Horoscope | Hulyo 20, 2024 (Sabado)

ni Maestro Honorio Ong @Horoscope | July 20, 2024

Sa mga may kaarawan ngayong Hulyo 20, 2024 (Sabado): Ito na ang araw na pinakahihintay mo. Hindi ka mabibigo sa iyong mga pangarap, dahil lingid sa iyong kaalaman, inihanda ka na ng langit upang matupad ang mga pangarap na iyong inaasam-asam. 

ARIES (Mar. 21-Apr. 19) - Iyong panatilihin ang pagiging mabuti, dahil ito ang susi sa pagkakaroon mo ng kaligayahan habang tinatamasa ang bunga ng iyong mga pinagsikapan. Masuwerteng kulay-blue. Tips sa lotto-19-21-28-27-35-38.

TAURUS (Apr. 20-May 20) - Nagkakaroon ng malakas na puwersa ang marami ‘pag ito ay nagsama-sama. Makibahagi ka sa isang grupo na may iisang layunin. Masuwerteng kulay-black. Tips sa lotto-7-18-20-24-27-34.

GEMINI (May 21-June 20) - Ang pagiging mabagal sa mga bagay na iyong ginagawa ay normal lamang. Sa kabagalan, makikita mo ang mga dapat mong gawin. Masuwerteng kulay-violet. Tips sa lotto-5-7-11-18-23-42.

CANCER (June 21-July 22) - Ang kapalaran mo ngayon ay aayon sa maganda mong kinabukasan. Patuloy kang pakikitaan ng langit ng magagandang bagay ngayon. Masuwerteng kulay-peach. Tips sa lotto-4-16-20-24-27-35.

LEO (July 23-Aug. 22) - Naglalaban ang saya at lungkot sa iyong buhay. Masaya ang iyong paligid, ngunit ikaw naman ay nakikitaan ng lungkot at bigat sa iyong kalooban. Ang dapat mong gawin ay magpahinga. Masuwerteng kulay-red. Tips sa lotto-12-22-26-39-41-45.

VIRGO (Aug. 23-Sept. 22) - Patuloy kang magsumikap, ‘wag kang patatangay sa pagsasaya. Kung papaudyok ka, maaaring hindi mo makamit ang mga magagandang bagay na nakalaan para sa iyo. Masuwerteng kulay-silver. Tips sa lotto-7-24-27-31-35-41.

LIBRA (Sept. 23-Oct. 22) - Hindi ka pahahalagahan ng langit kung ikaw ay tamad. Masuwerteng kulay-white. Tips sa lotto-6-18-21-26-35-42.

SCORPIO (Oct. 23-Nov. 21) - Huwag kang mamili ng iyong pakikisamahan. Ang lahat ng mga tao na nakapaligid sa iyo ay bigyan mo ng importansiya at pagmamahal.  Masuwerteng kulay-green. Tips sa lotto-3-10-13-29-31-38.

SAGITTARIUS (Nov. 22-Dec. 21) - Huwag mong sayangin ang lakas mo sa mga walang kuwentang bagay. Ang lakas at talino ng tao ay ginagamit upang magkaroon ng magandang kinabukasan. Masuwerteng kulay-yellow. Tips sa lotto-17-19-27-33-36-44.

CAPRICORN (Dec. 22-Jan. 19) - Hindi totoong sa mabilis na paraan mo makukuha ang saya at ligaya. Sa ngayon, kahit hindi ka sumama sa kasiyahan, malaki ang tsansa na pasayahin ka ng iyong kapalaran. Masuwerteng kulay-purple. Tips sa lotto-19-20-28-30-32-41.

AQUARIUS (Jan. 20-Feb. 18) - Nakakapagtaka ang iyong kapalaran dahil mapapasaiyo ngayon ang mga bagay na kinaayawan o kinaiinisan mo. Ang mga bagay naman na iyong inaasam ay mapupunta sa ibang tao. Masuwerteng kulay-pink. Tips sa lotto-9-11-18-28-39-40.

PISCES (Feb. 19-Mar. 20) - Ikaw ay pinagpala ngayong Year of Dragon, dahil nasa iyo ang huling halakhak. Ito ang taon na pinakahihintay mo. Masuwerteng kulay-beige. Tips sa lotto-3-17-26-32-38-43.

Bebot, 'di dapat sukuan ang bf na mama's boy

ni Maestro Honorio Ong @Kapalaran Ayon sa Inyong Numero | July 13, 2024

Dear Maestro,

May boyfriend ako at siya ang first boyfriend ko. Wala pang isang taon ang relasyon namin, pero puro sakripisyo at problema agad ang ibinibigay niya sa akin. 

Isa siyang mama’s boy, pero kahit na ganu’n, mabait naman siya. Ang kaso nga lang, lahat nang sabihin ng mama niya ay sinusunod niya, kahit na nakakaapekto na ito sa aming relasyon. Pinagbawalan siyang mag-dyowa ng nanay niya, hangga’t wala pa umano siyang matinong trabaho. Kaya sa madaling salita, lihim lang ang aming relasyon. 

Ako rin ang madalas na nag-a-adjust sa mga problema namin. Kaya napag-isip-isip ko tuloy ngayon, magtatagal ba ang ganitong magulo at komplikadong relasyon? Nawa’y mapayuhan n’yo ako, mahal na mahal ko siya at ayoko ring mawala siya sa akin. 

Maestro, may pag-asa pa kaya kaming magkatuluyan?  Kapag nagkatuluyan kami, hindi kaya gugulo ang bubuuin naming pamilya? Ayokong matulad ang relasyon namin sa kanila na kung saan walang tumayong ama para sa kanya, kaya naman super higpit ng nanay niya. 

Ang birthday ko ay March 8, 1998, habang June 25, 1997 naman ang boyfriend ko. 

Umaasa,

Marianne ng Prenza, Lian, Batangas

---

Dear Marianne,   

Ganyan talaga ang buhay kapag nagmamahal, kailangan mong mag-sacrifice alang-alang sa iyong minamahal. Sa katunayan, walang kuwenta ang pag-ibig kung walang magsa-sacrifice, dahil ang pagtiiis ang tunay na nagpapalalim sa inyong ugnayan at pag-iibigan.

‘Ika nga ni Mother Teresa, “I have found the paradox that if I love until it hurts, then there is no hurt, but only more love.” Ibig sabihin, ang tunay na esensya ng pag-ibig ay ang masaktan at sa sandaling puro sakit na lang, doon na lulutang ang tunay na diwa ng pagmamahal.

Ang problema lang sa sitwasyon n’yo, ikaw ang palaging nagtitiis at nagbibigay sa boyfriend mong mama’s boy. Pero alam mo okey lang iyon, dahil sabi mo nga, mahal na mahal mo naman siya.

At hangga’t kaya mong magtiis at mag-sacrifice sa pag-ibig na inuukol mo sa kanya, sumige ka lang nang sumige, dahil sa bandang huli kapag nag-mature na ang boyfriend mo, kusa namang liligaya ang inyong relasyon.

Hindi ka rin naman dapat na mag-alala, dahil sadya ngang magiging maligaya ang inyong relasyon, dahil ang zodiac sign mong Pisces na may elementong water o tubig ay tulad din ng zodiac sign na Cancer ng boyfriend mo na nagtataglay din ng elementong tubig o water. Ibig sabihin, tugma at compatible talaga kayong dalawa.

Habang sa Numerology ay ganundin, ang strong number mong  8 ay tugma rin sa weak number niyang 25 o 7, (ang 25 ay 2+5=7) ng boyfriend mo. Kung saan, ang pagsasama ng weak at strong number or weak at strong personality ay sadyang balanse para sa isa’t isa. At dahil balanse sa isat-isa, darating ang panahong may pangako ng isang wagas, masagana at maligayang relasyon habambuhay.

Sa madaling salita, kaunting tiis, at pasensiya pa, dahil sa bandang huli mararating n’yo rin ang summit ng isang tunay at wagas na pagmamahalan. Kasabay nito, mare-realize rin ng boyfriend mo ang mga sacrifices na ginagawa mo para sa kanya. Kapag dumating ang puntong iyon, mas lalo ka niyang iibigin at mamahalin, hanggang sa kayo na nga ang magkatuluyan, at makabuo ng isang maligaya at panghabambuhay na pamilya. Ayon sa iyong Love Calendar, nakatakda itong mangyari at maganap sa taong 2026, sa edad mong 28 pataas at 29 naman ang boyfriend mo.

Horoscope | Hulyo 14, 2024 (Linggo)

ni Maestro Honorio Ong @Horoscope | July 14, 2024

Sa may kaarawan ngayong Hulyo 14, 2024 (Linggo): Makulay ang iyong kapalaran. May kulay ng dilim na para sa kabiguan at may makislap na kulay ng tagumpay, pero ang mamamayani sa iyo ay ang kulay ng masaganang buhay.

ARIES (Mar. 21-Apr. 19) - Hindi ka dapat malibang sa ningning ng iyong buhay. Huwag mong kaligtaan ang kasalukuyan at paghahanda sa kinabukasan. Masuwerteng kulay-beige. Tips sa lotto-8-11-14-19-25-37.

TAURUS (Apr. 20-May 20) - Kumapit ka sa katangian mo na isang matatag at matibay na nilalang. Lumayo ka sa mga taong alam mong makakasira sa buhay mo. Ito ang mensahe ng iyong kapalaran ngayon. Masuwerteng kulay-blue. Tips sa lotto-7-10-15-29-32-44.

GEMINI (May 21-June 20) - Ibahagi mo sa iyong kapwa ang mga suwerteng napapasaiyo. Sa ganitong paraan, ang magagandang bagay ay dadaloy sa buhay mo na parang ikaw lang ang palaging binubuwenas. Masuwerteng kulay-black. Tips sa lotto-6-17-21-26-28-30.

CANCER (June 21-July 22) - Mag-ingat ka dahil lalapit sa iyo ang mag-aalok ng mabilisang kita ng pera. Huwag kang makalimot na rito sa mundo, mandaraya lang ang nagsasabi na yayaman ka nang walang hirap. Masuwerteng kulay-violet. Tips sa lotto-15-19-28-30-31-34.

LEO (July 23-Aug. 22) - Mahirap paniwalaan na rito sa mundo, ang masarap kausap ay mapanlinlang. Kung saan aakalain mo na sasarap din ang buhay mo sa kanya, pero ang totoo, kabaligtaran pala ang sasapitin mo. Masuwerteng kulay-peach. Tips sa lotto-4-15-20-24-33-45.

VIRGO (Aug. 23-Sept. 22) - Kahit pintasan ka nang pintasan, tama ang iyong pagiging masinop at mapagpahalaga sa mga nasa iyo na. Ang namimintas ay ang mga taong lalapit sa iyo upang humingi ng tulong. Masuwerteng kulay-red. Tips sa lotto-13-16-18-21-25-32.

LIBRA (Sept. 23-Oct. 22) - Napakalakas ng iyong karisma dahil sa mga kilos mo.  Masuwerteng kulay-brown. Tips sa lotto-  09-14-19-23-31-36.

SCORPIO (Oct. 23-Nov. 21) - Dobleng kita ang mapapasaiyo ngayon. Ito ang magandang balita sa iyo ng kapalaran.  Masuwerteng kulay-white. Tips sa lotto-4-17-21-25-27-30.

SAGITTARIUS (Nov. 22-Dec. 21) - Ngayon na ang tamang panahon para simulan ang negosyo mo. Masuwerteng kulay-green. Tips sa lotto-6-18-20-26-39-44.

CAPRICORN (Dec. 22-Jan. 19) - Tanggapin mo ang alok na makibahagi sa bagong negosyo. Malaki ang iaangat ng buhay mo kapag nagkaroon ka ng tapang at lakas ng loob para makipagsapalaran. Masuwerteng kulay-yellow. Tips sa lotto-8-16-28-34-41-45.

AQUARIUS (Jan. 20-Feb. 18) - Litung-lito ka, pero ‘wag kang mag-alala dahil mawawala rin ang pagkalito mo kapag napanatag na ang pangyayari kung saan makikitang nagpapakasasa ka sa masarap na buhay. Masuwerteng kulay-purple. Tips sa lotto-1-9-14-20-23-31.

PISCES (Feb. 19-Mar. 20) - Madarama mo na parang kumakati ang mga paa mo at inuutusan kang mamasyal. Gawin mo ito dahil sa iyong pamamasyal, mananariwa at gaganda ang takbo ng iyong buhay. Masuwerteng kulay-pink. Tips sa lotto-7-12-28-38-40-44.