Tips para sumaya at mahalin ang sarili kung na-bully

ni Nympha Miano-Ang - @Life and Style | April 22, 2021

Ang paghahanap ng sariling kaligayahan ay nagsisimula at nagtatapos din sa sariling paraan. Pero nahaharap ka sa matinding pang-iinsulto at binu-bully ka, basahin at alamin kung paano magkaroon ng higit pang maligayang buhay.

MAKINIG SA MGA NANG-AAPI. Kung maliit na bagay lang ang iyong narinig tulad ng, “Ngii, hindi bagay sa iyo ang kulay na iyan,” o isa namang marahas na komento na gaya ng, “Ang tamad mo naman!” Ang ganito kaliliit na komento ay parang isang lamok na kumagat sa braso mo, kailangan silang iwasan pero ang mga marahas na komento kahit na maliit ay kailangan mong magbago o mag-adjust sa sarili.

1. TANUNGIN ANG SARILI KUNG ANG MARAHAS NA KOMENTO AY TOTOO. "Tamad ba talaga ako?” Kung alam mo na agad ang sagot, huwag nang pansinin ang komento (maliban na lang kung paulit-ulit, at isa pa ay iwasan na ang naturang tao, kausapin siya hinggil dito o sabihin sa boss o teacher kung kailangan).

2. TANUNGIN ANG ISANG MAPAGKAKATIWALAANG KAIBIGAN KUNG INIISIP NILA NA ANG KOMENTO AY TOTOO, O TANUNGIN NANG DIRETSAHAN ANG TAO KUNG TOTOO ANG SINABI NIYA AT BAKIT NIYA NASABI IYON. Ang isang mabuting kaibigan ay konstruktibo at nakatutulong hangga’t kaya nila. AYUSIN NA AGAD ITO KUNG INIISIP MO NA INIINSULTO KA NG TAO. Walang taong perpekto, pero ang pagiging aktibo ay tiyak na mag-iibayo sa lahat ng aspeto ng iyong sarili. Sobrang mahina? Ayusin ang sariil. Humugot ng lakas ng loob o magsanay na magsalita sa harap ng publiko. Mataba? Ngayon ka na magsimulang magdiyeta at mag-ehersisyo. Hindi mo kailangang gawin ito nang sapilitan pero sa maliliit na bagay lang nagsisimula ang pambu-bully o pang-aapi ng iba at maaari mo nang maipag-ibayo nang buung-buo ang sarili maging ang iyong ugali.

3. MATUTONG DEDMAHIN ANG MGA WALANG KUWENTANG KOMENTO. Ang kanilang opinyon na para lang makasakit ng damdamin at hindi naman lahat totoo. Tandaan na ang mga taong madalas na uminsulto ay dahil sa galit, inggit o selos nila. Ang ilang tao ay sadyang ipinanganak nang masakit kung magsalita. Pero anupaman ang iba pa niyang sasabihin ay dapat na lamang na kalimutan.

4. TAWANAN NA LAMANG ANG LAHAT. Hindi naman isang malaking bagay ito, hindi mo na dapat pang seryosohin ang isyu. Pero tandaan, ang pagtawa sa isang bagay na nakasasakit sa iyong tiwala sa sarili ay hindi dapat. Nagbibigay lamang ito sa pakiramdam ng iba na malaya nila itong magagawa nang palagian sa iyo. Kailangang harapin siya paminsan-minsan.

5. ALAMIN kung ano ka at kung ano ang iyong gusto. Kung ikaw ay komportable sa sarili mong balat, ang pagmamahal sa sarili ay natural nang nangyayari.

6. GUMAWA ng listahan ng mga bagay kung saan ka magaling o anong gusto hinggil sa sarili. Halimbawa, “May maganda akong ngiti” o “Ako ay magaling na manlalangoy.” Ang magkaroon ng listahan ng magagandang kalidad ay para maipadama sa sarili ang kahalagahan.

7. Kailangang maglaan ng maraming oras na mag-isa para makilala ang sarili. Tanungin ang sarili, “Ano ba ang aking gusto?” Anong bagay ang nagpapasaya sa akin?” Ano ang hindi ko gusto?” "Ano ba ang handa kong gawin upang mapanatag ang sarili?” Ang pagsulat sa isang notebook ay inirerekomenda.

8. Kapag alam mo na kung sino ka, at kung ano ang iyong gusto, masisimulan mong makaakit ng ng mga taong magugustuhan ka. "Birds of a feather flock together" ay HINDI lamang isang kasabihan, totoo na iyan.

9. Ang pagkakaroon ng mapagsuportang kaibigan ay makatutulong upang ‘di na mapansin ang malilit na bagay.

10. Tandaang magsisimula ang lahat ito kapag sinusuri muna ang sarili at magustuhan na ito. Hanggang sa magawa na adjustment, huwag magtaka kung marami na ang maaakit sa iyo.

11. Good luck sa masayang daan na tatahakin.

12. LAGING TANDAAN AT HUWAG NA HUWAG KALIMUTAN NA IKAW AY ISANG MAGANDANG NILALANG. ISANG MABUTING TAO AT MAY LUGAR SA MUNDONG ITO AT WALANG SINUMAN ANG HUHUSGA SA IYO.

Dapat gawin para matugunan ang pagiging slow learner ng anak

ni Nympha Miano-Ang - @Life and Style | April 21, 2021

Mga magulang, tandaan ang anim na mga hakbangin na ito upang anuman ang abilidad ng bata ay maging isang mahalagang bagay ito na kanyang matutunan sa dakong huli. Halos lahat ng bata ay nagsisimulang excited na matuto sa sandali ng pagtuntong niya sa unang araw ng pag-aaral, pero ang discouragement at pagkadismaya mula sa paulit-ulit na kabiguan ang nagpapabagsak sa kanyang kasiglahan, magagawa mong palakasin ang learning ability ng bata.

1. Tanggapin na ang bata ay hirap na matuto pero naroon ang katotohanan na ito ay malalampasan din. Ang matapang na hakbangin na ito na iyong magagawa ang pinakamahalagang bagay na iyong gagawing solusyon para sa iyong anak.

2. Ilista ang naoobserbahang learning behavior ng bata. Tumatanggi ba siyang magbasa? Para bang aabutin pa ng matagalang panahon na makumpleto niya ang kanyang ginagawa? Kailangan na ng maraming atensiyon? Hindi siya makasunod? Sa bawat sintomas na ito ay isang susi sa pang-unawa para mabuksan ang kanyang potensiyal na matuto.

3. Makipag-usap sa propesyonal na guro para marebisa ang iyong mga naisulat at saka ikumpara ang test result ng bata sa kanyang patuloy na inuugali. Ang konsultasyon ay makatutulong upang maunawaan ang pinaglalabanan ng anak. Kapag sapat ang impormasyong ito, makapipili ka ng tamang gagawing aksiyon.

4. Maghanap ng espesipikong skills training options na angkop sa bata. Huwag nang mag-aksaya ng oras at pera sa tutoring kung hindi nila malulunasan ang ugat sa problema.

5. Tulungan ang anak na magsumikap ayon sa galing ng kanyang isipan sa loob ng 12-24 oras, ilang oras kada isang linggo. Hindi magtatagal ay makikita na ang resulta, pero kailangan nito ang effort at panghihikayat.

6. Pansinin kung ang hangarin ng anak na matuto ay mabilis na mangyayari, kaysa sa iyong inaasahan.

Survival guide sa mga sakuna: Paano kung walang pagkain o tubig?

ni Nympha Miano-Ang - @Life and Style | April 20, 2021

Nakalulungkot kapag nanalasa ang malalakas na bagyo sa bansa lalo na kung apektado ang malalayong probinsiya. Halos hindi sila maabot ng tulong para may makain at may mainom na malinis na tubig.

Ang tao ay hindi kayang maka-survive nang walang pagkain at tubig sa mas mahabang panahon. Ang totoo, ayon sa SurvivalTopics.com, ang pinakamahabang araw na maaaring maka-survive ang tao nang walang tubig ay 10, nang walang pagkain o apat hanggang anim na linggo. Gayunman dahil na rin sa iba’t ibang kaso, depende na rin ito sa sitwasyon. Ikalawa ito sa kailangang hangin o oxygen, ang tubig ang pinakamahalagang compound na kailangan ng katawan para maka-survive. Kung kukuwestiyunin ang statement na ito, subukang huwag uminom ng tubig sa isang araw.

1. ANG TUBIG. Ang dami ng araw-araw na tubig na kailangan ng katawan para manatili ang kalusugan ay 2 quarts. Katumbas ng hanggang apat na 16 oz na bote ng tubig. Gayunman, ang dami na ito ay nagbabago kung pisikal na aktibo, ang klima ay nagiging mainit o ang klima ay natutuyo. Sa sitwasyon na ito, lumalabas ang tubig mula sa iyong balat dahil na rin sa pawis at kailangan itong mapalitan ng anumang nawala. Sa kondisyong ito, kailangang uminom ng isang galon ng tubig sa isang araw.

2. TEMPERATURA.Dahil ang dami ng tubig na kailangan ay depende sa iba’t ibang sitwasyon. Pagbabasehan ang dami na kailangan para sa isang tao. Ang dami ng kailangan ay kung sakaling may sumasakit ang tiyan, dapat ay mainit na tubig. Kung malamig ang paligid at puro tubig, kailangan ng maligamgam na pang-inom. Huwag iinom ng tubig na galing kung saan.

3. PAGKAIN. Ang tao ay puwedeng magpatuloy sa buhay nang walang pagkain sa mahabang panahon. Gayunman, kapag walang pagkain sa ilang araw o hanggang isang linggo ay kakaiba. Ilan sa sintomas ng kakulangan ng sustansiya mula sa pagkain ay panghihina, mahina ring mag-isip, nahihirapang huminga, iritable at nalilito.

4. ANG KAKAYAHAN NG TAO. Ang dami ng oras na kaya ng isang tao na walang pagkain ay base sa impormasyon mula sa doktor ay hindi tatagal ng apat hanggang isang linggo. Gayunman, ang anumang kaya ng katawan ng tao ay iigsi o mapapahaba pa. Ang iba pang kaso gaya ng pag-igsi o paghaba ng oras. Ang ilang bagay tulad ng sobrang taba o hindi pag-inom ng sapat na dami ng tubig ay nagbabago sa panahon nito ng oras. Ang isang sobrang taba na tao na malusog din ay magtatagal kahit saan ng hanggang 25 linggo nang walang pagkain. Pero kapag nagkaroon ng kakulangan sa pagkain at tubig, ang tao ay hindi makaka-survive ng higit sa 10 araw.

5. PAG-IWAS/ SOLUSYON. Ang tubig at pagkain ay hindi laging handa at available. Sa maraming rason, makikita ang sarili sa posisyon na nagsisisi o disin sana’y naging handa ka noon. Ang matuto ka ng mga survival skills gaya ng panghuhuli ng mga hayop, pangingisda at trapping ay magandang gawin. Alamin kung anong mga ligaw na damo o mga dahon ang siyang puwedeng kainin. Magtabi rin ng iodine tablets para magamit sa water purification para hindi makainom ng kontaminadong tubig habang nagpapakulo ng tubig.

Kung may mga kababayan tayong nakakain ng mga nalunod na hayop, gaya ng kambing, kalabaw, kabayo at iba pang nakakarneng hayop, sila ang mga mahuhusay na survivors. Aanhin mo na nga naman ang pera kung wala kang makain kapag ang paligid mo ay lubog sa tubig-baha.