42 rooms lang naman… KATHRYN, MAY RESORT NA SA EL NIDO, PALAWAN

ni Nitz Miralles- @Bida | April 18, 2022

May resort pala sa El Nido si Kathryn Bernardo at ang kanyang pamilya na tinawag nilang Isla Amara Boutique and Resort.

Meron itong 42 guest rooms, private pool at ibang amenities para sa mag-i-stay dito. Sa nasabing resort yata nag-stay sina Kathryn at mga kaibigan nang mag-birthday ang aktres, kamakailan.

May ipinapagawa ring bahay si Kathryn para sa kanyang pamilya at ang nabasa naming description, mala-mall daw ang laki nito na tulad ng mansiyon ni Megastar Sharon Cuneta.

Tiyak na may iba pang business at properties ang aktres dahil masigla pa rin ang career niya, sunud-sunod ang endorsements at may bagong show sa ABS-CBN. Noong April 12, may poster reveal ang series nila ni Daniel Padilla na 2G2BT at malamang, malapit na ang airing nito.

Naghihintay din ng pelikula ang KathNiel fans nila Kathryn at Daniel at siguradong hindi sila bibiguin ng Star Cinema at bibigyan ng bagong pelikula ang magka-love team on and off screen.

Ikinalat ni Xian Gaza… KATHRYN AT DIEGO, NALUSUTAN NINA BARBIE AT DANIEL

ni Nitz Miralles - @Bida | January 07, 2022

Nag-trending kahapon sa Twitter ang hashtag na #HuwagAngKathniel bilang sagot at reaction ng mga fans nina Kathryn Bernardo at Daniel Padilla sa cryptic post ni Xian Gaza na pilit ginagawan ng isyu sina Daniel at Barbie Imperial at pinalalabas na clueless sina Kathryn at Diego Loyzaga tungkol sa dalawa.

May ipinost kasi si Xian Gaza na picture na nasa bahay nina Karla Estrada si Barbie at tinatanong kung may namamagitan ba sa GF ni Diego at kay DJ.

Para sa KathNiel fans, hindi ito tungkol sa ‘di na dapat patulan o ‘di dapat pansinin si Xian, pero idina-drag ang KathNiel sa isyung hindi totoo. Dapat daw nilang ipakita na hindi sila dapat tinatapak-tapakan lalo na ang KathNiel.

Suhestiyon ng isa pang KathNiel fan, turuan nila ng leksiyon si Xian by reporting him and block all his socmed accounts. Hindi rin daw masisira ni Xian ang KathNiel sa cheap, fake at walang katuturang isyu.

Naku, ginagalit ni Xian ang KathNiel fans kaya be ready. Masaya pa naman ang mga fans dahil sa balitang tuluy-tuloy ang construction ng dream house ni Kathryn na sa nakita naming photos ay malaki.

Nagtanggal na ng mga tauhan… BARBER SHOP NINA DANIEL AT KATHRYN, NALUGI

ni Julie Bonifacio - @Winner | September 3, 2020

Sapul ng COVID-19 pandemic ang barber shop business ng Kapamilya star na si Daniel Padilla na matatagpuan sa malalaking malls sa Metro Manila.

Nagbukas ang Barbero Blues noon lang October 26, 2019 at isa nga ang barber shop sa mga naapektuhan ng pagpapatupad ng lockdown sa Metro Manila na mag-aanim na buwan na sa Sept. 15.

"Talagang sapul ang Barbero Blues, eh," malungkot na sabi ni Daniel sa interbyu sa kanya ng Star Magic para sa kanilang YouTube channel recently.

Pero kahit nalulugi ang kanyang negosyo, naisip pa rin ni Daniel ang kapakanan ng mga barbero at staff niya.

"Siyempre, may mga na-lay-off yata, which is hello?! Tayo sa ABS-CBN mismo, alam natin 'yun, 'di ba? Dahil hindi kayang suportahan, eh. Ang hirap, kasi hindi mo rin alam kung saan ka kukuha financially. Pero siyempre, hindi pa rin natin nakakalimutang tumulong kahit papa'no," pagsisiwalat ni Daniel.

Pinatunayan naman ng ilang empleyado ng Barbero Blues na hindi sila pinabayaan nina Daniel sa gitna ng pandemya. Binigyan daw sila ng cash assistance simula pa lang ng lockdown at napakalaking tulong daw nito sa kanila.

Sinubukan nina Daniel na buksan ang business nila nu'ng payagan na ng gobyerno na mag-operate ang mga salon and barber shops. Pinanood daw ni Daniel ang video na nakunan ng kanyang Tito Do (Armando Cruz), best friend ng kanyang Momshie Karla Estrada at siyang nagma-manage ng barber shop, noong nagbukas sila last June.

"Tinitingnan ko 'yung mga videos ni Tito Do. Kasi, siya 'yung everyday na pumupunta, eh. Wala talagang tao. Hindi mo talaga sila mapipilit. Pero ako naman, sa akin, hindi naman nila kailangang magpagupit lang. I think Barbero Blues is a good place, kasi malinis, sanitized and siyempre, importante ru'n sa amin ang safety."

May mga kasosyo rin si Daniel sa kanyang barber shop gaya ng itinayo niyang restaurant, pero magkaiba ang mga partners niya sa dalawang negosyo.

For Barbero Blues, kasosyo rin ang mag-iinang Bernardo (Kathryn, Mommy Min and Kath's sister Tin), ang ina ni Daniel na si Karla at si Do, at ang hairstylist na si Tony Lao.

"Si Tito Do ang pinaka-hands-on. Super-galing sa numero ng ate ni Kathryn, si Ate Tin. Ako, super-naguguluhan ako sa number. Pero ako kasi, doon ako sa designing, sa vibe ng place, sa quality control."

Collaboration daw nila ni Kathryn ang Barbero Blues at tuluy-tuloy daw sila sa improvement nito.

Tanggap naman daw ni Daniel ang sitwasyon pero hindi puwedeng huminto na lang doon ang kanyang Barbero Blues.

"Ngayon, nag-iisip kami ng mga steps ng mga puwede naming gawin for Barbero Blues, kasi gusto ko siyang itayo as a band. So, that's the plan. Ngayon, nandu'n na kami, tinitingnan namin 'yung part na 'yun."

Aminado si Daniel na 'di siya eksperto pagdating sa business, pero knows niya na kailangang mag-evolve sila.

"Ngayon kasi, abnormal, 'di ba? 'Yung business mo, okay. Tapos, nagka-pandemic. So, ano'ng puwede nating gawin? We have to evolve or adapt. We have to experiment," diin pa ni Daniel.