After ng 2NE1, sigaw ng K-Pop Fans: Girls' Generation, next!

ni Zel Fernandez | April 19, 2022

Ginulat ng 2NE1 K-Pop girl group ang kanilang mga fans matapos ang naging performance nito sa Coachella, kamakailan, sa isang music festival.

Kinabibilangan ng Star Circle Quest contestant noong 2004 na si Sandara Park, sorpresang lumitaw ang girl group sa set ng kanilang former leader na si Lee Chae-rin, known by her stage name CL, with their performance of 2011 hit song I Am The Best.

Hindi magkamayaw sa pagsabay sa veteran K-Pop girl group ang mga fanatics na talaga namang gumawa ng ingay sa social media dahil sa nostalgic feeling na hatid ng muling pagsasama-sama ng quartet.

Matapos maging trending topic ang 2NE1, humirit ang K-Pop fans na magkaroon din ng fresh appearance ang eight-member group na Girls' Generation (SNSD) na kilala bilang 'one of the industry's biggest names' at tinaguriang "Nation's Girl Group" ng South Korea.

Although, wala pang announcement ng kanilang reunion ang Girls' Generation, very hopeful ang mga K-Pop fans na muling makita on stage sina Taeyon, Sunny, Tiffany, Hyoyeon, Yuri, Sooyoung, Yoona, at Seohyun para sa isang on fire performance.

If made possible, for sure na magwawala na naman ang ating mga solid K-Pop fanatics!

‘Di rehistradong Korean foods, delikado — FDA

ni Lolet Abania | March 11, 2022

Nagbabala ang Food and Drug Administration (FDA) sa publiko hinggil sa pagbili at pagkain ng mga hindi rehistradong Korean food products ngayong Biyernes.

Ayon sa FDA, hindi nito tiyak ang kalidad at kaligtasan ng mga produkto dahil hindi ito dumaan sa proseso ng kanilang ebalwasyon.

Kabilang sa mga unregistered Korean foods ay ang sumusunod:

• CJ Pulito Carrot+Apple na nasa Light Brown packaging na may imahe ng Carrots at Apple, 130 mL

• CROWN na nasa White at Brown packaging na may imahe ng chocolate

• Since 1972 Honey & Apple na nasa Fuchsia Pink packaging na may imahe ng Honey

• TIME Vegetable Dip Snack na nasa Green packaging na may imahe ng Tomato, 70 g

• HAITAI Calbee Especial Edicion Dulce de Leche na nasa Blue packaging na may graphics ng Potato at Honey, 60 g

• HAITAI Low Sugar na nasa White at Blue Carton Box na may imahe ng Crackers, 58g

• OTTOGI Whole Black Pepper

• YJ FOOD Corn Fried, 45 g

• Cream and Green-colored Pouch na may image ng Meat cut

• CW Sesame Stick Biscuit, 85 g

Iginiit naman ng ahensiya na batay sa FDA Act of 2009, ipinagbabawal ang pag-manufacture, importasyon, pagbebenta, at iba pa ng mga unauthorized health products.

Ayon pa sa FDA, posible na tuluyang i-sanction ang mga establisimyento na magdi-distribute, mag-advertise o magbenta ng tinatawag na “violative” food products.

Samantala, inatasan na ng ahensiya ang mga law enforcement agencies at mga lokal na pamahalaan na tiyakin na ang mga naturang produkto ay naalis na sa mga pamilihan o sa mga lugar na sakop ng kanilang hurisdiksyon.

Hinimok naman ng FDA, ang Bureau of Customs (BOC) na pigilan ang pagpapapasok ng mga unregistered imported products sa bansa.

Hyun Bin at Son Yejin, ikakasal na

ni Jasmin Joy Evangelista | February 11, 2022

Inanunsiyo ni Son Yejin, na kilala bilang Yoon Seri sa Crash Landing on You, na ikakasal na sila ni Hyun Bin sa kanyang Instagram post nitong Miyerkules.

“I found someone to spend the rest of my life with. Yes… it’s him. Boy meets girl, recognizes each other in the crowd, promises to build a future together, I couldn’t imagine,” ani Yejin.

“It happened so naturally… But, isn’t that destiny? Just being with him, I feel warm and protected. Please help us celebrate the beginning of our future,” dagdag pa ni Yejin.

Pinasalamatan din ni Yejin ang kanyang mga fans dahil umano sa “unconditional love for a long time” na pinararamdam ng mga ito sa kanya.

“I have received unconditional love and for a long time now, I thought, there’s no way to repay it. Please know that I’m infinitely grateful and I also wish you all happiness!”

Kinumpirma rin ni Hyun Bin na ikakasal na siya kay Yejin sa inilabas nitong official statement sa kanyang entertainment agency na Vast Entertainment nito ring Miyerkules.

“I am writing this to inform you about the most important decision of my life to fans who have been kind to me in many ways and have given me great care and love.”

“I made an important decision to get married, and I’m going to carefully step into the second phase of my life,” ayon pa kay Hyun Bin.

“I think you’ll cheer for our first steps with the warm and affectionate young gaze you’ve sent us so far. Then I hope everyone stays healthy and happy until the day we meet and greet,” dagdag pa ng aktor.

Matatandaang kinumpirma nina Hyun Bin at Son Yejin ang kanilang relasyon noong January 2021.

Bago pa bumida sa rom-com K-drama na Crash Landing On You, nagkasama na rin ang dalawa sa 2018 film na The Negotiation.