Mapalad na direksyon at oras ng mga isinilang sa Year of the Rat

ni Maestro Honorio Ong @Forecast | Marso 24, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Rat o Daga. 

Ang Rat o Daga ay silang mga isinilang noong 1924, 1936, 1948, 1960, 1972, 1984, 1996, 2008, 2020, at 2032.

Ang animal sign na Rat o Daga ay may zodiac sign na Sagittarius sa Western Astrology na pinaghaharian ng planetang Jupiter. Dagdag dito, ang Daga ay mapalad din sa direksyong hilaga, higit lalo tuwing ala-1:00 ng umaga.

Walang duda, higit na mas magiging mapalad ang mga Daga na isinilang sa “day time” higit lalo sa panahon ng tag-araw, kung ikukumpara sa kapatid niyang isinilang sa “night time” o gabi.

Ang nakakatuwa pa, pinaniniwalaan din na ang isang Daga ay likas na mabait, matulungin at higit sa lahat ay palakaibigan. Dahil dito, hindi ka dapat magtaka kung may matatagpuan kang naninirahan sa Daga na isa ring malapit sa kanya na nangangailangan ng kanyang pagkalinga, tulong at suporta. Sa ganitong pag-uugali ng Daga, mas lalo siyang sinusuwerte at pinagpapala ng langit.

Ang isa pang nakakatuwa sa isang Daga, sobrang hilig niyang mamili nang mamili, kahit na hindi niya naman ito mapapakinabangan, kaya naman siya ay napagbibitangan na gastador. Kumbaga, ang isa sa paboritong libangan ng Daga ay ang mag-shopping sa mga sikat at mamahaling supermarket. Libangan niya rin ang mamili lalo na kung may bagsak presyo sa isang department store. Sa ganitong sitwasyon, nagkakandarapa ang Daga na mag-shopping.

Sinasabing kung malilimitahan lamang ang ganitong pag-uugali, eh ‘di sana mayaman na ang mga daga at marami na sana siyang naipon para sa kanyang future.

Relaks, nangunguyakoy, kinakagat-kagat ang kuko, hinahawak-hawakan ang ilong at buhok, at minsan ay hindi mapakali, ito ang ilan lamang sa unconsciously mannerism ng Daga.

 Dagdag dito, kilala rin sa pagiging masipag sa trabaho at matulungin sa kanyang kapwa manggagawa ang isang Daga. Kung naghahanap ka naman ng isang ambisyosa o ambisyosong nilalang, matatagpuan mo rin ito sa isang Daga. Pero, kahit hindi mag-ambisyon, makukuha pa rin ng Daga ang kanyang mga luho at pangarap sa buhay. Ibig sabihin, lagi talagang pinagpapala ng langit ang isang mabait na Daga. Halimbawa, kung may kaibigan kang Daga na namumuhay ng sakto lang, magugulat ka dahil makalipas ang ilang panahon, ang simpleng buhay na ito ay biglang uunlad, yayaman, magkakaroon ng maraming ari-arian, savings at magandang bahay. Kahit pa sabihin na gusto lamang niya ng isang simpleng pamumuhay, wala siyang magagawa sa ipagkakaloob sa kanya ng langit.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Itutuloy….

Horoscope | Marso 24, 2024 (Linggo)

ni Maestro Honorio Ong @Horoscope | Ika-24 Araw ng Marso 2024

Sa may kaarawan ngayong Marso 24, 2024 (Linggo): Negosyo ang magpapayaman sa iyo. Ito ang dahilan kung bakit hindi ka tumatagal sa iyong mga pinapasukan. Ito ang ibig sabihin ng araw ng iyong pagsilang.

ARIES (Mar. 21-Apr. 19) - Bilis ang susi para makuha mo ang gusto mo at bilis din ang magbibigay sa iyo ng malalaking yaman. Kaya huwag kang babagal-bagal. Masuwerteng kulay-blue. Tips sa lotto-9-18-29-35-40-45.

TAURUS (Apr. 20-May 20) - Kahit pa na malungkot ka, libangin mo pa rin ang iyong sarili para sumaya ka. Dahil ang gusto ng langit ay maging masaya ka. Masuwerteng kulay-lilac. Tips sa lotto-11-13-17-20-29-34.

GEMINI (May 21-June 20) - Sabay-sabay ang dating ng mga suwerte. Maging masinop at mapagpahalaga ka sa mga biyayang ipinagkakaloob sa iyo ng langit. Ito ang tunay na susi ng iyong magandang kinabukasan. Masuwerteng kulay-red. Tips sa lotto-15-21-25-33-40-44.

CANCER (June 21-July 22) -  Pasasayahin ka ng langit, dahil ayaw niyang nakikita kang may lungkot sa iyong mga mata. Ang puso mo ay mapupuno rin ng kagalakan. Masuwerteng kulay-peach. Tips sa lotto-6-14-16-26-39-41.

LEO (July 23-Aug. 22) - Gawin mo ang gusto mo, pero gawin mo ito na may saya sa iyong kalooban. Sa ganitong paraan, mas mabilis kang yayaman. Masuwerteng kulay-green. Tips sa lotto-1-4-17-22-27-32.

VIRGO (Aug. 23-Sept. 22) -  Ngayon ang araw mo at ang iba pang mga araw ay para pa rin sa iyo. Mapapahiya ang mga lihim at lantad mong mga kaaway dahil wala silang magagawa kundi ang pakisamahan ka. Masuwerteng kulay-lavender. Tips sa lotto-6-18-25-39-40-41.

LIBRA (Sept. 23-Oct. 22) - Magsuot ka ng maganda para gumanda rin ang takbo ng iyong kapalaran. Ang mga luma at kupas na ay huwag mo nang gamitin. Masuwerteng kulay-violet. Tips sa lotto-7-19-21-24-33-44.

SCORPIO (Oct. 23-Nov. 21) -  Hindi masama na magtanong sa mga taong may alam. Ang masama ay ang nagdunung-dunungan. Humingi ka ng payo sa mga taong alam mong successful na. Masuwerteng kulay-pink. Tips sa lotto-9-16-18-27-29-35.

SAGITTARIUS (Nov. 22-Dec. 21) - Tularan mo ang mga taong umangat sa buhay. Nang sa gayun ay umangat din ang iyong buhay. Huwag kang maniwala sa mga taong nagsasabing bawal mangopya at gumaya. Masuwerteng kulay-yellow. Tips sa lotto-7-11-19-26-29-31.

CAPRICORN (Dec. 22-Jan. 19) - Magpasya ka at bilisan mong magpasya. Kapag mabilis ka, tiyak na tatama ka. Pero, kapag pinatagal mo ang mga bagay, mali ang magiging resulta. Ito ang gabay ng iyong kapalaran. Masuwerteng kulay-purple. Tips sa lotto-5-16-20-25-34-40.

AQUARIUS (Jan. 20-Feb. 18) - Hindi ka mauubusan ng mga suwerte kaya huwag kang manghinayang sa mga suwerteng ‘di mo napapasakamay, at harapin mo ang bawat araw na may positibong pananaw. Masuwerteng kulay-aquamarine. Tips sa lotto-4-15-22-29-37-42. 

PISCES (Feb. 19-Mar. 20) - Negosyo ang unahin mo, at paniguradong ibibigay sa iyo ng langit ang lahat ng bagay na ikakaligaya mo. Muli, negosyo ang unahin mo. Masuwerteng kulay-silver. Tips sa lotto-18-20-24-38-41-45.

Masuwerteng lotto outlet

ni Maestro Honorio Ong @Kapalaran Ayon sa Inyong Numero | Marso 23, 2024

Dear Maestro,

Ako ay isang kolektor ng pautangan, ang problema, nakadispalko ako ng malaking halaga. Kaya sa sandaling nagkabistuhan, maaaring matanggal ako sa aking trabaho, pero hindi lang ako ang nakinabang dahil kasama ko rin ang supervisor at manager namin.

Sa ngayon, talagang hindi ko malaman kung ano ang gagawin ko kapag nalaman na ito sa aming opisina at paniguradong masisibak ako. Kapag nagkataon, paano ko naman bubuhayin ang aking apat na mga anak? Madalas kaming tumataya sa lotto ng misis ko, pero hindi naman kami tumatama. 

Maestro, sana mabigyan mo ako ng masuwerteng numero para makasapol kami ng jackpot at mabayaran ko ang pera na nadispalko ko. June 2, 1973 ang birthday ko. 

Umaasa, 

Arman ng Baguio City

Dear Arman,

Ayon sa birth date mong 2 at nagkataong 2 din ang destiny number mo (7+2+1973=1973/ 19+82=101/ 10+01=1/ 1+1=2), bukod sa sarili mong number na 2, mapalad ka rin sa lahat ng numero na may sumatotal na 1 at 7 tulad ng 1, 10, 19, 28, 37, 7, 16, 25, 34 at iba pang kauri nito. Maaari mo ring subukan ang 1, 20, 34, 36, 40 at 42, gayundin ang 2, 13, 25, 34, 37 at 44. Puwede ka ring humugot ng kumbinasyon mula sa mga numerong 39812/ 51627/ 97561/ 31342. 

Dagdag pa rito, dahil ang 2 at ang zodiac sign mong Cancer ay may kaakibat na buntalang Moon, dapat sa tuwing tataya ka ay hintayin mo ‘yung pagbilog ng buwan o full moon dahil sa ganu’ng petsa o panahon, malaking suwerte ang matatanggap mo buhat ng langit, higit lalo kung laki o nasa high tide ang tubig sa dagat, ilog o batis. 

Upang matiyak ang malaking panalo, maghanap ka ng lotto outlet na nasisinagan ng bilog na buwan ang bintana. Ang nasabing lotto outlet ang magpapatama sa iyo ng malaking halaga ngayong 2025 sa edad mong 51 pataas.