Toga, out na — Palasyo

Pabor ang Malacañang kaugnay sa panukala ng Department of Education (DepEd) na gamitin ang “sablay” at palitan na ang toga para sa mga magtatapos sa elementary at high school.

Ayon kay Presidential Spokesman Salvador Panelo, suportado ng Palasyo ang mga hakbang na makabubuti sa mga estudyante at mga magulang.

“Baka naman mas mura ‘yun? Okay lang ‘yun basta anything na hindi naman masama, makakabuti sa mga bata okay lang lahat ‘yun,” ani Panelo.

Matatandaang, sa panukala ni DepEd Undersecretary Alain Pascua, nais nitong palitan na ang toga na sumisimbolo sa malalim na western roots o kolonyalismo, samantalang, ang sablay ay sumisimbolo sa pagtataguyod sa lokal na kultura ng Pilipinas at national diversity.

Pambili ng face mask at gamot.. P1-B dagdag-pondo para sa COVID-19

Aaprubahan na sa linggong ito ang P1-bilyon na dagdag-pondo na hinihingi ng Department of Health (DOH) para labanan ang pagkalat ng Coronavirus Disease 2019 (COVID-19) sa bansa.

Ayon sa bagong talagang chairman ng House Committee on Appropriations na si ACT-CIS Cong. Eric Yap, gagamitin ang naturang budget para pambili ng DOH ng mga face mask, medical protective equipment para sa mga health worker sa buong bansa, sanitation, disinfecting equipment, mga gamot at pang-overtime ng mga emergency health worker sakaling lumala ang COVID 19 sa bansa.

Nabatid na last month pa humingi ang DOH ng additional funding para sa COVID-19 ngunit, hindi ito agad naibigay dahil na-focus ang Kongreso sa usapin ng POGO at pagdagsa ng mga Chinese workers sa bansa. “Kasama sa P1 billion additional fund ng DOH ay ang information dissemination para hindi nanghuhula at nagpa-panic ang taumbayan,” dagdag pa ng mambabatas. Si Yap ang pumalit kay Cong.

Isidro Ungab ng Davao bilang chairman ng appropriations committee noong nakaraang linggo matapos umugong ang tangkang kudeta sa Kongreso.

Advisory: Walang Pasok

UPDATED: Manila, Philippines – Kanselado ang pasok sa ilang mga sumusunod na lugar na idineklara ng lokal na gobyerno kaugnay ng banta at isyu ng COVID-19 ngayong Marso 9 hanggang 15 at sa ilang araw na itatakda.

High School

- Bagong Lipunan Crame Elementary at High School (March 9, Lunes)

Colleges - Trinity University of Asia (March 9, Lunes) - Manila Tytana Colleges (March 9, Lunes) - Assumption College (March 10, Martes)

All Levels ( Lahat ng Antas ) - Manila (March 9 hanggang 15, Lunes hanggang Linggo)

- Cainta, Rizal (March 10, Martes)

- Taytay, RizalPasay (March 9, Lunes)

- Marikina (March 11, Miyerkules)

- San Juan City (March 9, Lunes) - Navotas City (March 9, Lunes) - Caloocan (March 10-11, Martes hanggang Miyerkules) - Pasay (March 10, Martes)

Mga kaukulang hakbang ang gagawin gaya ng pag-disinfect sa mga Paaralan upang mapigilan ang pagkalat nito.