6 Chinese na dinukot, pinaghahanap pa

ni Angela Fernando - Trainee @News | November 2, 2023

Sinusubukan ngayon ng mga awtoridad na alamin ang kinaroroonan ng anim na Chinese nationals na na-kidnap nu'ng Lunes.

Ayon kay Cosme Abrenica, hepe ng Police anti-kidnapping, kanila pang iniimbestigahan ang nangyaring kidnapping sa siyam na biktima sa bandang timog-silangan ng Maynila.

Anim sa mga nadakip ng mga kidnapper ay Chinese at kasalukuyan pang ayaw pangalanan.

Samantala, ang tatlong Pilipinong kasama sa na-kidnap ay agad pinakawalan.

Nagbigay naman ng pahayag ang isa sa mga ito na bigla silang pinasok ng mga suspek sa kanilang tahanan, ayon kay Philip Aguilar, hepe ng pulisya sa bayan ng Calauan kung saan nakuha ang ibang biktima.

Wala pang impormasyon ang pulisya sa nangyari at kanila pang inaalam ang motibo ng mga hindi nakikilalang suspek.

Hinihinalang may kinalaman ang krimen sa reklamong natanggap nila galing sa China tungkol sa sinasabing ilegal na online gaming.

53-anyos na Chinese national, nailigtas sa kidnapping

ni Angela Fernando - Trainee @News | October 24, 2023

Nailigtas ng Philippine National Police Regional Office 7 ang isang Chinese national mula sa umano'y kidnapping gang sa Bohol.

Pinangalanan ang 53-anyos na biktima na si Zheng Ling na pinaghahanap nu'ng Lunes, Oktubre 22, matapos umanong dukutin nu'ng Miyerkules, Oktubre 18.

Agad namang nahanap ang biktima dahil sa isang CCTV footage na nakalap ng PNP Regional Office 7.

Samantala, apat na Chinese nationals at dalawang Pilipino ang nadakip at pinaniniwalaang sangkot sa nangyaring kidnapping kaya ngayon ay iniimbestigahan na.

Kasalukuyan namang nasa kustodiya ng mga pulisya ang biktima.

140 estudyante, kinidnap para sa ransom

ni Ronalyn Seminiano Reonico | July 6, 2021

Isandaan at apatnapung estudyante sa boarding school sa northwestern Nigeria ang kinidnap ng mga suspek, ayon sa opisyal ng pamahalaan noong Lunes.

Sinira umano ng mga gunmen ang bakod papuntang Bethel Baptist High School sa Kaduna State noong Lunes nang umaga at dinukot ang 165 estudyante ngunit nakatakas ang iba.

Pahayag ng guro ng naturang paaralan na si Emmanuel Paul, "The kidnappers took away 140 students, only 25 students escaped. We still have no idea where the students were taken."

Kinumpirma naman ni Kaduna State Police Spokesman Mohammed Jalige ang insidente ngunit aniya, hindi pa nila sigurado ang eksaktong bilang ng mga estudyanteng nakuha ng mga kidnappers.

Saad pa ni Jalige, "Tactical police teams went after the kidnappers.

"We are still on the rescue mission."

Ipinag-utos naman ng pamahalaan ng Kaduna ang pansamantalang pagpapasara sa Bethel Baptist at iba pang paaralan malapit sa naturang lugar dahil sa insidente.

Samantala, simula nu'ng Disyembre, 2020, umabot na sa mahigit 1,000 estudyante ang nabiktima ng kidnap for ransom mula sa iba’t ibang paaralan sa Nigeria at ayon sa awtoridad ay 150 pa sa mga ito ang nananatiling nawawala.