Kahit pinayagan na… Malls sa Metro Manila, ayaw pang magbukas ng sinehan

ni Lolet Abania | March 6, 2021

Nagdesisyon ang malalaking mall operators na hindi muna buksan ang kanilang mga sinehan kahit na pinayagan na ito ng pamahalaan sa mga lugar na nasa ilalim ng general community quarantine (GCQ) gaya ng Metro Manila, araw ng Biyernes, Marso 5. Anila, hihintayin nila ang approval mula sa mga local governments (LGUs) kung saan sila nag-o-operate.

Matatandaang inisyu ng Department of Trade and Industry (DTI) ang Memorandum Circular No. 21-08, na nagpapahintulot na muling magbukas ang mga sinehan na may 25% venue capacity sa mga lugar na nasa ilalim ng GCQ.

Gayunman, ang pagkain at pag-inom sa loob ng movie houses ay hindi pinapayagan, habang kinakailangang nakasuot ng face mask sa lahat ng oras.

Nagpahayag naman ng pangamba ang mga Metro Manila mayors sa naging desisyon ng COVID-19 task force na payagang muling magbukas ang mga sinehan noong Pebrero 15, sa dahilang mataas ang tiyansa sa mga enclosed spaces ng pagkalat ng virus.

Gayundin, hiniling ng mga alkalde sa Malacañang na iurong ang muling pagbubukas ng mga sinehan sa mga GCQ areas sa Marso.

Kabilang sa mga mall operators na piniling ipagpaliban ang pagbubukas ng kanilang mga sinehan ay ang SM Supermalls na nag-o-operate ng mga SM Cinemas, na susundin nila ang itatakdang seat gaps at capacity.

Ang Ayala Malls, hihintayin ang approval ng kani-kanilang LGUs. Ang Robinsons Malls ay hindi rin nagbukas ngayong Biyernes. Maging ang pamunuan ng Araneta City ay nagsabing hihintayin nila ang guidelines at approval ng lokal na pamahalaan ng Quezon City.

“We will follow DOH-IATF (Department of Health-Inter-Agency Task Force) guidelines and final LGU approval for cinema operations,” ayon sa mga mall operators. “But we have already put in place a safety protocol inside our cinemas in preparation for our reopening,” dagdag pa nila.

'Di na rin kailangang i-quarantine… Turista, oks na kahit walang COVID testing

ni Ronalyn Seminiano Reonico | February 27, 2021

Inaprubahan na ng Inter-Agency Task Force for the Management of Emerging Infectious Diseases (IATF-EID) ang uniform travel protocols, ayon sa Malacañang ngayong Sabado.

Sa ilalim ng uniform travel protocols for land, air and sea ng Resolution No. 101, nakasaad na hindi na kailangang sumailalim ng mga turista sa COVID-19 testing maliban na lamang kung ire-require ng local government unit (LGU) ng lugar na kanilang pupuntahan.

Hindi na rin umano kailangang sumailalim sa quarantine ng mga turista maliban kung may sintomas ng COVID-19.

Mababasa sa Resolution No. 101 na “The IATF approves the uniform travel protocols for land, air, and sea of the Department of the Interior and Local Government.”

Saad din dito, “Testing shall not be mandatory for traveler except if the LGU of destination (province with respect to their municipalities and component cities, and highly urbanized cities [HUCs] and independent component cities [ICCs]) will require testing as a requirement prior to travel, and such shall be limited to RT-PCR.

“No traveler shall be required to undergo quarantine unless they exhibit symptoms upon arrival at the LGU of destination.”

Samantala, mahigpit pa ring ipatutupad ang physical distancing, pagsusuot ng face mask at face shield, atbp. health protocols.

Leave of absence sa mga single, ipinatupad sa Quezon

ni Ronalyn Seminiano Reonico | February 5, 2021

Binigyan ni General Luna, Quezon Mayor Matt Erwin Florido ng paid leave of absence ang mga single employees ng city government para sa Huwebes, February 11 upang makahanap umano ng “forever” para sa Araw ng mga Puso.

Sa Facebook post, saad ni Florido, “PARA SA MGA LGU EMPLOYEES NA SINGLE: “Pinapayagan ko kayong mag-LEAVE sa February 12. Ilaan n’yo ang buong araw sa paghahanap ng inyong forever upang makaabot kayo sa February 14.

“With pay ang leave n’yo, kasi naka-support ako sa pinagdadaanan n’yo. Ok? Lab u! “PS. Dahil holiday nga pala ang February 12 at Chinese New Year, maaari kayong mag-file ng leave sa February 11.

Mahaba-haba ang oras n’yo para maghanap.” Ito ay ipinatupad ni Florido upang mapasaya umano ang mga empleyado ngayong panahon ng COVID-19 pandemic.