Hindi lumabas ng bansa.. 67-anyos na babae, patay sa COVID-19 — DOH

Kinumpirma ng Department of Health (DOH) na dalawa na ang namatay sa bansa na kumpirmadong may virus.

Ang unang namatay ay ang ikalawang COVID patient na isang Chinese national, habang ang ikalawa ang 67-anyos na babaeng pasyente na naka-confine sa Manila Doctors Hospital. Ang pasyenteng ito ay may diabetes at hypertension.

Ayon kay Health Secretary Francisco Duque III, lumalabas sa kanilang datos na ang mga nakatatanda at mga may medical condition ang vulnerable sa COVID-19.

Samantala, umakyat na sa 52 ang bilang ng positibo sa COVID-19 sa bansa.

Ito ay matapos kumpirmahin ng DOH na may tatlong bagong kaso ng COVID-19.

Kaugnay nito, patuloy ang apela ng DOH sa publiko na makipagtulungan sa mga awtoridad lalo na sa mga ginagawang contact tracing.

Ang mga indibidwal na may travel history o exposure sa COVID positive patient at nakaramdam ng sintomas ng virus tulad ng ubo, sipon at lagnat ay agad mag-isolate o mag-home quarantine sa loob ng 14 na araw.

Advisory: Walang Pasok, Biyernes, Marso 13, 2020 dahil sa banta ng COVID-19

UPDATE: Philippines – Suspendido ang mga pasok sa mga sumusunod na lugar na idineklara kaugnay ng isyu at pag-iingat sa banta ng coronavirus o COVID-19 ngayong Marso 13 hangang sa ilang araw na itinakda.

Kahapon lamang ay inanunsiyo ang pagkansela ng klase sa Metro Manila mula Marso 10 - 14 at samantala nitong Huwebes ay na-extend ito hanggang April 12.

LAHAT NG ANTAS (ALL LEVELS PUBLIC AT PRIVATE)

• NCR Metro Manila (Hanggang April 12)

• Baguio City (Hanggang March 22)

• Ilocos Sur (March 13 - April 12)

• Tanuan City, Batangas (Hanggang March 14)

• San Jose, Batangas (Hanggang March 14)

• Lipa City, Batangas (Hanggang March 14)

• Batangas City (Hanggang March 14)

• Tacloban (Hanggang March 20)

• Cavite (Buong lalawigan hanggang March 14)

• Bulacan (Buong lalawigan hanggang March 14)

• Capas, Tarlac (Hanggang March 14)

• Rizal Province (Hanggang March 19)

Mga kaukulang hakbang ay gagawin ang pag-disinfect sa mga Paaralan upang mapigilan ang pagkalat nito. Pinapayuhan na ang mga estudyante ay kailangang mag-aral sa kanya-kanyang mga tahanan.

Dahil sa COVID-19.. Dalaw sa mga kulungan, stop

Suspendido muna ang dalaw sa mga piitan sa Metro Manila, gayundin sa ibang rehiyon sa bansa bilang bahagi ng pag-iingat sa banta ng COVID-19.

Epektibo alas-12:00 ka­hapon ng tanghali, hindi muna papayagan ang sinu­mang bibisita sa 42 piitan ng Bureau of Jail Management and Penology (BJMP) sa National Capital Region.

Pansamantala ring pinag­bawalan ang pagbisita sa mga kulungan ng BJMP sa Regions I, III (lahat ng ku­lungan sa Bulacan, Angeles District Jail Male at Female Dormitories sa Pampanga; Cabanatuan City District Jail; Talavera Municipal Jail; at San Jose City District Jail sa Nueva Ecija), Region IV-A (Cavite; Cainta, Binango­nan at Antipolo sa Rizal; Ca­bu­yao, Calamba at San Pablo sa Laguna) at Region XI.

Nauna nang inianunsiyo ng Bureau of Corrections (BuCor) ang suspensiyon nito ng pagbisita sa New Bilibid Prison at iba pang prison at penal farms sa loob ng isang linggo dahil sa CO­VID-19 scare. Ito ay sa kabila na walang preso ang nagpa­kita ng sintomas ng virus.

Kasabay nito, isinaak­tibo rin ng BJMP ang natio­nal task force COVID-19 upang masigurong ligtas ang mga bilanggo sa sakit.

Iniutos na rin ni BJMP Chief Jail Director Allan Iral na gamitin ang lahat ng re­sources at mabilis na maipa­tupad ang mga hakbang kon­tra coronavirus.