Horoscope | Abril 7, 2024 (Linggo)

ni Maestro Honorio Ong @Horoscope | Ika-7 Araw ng Abril 2024

Sa may kaarawan ngayong Abril 7, 2024 (Linggo): Malayo ang iyong mararating. Para maging matagumpay ang iyong buhay. Simple lang paraan,`wag kang matakot at lakasan mo ang iyong loob na makipagsapalaran.

ARIES (Mar. 21-Apr. 19) - Masyadong malakas ang iyong imahinasyon sa mga araw na ito. Maaaring lumagpas ka sa reyalidad na walang katotohanan. Masuwerteng kulay-yellow. Tips sa lotto-4-15-12-27-30-42.

TAURUS (Apr. 20-May 20) - Hindi ka puwedeng lagi na lang sa loob ng bahay, gumawa ka rin ng paraan upang makalabas ng bahay at makapamasyal sa mga lugar na malapit sa kalikasan. Masuwerteng kulay-purple. Tips sa lotto-6-19-21-24-33-45.

GEMINI (May 21-June 20) - Magiging abala ang iyong isip, at babagal ang iyong mga kamay, ngunit kung magagawa mong mag-isip habang gumagana ang iyong kamay, mas maganda. Masuwerteng kulay-pink. Tips sa lotto-9-18-25-34-39-41.

CANCER (June 21-July 22) - Palakasin mo ang talas ng iyong isipan. Maglaro ka sa sarili mo at subukan itong sagutin. Ito ang mabisang pagsasanay upang mas tumalas ang iyong isip. Masuwerteng kulay-beige. Tips sa lotto-5-14-22-29-34-44.

LEO (July 23-Aug. 22) - Magtatangka ang ilan sa paligid mo na baguhin ang paniniwala mo. Magaganda ang mga katuwiran nila. Pero, kung susuriing mabuti, mga mandaraya lang naman sila. Masuwerteng kulay-blue. Tips sa lotto-1-7-19-20-28-34-40.

VIRGO (Aug. 23-Sept. 22) - Ipahiram mo ang talino mo. Isang paraan ito na nagpapakita ng pagmamahal mo sa iyong kapwa. Nakamasid sa iyo ang mapagpalang langit at may biyaya kang matatanggap. Masuwerteng kulay-black. Tips sa lotto-5-14-23-32-37-41.

LIBRA (Sept. 23-Oct. 22) - Makipag-ugnayan ka sa nasa malalayo na minsang nagpasaya sa iyo. Muli kang sasaya dahil may mga sorpresa siyang ihahanda para sa iyo. Masuwerteng kulay-violet. Tips sa lotto-3-9-12-27-33-39.

SCORPIO (Oct. 23-Nov. 21) - Tiwala sa sarili ang ‘wag mong bibitawan. Ang kabiguan ay pansamantala lamang. Masuwerteng kulay-peach. Tips sa lotto-2-11-25-32-40-44.

SAGITTARIUS (Nov. 22-Dec. 21) - Kung sino ang nakatulong sa iyo dati, siya muli ang tutulong sa iyo. Kung sino ang nagpasaya sa iyo noon, siya muli ang magbibigay saya sa iyo. Masuwerteng kulay-red. Tips sa lotto-9-18-21-29-31-39.

CAPRICORN (Dec. 22-Jan. 19) - Hawakan mo ang mga tradisyunal na aral sa buhay, ang mga ito ang mag-iiwas sa iyo sa mga kabiguan at maglalayo sa iyo sa masasama. Masuwerteng kulay-aquamarine. Tips sa lotto-8-11-26-33-35-42.

AQUARIUS (Jan. 20-Feb. 18) - Malikot ngayon ang isip mo. Ang tama ay puwedeng maging mali, habang ang mali ay puwede ring maging tama. Masuwerteng kulay-white. Tips sa lotto-5-17-24-34-40-45.

PISCES (Feb. 19-Mar. 20) - Makipagsapalaran ka dahil mahigpit ang pagkakadikit sa katawan ng panalo. Kung hihina ang loob mo, maliliit na suwerte lang ang mapapasaiyo sa mga araw na ito. Masuwerteng kulay-green. Tips sa lotto-2-7-19-23-29-33.

Mga animal sign na ka-compatible ng Baka

ni Maestro Honorio Ong @Forecast | Ika-6 Araw ng Abril, 2024

Ipagpatuloy  natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Ox o Baka. 

Ang Ox o Baka ay silang mga isinilang noong 1925, 1937, 1949, 1961, 1973, 1985, 1997, 2009, 2021, 2033. 

Sa aspetong pang propesyon, sinasabing uunlad, liligaya at magtatagumpay ang isang Baka sa propesyong may kaugnayan sa batas at sa pagpapairal ng katarungan sa mga mahihirap at naaapi, tulad ng judge at iba pang propesyon o katungkulan na ang nature ay humahatol, dahil sa taglay nilang talas ng isipan.

Walang iniiwan sa kuwentong matatagpuan sa Bibliya sa Unang Hari, 3:16-18, kung saan ipinamamalas ni Haring Solomon ang napakatalinong desisyon at paghatol.

Ganito ang istorya, may dalawang babae na magkasama sa iisang bahay ang nagsadya kay Haring Solomon, dahil kapwa sila nanganak nang halos magkasabay na parehong lalaking sanggol. Namatay ang anak nang ikalawang babae dahil nadaganan niya ito habang siya ay natutulog.

“Habang ako po ay natutulog, kinuha niya ang anak ko at dinala sa kanyang higaan at ‘yung patay niyang anak ang itinabi sa tabi ko. Kinaumagahan, nagising ako para padedehin ang aking anak at natagpuan ko na lang ito na patay na. Pero, nang pagmasdan kong mabuti ang sanggol, nakilala ko na hindi iyon ang tunay kong anak.”

Tumutol naman ang ikalawang babae at sinabing, “Hindi totoo iyan! Ang anak ko ang buhay at ang sa kanya ang patay!”

Lalo namang iginiit nang unang babae na, “Mahal na hari, ang anak niya po ang patay at ang sa akin ang buhay!”

Kaya't sinabi ni Solomon sa isa, “Sinasabi mong iyo ang buhay na bata at sa kanya ang patay.”

At sa ikalawa, “Ang sabi mo naman, iyo ang buhay at sa kanya ang patay.”  Kaya nagpakuha ang hari ng isang tabak, at idinala sa kanya ang isang matalim na tabak.  

Sinabi ng hari, “Hatiin ang batang buhay at ibigay ang kalahati sa bawat isa.”

Nabagabag ang puso ng tunay na ina at napasigaw,  “Huwag po, kamahalan! Ibigay n’yo na lang po sa kanya ang bata, basta huwag n’yo lamang itong patayin.”

Sabi naman ng isa, “Sige, hatiin n’yo ang bata, para walang makinabang kahit sino sa amin!”

Kaya’t sinabi ni Solomon, “Huwag n’yong patayin ang bata. Ibigay n’yo sa una, dahil siya ang tunay na ina.”

Ganu’n kagaling humatol ang mga taong isinilang sa Year of the Ox, kaya naman dahil sa taglay nilang mala-Haring Solomon, sa larangan ng pagpapatupad ng batas at makatarungang pagpapasya sa kanilang nasasakupan  ang Baka ay tiyak na kikilalanin, magtatagumpay at labis na mamahalin ng mga taong kanyang pinamamahalaan at nasasakupan.

Sa pag-ibig at pakikipagrelasyon, bagama’t may pagkapihikan at bihirang makaranas ng tinatawag na love at first sight, mali namang isipin na hindi sila romantiko at hindi rin totoo na hindi sila naiinlab.

Bagama’t may pagka-naive o halos walang gaanong pakiramdam, umiibig pa rin naman ang isang Ox. Ang problema nga lang ay mabagal silang kumilos at mabagal din silang umibig kaya ang akala ng marami ay hindi gaano masarap magmahal ang mga Ox, ngunit ang totoo, praktikal lang sila kung umibig.

Ang magara pa sa isang Baka, oo nga’t medyo mabagal silang umibig at magmahal, kapag nainlab naman sila ay talaga namang seryosohan. Hindi sila papayag na hindi nila mabibigyan ng magandang buhay at masaganang kinabukasan ang taong kanilang iniibig.

Gayunman, may mga sandali na ang Baka ay madali rin mag-init ang ulo o magalit, at kapag nagalit sila, ito ay matagal nilang kikimkimin. Kaya nga sinasabing, mabagal silang magmahal.

Tulad ng nasabi na, bagama’t mabagal mainlab ang isang Ox, kapag nainlab naman sila, bukod sa seryoso at totoo, nagiging tapat din sila. Kaya nakakabuo sila ng isang maligaya, maunlad at panghabambuhay na pakikipagrelasyon lalo na sa mga animal sign na katugma at ka-compatible ng Baka, tulad ng Rooster o Tandang gayundin ang Snake o Ahas at Rat o Daga.

Sa sandaling nagkaroon ng relasyon ang Baka at Tandang, sinasabing agad silang magkakasundo at magkakaunawaan, dahil kapwa sila masipag, praktikal at dedikado sa kanilang mga ginagawa. Kaya kapag ang Baka at Tandang ay nagkatuluyan, tiyak na sila ay yayaman at uunlad nang uunlad.

Habang ang relasyon ng Baka at Ahas ay magiging mapalad din dahil aalagaan ng Ahas ang Baka sa panahong siya ay nahahapo at napapagod. Ang mahiwagang haplos ng isang Ahas ang siyang magpapasigla at bubuhay sa imahinasyon at pagnanasa ng isang Baka.

Ang Daga at Baka ay sinasabi ring compatible. Nangyaring ganu’n, dahil ang Daga tulad din ng Ahas ay tunay ngang maaruga at mapagkalinga na gustung-gusto naman maranasan ng isang Baka.

Ang nasabing mga relasyon, Baka at Tandang. Baka at Ahas; at ang Daga at Baka, tulad ng naipaliwanag na ay sadyang magiging mapalad at maligaya higit lalo kung ito ay mabubuo ngayong Green Wood Dragon, na maghahatid ng suwerte at magandang kapalaran sa nasabing mga animal sign. 

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Horoscope | Abril 6, 2024 (Sabado)

ni Maestro Honorio Ong @Horoscope | Ika-6 Araw ng Abril 2024

Sa may kaarawan ngayong Abril 6, 2024 (Sabado): Lahat ng magaganda ay para sa iyo. Kaya ang mga tao na may pangit na pag-uugali at pagkatao ay layuan mo. Dahil muli, ang magaganda'y para sa iyo.

ARIES (Mar. 21-Apr. 19) - Kung ano ang magpapasaya sa iyo, iyon ang piliin mo. Ang mga sasabihin ng iba na kung anu-ano ay huwag mong pakikinggan. Masuwerteng kulay-red. Tips sa lotto-3-6-12-27-37-45.

TAURUS (Apr. 20-May 20) - Darating ang panahon at walang makakaawat kahit ang mainit na kapaligirang umiiral ngayon ay walang magagawa sa pagdapo sa iyo ng magandang kapalaran. Magpasalamat ka lagi sa itaas. Masuwerteng kulay-pink. Tips sa lotto-5-18-28-32-40-44.

GEMINI (May 21-June 20) - Mag-isip ka nang mabuti. Hindi lahat ng magandang salita ay maganda rin ang resulta sa reyalidad. Masuwerteng kulay-gray. Tips sa lotto-9-14-23-28-32-41.

CANCER (June 21-July 22) - Napakalakas ng iyong gayuma. Para mapatunayang ito’ y totoo, lumapit ka sa taong galit sa iyo, magugulat ka at mahahalata mo na may pagtingin pala siya sa iyo. Masuwerteng kulay-green. Tips sa lotto-2-20-22-31-40-43.

LEO (July 23-Aug. 22) - Gawin mo ang gusto mong gawin. Kung may sumalungat man sa iyo, gawin mo pa rin ito. Bakit ka magpapaawat gayung alam mo kung ano ang magpapasaya sa iyo? Masuwerteng kulay-yellow. Tips sa lotto-4-17-25-29-34-44.

VIRGO (Aug. 23-Sept. 22) - Sumusunod ang katawan kung ano ang dikta ng isip. Kaya kapag nakaramdam ka ng pananamlay, humarap ka sa salamin at sabihing, “Araw-araw, bubuti ang aking kalusugan.” Masuwerteng kulay-lilac. Tips sa lotto-3-11-17-23-32-40. 

LIBRA (Sept. 23-Oct. 22) - Iyo ang araw ngayon. Pahalagahan at ingatan mo ang magagandang kapalaran na ireregalo sa iyo ng langit. Masuwerteng kulay-purple. Tips sa lotto-6-15-21-24-39-45. 

SCORPIO (Oct. 23-Nov. 21) - Kunin mo ang ibibigay sa iyo kahit na hindi mo kailangan. Magpasalamat ka, dahil binigyan ka ng karapatang mamili. Masuwerteng kulay-blue. Tips sa lotto-9-18-22-31-40-45.

SAGITTARIUS (Nov. 22-Dec. 21) - Maaakit ang mga mata mo sa magaganda. ‘Wag kang makinig sa mga payo na mas magandang piliin ang hindi maganda sa tingin. Masuwerteng kulay-peach. Tips sa lotto-3-12-24-33-39-42.

CAPRICORN (Dec. 22-Jan. 19) - Hawak mo ngayon ang alas. Gamitin mo ito, kahit pa sabihing malakas na baraha ito, wala pa rin itong silbi kung ‘di mo ibababa sa mesa. Masuwerteng kulay-orange. Tips sa lotto-8-19-28-34-40-45. 

AQUARIUS (Jan. 20-Feb. 18) - Magsaya ka dahil ngayon mo mararanasan ang huling halakhak. Masuwerteng kulay-silver. Tips sa lotto-4-13-17-26-35-44.

PISCES (Feb. 19-Mar. 20) - Ikaw ang gumabay sa mga taong nalilito sa buhay. Taglay mo ang kakayahang ituwid ang isipan ng mga namali at maligaw ng landas. Masuwerteng kulay-lavender. Tips sa lotto-2-16-25-29-34-40.