Ayuda ng US sa Davao, stop na

ni Angela Fernando - Trainee @News | February 16, 2024

Tapos na ang pamamahagi ng United States Marine Corps ng mga relief goods sa mga naapektuhan ng kalamidad sa Davao de Oro.

Ito ay bahagi ng kanilang humanitarian and disaster relief operations ng kasundaluhan sa mga Pinoy na apektado.

Nakumpletong ihatid sa nasabing lalawigan ang umaabot sa 15 libong family food packs gamit ang dalawang KC-130J na "Super Hercules".

Nagpahayag naman si AFP Public Affairs Office Chief Col. Xerxes Trinidad na nagbigay-pag-asa at malakas na suporta ang presensiya ng allied forces ng ating bansa para sa mga naapektuhan ng nakamamatay na landslide.

Kaugnay nito, nagpasalamat naman si AFP Chief of Staff, Gen. Romeo Brawner Jr. sa US dahil sa tulong na ibinigay sa Mindanao.

Binigyang-diin din ni Brawner Jr. sa kanyang pahayag ang importansya ng assistance and disaster relief equipment, mga relief goods at suplay sa Enhanced Defense Cooperation Agreement sites sa 'Pinas higit sa oras ng kalamidad.

112 patay sa landslide sa India

ni Ronalyn Seminiano Reonico | July 24, 2021

Nasa 112 katao ang nasawi sa Maharashtra, India dahil sa landslide na dulot ng tuluy-tuloy na pag-ulan, ayon sa awtoridad.

Matapos tumaas ang lebel ng water rainfall, napilitang magpakawala ng tubig sa mga dam at inilikas ang mga residente sa mabababang lugar.

Pahayag ni Chief Minister Uddhav Thackeray, head ng Maharashtra state government,"Unexpected very heavy rainfall triggered landslides in many places and flooded rivers.

"Dams and rivers are overflowing. We are forced to release water from dams, and, accordingly, we are moving people residing near the river banks to safer places."

Ayon kay Thackeray, nagpadala na rin ng mga Navy at Air Force sa apektadong lugar upang magsagawa ng rescue operations.

Ayon sa awtoridad, nasa 38 katao ang nasawi sa Taliye, 180 km southeast ng Mumbai, dahil sa landslide habang 59 katao naman ang namatay sa Maharashtra at 15 ang nasawi dahil sa aksidente kaugnay ng malakas na ulan.

Samantala, bukod sa nasawi, marami rin ang naiulat na nawawala at na-trap sa ilang gusali dahil sa landslide.

2 patay, 20 nawawala sa landslide sa Japan

ni Ronalyn Seminiano Reonico | July 5, 2021

Dalawa na ang kumpirmadong nasawi sa landslide sa Atami, Japan noong Sabado na dulot ng malakas na pag-ulan.

Ayon sa lokal na pamahalaan, sampu ang na-rescue na at aabot naman sa 20 ang bilang ng mga nawawala pa.

Sa tala ng disaster management officials ng Shizuoka Prefecture, naganap ang landslide bandang alas-10:30 nang umaga kung saan maraming kabahayan ang nasira kaya aabot sa 1,000 rescuers ang ipinadala kabilang na ang 140 military personnel.

Saad naman ni Prime Minister Yoshihide Suga sa isinagawang emergency meeting, “It’s possible that the number of damaged houses and buildings is as many as 130. I mourn the loss of life.

“This rainy-season front is expected to keep causing heavy rain in many areas. There is a fear that land disasters could occur even when the rain stops.”

Nagbabala naman si Takeo Moriwaki, professor ng geotechnical engineering sa Hiroshima Institute of Technology na posibleng magkaroon ulit ng landslide.

Aniya, “Landslides can occur again and again at the same place even if the rain stops. Residents and rescuers should remain on alert.”

Samantala, pinalikas na rin ang mga residente ng iba pang lungsod sa Shizuoka Prefecture dahil sa banta ng landslides.