sa lotto–5-9-14-19-23-27.

CANCER (June 21-July 22) - Huwag mong hanapin ang wala sa iyong tabi dahil tiyak na malulungkot ka lang.Masuwerteng kulay-beige. Tips sa lotto-7-10-16-22-32-40.

LEO (July 23-Aug. 22) - Sundan mo ang kislap ng liwanag na nasa iyong harapan dahil ito ay nag-iimbita sa iyo para kumita ng pandagdag sa kabuhayan. Masuwerteng kulay-blue. Tips sa lotto-4-15-17-26-35-44.

VIRGO (Aug. 23-Sept. 22) - Kung ano ang gusto mo, gawin mo para buwenasin ka. Kung ano ang gusto ng kapwa mo, huwag mong gawin dahil kapag ginawa mo ito, ang ilang suwerte mo ay mapupunta lang sa kanya. Masuwerteng kulay-black. Tips sa lotto-1-13-18-22-29-34.

LIBRA (Sept. 23-Oct. 22) - Ipahiram mo ang iyong magandang ideya. Hindi mo pa naman magagamit ang mga ito para sa sarili mo. Masuwerteng kulay-violet. Tips sa lotto-6-15-23-28-33-42.

SCORPIO (Oct. 23-Nov. 21) - Kikita ka nang malaki kapag ginawa mong negosyo ang hilig mo. Ito rin ang magbibigay sa iyo ng kayamanan. Masuwerteng kulay-peach. Tips sa lotto-9-13-18-22-31-37.

SAGITTARIUS (Nov. 22-Dec. 21) - Kailangan mong baguhin ang iyong plano kapag napansin mong hindi nagbabago ang takbo ng buhay mo. Masuwerteng kulay-red. Tips sa lotto-3-9-12-18-33-45.

CAPRICORN (Dec. 22-Jan. 19) - Talasan mo ang pakiramdam mo dahil may ilang hindi maganda ang motibo sa pakikiharap sa iyo. Masuwerteng kulay-orange. Tips sa lotto-4-14-17-23-26-35.

AQUARIUS (Jan. 20-Feb. 18) - Isuot mo ang paborito mong mga damit kahit nasa bahay ka lang. Ito mismo ang pampasuwerte mo na nagsasabing dahil dito, biglang gaganda ang takbo ng buhay mo. Masuwerteng kulay-white. Tips sa lotto-5-24-28-34-41-44.

PISCES (Feb. 19-Mar. 20) - Tayo-upo, lakad-balik. Ito ang magbibigay sa iyo ng magandang kapalaran at ito rin ang magtuturo sa iyo ng dapat mong gagawin nang sa gayun ay makuha mo ang mga gusto mo. Masuwerteng kulay-green. Tips sa lotto-1-7-20-25-34-41.

Mga propesyon at negosyo na bagay sa Aso

ni Maestro Honorio Ong @Forecast | Marso 13, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Dog o Aso. 

Ang Dog o Aso ay silang mga isinilang noong 1922, 1934, 1946, 1958, 1970, 1982, 1994, 2006, 2018 at 2030.

Sa career at propesyon, ang Aso ay tiyak na magiging magaling na lawyer, union organizers, social workers at tugma rin sa kanya ang public service at pagiging manager. Ang mga negosyong may kaugnayan sa arts o sining, ganundin sa lahat ng uri ng kaartehan, kagandahan, pabango, makukulay na mga bagay, musika at pagsasayaw ay tugma rin sa isang Aso dahil may likas na karisma at mapang-akit, ang negosyong pag-aalok at daldal nang daldal ay sigurado namang magpapayaman din sa isang Aso habang kinukuwentuhan at dinadaldal niya ang mga kliyente at mamimili, lalong lalago at uunlad ang anumang uri ng kalakal na kanyang hinahawakan. 

Sa pag-ibig at pakikipagrelasyon, sinasabing malakas ang sex appeal ng Aso at kapag siya ay may gusto, bagama’t sa umpisa ay susubukan niyang itago ang kanyang damdamin, hindi niya pa rin ito mapipigil dahil para sa isang Aso, ang paghanga ay hindi niya magawang ilihim, kaya kusa niya itong ine-express sa iba’t ibang artistic na paraan. Dahil dito, bukod sa tapat at totoo umibig, ang Aso rin ay napaka-expressive rin pagdating sa sex at love. Kaya naman masasabing sobrang tamis at sarap kung siya ay magmahal.

Dagdag pa rito, hangad din ng Aso na maging malaya sa pagdedesisyon, lalo na sa aspetong pandamdamin. Kaya kung pinakikialaman at didiktahan mo siya, malulungkot ang isang Aso. Sa umpisa ay mapapasunod mo siya, pero sa umpisa lang ‘yun dahil sa bandang huli, iiral pa rin ang ugali niya na naghahangad na makalaya.

Kaya ang iniutos at pinapagawa sa kanya, lalo na pagdating sa pag-ibig at career na hindi naman talaga niya gusto ay tiyak na susuwayin din niya. Pagkatapos nito, basta’t alam niyang nagmamahal siya at doon siya masaya, ‘yun ang gagawin at tatahakin niyang direksyon. Dahil dito, kadalasan ay napagkakamalan ang Aso na matigas ang ulo at may matinding paninindigan sa isang bagay na ginugusto nila.

Sa larangan ng compatibility, compatible ang Aso sa Kabayo at Tigre, sapagkat silang tatlo ay pare-parehong tapat at may mataas na pangarap para sa ibang tao at adhikaing ipinaglalaban.

Okey ding makasama ng Aso ang Daga, Ahas, Unggoy at Baboy, sapagkat madali ring makakabuo ng isang makabuluhan at masayang relasyon sa isa’t isa ang nasabing animal signs. Ngunit, Kuneho ang tunay at higit na ka-compatible ng isang Aso, kung saan inaasahang makakabuo sila ng maligaya at panghabambuhay na relasyon.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024. 

Itutuloy….

Mga dahilan kung bakit hindi yumayaman

ni Maestro Honorio Ong @Kapalaran Ayon sa Inyong Numero | Marso 13, 2024

Dear Maestro, 

Naisipan kong sumangguni sa inyo dahil madalas na sinasabi n’yo na ang mga Taong Singko ay yumayaman. Pero bakit hanggang ngayon, sa edad kong 40 ay hindi pa rin ako yumayaman? Masipag naman kaming mag-asawa na nagtatrabaho at nagsisikap sa buhay. April 14, 1984 ang birthday ko habang December 17, 1988 naman ang birthday ng asawa ko. Kailan kaya kami yayaman at sa paanong paraan?

Iniisip kasi naming magnegosyo ng bigas, angkop ba sa amin ito? Sabi naman ng misis ko, mag-abroad na lang ako ulit. Maestro, ano ba ang dapat naming gawin para kami ay yumaman?

Umaasa,

Sam ng San Jose, Labrador, Pangasinan

Dear Sam, 

Kapag ang tao ay napakaraming iniisip o sabihin nating maraming laman ang kanyang isip at kung anu-ano ang gustong gawin sa buhay, malabo silang yumaman. Ganu’n kasi ang mga taong naiimpluwensyahan ng numerong 4. 

Bukod sa numerong 14 o 5, naiimpluwensyahan ka rin ng numerong 4, na siya namang destiny number mo. Naging kuwatro (4) ang destiny number mo dahil ang April 14, 1984 ay ganito kinokompyut:  4+14+1984=2002/ 20+02=22/ 2+2=4.

Kaya ang susi sa pagyaman at pagtatagumpay sa buhay ay konsentrasyon. Sapagkat kung iisang negosyo, pagkakakitaan, layunin o gawain lamang ang pinagtutuunan n’yo, malabo kayong mabigo.

Dahil dito, simulan mo nang ibuhos ang buo mong atensyon at panahon sa iisang bagay na gustung-gusto mong gawin. Halimbawa, ang naisip mo na mag-abroad, puro pag-a-abroad lang ang gawin mong paraan upang yumaman. Kung ang naiisip mo namang paraan ay negosyo, tulad ng pagnenegosyo ng bigas at palay, mamimili ka ng palay at ibenta mo sa mga miller, tiyak na roon ka yayaman.

Kaya pag-usapan n’yo ang pinakatamang proyekto na tututukan n’yo dahil nagkataong compatible ang birth date mong 14 o 5 sa birth date niyang 17  o 8, (ang 17 ay 1+7=8), ganundin ang zodiac sign mong Aries sa zodiac sign niyang Sagittarius, tiyak ang magaganap. Limang taon lang ang hinihingi ng kapalaran na makapag-concentrate kayo sa iisang larangan o tumbok na proyekto, sa taong 2028 sa edad mong 44, mararamdaman n’yo ang unti-unting pagyaman habang patuloy n’yong ibinubuhos ang atensyon, panahon at lakas sa iisang depenidong gawain, tuluy-tuloy kayong yayaman hanggang sa tuluyan nang tanghaling isa sa pinakamayamang pamilya sa inyong lugar.