Para kay Roan

ni Lyricko Seminiano - @What's In, Ka-Bulgar | September 05, 2021

P-rinsesang marikit na taga singgalong,

A-ba’y tila nabighani sa ‘yo itong hamak na simpleng sundalong

R-ason ka kung ba’t may gana sa ‘king bawat pagpasok,

A-t sa t’wing nasisilayan ka’y nawawala ang pagod.

K-aya kung sakali mang ako’y iyong maririnig,

A-ng gusto ko’y malaman mong ikaw ang aking daigdig,

‘Y-an ang nadaramang taos dito sa ‘king dibdib.

R-osas ka na nasa gitna ng talahiban,

O-o, dahil isa lang sa milyon ang iyong katangian,

A-t ang mapungay mong mata na tila may taglay na hipnotismo,

N-u’ng una kang makita, ikot ng mundo’y napahinto mismo.

G-usto ko lamang gumawa,

O-bra na ikaw lang mismo ang paksa,

N-gumiti ka lamang ay sapat na,

Z-afiro, diyamante o ginto man ay ‘di sapat upang ilarawan

A-ng buhay ko kung paano mo ‘to inilawan,

L-aman ka ng mga dasal ko’t panalangin dahil inspirasyon ka at lakas mangarap sa ‘yo ko natutunan,

E-to simpleng bagay na pinalaanan at pinagtuunan,

S-inulat kong tula na para kay Roan.

Bukod sa sangkatutak na trabaho… Mga bagay na dagdag-stress ‘pag naka-work from home

ni Jersy Sanchez - @Life & Style| April 20, 2021

Dahil sa ating COVID-19 situation, maraming kumpanya pa rin ang nagpapatupad ng work from home nang sa gayun ay maiwasan ang paglabas ng kanilang mga empleyado, na super-risky dahil puwede silang makasagap ng virus.

Gayunman, kung akala ng iba ay super-easy ng work from home set-up dahil nga naman nasa bahay lang, knows n’yo bang mas stressful ito kumpara sa pagtatrabaho sa tunay na opisina? Yes, besh!

Pero ang tanong, bakit nga ba? Narito ang ilang bagay na dagdag-stress para sa mga beshy nating working from home:

CLUTTER. Bagama’t madaling maipon ang mga kalat sa ating “work station”, ang lahat ng ito ay may dapat kalagyan. Kapag nagsimulang magkalat ang mga papel o loose cords, nagiging mahirap ang paghahanap ng anumang kailangan natin, na nagdudulot ng stress. Dahil dito, inirerekomenda ng mga eksperto na maglinis tuwing pagkatapos magtrabaho para iwas-kalat, gayundin dahil nakatutulong din ito upang makapagpahinga ang isip.

INSUFFICIENT LIGHT. Sey ng experts, ang mga work station na walang sapat na lighting ay nagiging dahilan upang hindi matapos agad ang isang task. Dahil dito, inirerekomenda na maglagay ng lamp o ceiling lights para mabawasan ang stress.

SAME SPACE WHERE YOU RELAX. Mula nang maraming naging work from home ang set-up, marami ring nahirapang ihiwalay ang kanilang trabaho sa personal na buhay. Kaya naman sey ng experts, ang pagkakaroon ng hiwalay na work area at lugar kung saan ka namamahinga ay magbibigay ng physical at mental separation sa dalawa. Gayunman, hindi kailangang bongga, dahil dagdag pa ng mga ito, ang pagpapalit lamang ng lamesa o upuan kung saan ka nagtatrabaho at nagre-relaks ay may malaki nang pagkakaiba. Hmmm…

UNFINISHED PROJECTS AT HOME. Knows niyo ba na ang anumang unfinished home office renovation ay nakapagdudulot din ng stress? Ito ay dahil sey ng experts, ang anumang bagay na hindi “inviting” o nagtatawag ng stress response ay nagdudulot upang iwasan nating lumapit sa bagay o espasyong ito.

‘Ika nga, hindi talaga madali ang set-up na ito dahil marami pang nag-a-adjust, pero mas lalong humirap dahil sa limitado nating pagkilos dahil sa pandemya.

Gayunman, ngayong knows n’yo na ang iba’t ibang bagay na nakapagdudulot ng dagdag na stress sa ating pang-araw-araw na pamumuhay, make sure na susubukan n’yong ayusin ang mga ito, ha? Keri? Fighting!

Dahil ‘di safe sa lahat ng oras… 11 bagay na bawal i-share sa socmed account

ni Jersy Sanchez - @Life & Style| April 16, 2021

Halos lahat yata ng tao ay mayroon nang socmed account. Agree?

Ito kasi ang ginagamit natin para manatiling updated sa mga ganap sa ating bansa, paligid at mga mahal sa buhay. Bukod pa rito, nakakaaliw din ang mga features nito kung saan puwede tayong mag-update ng status, mag-post ng pictures at kung anu-ano pa.

Pero mga beshies, alam n’yo ba na gustung-gusto rin ito ng mga kawatan? Bakit? Ito ay dahil madali silang makakukuha ng impormasyon mula sa atin, kaya naman narito ang mga bagay na hindi natin dapat i-post sa ating socmed account:

1. COMPLETE HOME/WORK ADDRESS. Ang personal na impormasyon na ito ay hindi dapat isapubliko gamit ang social media. Ito ay dahil posible kang maging target ng kawatan kung mas madali ka nilang mahahanap.

2. FULL BIRTH DATE. Kapag inilagay mo sa iyong socmed account ang birthdate mo, gayundin ang iba pang miyembro ng iyong pamilya, maaaring malagay sa panganib ang iyong personal at financial security. Bakit? Ito ay dahil parang nagbibigay tayo ng sapat na impormasyon para mabiktima ng identity theft. Bukod pa rito, ang inyong birth date ay puwedeng maging password o PIN, na maaaring gamitin ng mga kawatan para tangkaing buksan ang iyong mga personal accounts. Gayundin, iwasang magpost ng telephone o mobile number.

3. RELATIONSHIP STATUS. Kung “in a relationship” ka man o hindi, oks nang ‘wag itong ipaalam sa publiko. Tandaan, nar’yan lang ang mga stalker at anytime, malalaman nila kung single ka na ulit at posibleng maging daan ito para maisagawa ang anumang masama nilang plano.

4. MOTHER’S MAIDEN NAME. Gulat ka, ‘noh? Well, ito ay “special information” dahil kadalasan itong sagot sa security questions ng napakaraming sites. Gayundin, itinatanong ito ng credit card companies, wireless service provider at iba pa.

5. CURRENT LOCATION. Nakatutuwa ang location-tagging feature ng ilang socmed sites, pero mga bes, dapat nating tandaan na hindi ito safe sa lahat ng oras. Ayon sa mga eksperto, mas mabuti kung ‘wag na lang i-reveal ang current location tuwing magpo-post ng status. Halimbawa, airport o vacation destination dahil puwede itong magbigay ng hint sa mga kawatan na wala ka sa iyong bahay at puwede silang sumalakay.

6. TRAVEL/VACATION DETAILS. Kahit gaano tayo ka-excited sa bakasyon o travel, iwasan nating ianunsiyo ito dahil kung walang maiiwanang tao sa inyong bahay ay alam n’yo na kung ano ang susunod na mangyayari. Alam n’yo ba na ayon sa mga pulis at FBI, isa ang socmed sa ginagamit ng mga kawatan para umatake dahil madali nilang nalalaman kung sino ang kanilang potential victims? Hmmm…

7. PLANE TICKET/BOARDING PASS. Hindi alam ng karamihan na ang pagpo-post ng litrato ng plane ticket o boarding pass ay pagbibigay ng iyong impormasyon sa ibang tao, gayundin upang baguhin o kanselahin ang inyong booking. Ang kailangan lang nila ay pumunta sa website ng airline, i-click ang “Manage Booking”, ilagay ang inyong impormasyon at voila!

8. YOU AND YOUR FRIEND’S KIDS. Bagama’t gustung-gusto ng bawat magulang na mag-share ng pictures ng kanilang mga cute na tsikiting dahil nakakaaliw na balikan ang kanilang paglaki, mga mommies, hindi pa rin natin alam kung sinu-sino ang mga nakakikita nito kahit sigurado tayong naka-private ang ating profile. May ilan din sa ating ginagawang profile picture ang ating mga anak, pero ingat lang dahil posible itong makarating sa masasamang-loob tulad ng pedophiles, na malaking banta sa mga bata. Iwasang mag-post ng partial o totally naked photos ni bagets online, gayundin ang kanilang pangalan. ‘Wag na ring isapubliko ang pangalan at address ng iskul na kanilang pinapasukan.

9. ‘PAG HOME ALONE. Hindi na dapat malaman ng ibang tao na ikaw ay home alone dahil tulad ng nabanggit, hindi natin alam kung sinu-sino ang mga nakakikita nito.

10. INAPPROPRIATE PHOTOS/VIDEOS. Sabihin na nating puwede naman itong i-delete, pero mga besh, hindi natin alam kung sino ang nakapag-save nito at malamang, puwede itong magamit laban sa iyo.

11. COMPLAINTS SA TRABAHO/BOSS. Bagama’t umaabot talaga sa punto na frustrated tayo sa ating trabaho, hindi pa rin tama na mag-post tayo ng reklamo sa ating boss online. Ito ay dahil puwedeng isipin ng ibang tao na “ungrateful” ka sa iyong trabaho, gayundin, hindi ito makatutulong sa boss-employee relationship. Ang mas mabuting gawin ay sarilihin na lang ang ganitong mga rant o kaya naman, mag-share na lang sa iyong mga pinagkakatiwalaang tao sa halip na mag-post sa socmed.

Nasa panahon na tayo na halos lahat ay napakahilig magpost o magbahagi ng kahit ano sa Facebook at iba pang social media sites. Gayundin, totoo na nakatutulong ang socmed para manatiling konektado sa ating mga mahal sa buhay, pero dapat ay gamitin natin ito nang tama.

‘Ika nga, walang masamang magpakatotoo online, pero hindi natin dapat ilagay sa panganib ang ating sarili, gayundin ang privacy ng taong malalapit sa atin. Kuha mo?