Horoscope | Abril 29, 2024 (Lunes)

ni Maestro Honorio Ong @Horoscope | Ika- 29 Araw ng Abril 2024

Sa may kaarawan ngayong Abril 29, 2024 (Lunes): Malakas ngayon ang iyong pandama. Mabilis mong makukuha ang tunay na motibo ng mga taong nakakaharap mo. Kaya walang dahilan upang maisahan ka nila.

ARIES (Mar. 21-Apr. 19) - Kontrolin mo ang iyong emosyon. Kapag hindi nakokontrol ng tao ang kanyang damdamin, madalas na nakakagawa siya ng mga bagay na ‘di mabuti. Masuwerteng kulay-burgundy. Tips sa lotto-11-19-24-28-30-33.

TAURUS (Apr. 20-May 20) - Muling lalakas ang iyong gayuma. Sa katunayan, bawal ka magtagal sa salamin dahil baka humanga ka rin sa iyong sarili. Masuwerteng kulay-white. Tips sa lotto-9-18-29-31-36-43.

GEMINI (May 21-June 20) - Huwag ka na makisali sa magulong sitwasyon. Ang maganda para sa iyo ay magsaya nang magsaya kesa na makihalo sa mga problema ng mga kaibigan mo. Masuwerteng kulay-green. Tips sa lotto-4-18-20-25-35-40.

CANCER (June 21-July 22) - Iyo ang araw na ito at ang ilang araw pang darating. Ngayon ang araw para hilingin sa langit ang mga bagay na magbibigay sa iyo ng kaligayahan. Masuwerteng kulay-yellow. Tips sa lotto-6-17-22-28-34-44.

LEO (July 23-Aug. 22) - Hindi mo magagawa ngayon ang mga gusto mong gawin dahil tatalunin ka ngayon ng awa. Huwag mo nang ipilit ang masama mong binabalak. Masuwerteng kulay-purple. Tips sa lotto-8-13-27-31-38-45.

VIRGO (Aug. 23-Sept. 22) - Aatakihin ka ng mga lungkot kahit pa magsaya ka, hindi ka nila lalayuan. Ang solusyon ay halungkatin mo ang mga naitago mong masasayang alaala. Masuwerteng kulay-pink. Tips sa lotto-2-18-21-24-33-39.

LIBRA (Sept. 23-Oct. 22) - Gamitin mo ang magagandang katangian mo, dahil lahat ng ito ay mapapasaiyo. Ito ang sikreto ng kapalaran kaya walang dahilan upang hindi ka magkaroon ng masarap na buhay. Masuwerteng kulay-beige. Tips sa lotto-6-17-20-34-41-45.

SCORPIO (Oct. 23-Nov. 21) - Hawak mo ngayon ang kapalaran mo. Isang pribilehiyo ito para mabago ang buhay mo. Huwag mo itong sayangin. Muli, hawak mo ngayon ang iyong kapalaran. Masuwerteng kulay-blue. Tips sa lotto-15-20-26-35-37-40.

SAGITTARIUS (Nov. 22-Dec. 21) - Muli, magparaya ka sa mga taong mahihina. Hindi kahinaan sa panig mo ang paminsan-minsang pagpaparaya. Masuwerteng kulay-black. Tips sa lotto-3-9-12-29-33-42.

CAPRICORN (Dec. 22-Jan. 19) - Pansinin mo ngayong araw ang magagandang bagay na nangyayari sa buhay mo. Mali na kapag ang pinagtuunan mo ng pansin ay ang mga kabiguan na kasalukuyan mong nararanasan. Masuwerteng kulay-violet. Tips sa lotto-8-17-23-30-35-45

AQUARIUS (Jan. 20-Feb. 18) - Kung saan ka masaya, roon ka! Dapat mong takasan ang mga taong nagbibigay ng pasakit sa iyo. Ang isa pang payo para sa iyo, mahalin mo ang iyong sarili. Masuwerteng kulay-peach. Tips sa lotto-4-11-15-22-25-32.

PISCES (Feb. 19-Mar. 20) - Huwag kang mabahala, at alisin mo ang iyong takot!  Kumikilos ang langit upang gumanda ang iyong buhay. Masuwerteng kulay-red. Tips sa lotto-2-10-16-29-30-35.

Pula at itim na damit, dapat suotin ng OFW upang matagpuan ang "The One"

ni Maestro Honorio Ong @Kapalaran Ayon sa Inyong Numero | Ika-28 Araw ng Abril, 2024

Dear Maestro,

Matagal na ako rito sa Hong Kong, ngunit hanggang ngayon ay hirap pa rin akong makahanap ng lalaking magmamahal sa akin. Ano’ng kulay ng damit ba ang dapat kong isuot upang suwertehin ako sa buhay, lalo na sa pag-ibig?

Malas ba ako sa pag-ibig o may posibilidad pa ba kong suwertehin na makapag-asawa at magkaroon ng masayang pamilya? Kung mayroon, kailan naman ito magaganap?

Sana sa pagbakasyon ko sa ating bansa sa susunod na taon ay magkaroon na ako ng lalaking makakasama habambuhay. February 7, 1988 ang birthday ko. 

Umaasa,

Aileen ng Kawloon, Hong Kong

Dear Aileen,

Para makapag-asawa ka, ayon sa birth date mong 7 at sa destiny number na 8 (2+7+1988=1997/ 19+97=116/ 11+6=17/ 1+7=8) at sa zodiac sign na Aquarius, kailangan palagi kang magsuot ng kulay na pula sa kumbinasyong itim. Ang nasabing dalawang strong color na pinagsamang itim at pula ang hihigop ng magarang pag-ibig at masayang pakikipagrelasyon sa sandaling hindi mo inaasahan. Higit lalo sa ngayong 2024 hanggang 2025.

Samantala, kapag sawa ka na sa pagsusuot ng pula at itim, puwede ring pamalit ang green at yellow. 

Habang ka-compatible naman ng zodiac sign mong Aquarius silang mga isinilang sa zodiac sign na Libra, Gemini, Leo at kapwa mo Aquarius. Gayundin, silang mga isinilang sa buwan ng Disyembre at Enero, higit lalo silang may mga birth date na 2, 11, 20, 29, 7, 16, 25, 4, 13, 22 at 31. Samantala, dagdag sa mga taong ka-compatible mo ay kahit ano’ng zodiac sign, basta’t isinilang sa mga petsang 4, 13, 22, 31, 5, 14, 23, 8, 17 at 26.

Sa sandaling nagawa mo ang simpleng rekomendasyon na inilahad sa itaas at nagkataong nagkaroon ka ng kaibigan na isinilang sa nasabi ng zodiac sign at petsa, tiyak ang magaganap sa taon ding ito ng 2024 o kaya sa susunod na taon, sa edad mong 36 pataas, walang duda. makakapag-asawa at magkakaroon ka na ng isang maligaya at panghabambuhay na pamilya na hatid ng lalaking isinilang sa zodiac sign na Libra.

Horoscope | Abril 28, 2024 (Linggo)

ni Maestro Honorio Ong @Horoscope | Ika- 28 Araw ng Abril 2024

Sa may kaarawan ngayong Abril 28, 2024 (Linggo): Kabilang ka sa mga masuwerte. Kaya kusang dadapo sa iyo ang magagandang kapalaran.

ARIES (Mar. 21-Apr. 19) - Dadalawin ka ng suwerte. Marami ito at ang iba ay mananatili sa iyo hanggang sa lubusang matupad ang mga ambisyon mo. Masuwerteng kulay-peach. Tips sa lotto-18-22-28-30-33-36.

 TAURUS (Apr. 20-May 20) - Kung saan ka masaya, roon ka. Dahil sa tuwing nasisiyahan ka, ang magagandang bagay ay agad na magdaratingan sa iyong kapalaran. Masuwerteng kulay-red. Tips sa lotto-14-20-26-39-40-45..

GEMINI (May 21-June 20) - Lumayo ka sa mga paladaing, hindi dahil maiisahan ka na naman kundi dahil sila ay tulad ng sakit na nakakahawa. Ito ang mensahe at payo ng iyong kapalaran ngayon. Masuwerteng kulay-brown. Tips sa lotto-12-17-21-23-28-34.

CANCER (June 21-July 22) - Isuot mo ang paborito mong damit kahit medyo luma na, ito ang magsisilbi mong pampasuwerte ngayon. Gawin mo ito, ngayon na. Ito ang payo para sa iyo. Masuwerteng kulay-white. Tips sa lotto-11-19-25-26-33-38.

LEO (July 23-Aug. 22) - Suwerte ka ngayon at lalo kang susuwertehin kapag may mga taong hindi naniniwala na masuwerte ka. Masuwerteng kulay-green. Tips sa lotto-4-23-30-39-42.

VIRGO (Aug. 23-Sept. 22) - Ilabas mo ang bagay na buo pa pero sobrang luma na nasa iyong taguan. Kahit hindi mo ito gamitin, guguhit pa rin sa kapalaran mo ang nakakamanghang mga suwerte. Masuwerteng kulay-yellow. Tips sa lotto-3-13-25-27-37-42.

 LIBRA (Sept. 23-Oct. 22) - Mahirap gawin, pero ‘pag nagawa mo, malalaking suwerte ang mapapasaiyo. Masuwerteng kulay-purple. Tips sa lotto-12-20-28-31-35-44.

SCORPIO (Oct. 23-Nov. 21) - Namamahinga lang ang mga suwerte at kapag nakapagpahinga na ito, hindi lang ikaw ang mamamangha at magugulat dahil ang lahat ay makikinabang. Masuwerteng kulay-pink. Tips sa lotto-16-24-29-30-33-38.

SAGITTARIUS (Nov. 22-Dec. 21) - Tanggapin mo ang ibibigay sa iyo kahit hindi mo kailangan, ito mismo ang magsisilbi mong pampasuwerte sa mahabang panahon. Masuwerteng kulay-beige. Tips sa lotto-14-22-29-38-40-41.

CAPRICORN (Dec. 22-Jan. 19) - Hindi mahalaga kung hindi ka kikilos para sa iyong pangarap. Dahil noon pa man, nagpasya na ang langit na mapapasaiyo pa rin ang iyong mga pangarap. Masuwerteng kulay-blue. Tips sa lotto-11-15-29-32-36-41.

AQUARIUS (Jan. 20-Feb. 18) - Hindi maganda na mag-isa ka lang mamasyal dahil ang mga suwerte ay guguhit pa rin sa kapalaran mo ngayon. Masuwerteng kulay-black. Tips sa lotto-16-22-24-28-38-42. 

PISCES (Feb. 19-Mar. 20) - Magbawas ka ng ilang gamit na bihira mo nang gamitin. Ipamigay mo ito sa iyong kapwa, magugulat ka dahil bibigyan ka rin ng langit ng mga makabagong kagamitan na labis mong ikakatuwa. Masuwerteng kulay-violet. Tips sa lotto-10-19-21-25-29-33.