53-anyos, makaka-jackpot sa lotto ngayong 2024

ni Maestro Honorio Ong @Kapalaran Ayon sa Inyong Numero | Marso 15, 2024

Dear Maestro,

Matagal na akong tumataya sa lotto, pero hanggang ngayon ay hindi pa rin ako nananalo ng malaki-laking halaga, kaya naisipan kong sumangguni sa inyo. Gusto kong malaman kung ano ba talaga ang mapalad kong numero? Balak ko nang palitan ang mga numerong inaalagaan ko ngayon. Bukod sa suwerteng numero, gusto ko ring malaman kung ano ang aking mapalad na araw at petsa at kung ano’ng kulay ng damit ang dapat isuot kapag ako ay tataya? November 7, 1970 ang birthday ko.

Umaasa,

Ismael ng San Roque, Burgos, Isabela

Dear Ismael,

Ayon sa birth date mong 7 at sa destiny number na 8 (11+7+1970=1988/ 19+88=107/ 10+7=17/ 1+7=8) at sa zodiac sign mong Scorpio, ikaw ay mapalad sa kulay na berde at pula.Ang zodiac sign na Scorpio at birth date mong 7 ay kapwa under ng elementong tubig o water, ibig sabihin, ikaw din ay magiging mapalad sa panahon ng tag-ulan. Kaya mas mainam na maghintay ka ng panahong maulan o bumabagyo dahil sa mga panahong nabanggit, malamang na bigla kang tumama ng malaking halaga sa anumang uri ng number games nang hindi mo inaasahan, habang bumabaha sa mga pangunahing lansangan o habang nananalasa ang malakas na hangin at ulan sa kapaligiran.

Dahil tubig ang iyong ruling element, makatwiran lamang na sa tuwing tataya o makikipagsapalaran ka sa kahit anong uri ng number games, ituon mo ito sa panahong pumapatak ang ulan, sapagkat tulad ng nasabi na, tubig ang iyong kaibigan na magbibigay sa iyo ng biglaang suwerte at magandang kapalaran.

Bukod sa numerong tubig na may sumatotal na 7 at 2, ikaw din ay mapalad sa numerong 16, 7, 25, 34, 43, na siya ring sarili mong number, dahil ang lahat ng nabanggit na numero ay may sumatotal na 7. Bukod sa numerong 7 na pinipresenta ng tubig, ang numerong may sumatotal na 2 tulad ng 11, 20, 29, 38, 47 at iba pang numerong kauri nito ay numero rin ng tubig.Kaya sa pagpili ng mga numerong tatayaan, lagi mong isaalang-alang ang dalawang numero ng tubig – muli, ito ay ang numerong may sumatotal na 2 at 7.

Gayunman, sa numero ng tubig, mapalad ka rin sa mga petsang 1, 10, 19, 28, 4, 13, 22 at 31 na siya namang numero ng araw o Sun, higit lalo kung ang nasabing mga petsa ay natapat sa araw ng Linggo at Sabado, habang buwenas ka rin sa mga petsang 2, 11, 20, 29, 7, 16 at 25, na siya namang numero ng Moon o buwan, higit lalo kung ang nasabing mga petsa ay natapat sa araw ng Lunes at Huwebes at nagkataon pang full moon o nasa kabilugan ang buwan sa kalangitan. 

Kusa namang bubuti ang lagay ng iyong kapalaran, bukod sa panahon ng tag-ulan ay mula sa ika-19 ng Pebrero hanggang sa ika-25 ng Marso, mula sa ika-19 ng Oktubre hanggang sa ika-25 ng Nobyembre at mula sa ika-19 ng Hunyo hanggang ika-25 ng Hulyo.

Kung susundin mo ang mga rekomendasyong inilahad, tiyak ang magaganap. Ngayong 2024 hanggang 2025 sa edad mong 53 pataas, biglaan ang magaganap kung saan masasapol mo na ang dambuhalang jackpot sa lotto.

Horoscope | Marso 15, 2024 (Biyernes)

ni Maestro Honorio Ong @Horoscope | Ika-15 Araw ng Marso 2024

Sa may kaarawan ngayong Marso 15, 2024 (Biyernes): Hindi ka mauubusan ng magagandang kapalaran. Ito ang ginagarantiyahan ng araw ng iyong pagsilang.  

ARIES (Mar. 21-Apr. 19) - Kumilos ka na parang walang iniintindi. Gawin mong simple ang iyong buhay dahil sa simpleng pamumuhay, ang tao ay mas mabilis na umaasenso. Masuwerteng kulay-beige. Tips sa lotto-9-12-18-21-27-39. 

TAURUS (Apr. 20-May 20) - Suwerte ka ngayon. Ibinalik ng langit ang araw na kung saan ikaw ay magiging mapalad. Tulungan mo ang mga kapus-palad nang sa gayun ay biyayaan ka ng nasa itaas. Masuwerteng kulay-blue. Tips sa lotto-3-6-9-18-27-33.

GEMINI (May 21-June 20) - Hanapin mo kung saan ka masaya. Hindi puwede na magmumukmok ka lang at hindi kikilos. Ang naghahanap ay nakakakita, ito ay batas ng katalagahan na natutupad. Masuwerteng kulay-black. Tips sa lotto-2-7-16-25-34-40.

CANCER (June 21-July 22) - Hindi ka mawawalan sa mga suwerteng ihuhulog ng langit dahil sa mga ipinakita mong kabaitan sa iyong kapwa kahit walang kapalit mula sa kanila. Ito ang mensahe para sa iyo. Masuwerteng kulay-violet. Tips sa lotto-1-10-19-22-28-31.

LEO (July 23-Aug. 22) - Ikaw ang may kakayahang tumulong, kaya tumulong ka. Mayroon ka ring mga pangangailangan, pero kaya mo naman itong gawan ng paraan. Masuwerteng kulay-peach. Tips sa lotto-8-12-15-22-30-41.

VIRGO (Aug. 23-Sept. 22) - Kapag nakita mo ang kapintasan ng mga tao, sarilihin mo na lang ito. Mas maganda ang tahimik na pamumuhay kesa sa maraming kaaway. Masuwerteng kulay-red. Tips sa lotto-2-7-24-33-39-44

LIBRA (Sept. 23-Oct. 22) - Lihim lang. Mas marami ang humahanga sa iyo kesa sa mga nagagalit. Lihim lang din, puwede mo silang pakinabangan para sa iyong mga personal na pangangailangan. Masuwerteng kulay-burgundy. Tips sa lotto-5-16-19-25-29-35.

SCORPIO (Oct. 23-Nov. 21) - Taglay mo ang espesyal na kakayahang mas palakasin pa ang iyong sarili. Ito ang iyong pagkakataon para pagandahin ang iyong kapalaran. Masuwerteng kulay-white. Tips sa lotto-4-12-18-21-34-39.

SAGITTARIUS (Nov. 22-Dec. 21) - Magbigay ka, kahit na nangangailangan ka rin. Sa ganitong paraan, matutuwa sa iyo ang langit at higit kang pagpapalain kesa sa mga pangkaraniwang tao. Masuwerteng kulay-green. Tips sa lotto-3-6-15-27-33-45.

CAPRICORN (Dec. 22-Jan. 19) - Kung saan ka maluluwagan at madadalian, ‘yun ang paraan na iyong isabuhay. Lumayo ka muna sa mga taong may mga problema, hinanakit at reklamo. Masuwerteng kulay-yellow. Tips sa lotto-1-8-16-24-34-40.

AQUARIUS (Jan. 20-Feb. 18) - Magdahan-dahan ka. Sa pagiging marahan, walang nakakalampas na mga oportunidad. Masuwerteng kulay-purple. Tips sa lotto-4-15-19-27-39-45.

PISCES (Feb. 19-Mar. 20) - Pag-aralan mo ang iyong buhay ngayon. Ano nga ba ang mga dapat mong baguhin at idagdag? Ano rin ang dapat mong pananatilihin? Ito ang mensahe ng iyong kapalaran. Masuwerteng kulay-pink. Tips sa lotto-2-16-20-26-29-34.

Kahit pa i-push ang pag-a-abroad… Lalaki, ‘di pa rin makakaahon sa kahirapan

ni Maestro Honorio Ong @Kapalaran ayon sa Palad | Marso 14, 2024

KATANUNGAN

1. Maestro, noon pa ako nag-a-apply sa abroad, ang kaso palagi rin akong naloloko. Sa ngayon, nag-a-apply ulit ako kahit na sabihin ng iba na wala akong kadala-dala. 

2. Matagal ko na kasing pangarap na makapagtrabaho sa ibang bansa para makapag-ipon ng pambili ng sariling lupa at bahay. Bata pa lang kasi ako ay nangungupahan na kami at hanggang ngayong may sarili na akong pamilya ay wala pa rin kaming sariling bahay at lupa.

1. Sa pagkakataong ito susuwertehin na kaya ako? Kung sakaling makakapag-abroad ako, papalarin na kaya ako sa pangingibang-bansa?

KASAGUTAN

1. Malamang na maloko ka ulit. Ito ang nais sabihin ng maraming krokes at buhol na Travel Line (Drawing A. at B. t-t arrow a.) sa kaliwa at kanan mong palad. Kung saan, dalawa lang ang nais sabihin ng magulo at pangit na Travel Line (t-t arrow a.) na nabanggit. Kung hindi ka malokong muli, sigurado namang sa ibayong-dagat, imbes na suwertehin ay grabeng hirap at pagsasakripisyo ang daranasin mo, pero tulad ng inaasahan, hindi ka pa rin uunlad at makakaahon sa kahirapan, gayundin, hindi mo mabibili ang iyong pangarap na sariling bahay at lupa. Kung ganu’n, saang larangan at paano ka susuwertehin sa buhay, lalo na sa materyal na bagay?

2. Ang malinaw at makapal na Business Line (Drawing A. at B. B-B arrow b.) sa kaliwa at kanan mong palad ang nagsasabing hindi ka sa pag-a-abroad aasenso kundi sa pagnenegosyo na madali namang kinumpirma ng birth date mong 14 at zodiac sign na Capricorn.

3. Sa produktong may kaugnayan sa bungang kahoy, gulay, bunga ng mga halaman, laman-ugat o mga produktong butil, puwede rin ang matitigas na bagay at kalakal na nahuhukay o nakukuha sa ilalim ng lupa o sa ilalim ng ilog at dagat. Sa ganu’ng mga gawain at negosyo ka uunlad hanggang sa kusa mong matupad ang pangarap na magkaroon ng sariling bahay at lupa. Hindi lang ‘yun, kapag sinusuwerte ka, kung tulad mo ring “square type hand” (arrow c.) ang iyong misis, kaunti lang din ang guhit sa kanyang palad (arrow c.) at nagtulungan kayo sa nasabing mga negosyo, yayaman kayo. Kapag nangyari ‘yun, makapag-a-abroad ka pa rin, hindi na para magtrabaho kundi para mamasyal sa mga lugar na noon mo pa pangarap mapuntahan.

MGA DAPAT GAWIN 

1. May kani-kanyang suwerte ang bawat tao. May mga taong sinuwerte sa pag-a-abroad kaya nakapagpatayo ng magarang bahay at nakakapagbukas ng isang simple pero click na negosyo.

2. May mga tao namang suwerte sa pulitika, kaya simula nang naupo sa panunungkulan sa bayan, parang kumikita na rin ng limpak-limpak na dollar dahil sa pagnanakaw sa kaban-yaman. 

3. Sa takdang panahong inilaan ng kapalaran dahil nagtataglay ka ng malaki at makapal na palad, darating ang panahon ang iyong kabuhayan ay lalago nang lalago hanggang sa tuluyan na rin kayong yumaman na nakatakdang mangyari at maganap sa taong 2031 sa edad mong 43 pataas.