Military drone ng South Korea, narekober sa North Korea

ni Eli San Miguel @World News | Oct. 20, 2024

Photo: KCNA via Reuters

Iniulat ng North Korea na narekober nila ang mga labi ng bumagsak na military drone ng South Korea, na itinuturing nilang bahagi ng propaganda mission sa gitna ng patuloy na tensyon sa border.

"In light of the drone's shape, the presumptive period of flight, the leaflet-scattering box fixed to the underpart of the drone's fuselage, etc, it is quite likely that the drone is the one which scattered leaflets over the center of Pyongyang Municipality. But the conclusion has not yet been drawn," pahayag ng news agency na KCNA.

Tumanggi ang South Korea na kumpirmahin kung may pinalipad na mga drone at sinabing ang pagkomento sa pahayag ng North Korea ay magiging bahagi ng kanilang taktika.

"If a violation of the DPRK's (Democratic People's Republic of Korea) territorial ground, air and waters by ROK's (Republic of Korea) military means is discovered and confirmed again, it will be regarded as a grave military provocation against the sovereignty of the DPRK and a declaration of war and an immediate retaliatory attack will be launched," ayon sa KCNA.

"North Korea's one-sided claims are not worth verifying, nor do they merit a response," pahayag naman ng defense ministry ng South Korea.

Matatandaang tumaas ang tensyon mula nang magsimulang magpadala ng mga lobo na may basura ang North Korea sa South noong huling bahagi ng Mayo, na nag-udyok sa Seoul na ipagpatuloy ang mga propaganda broadcast, na gumalit sa Pyongyang.

1.4-M kabataan sa North Korea nais sumali sa militar

ni Angela Fernando @World News | Oct. 17, 2024

Photo: CNBC / Circulated

Iniulat ng state media ng North Korea kamakailan na tinatayang 1.4-milyong kabataan ang nag-apply upang sumali o bumalik sa hukbong militar ngayong linggo, kung saan sinisi nila ang Seoul sa sinasabing probokatibong pagpasok ng drone nito na nagdala ng tensyon sa pagitan ng dalawang bansa.

Ito ay kasunod ng mga akusasyon ng North Korea na nagpapadala ang South Korea ng mga drone sa Pyongyang, na nagpakalat ng malaking bilang ng mga leaflets kontra-Norte.

Matatandaang winasak ng Norte ang mga kalsada at linya ng tren na nag-uugnay sa dalawang bahagi Korea nu'ng Martes bilang tugon, at binalaan ang South.

Ayon sa opisyal na ulat ng KCNA news agency, ang mga kabataan, kabilang ang mga estudyante at opisyal ng youth league na lumagda sa mga petisyon upang sumali sa hukbo, ay determinadong lumaban sa isang "sacred war of destroying the enemy with the arms of the revolution."

Jennie ng BLACKPINK, dumalo sa ‘Welcome Back’ concert ng 2NE1

ni Eli San Miguel @K-Buzz | Oct. 8, 2024

Dumalo si Jennie ng Blackpink sa “Welcome Back” concert ng 2NE1 sa Seoul. Sa Instagram, ibinahagi niya ang ilang larawan mula sa concert sa Olympic Park, Olympic Hall, kabilang ang isang litrato ng kanyang OOTD suot ang baseball cap na may logo ng 2NE1 at hawak ang opisyal na light stick ng grupo.

“Funday Sunday,” saad ni Jennie. Star-studded ang 2NE1 show, dahil present dito ang mga celebrities tulad ni Jennie at mga YG Entertainment artists, kabilang ang BIGBANG, Winner, iKON, at BabyMonster.

Ang “Welcome Back” ay ang unang world tour ng 2NE1 matapos silang ma-disband noong 2016. Inanunsiyo ng YG Entertainment ang kanilang comeback noong Hulyo, kung saan nagbahagi si Dara ng teaser para sa concert.

Nagsimula ang tour sa Seoul, South Korea nitong Oktubre, na magkakaroon ng mga stop sa Osaka, Manila, at Jakarta sa Nobyembre, at magpapatuloy sa Tokyo sa Disyembre at hanggang 2025.

Nakatakda naman ang stop sa Manila sa Nobyembre 16, 2024, na gaganapin sa SM Mall of Asia Arena. Bagama't na-disband ang grupo noong 2016 at umalis sa YG Entertainment, matatandaang nagkaroon ang 2NE1 ng ilang mini-reunions nu'ng mga nakaraang taon.