Horoscope | May 23, 2021 (Linggo)

ni Maestro Honorio Ong - @Horoscope| May 23, 2021

Sa may kaarawan ngayong Mayo 23, 2021 (Linggo): Mabilis kang magpasya. Sa biglang tingin, ito ay hindi maganda pero ito na mismo ang susi ng iyong pagyaman at kaligayahan.

ARIES (Mar. 21-Apr. 19) - Masuwerte ka ngayon sa larangan ng negosyo. Huwag mong sayangin ang magandang balitang ito at tutukan mo ang iyong pinagkakakitaan. Ito ang mensahe para sa iyo. Masuwerteng kulay-white. Tips sa lotto-8-10-13-28-34-41.

TAURUS (Apr. 20-May 20) - Ingatan mo ang mahaba at mabilis na pagsasalita dahil malaki ang tsansa na may mabisto kang hindi dapat malaman ng iyong kapwa. Ito ang mensahe ng iyong kapalaran. Masuwerteng kulay-green. Tips sa lotto-9-11-16-18-20-21.

GEMINI (May 21-June 20) - Iyung-iyo ang araw na ito at ang ilang araw pang darating. Sinupin at pahalagahan mo ang mga biyayang mapasasaiyo. Huwag kang magpatangay sa saya at walang kuwentang paggasta. Masuwerteng kulay-yellow. Tips sa lotto-17-23-26-35-33-43.

CANCER (June 21-July 22) - Malaki ang tsansa na matalo ka ng iyong damdamin. Kung sakaling hindi gumana ang iyong isip, huwag kang masyadong mag-alala dahil pansamantala lang naman ito. Masuwerteng kulay-purple. Tips sa lotto-5-15-24-29-32-34.

LEO (July 23-Aug. 22) - Nagdaratingan sa kasalukuyan ang maliliit at malalaking suwerte mo. Walang magagawa ang mga lihim at lantad mong kaaway kundi ang magsisuko. Ito ang mensahe para sa iyo. Masuwerteng kulay-pink. Tips sa lotto-7-12-14-22-26-39.

VIRGO (Aug. 23-Sept. 22) - Napakatalas ngayon ng iyong isip. Ang mabibilis na sikerto ng pagpapayaman ay maiisip mo. Kung magagawa mo, lakipan mo ng kaukulang pagkilos at mabilis kang yayaman. Masuwerteng kulay-beige. Tips sa lotto-6-25-30-31-38-41.

LIBRA (Sept. 23-Oct. 22) - Napakalakas ng likas mong gayuma ngayon. Sa biglang tingin, ito ay isang nakatutuwa at magandang balita, pero pinag-iingat ka pa rin dahil maaakit mo pati ang wala nang karapatan. Masuwerteng kulay-blue. Tips sa lotto-3-18-20-27-28-30.

SCORPIO (Oct. 23-Nov. 21) - Liligaya ka at kakaibang saya at ginhawa ang mapasasaiyo. Malaya mong maihahayag ang laman ng iyong kalooban. Ito ang mensahe ng iyong kapalaran sa araw na ito. Masuwerteng kulay-black. Tips sa lotto-9-14-18-21-27-44.

SAGITTARIUS (Nov. 22-Dec. 21) - Mapapasunod mo ang kahit na sino dahil sa magaganda mong paliwanag. At kahit ang mga sobrang tigas ng ulo ay walang magagawa kundi ang maniwala sa iyo. Masuwerteng kulay-violet. Tips sa lotto-8-13-19-28-39-41.

CAPRICORN (Dec. 22-Jan. 19) - Kusang lalapit sa iyo ang mga suwerte. Nakakatuwa ang balitang ito ng iyong kapalaran. Puwede kang hindi maniwala, pero aktuwal na lalapit sa iyo ang mga suwerte mo. Masuwerteng kulay-peach. Tips sa lotto-2-11-19-23-28-33.

AQUARIUS (Jan. 20-Feb. 18) - Kakaibang sigla ang mapasasaiyo na parang hindi ka mapakali. Ito ay isang malinaw na senyales na ang magagandang kapalaran ay magsisimula nang magdatingan. Masuwerteng kulay-red. Tips sa lotto-9-10-16-17-24-38.

PISCES (Feb. 19-Mar. 20) - Parang ang gusto mo ay pumunta sa malayo. Kung hindi mo magawa ngayon, tiyakin mong magagawa mo sa ibang araw dahil ito ay isang kondisyon para gumanda ang buhay mo. Masuwerteng kulay-aquamarine. Tips sa lotto-7-11-18-20-27-31.

Malinaw ayon sa birthday… Mag-bf na magkakatuluyan dahil parehong taglay ang air element

ni Maestro Honorio Ong - @Kapalaran ayon sa Numero| May 16, 2021

Dear Maestro,

Matagal na akong sumusubaybay sa inyong mga artikulo at naisipan kong sumangguni sa inyo dahil may ilang katanungan ako tungkol sa aking kapalaran. Habambuhay na ba kami ng boyfriend ko, gayundin, compatible ba kami at kami na ang magkakatuluyan? September 29, 1991 ang birthday ko at October 4, 1991 naman ang birthday ng boyfriend ko.

Umaasa,

Kat ng Mabuhay, Carmona, Cavite

Dear Kat,

Compatible kayo ng kasalukuyan mong boyfriend dahil kapwa kayo under sa zodiac sign na Libra. Kung saan, ang birthday mong September 29, 1991 at October 5, 1991 naman ang boyfriend mo ay sadya ngang tugma at compatible sa isa’t isa, sapagkat pareho kayong nagtataglay ng elementong air o hangin. Kaya tulad ng nasabi na, sa pag-aanalisang Western Astrology, suwetong-suweto ang inyong pagsasama at habang kayo ay nagmamahalan at nagsasama, itatala ang maligaya at panghabambuhay na relasyon.

Dagdag pa rito, sa Numerology, ang birth date mong 29 o 2 (2+9=11/ 1+1=2) ay nagtataglay ng planetang Moon-Neptune na naiimpluwensiyahan din ng elementong tubig, habang ang destiny number naman ng boyfriend mo na 7 (10+4+1991=2005/ 20+05=25/ 2+5=7) ay compatible rin sa isa’t isa, ibig sabihin, sa pag-aanalisang Numerology ay tugmang-tugma ang inyong pagsasama.

Samantala, bukod sa birth date mong 29 o 2 (2+9=11/ 1+1=2), ikaw din ay nagtataglay ng destiny number na 4 (9+29+1991=2029/ 20+29=49/ 4+9=13/ 1+3=4), na siya namang birth date ng boyfriend mo, kung saan mapapansing compatible at talagang tugma kayo ng boyfriend mo sa upang magsama at magmahalan habambuhay.

Ayon sa Decadens ng Kapalaran na pinaigting pa ng inyong Love Calendar, sa susunod na taong 2022 o 2023, sa edad n’yong 31 pataas, kayo na ang magkakatuluyan at magsasama nang maunlad at maligaya habambuhay.

Nainlab sa kumare habang nasa abroad si kumpare, dapat nang umiwas

ni Maestro Honorio Ong - @Kapalaran ayon sa Palad | May 09, 2021

KATANUNGAN

1. May kumare ako at tawagin na lang natin siyang Carmela, na mas bata sa akin ng limang taon at hindi ko alam na kaya niya pala ako kinuhang ninong sa panganay nilang anak ay may lihim pala siyang gusto sa akin. Sa ngayon, nasa abroad si kumpare at dahil wala ang kanyang mister, nagkaroon kami ng lihim na relasyon. Inamin niyang ako ang gusto niya kaysa sa kasalukuyan niyang asawa, pero nauna akong nag-asawa at hindi ko siya niligawan noong mga binata at dalaga pa kami.

2. Noong bago pa lang ang relasyon namin, regular at madalas kaming nagtatagpo nang palihim at regular ding may nangyayari sa amin. Pero ngayon, dahil may pandemya ay medyo paiwas na ako dahil natatakot din ako sa aming ginagawa. Kaya lang, nang mapansin niyang umiiwas na ako, sinabi niyang bahala raw ako kapag nabisto kami ng mister niya at misis ko. Magka-vibes din kasi sila ng misis ko at madalas na nagkakakuwentuhan, kaya kinakabahan ako dahil ayaw kong masira ang aming pamilya.

3. Sa palagay mo, Maestro, kapag tuluyan ko nang iniwasan ang babaeng ito, ititimbog kaya niya ang lihim naming relasyon at baka ito pa ang maging dahilan para magkahiwalay kami ng misis ko at masira ang aming mga pamilya?

KASAGUTAN

1. ‘Yan ang problema, Rex, gagawa-gawa ka ng kalokohan at ngayon ay natatakot ka sa magiging resulta!

2. Kunsabagay, talagang ganu’n ang mga medyo good boy pa ngayon. Kapag nakagawa ng kasalanan o pagkakamali, dahil hindi sila sanay sa kanilang ginawa, madali silang natatakot at nagugulumihanan.

3. Gayunman, ‘wag kang masyadong matakot at kabahan dahil bagama’t may malinaw na Guhit ng Pambababae (Drawing A. at B. I-I arrow a.) sa kaliwa at kanan mong palad, ito ay hindi naman gaanong umusad at nagtagumpay. Sa halip, matapos lumagpas sa Life Line (L-L arrow b.), agad ding namatay ang nasabing Guhit ng Pambababae (arrow c.) sa kaliwa at kanan mong palad.

4. Ito ay malinaw na tanda na bagama’t nagawa mong mambabae, ito ay maiiwasan mo rin dahil tulad ng nasabi na, likas pa rin sa iyong puso at pagakatao ang pagiging mabuti. Ang ikinaganda pa nito, dahil likas ka ngang takot gumawa ng kasalanan, kung may pagkakataon mang muli kang mambabae, ito ay hindi mo na uulitin pa at agad na susunggaban.

5. Ang pag-aanalisang minsan lang kakatok sa iyong karanasan ang pambababae pero hindi na muling mauulit pa ay madali namang kinumpirma ng malinaw, makapal at kaisa-isang Marriage Line (Drawing A. at B. 1-M arrow d.) sa kaliwa at kanan mong palad. Tanda na anuman ang mangyari sa ginagawa mong pambababae ngayon, lubhang mapalad ka pa rin dahil ang lahat ng ‘yan sa dakong huli ay lilipas din hanggang sa maluwalhati mong malusutan ang minsang kalokohan na iyong ginawa ay mauuwi na lang sa isang masarap balikan pero makasalanang bahid ng alaala sa iyong isipan.

MGA DAPAT GAWIN

1. Habang, ayon sa iyong mga datos, Rex, nakatakda na ang magaganap — habang unti-unti mong iniiwasan ang iyong kumare, kusa nang papabor sa iyo ang kapalaran at pagdating ni kumpare galing sa abroad, ganap na ring huhupa ang pagnanasa n’yo sa isa’t isa.

2. At sa sandaling humupa nang tuluyan ang libido, tuluy-tuloy na ring mabubura at mapaparam ang interes n’yo sa isa’t isa, hanggang sa hindi na maulit pa ang inyong palihim na pagtatagpo. At dahil hindi na kayo nagkikita, magkakalimutan na rin kayong dalawa at maluwalhati ka nang makapagmu-move on at makababalik bilang tapat na asawa at ulirang ama sa iyong mga anak.