11 Patay, 18 sugatan sa landslides sa Indonesia

ni Lolet Abania | January 10, 2021

Labing-isa ang nasawi habang 18 ang nasugatan dahil sa landslides matapos ang malakas na pag-ulan sa western Indonesia, ayon sa report ng Badan Nasional Penanggulangan Bencana (Indonesian National Board for Disaster Management) ngayong Linggo.

Sa isang statement na inilabas ni BNPB spokesman Raditya Jati, ang landslides sa Cihanjuang Village sa West Java ay tinatayang nasa 150 km o 95 miles timog-silangan ng kapital na Jakarta na naganap alas-4:00 ng hapon (0900 GMT) at alas-7:30 ng gabi kahapon. "The first landslide was triggered by high rainfall and unstable soil conditions.

The subsequent landslide occurred while officers were still evacuating victims around the first landslide area," ani Raditya. Ayon pa sa BNPB spokesman, ang patuloy na malalakas na pag-ulan at thunderstorms ang nagpapahirap sa mga awtoridad sa kanilang isinasagawang rescue operation.

Nagbabala naman si Presidente Joko Widodo sa mga residente ng Indonesia, mula sa La Nina weather system, na ang malalakas na pag-ulan ay magdudulot ng mga pagbaha at landslides, at labis na nakakaapekto sa agricultural product ng nasabing bansa.

Ang La Nina pattern ay inihahalintulad sa hindi pangkaraniwang lamig ng temperatura sa equatorial Pacific Ocean.

Madalas na nakararanas ang Indonesia ng mga pagbaha at landslides lalo na sa panahon ng tag-ulan mula November hanggang March, kung saan nagpapalala pa sa sitwasyon ang pagpuputol ng mga puno sa mga gubat sa lugar.

10 sugatan, 15 nawawala sa landslide

ni Ronalyn Seminiano Reonico | December 31, 2020

Sugatan ang 10 katao kung saan isa ang kritikal at 15 naman ang nawawala dahil sa landslide sa southern Norway noong Miyerkules.

Naganap ang landslide sa isang residential area sa Gjerdrum kung saan tinatayang aabot sa 700 katao ang inilikas.

Pahayag ni Prime Minister Erna Solberg, "It is a catastrophe. "There could be people trapped... but at the same time we can't be sure because it is the New Year's holiday, which means people could be elsewhere.

"The situation is still so unstable that it is impossible to do any (rescue) effort other than from helicopters." Samantala, tuloy pa rin ngayong araw ang pagsasagawa ng rescue operations sa naturang lugar.

2 Rescuers patay sa landslide, 2 engineers nawawala

ni Thea Janica Teh | November 16, 2020

Patay ang dalawang rescuers sa pagsasagawa ng road clearing operation sa Ifugao matapos magkaroon ng landslide sa kasagsagan ng Bagyong Ulysses, ayon kay Department of Public Works and Highways (DPWH) Secretary Mark Villar.

Aniya, "Two of our colleagues in DPWH died as heroes. Joel Chur-ig and John Duclog risked and lost their lives serving the country. They were found dead after another landslide hit Nueva Vizcaya - Ifugao – Mt.

Province Road where they were conducting clearing operations." Bukod pa rito, pinaghahanap pa ang dalawang engineers na sina John Limoh at Julius Gulayan na natabunan din ng gumuhong lupa at mga bato sa lugar.

Mas pinalawak na ang search and rescue operation sa Sitio Nabito, Brgy. Viewpoint Banaue, Ifugao upang mahanap ang mga nawawala pa.

Sa ngayon ay 6 na ang naitalang namatay kabilang ang mga tauhan ng DPWH at patuloy na nagsasagawa ng clearing operation.