Matapos ang technical problem — LRTA... LRT2, balik-operasyon na

ni Lolet Abania | November 3, 2021

Balik na ang operasyon ng Light Rail Transit Line 2 (LRT2) ngayong Miyerkules matapos na magkaroon ng technical problem ilang oras kaninang umaga, ayon sa Light Rail Transit Authority (LRTA).

“As of 7:57 am, LRT-2 has resumed to its full line operations. Train service now available from Antipolo to Recto and vice versa. Thank you for bearing with us,” post ng LRTA sa social media.

“Balik operasyon na po ang buong LRT2. Pasensiya na po at maraming salamat po sa pag-unawa,” paliwanag ni LRTA spokesperson Hernando Cabrera sa isang tweet.

Unang sinabi ni Cabrera na ang operasyon ng LRT2 ay kanilang ipinatigil bandang alas-6:00 ng umaga dahil aniya sa tinatawag nilang signaling system problem.

Agad nagbaba ang management ng CODE RED o temporary stop of operations upang maiwasan ang anumang maaari pang maging problema.

Serbisyo ng LRT2, pinaigsi

ni Lolet Abania | August 16, 2021

Nagpatupad ang Light Rail Transit Line 2 (LRT2) ng provisionary services ngayong Lunes nang hapon matapos na magkaroon ng technical problem, ayon sa pamunuan ng Light Rail Transit Authority (LRTA).

Sa isang advisory ng LRTA, ang mga serbisyo lamang ng tren ay mula sa Cubao hanggang Recto, at Santolan hanggang Antipolo. Wala namang ibang binanggit na detalye hinggil sa technical issues na naganap.

Gayundin, pinaigsi ang operasyon ng LRT2 sa gitna ng pagsasailalim sa enhanced community quarantine (ECQ) sa Metro Manila hanggang Agosto 20.

Ang unang trip ay aalis nang alas-5:00 ng umaga habang ang huling trip ay bibiyahe nang alas-6:20 ng gabi mula sa Santolan at Recto stations; alas-6:00 ng gabi mula naman sa Antipolo Station; at alas-6:50 ng gabi mula sa Santolan Station.

LRT2, bawas-biyahe ng tren ng Sabado at Linggo

ni Lolet Abania | May 21, 2021

Magpapatupad ang Light Rail Transit Line 2 (LRT2) ng tinatawag na “degraded operation” o magbabawas ng mga biyahe ng tren sa huling dalawang Sabado at Linggo ng Mayo.

Sa isang advisory na nai-post sa Twitter ngayong Biyernes ng LRTA, ang naturang degraded operation ay mula May 22 hanggang 23, at May 29 hanggang 30, kung saan ang lahat ng kanilang mga tren ay magseserbisyo lamang ng Recto-Cubao-Recto lines.

Ayon sa LRTA, ang pagbabawas ng operasyon ng mga tren ay upang bigyang-daan ang ginagawang integration test sa signaling system ng Line 2 East Extension o ang Marikina at Antipolo Stations kasama ang Santolan-to-Recto system.