Alamin: Iba’t ibang alak na good sa health

ni Jersy Sanchez - @Life & Style| July 18, 2021

Pero bago kayo magpakalasing, narito ang ilang alcoholic drinks na may healthy benefits sa ating pangangatawan:

1. RED WINE. Pagdating sa ‘healthier alcohol’, ito ang numero-uno. Ayon sa mga eksperto, ang red wine ay may antioxidants, na may kakayahang protektahan ang cells, at mayroon din itong polyphenols na nagpo-promote naman ng heart health. Gayunman, ang white wine at rose ay mayroon din nito, ngunit mas kaunti lamang ang bilang. Samantala, ayon sa pag-aaral, ang red wine ay nakapagpapaganda ng cardiovascular health, bone density at brain health.

2. CHAMPAGNE. Ang mga ubas na ginagamit upang makagawa ng champagne ay may mataas na phenolic compounds, isang uri ng antioxidant na nagpapalakas ng brain health at nakapagpapababa ng panganib ng dementia.

3. TEQUILA. Base sa isang pag-aaral na ginawa sa mga daga, ang pagkonsumo ng agave tequila plant ay puwedeng magpataas ng calcium absorption at nagpaganda ng bone health. Gayunman, para sa mga tao, hindi umano gaanong kapani-paniwala na ang pag-inom ng tequila ay nakatutulong upang magamot ang calcium deficiency o bone conditions tulad ng osteoporosis. Samantala, sey ng experts, ang clear liquors tulad ng tequila ay low-calorie drink.

4. WHISKEY. Tulad ng nabanggit, ang red wine ay may antioxidant benefits at base sa pag-aaral, ang whiskey ay may parehong epekto. Gayundin, ang moderate alcohol usage at mas maraming antioxidant intake ay nakapagpapababa ng heart disease risk.

Bagama’t hindi maikokonsiderang “health food”, mayroon namang healthier options.

Gayunman, ang technique pa rin sa pag-inom nang alak ay ang ‘moderation’ at pagtimbang ng health benefits laban sa negatibong epekto ng pag-inom nito.

Anyways, kung nagbabalak ka nang huminto sa unhealthy drinks, subukan lamang ang mga nabanggit na inumin. Pero tandaan, always drink responsibly. Okie?

Tips para hindi mag-stress eating

Masasabing nasa iba’t ibang antas ang pagdaan ng isang tao sa emotional eating. Mula sa pagiging bagot kapag dumaraan ang tao sa napaka-stressful na sitwasyon ay kain nang kain kahit na hindi naman talagang gutom. Ang mga sumusunod ay ilang tips para matulungan kang maiwasan ang sobrang kumakain kapag masama ang loob.

1. Kapag nababagot at parang gusto mong kumain, mas subukang palitan ang pagkatakaw sa iba pang uri ng gagawin. Ang isang magandang hobby para mas maging abala pa ang isipan ay sa isang trabaho na makapagdaragdag ng iyong income ay mas mainam.

Gumawa ng pagsasaliksik sa isang bagay na siyang ikasisiya mo at kikita ka ng pera para lumago ang iyong kapital.

2. Maglaan ng isang pitsel ng tubig sa refrigerator. Kapag dama mong gusto mong kumain, uminom na lang ng tubig. Ipinakita sa pag-aaral na marami ang dehydrated araw-araw dahil hindi nila alam na ang pagkain lang ng burger ang alam gawin kapag nababagot imbes na nauuhaw lang pala siya.

3. Kung highly stressful ang trabaho, napakadaling bumili ng pagkain kahit saan, magpabili sa karinderya o kaya ay tatakbo agad sa vending machine at magpapa-order sa fast food. At dahil paulit-ulit itong ginagawa, tataba ka lalo na’t palagi ka lamang nakaupo. Kung hindi ka rin lang kakain ng masustansiya sa araw-araw na routine at hindi magagawang mag-ehersisyo kahit 30 minutos ng tatlong beses sa isang linggo, patuloy kang tataba sa halip na isipin kung paano uumpisahan ang intense workouts para magpababa ng timbang.

4. Isipin na kapag matabang-mataba ka na, mahihirapan kang ibalik na muli ang gustong timbang sa isang tulog lamang.

Ang napakahalagang bagay ay manatili kang kumikilos araw-araw at imbes na pumili ng malalaki at hindi masustansiyang pagkain, makasasama ito sa iyong katawan. Ang maging alisto sa ginagawa sa halip na bugbugin ang sarili sa nakababagot na bagay ay hindi makatutulong sa kalusugan.

Totoong habang tumatanda tayo ay napakaraming mga mahihirap na sitwasyon tayong sinusuong sa buhay, kaya hindi sagot ang magtakaw kapag nag-aalala ka. Kailangan mong baligtarin ang sitwasyon sa mas positibo. Para magsumikap kang magbago mula sa isang bahagi ng buhay na namomroblema, ikaw pa rin ang pipili ng tama para sa sarili. Kaya mainam na sundin ang tips na ito.

5. Kung maaari, humanap ng kaibigan o mentor na makatutulong para manatili kang malusog sa iyong mga gawain at adhikain sa buhay.

Mainam nang maibahagi mo rin sa ibang mapagkakatiwalaan ang iyong saloobin imbes na kumain ka nang kumain para lamang mawala ang stress at sama ng loob. Napakahalaga ito sa oras na dama mo na hindi ka nagbabago.

Ang pagdarasal mula sa mga bagay na nagpapasama ng loob mo at nagpapa-stress sa iyo ay mas mainam, bukod din naman sa ehersisyo at pag-inom ng tubig sa halip.

Ang musikang pinatugtog nang paulit-ulit ni Arthur Allen P. Baldevarona

What's IN, ka-Bulgar

Ang musikang sabay nating

pinakinggan ang nagpapaalala

kung paano tayo nagsimula.

Pinasasagi nito ang timang

kong hitsura sa tuwing pinatutugtog

ko ito’t mukha mo ang naaninagan

sa kawalan.

Bata pa tayo noon, pero puno na

tayo ng pagmamahal.

Minsan na rin nating napagdesisyunang pigtasin

ang taling pareho nating ibinuhol.

Ngunit tila isang paglalakad sa

laberinto ang ginawa nating pamimigtas.

Pasikut-sikot ang daan,

ganu’n din ang ginawa nating buhol.

Isa lamang ang ipinahiwatig nito:

‘di dapatputulin ang tali.

Dahil darating ang araw,

ito ang magbibigkis sa ating

pagsasama na ipapangako natin

sa harap ng dambana.

---

Magandang araw, mga bes! ‘Wag nang magpahuli sa trend at i-share na ang inyong #Hugot at i-con­fess mo na, bes ang matagal mo nang gustong aminin sa bagong column ng BULGAR na WHAT’S IN, KA­-BULGAR? Ito na ang perfect timing para ma-publish ang laman ng inyong dam­da­min kaya mag-send na ng personal message sa aming official Face­book page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!