Parusa sa mga nagtigil-pasada, pinalagan

ni Angela Fernando - Trainee @News | October 21, 2023

Kinondena ng Samahan ng Tsuper at Opereytor Nationwide (PISTON), ang posibleng parusang ipapataw sa mga jeepney driver na sumali sa protesta nitong Lunes, Oktubre 16.

Ayon sa PISTON, karapatan ng mga jeepney driver na ipahayag ang kanilang mga hinaing at mapakinggan.

"Sa halip na pakinggan at tugunan ang mga hinaing ng mga driver at operator tungkol sa kung bakit nauuwi sa welga, waring nais ng gobyerno na atakehin ang kabuhayan at karapatan ng mga manggagawa," pahayag ng PISTON.

Dagdag ng samahan, nasa batas na legal ang mga protesta sa ilalim ng International Labour Organization (ILO) Convention 87 na saklaw ang Pilipinas at ang mga manggagawa.

Una nang sinabi ng Land Transportation Franchising and Regulatory Board (LTFRB) na iimbestigahan ang mga drayber na nakiisa sa protesta laban sa PUV modernization program ng pamahalaan.

Libreng sakay sa jeep at bus, ibabalik na — LTFRB

ni Jenny Rose Albason @News | October 9, 2023

Magbabalik ang Libreng Sakay para sa EDSA Bus Carousel at mga jeepney ngayong Nobyembre hanggang sa katapusan ng taon.

Ayon kay LTFRB Chair Teofilo Guadiz III, inaprubahan na ang joint circular para sa pagpapalabas ng P1.3 bilyong pondo para sa service contracting program.

At kung dati aniya ay sa mga bus sa EDSA Carousel lamang ang "Libreng Sakay", ngayon ay kasama na ang mga jeepney. “Ang hinahabol namin ngayong November [at] December, yun po ang maagang pamaskong handog ng LTFRB,” ani Guadiz.

LTFRB, naglagay ng mga sticker sa PUVs.. Mambabastos sa pasahero, lagot

ni Mai Ancheta @News | October 3, 2023

Inilarga ng Land Transportation Franchising and Regulatory Board (LTFRB) ang kanilang sticker campaign sa mga pampublikong sasakyan laban sa pambabastos o sexual harassment sa mga pasahero.

Nagdikit ng stickers ang ahensya sa mga bus sa Parañaque Integrated Terminal Exchange (PITX) nitong Lunes bilang paalala sa mga driver, conductor at operators kung ano ang dapat gawin kapag nakaranas ng pambabastos ang kanilang mga pasahero.

Nakalagay sa sticker ang contact numbers at hotline numbers na dapat tawagan kapag mayroong nabastos na mga pasahero.

Ayon sa LTFRB, mayroong katapat na multa at parusa ang mga lalabag sa "Bawal Bastos " Law o Safe Spaces Act.

Sinabi ni LTFRB Technical Division Chief Joel Bolano na kapag ang drayber o konduktor ang nambastos, may katapat itong multa na P5,000 at anim na buwang suspension sa prangkisa ng sasakyan.