Rabbit, handang gawin ang lahat para sa pamilya

ni Maestro Honorio Ong @Forecast | Ika-22 Araw ng Abril, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Kuneho o Rabbit. 

Ang Kuneho o Rabbit ay silang mga isinilang noong taong 1927, 1939, 1951, 1963, 1975, 1987, 1999, 2011 at 2023. 

Sa pag-ibig at pakikipagrelasyon, bagama’t likas na mapagmahal, may pagkapihikan naman ang isang Kuneho. Ibig sabihin, mailap at mahirap silang mahuli, kumbaga, matagal sila bago magtiwala sa isang nilalang.

Dahil sa ugaling ito ng Kuneho, ang madalas na nangyayari ay “late in life” na kung sila nakakapag-asawa.

Kaya naman, kung ikaw ay isang Kuneho at nararamdaman mo na medyo pihikan at nagkaka-edad ka na, dapat ka na sumunggab nang sumunggab sa bawat pakikipagkaibigan na iyong nararanasan upang hindi ka maiwanan ng panahon, at tumandang dalaga o binata. Sapagkat, mas maganda pa rin na magkaroon ng sariling pamilya. Kung saan, dito ka dapat makabuo ng masaya at successful na family.

Sa panahon namang nakapag-asawa na ang isang Kuneho, matagal siyang nakakapag-adjust, dahil hindi niya agad natatanggap na may kasama na pala siya sa buhay.

Kumbaga, nakasanayan na kasi niyang mag-isa, kaya naman kapag nakapag-asawa na siya, nahihirapan siyang makisama sa babae o lalaking kanyang asawa.

Dagdag dito, dahil matagal magtiwala, kapag may asawa na ang isang Kuneho, hindi pa rin siya mapakali, dahil iniisip niya na baka hindi totoo o hindi tapat ang kanyang kapareha.

Dahil dito, madalang tuloy siyang nakaramdam ng tunay na ligaya.

Kaya kung ikaw ay isang Kuneho, mas magandang kapag nakapag-asawa ka, anuman ang kapintasan na mayroon siya, anuman ang iniisip mo sa kanya, pikit-mata mo siyang mahalin at pagkatiwalaan, ito na lamang ang sabihin mo sa iyong sarili, “Siya ang hulog sa akin at bigay ng langit, anuman at sinuman siya, dapat ko siyang tanggapin at mahalin.” 

Sa ganu’ng attitude, roon ka mas liligaya at sasaya.    

Ang kinaganda pa sa isang Kuneho, kapag naging stable na ang kanyang relasyon, o nakapag-adjust na siya sa buhay pagpapamilya, sobra rin siya kung magmahal, lahat ng kaya niyang gawin ay gagawin niya para lamang sa ikaliligaya ng kanyang minamahal na pamilya. 

At pagdumating ang panahon na stable na ang pamilya ng isang Kuneho, tunay ngang lalong lulumutang ang kanyang dedikasyon. 

Sa pangkalahatan, tunay ngang may pagka-elegante, romantiko at marahan kung maglambing at magmahal ang mga Kuneho sa kanilang mga kasuyo.

Sinasabing ang Sheep o Tupa ang isa sa ka-compatible ng Rabbit upang madama niya ang isang maligaya at panghabambuhay na romansa at pakikipagrelasyon.

Katugma at okey din sa isang Kuneho ang tapat at mapagmahal na Aso, gayundin ang Baboy. Bukod sa Tupa, Aso at Baboy, swak ding mapangasawa ng isang Kuneho ang isang matalino at mahusay magdesisyon na Ahas, Daga, Dragon at Baka.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Horoscope | Abril 22, 2024 (Lunes)

ni Maestro Honorio Ong @Horoscope | Ika- 22 Araw ng Abril 2024

SA MAY KAARAWAN NGAYONG ABRIL 22, 2024 (Lunes): Napakalakas ng iyong personalidad. Ito ang lihim na dahilan kung bakit nakakabangga mo ang kapwa mo rin malakas.

ARIES (Mar. 21-Apr. 19) - Muli, huwag mong pansinin ang mga taong sumasalungat sa iyo, dahil wala naman silang mabuting maitutulong sa iyo. Kahit ano’ng gawin mo, kokontra at kokontra pa rin naman sila sa buhay mo. Masuwerteng kulay-green. Tips sa lotto-9-20-24-30-34-42.

TAURUS (Apr. 20-May 20) - Ipakita mo kung ano ang kaya mo, para ipakita rin ng langit kung ano ang para sa iyo. Masuwerteng kulay-yellow. Tips sa lotto-6-10-14-24-33-45.

GEMINI (May 21-June 20) - Hindi ka mauubusan ng mga suwerte, pero ang mga karibal mo ay kakapusin ng buwenas. Ganyan ka kamahal ng nasa itaas. Masuwerteng kulay-purple. Tips sa lotto-9-11-13-18-21-23.

CANCER (June 21-July 22) - Huwag mong pahirapan ang iyong sarili dahil lang ayaw nila sumunod sa iyo. Sila ang dapat na mahirapan at magdusa dahil mas mapalad ka kesa sa kanila. Masuwerteng kulay-pink. Tips sa lotto-14-18-27-30-33-38.

LEO (July 23-Aug. 22) - Masyado kang nakatutok sa isang tao na hindi ka naman pinapahalagahan. Dapat kang magising sa katotohanan na nagsasayang ka lang ng panahon. Masuwerteng kulay-beige. Tips sa lotto-7-19-25-34-39-41.

VIRGO (Aug. 23-Sept. 22) - Ito ang araw na sadyang nakalaan sa iyo. Kaya naman kahit ayaw mo, marami ka pa ring suwerte na makukuha at ipagkakaloob ng nasa itaas. Masuwerteng kulay-blue. Tips sa lotto-12-18-25-31-38-43.

LIBRA (Sept. 23-Oct. 22) - Unahin mo ang iyong sarili, dahil ito ang tunay na sikreto ng iyong tagumpay. Ito rin ang lihim na ginagawa ng mga kasalukuyang nagtatagumpay. Masuwerteng kulay-black. Tips sa lotto-5-17-21-25-39-44

SCORPIO (Oct. 23-Nov. 21) - Higit kailanman, ngayon mo kailangan ilabas ang iyong natatagong lakas. Ang mga alahas kahit gaano kaganda ay walang saysay kung lagi lang naman nakatago. Masuwerteng kulay-violet. Tips sa lotto-6-9-13-18-21-27.

SAGITTARIUS (Nov. 22-Dec. 21) - Patuloy ang pagsulong ng mundo at lalo itong nagiging moderno sa kabila ng katotohanan na may gabing madilim. Masuwerteng kulay-peach. Tips sa lotto-8-10-15-26-34-42.

CAPRICORN (Dec. 22-Jan. 19) - Nagtataka ang mga kaaway mo, dahil mas gumaganda ang buhay mo kesa sa kanila. Gayung ayon sa kanila, mahina at mas mahusay sila kesa sa iyo. Masuwerteng kulay-red. Tips sa lotto-9-11-18-22-27-36.

AQUARIUS (Jan. 20-Feb. 18) - Tanggapin mo na may pagkukulang ka rin. Ang may kulang ay nadaragdagan. Ito ang sikreto ng mga umaasenso. Masuwerteng kulay-lavender. Tips sa lotto-6-10-16-28-33-45.

PISCES (Feb. 19-Mar. 20) - Kung ano ang nasa sa iyo, paramihin mo. Ang munting butil ng palay kapag itinamin ay dumarami nang dumarami. Masuwerteng kulay-white. Tips sa lotto-5-11-18-20-32-44.

Knows mo ‘yun?... Antique, lucky charm ng mga Rabbit

ni Maestro Honorio Ong @Forecast | Ika-21 Araw ng Abril, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Kuneho o Rabbit. 

Ang Kuneho o Rabbit ay silang mga isinilang noong taong 1927, 1939, 1951, 1963, 1975, 1987, 1999, 2011 at 2023. 

Sa aspetong pandamdamin at pakikipagkapwa tao, dahil super love ng mga Kuneho ang tahimik at payapang buhay, kadalasan silang umiiwas sa responsibilidad at hinahayaan na lamang nila na lumipas ang mga pangyayari. Kung saan, inaakala tuloy ng iba na ang Kuneho ay isang pabaya. Pero, hindi naman sila ganu’n. Sa halip, ang mga Kuneho ay may mga layunin at pangarap lang na nakatuon sa ikabubuti at ikagaganda ng kanilang mga pamilya. Ibig sabihin, likas sa mga Kuneho ang matulungin at maasikaso sa kanilang pamilya at nakapokus sila sa kanilang ambisyon.

Kung pagbibigyan sila ng langit na yumaman, tiyak na ang una nilang babalatuhan ng kaligayahan at luho sa buhay ay ang miyembro ng kanilang pamilya, dahil tulad ng nasabi na, likas na matulungin, mapagmahal at mapagbigay ang Kuneho sa kanilang pamilya. 

Bukod sa payapa at tahimik na buhay, ang mga Kuneho ay mahiligin din sa nature, at ito rin ang nagsisilbi nilang therapy. Kaya naman, mas pinipili nila ang mapag-isa kesa na makihalubilo sa iba. Dahil dito, napapagbintangan tuloy ang mga Rabbit na isang loner at introvert. Bagama’t may pagka-introvert, ang ikinaganda naman sa Rabbit kahit na sila ay naghihirap at nauubusan ng salapi, hindi sila gaanong naaapektuhan, dahil likas sa kanila ang pagiging optimista.

Tunay ngang kahit na mahulog pa ang Kuneho sa pinakababang kalagayan, mangangarap pa rin sila ng maganda at positibong bagay, dahil hindi namamatay ang ningas ng kanilang espirito na isang araw, uunlad, yayaman at magiging maginhawa rin ang kanilang buhay. Kaya naman ang Kuneho ay laging umaasa, kahit pa na wala ng pag-asa, dahil buo pa rin sa puso nila, at nakakatiyak pa rin sila na uunlad, sasagana at magbabago rin ang lahat.

Dahil likas na mahilig ang mga Kuneho sa magagandang mga bagay at sa mga likhang sining, matatagpuan ang kanyang bahay na may mga collection ng mga mamahaling likhang sining at mga antique na bagay sa kanila, ito rin ang lucky charm nila o panghatak ng suwerte at magandang kapalaran lalo na sa larangan ng pananalapi, pangkabuhayan at materyal na bagay. Bagay na bagay din sa Kuneho ang pagiging mapag-isa, katulad ng pagpunta sa mga lugar na malapit sa kalikasan, arts collector, philanthropist, social worker, anthropologist, at iba pang uri nito.

Dagdag dito, dahil likas sa Kuneho ang pagiging marangal, tugma sa kanilang pagkatao ang old French expression na “noblesse oblige” na nangangahulugang habang may kakayahan sila, patuloy pa rin silang nagiging marangal, at matulungin sa mga taong nangangailangan.

Tunay ngang sa pangkalahatan, dahil likas na mabait at mabuting tao, itinuturing din sila bilang isa sa pinakamapalad na animal sign, kaya madalas silang natatagpuan na may kuntento, successful at maligayang pamilya, lalo na sa panahon ng kanilang katandaan.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.