Alerto sa Bulkang Kanlaon, itinaas

Nagsisimula na umanong maging abnormal ang mga aktibidad sa Bulkang Kanlaon na nasa pagitan ng Negros Oriental at Negros Occidental.

Dahil dito, itinaas ng Philippine Institute of Volcanology and Seismology (Phivolcs) ang Alert Level 1 na ang ibig sabihin ay may pagtaas sa antas ng seismic activity o unrest sa Bulkang Kanlaon.

Noong Martes, nakapagtala ang Phivolcs ng 80 volcanic earthquakes. Sa nasabing bilang, 77 ang may kasamang tinatawag na magmatic fluids sa ibabaw sa bulkan.

Ang pagtaas ng mga aktibidad sa Kanlaon Volcano ay posibleng sinundan ng pagbuga nito ng abo o phreatic eruptions sa crater bagama’t, hindi masyadong nakikita.

Sa ilalim ng Alert Level 1, paiiralin ang 4-kilometer Permanent Danger Zone sa paligid ng Kanlaon.

Pinag-iingat din ang mga eroplano at iba pang sasakyang panghimpapawid na dumaan malapit sa bunganga nito.

Iwas-COVID-19, pati mag-BF.. Mag-asawa, bawal mag-kiss

Iminumungkahi ng isang kongresista na ipagbawal muna ang pakiki­paghalikan sa gitna ng pa­ngamba na magkahawahan ng COVID-19.

Partikular na pinatutung­kulan ni dating Health Sec­retary at ngayo’y Iloilo Representative Janette Garin kung ang isa sa mag-asawa o mag-boy­friend na may sintomas ng ubo, sipon, pananakit ng lala­munan at lagnat.

Aniya, kung tutuusin ay marumi ang paki­ki­paghalikan.

“Kung ikaw ay may ubo, masakit ang lalamunan, lagnat, sipon, huwag hali­kan ang asawa, boyfriend o girlfriend. Huwag po tayong mahiya na sabihin na while kissing is enjoyed by some, kissing is actually dirty,” ani Garin.

Advisory: Walang Pasok, Huwebes, Marso 12, 2020 dahil sa banta ng COVID-19

UPDATE: Philippines – Walang pasok sa mga sumusunod na lugar na idineklara kaugnay ng isu at pag-iingat sa banta ng coronavirus o COVID-19 ngayong Marso 12 hangang sa ilang araw na itinakda.

LAHAT NG ANTAS (ALL LEVELS PUBLIC AT PRIVATE)

• NCR Metro Manila (March 10 -14)

• Probinsiya ng Cavite (March 10 - 14)

• Probinsiya ng Bulacan (March 11 - 14)

• Capas, Tarlac (March 11 - 14)

• Probinsiya ng Rizal (March 12 - 19)

Mga kaukulang hakbang ay gagawin ang pag-disinfect sa mga Paaralan upang mapigilan ang pagkalat nito. Pinapayuhan na ang mga estudyante ay kailangang mag-aral sa kanya-kanyang mga tahanan.