VP Robredo, negatibo sa COVID-19

ni Ronalyn Seminiano Reonico | April 22, 2021

Negatibo ang COVID-19 test result ni Vice-President Leni Robredo, ayon sa kanyang Facebook post ngayong Huwebes nang gabi.

Matatandaang sumailalim si Robredo sa quarantine matapos magpositibo sa COVID-19 ang isa sa kanyang close-in security personnel.

Pahayag ni Robredo, “Got my NEGATIVE RT PCR Result just a few minutes ago.

“I quarantined strictly inside my bedroom for 7 straight days. Went out early this morning to have myself tested and went back to my cave to wait for my result.”

Ngunit kahit na negatibo ang resulta ng kanyang COVID-19 test, pinayuhan si Robredo ng kanyang doctor na ituloy pa rin ang 10-day quarantine period.

Aniya pa, “Even if I tested negative already, I was advised by our doctor to finish at least the 10-day minimum quarantine period.”

May wish pa para sa pangulo… P-Du30, binati ni VP Leni para sa b-day

ni Mary Gutierrez Almirañez | March 28, 2021

Binati ni Bise-Presidente Leni Robredo si Pangulong Rodrigo Duterte sa ika-76 na kaarawan nito sa kanyang programa sa radyo ngayong araw, Marso 28.

Ayon kay VP Leni, “Baka makalimutan natin, birthday ni Pangulo ngayon. So, happy birthday po." Hiniling din niya ang malusog na pangangatawan para sa Pangulo sa kabila ng ilang beses na pambabara at panonopla sa kanya nito.

“Parati ko namang sinasabi na lagi siyang damay sa dasal natin. Guidance at wisdom. Kasi ‘yung pagdedesisyon para sa bansa ay hindi basta-basta. At sa panahon ngayon, siguro, good health,” dagdag ni VP Leni.

Kabilang din sa mga bumati sa Pangulo ay si Presidential Spokesperson Harry Roque, “Pagpalain kayo ng Dakilang Lumikha. Maligayang kaarawan, mahal na Pangulo!" Pangalawang taon nang nagdiriwang ng kaarawan si Pangulong Duterte habang naka-quarantine ang bansa dahil sa COVID-19. Ang tanging hiling lamang niya aniya ay matapos na ang pandemya upang makabalik na sa normal ang mga Pilipino.

Sabi pa ni Roque, “I’m sure the President wishes an end to this pandemic at nais po niya, lahat tayo, makabalik po sa buhay natin na normal… Ibig sabihin, babalik tayo roon sa napakataas na ating growth rate taun-taon, because ang kanyang pangako ay mas komportableng buhay para sa lahat.”

Sa ngayon ay nasa Davao ang Pangulo at bukas ay inaasahang babalik siya sa Maynila upang salubungin ang pagdating ng 1 million doses ng Sinovac COVID-19 vaccines galing China.

Sinovac, pinagdudahan... P-Duterte, niresbakan si Leni

ni Lolet Abania | March 9, 2021

Galit na tinugon ni Pangulong Rodrigo Duterte si Bise-Presidente Leni Robredo dahil sa mga pahayag nito na nagdulot pa ng pagdududa sa publiko tungkol sa Sinovac vaccine na gawa ng China.

"Imbes na magtulong to convince the people, here she comes and making it appear that government has failed in its mandate of securing... Ma'am, hindi ako napikon. Hindi ako mapikon kay (dahil) hindi ko sarili ito," ani Pangulong Duterte sa kanyang weekly Talk To The People briefing para sa COVID-19.

Ayon sa Pangulo, ang mga inilabas na pahayag ni Robredo ay isang lamang "half-truth", kung saan sinabi nitong ang Sinovac vaccine ay nangangailangan ng rekomendasyon mula sa health technology assessment council (HTAC).

Ipinaliwanag naman ni Department of Health (DOH) Secretary Francisco Duque III na hindi na kailangan ng Sinovac vaccine ng pag-apruba ng HTAC dahil ito ay isang donasyon at hindi isang investment.

"Hindi ho kailangan ng recommendation, kasi nakalagay dito [sa Universal Health Care Law] investment, wala naman tayong in-invest, donated 'yun eh. So, EUA [emergency use authorization] lang po ang kinailangan," sabi ni Duque.

Nakasaad sa Section 34 ng Universal Health Care Act, "investments on any health technology or development of any benefit package by the DOH and PhilHealth shall be based on the positive recommendations of the HTA."

Nagbigay ng donasyon ang China ng 600,000 doses ng Sinovac vaccine ng CoronaVac, na dumating sa bansa noong Pebrero 28. Ito ang unang legal na batch ng mga bakuna sa bansa at sinimulan ang vaccinations sa mga ospital sa National Capital Region noong Marso 1.

"Imbes na makatulong ang Vice President, she created confusion, thereby creating doubts and uncertainty in the minds of the people," ani P-Duterte. "'Yan ang ginalitan ko because we are running against time," dagdag ng Pangulo.