Daniel, Star Magic pa rin, Kathryn, babu na?

ni Angela Fernando - Trainee @News | January 24, 2024

Muling pipirma ng kontrata sa Star Magic at Kapamilya Network ang aktor na si Daniel Padilla pero mas curious ang madlang pipol kung totoo ang usap-usapang tatalon na ng “Crown Artists Management” ng mag-asawang Maja Salvador at Rambo Nuñez ang aktres na si Kathryn Bernardo.

Kamakailan nga ay umugong ang mga tsikang aalis na ang aktres sa Star Magic at wala pa ring post si MJ Felipe na nu'ng nakaraan nga ay kinumpirma ang muling pagpirma ni Daniel sa susunod na buwan sa kanilang kinalakihang network.

Dumagdag pa sa ingay ng mga Marites ang artikulo ng PEP Troika na may posibilidad daw na CAM na ang magma-manage kay Kath.

Magkakaroon na nga ng mas malawak na oportunidad para sa aktres dahil maaari na siyang gumawa ng mga proyekto sa labas ng ABS-CBN at Star Cinema kung totoo man ang mga tsismis.

Matatandaang nilinaw ng ina ni Kath na si Min Bernardo na hindi aalis sa Kapamilya Network ang award-winning actress matapos ang isyu ng hiwalayan nila ni Deej.

Wala pa namang pahayag si Kathryn at tahimik lang ang Star Magic, ABS-CBN, pati na ang CAM sa mga tsismis.

Seth, may alam din daw…ANDREA, UMAMIN KAY KATHRYN NG NANGYARI SA KANILA NI DANIEL NU’NG NOVEMBER 20

ni Angela Fernando - Trainee @News | December 18, 2023

True nga kaya ang kumakalat na usap-usapan ngayon na may alam daw si Seth Fedelin sa naging “one-time fling” nina Andrea Brillantes at Daniel Padilla?

Inispluk ng Philippine Entertainment Portal o PEP na meron silang apat na reliable sources at ang isa rito ang nagbulong ng tsikang nag-usap umano nang personal sina Andrea at Kathryn upang magkaaminan sa nasabing isyu, na may namamagitan nga sa kanila ni Deej.

Unang lumapit daw si Andrea para personal na makausap ang aktres na nangyari bandang madaling-araw sa opisina ni Kath sa Quezon City.

Ipinasilip daw ni Andrea ang palitan nila ng mensahe ng noon ay nobyo ni Kathryn na si DJ.  Parte pa nga raw ng mensahe ng dating nobyo ng aktres ay ang pagpapaalala nito kay Andrea na ayusin ang isang nakakaalam ng ginawa nilang dalawa na walang iba kundi si Seth.

Taong 2021, buwan ng Nobyembre raw nu'ng unang nagkaroon ng ugnayan sina Andrea at Deej, na tiyempong cool-off naman ang aktres sa kanyang dating nobyo na si Seth. 

Wala mang pahayag ang mga nasabing panig sa mga kumakalat na tsismis para linawin na ito sa madlang pipol, tatlo pa sa apat na sources ng PEP.ph ang may parehas na kuwento sa naunang source.

'Di lang sa pamilya ni Kathryn... KARLA ESTRADA, LUBOG SA UTANG

ni Angela Fernando - Trainee @News | December 10, 2023

Hindi pa tapos ang usapin sa hiwalayang Kathryn Bernardo at Daniel Padilla, ngunit pinagpipiyestahan naman ngayon ng madlang pipol ang bagong lumulutang na tsika patungkol sa ina ng aktor na si Karla Estrada dahil sinasabing lubog ito sa utang.

Saad ng showbiz columnist na si Cristy Fermin sa isang episode ng “Showbiz Now Na,” kalat ngayong maraming utang sa mga kaibigan si Karla tulad ng P2 milyon sa isa at may P3 milyon pa.

Ang sinasabing dahilan ng pangungutang diumano ni Karla ay para raw mabayaran naman ang malaking pagkakautang nito sa pamilya ni Kathryn.

Matatandaang pumutok ang usapan na may pagkakautang si Karla sa pamilya ng dating nobya ng anak ilang araw matapos makumpirma ang hiwalayan ng dalawa.

Ang ipinagtataka lang nila, kasama ang co-host ni Cristy na si Wendell Alvarez, sa laki raw ng kita ng anak na si Daniel, bakit pa nagagawang umutang ng ina nito?

Wala pa namang pahayag o komento si Karla sa mga kumakalat na tsismis sa kasalukuyan.