Sweet na sweet daw sa set… IBINUKING NI DIREK: FRANCINE AT SETH, MORE THAN FRIENDS NA

ni Julie Bonifacio @Winner | Nov. 30, 2024

Photo: Seth at Francine Diaz - IG Seth Fedelin

Nangangamoy blockbuster sa takilya ang first movie team-up nina Francine Diaz at Seth Fedelin na My Future You (MFY) sa direksiyon ni Crisanto Aquino at ipapalabas on December 25.

Since Facebook (FB) friends kami ni Direk Crisanto or Cris, nag-PM (private message) kami sa kanya ng ilang mga katanungan tungkol sa kanya at sa movie niya na MFY. And of course, tungkol sa tambalang FranSeth.

“Malakas ang FranSeth fans, grabe,” sey sa amin ni Direk Cris when we asked him kung ano ang chance ng MFY sa takilya. 

“Lumalaban talaga sila and sobra akong thankful sa kanila. Laging trending ang FranSeth at My Future You tuwing may ganap kami. 

“Napakasisipag nila at sobrang mahal na mahal nila ang FranSeth and I know, after nilang mapanood ito, lalo nilang mamahalin ang FranSeth dahil these young actors are our next biggest stars,” papuri ni Direk Cris sa FranSeth.

Matindi rin ang makakasabay sa takilya ng MFY sa Kapaskuhan. Karamihan sa mga bida ng iba pang entries sa 50th Metro Manila Film Festival (MMFF) ay mga box-office stars.

“Honestly, kami yata ang may pinaka-young leads sa lahat ng entry, ng FRANSETH mga Gen Z ‘to at 1st film nila as love team. I think it’s a compliment kung mako-consider kami na dark horse kasi meaning, may laban kami either sa awards or box office,” confident na sabi ni Direk Cris.

Dugtong pa niya, “Pero at the end of the day, this is the most celebrated film festival in the Philippines, kaya masama lang dito ay sobrang blessing na. More than the competition I see this as a celebration of the film industry.”

Ang MFY ay ang ikalawang pelikula ni Direk Cris sa MMFF. Una siyang nakasali sa MMFF noong 2019 via the movie Write About Love (WAL).

“Masaya ang MMFF experience ko noon kaya sobra akong happy and blessed na nakapasok kami and me returning to MMFF, kasi ibang experience talaga s’ya at hindi lahat ng filmmakers ay nabibigyan ng chance dito, kaya sobrang thankful ako,” lahad pa niya. 

Ibinuking naman ni Direk Cris sa amin na sobrang sweet sa set sina Francine at Seth. 

“Sobrang sweet nila and what I see is beyond friendship at nakakakilig ‘yung makita sa kanila ‘pag magkasama sila. Kung ano man meron sila or status nila ngayon,  I think it’s something very very SPECIAL,” diin ni Direk Cris.

Ang MFY ay kuwento tungkol kina Karen (Francine Diaz) and Lex (Seth Fedelin) na nagkakilala sa isang online dating app pero nabubuhay sa dalawang magkaibang timeline na may agwat na 15 years. 

May isang comet ang makakatulong sa kanila para magpang-abot ang kanilang “panahon.” At mare-realize nila ang kakaiba nilang sitwasyon. 

Magkasama sila para baguhin ang kanilang nakaraan at ang kinabukasan.

“Actually, isinulat ko ‘yung script noong 2020. It was initially for TBA Studios but we had the pandemic. They decided to cancel the project. Then I presented the material to Ms. Roselle (Monteverde), who instantly fell in love with it. There were other stars considered for this project, but Ms. Roselle ultimately chose FranSeth. And now, I must state that this project is truly for the two,” sey pa ni Direk Cris.

---

Nag-number one ang bagong drama series ni Julia Montes na Saving Grace (SG) sa Prime Video Philippines.

Kinumpirma ito ng Dreamscape Entertainment, ang producer ng SG sa kanilang socmed (social media) post nu’ng Thursday night.

Ito ang post ng Dreamscape, “#1 SERIES IN PRIME VIDEO PHILIPPINES!!! Maraming salamat sa suporta mga Kapamilya! #SavingGrace now available for streaming in over 240 countries and territories. Download Prime Video and subscribe to watch #SavingGrace! New episodes drop every Thursday!”

Ang SG ay Philippine adaptation ng Japanese hit drama series na Mother.

Bukod kay Julia, kasama rin sa main cast sina Megastar Sharon Cuneta at ang newest child star na si Zia Grace. Ang iba pang nasa cast ay sina Jennica Garcia, Sam Milby, Christian Bables, AQ, Elisse Joson, Andrez Del Rosario, Sophia Reola, Adrian Lindayag, Aya Fernandez, Mary Joy Apostol, Eric Fructuoso, and Fe De Los Reyes.

Presented by ABS-CBN Studios and Japanese entertainment powerhouse Nippon TV, Saving Grace debuted last November 28. It exclusively streams on Prime Video.

Proud daw 'pag naging GF ang ka-love team… SETH: IPAPA-BILLBOARD KO SI FRANCINE

ni Julie Bonifacio @Winner | Nov. 29, 2024

Photo: Seth at Francine Diaz - IG Seth Fedelin

Until now, best friends pa rin ang turingan ng magka-love team na sina Seth Fedelin at Francine Diaz. 

Sa grand mediacon ng kauna-unahan nilang tambalan sa big screen, ang My Future You (MFY), ay natanong sila kung aamin kaya sila kapag naging sila na officially.

Ayon kay Seth, deserved ni Francine na maipagmalaki bilang girlfriend niya.

“Ipapa-billboard ko po,” sigaw ni Seth.

Pahayag ni Francine, “Oo naman po, uhm, kung mangyari man. Pero hindi po ibig sabihin na porke’t aaminin namin ‘yung relationship, eh, hahayaan na lang namin na maging curious ang mga tao sa kung ano'ng meron kami.”

Para kay Francine kasi, sagrado ang love at ayaw niyang may nakikialam na iba sa relasyon niya, lalo na’t ‘di naman niya kapamilya.

Pero sa ngayon, parehong aminado sina Seth at Francine na sana, sila na ang maging future partner in life ng isa’t isa. Kaya naniniwala si Seth na malapit na niyang maangkin ang kanyang “future you.”

“Yes,” ani Seth. “Bakit ko nasabing malapit na? Kasi ‘di na ako lalayo, eh.

“Pero may isang pangako lang ako na gusto kong tuparin, ‘yung pangako ko sa mga magulang ni Chin (nickname ni Francine). Alam naman natin na hindi biro ang samahan namin.

“Hindi po biro ang pinagdaanan ko na makaabot ulit dito sa nahahawakan ko ‘yung kamay ni Francine, ‘di po biro. At ‘yun po ang goal ko, na gusto kong maramdaman nina tito at tita na safe si Francine sa ‘kin.”

Hindi naman daw sila nagmamadali. Ang mahalaga kay Seth sa ngayon ay ang tiwalang nakuha niya sa mga magulang ni Francine.

Ang MFY ay mula sa Regal Films na pinamamahalaan ngayon ng mag-inang Roselle at Keith Monteverde at sa direksiyon ni Crisanto B. Aquino.

Ipapalabas ito sa December 25 bilang isa sa mga opisyal na entries sa Metro Manila Film Festival (MMFF) 2024.

---

SUCCESSFUL ang 40th anniversary concert ng singer-actor na si Raymond Lauchengco titled Just Got Lucky sa The Theatre at Solaire noong nakaraang Sabado.

Sinuportahan si Raymond sa kanyang concert hindi lang ng mga fans niya sa Pilipinas kundi maging sa ibang bansa. 

One of his loyal fans ay nagsama pa ng 30 katao mula sa Ilocos Sur at isinakay ng eroplano para manood ng concert ni Raymond. 

May fan din sa US si Raymond na hindi makakauwi ng Pilipinas para manood. Instead, bumili na lang siya ng 10 tickets at ipina-reserve ang mga upuan na parang nandoon din siya sa venue.

Samantala, maaga pa lang ay nasa venue na si Aga Muhlach kasama ang kanyang misis na si Charlene Gonzales. Magkasama sila noong gumawa ng teen-oriented movie na Bagets.

During the finale song ni Raymond, ang Just Got Lucky, umakyat sa stage si Aga at ang iba pang Bagets co-stars niya sa Part 1 na sina Herbert Bautista, Eula Valdes, Cheska Iñigo, at Ramon Christopher.

Hindi napigilan ni Aga na kumanta on stage sa chorus ng Just Got Lucky. Pagkatapos ng kanta, sinabi ni Aga na akala niya ay papakantahin siya ni Raymond on stage, dismayado ito dahil mukhang naghanda siya ng hindi lang isa kundi apat na kanta.

Anyway, sinorpresa si Raymond ng Concert King na si Martin Nievera na kadarating lang mula sa airport tatlong oras bago ang concert.

Special request ni Raymond si Martin na maging bahagi ng 40th anniversary concert niya. Sad to say, may show si Martin sa Europe at nakatakdang bumalik sa Manila sa mas huling petsa.

Pero na-rebook ni Martin ang kanyang flight nang mas maaga kaya nakauwi siya sa araw ng concert ni Raymond, which was indeed a big surprise for the latter.

Feeling blessed din si Raymond to have Megastar Sharon Cuneta na maging bahagi ng concert niya kahit may concert tour din ito sa US.

Hindi puwedeng mawala si Mega sa concert ni Raymond dahil si Sharon ang nakadiskubre sa kanya para pasukin ang showbiz.

At the end of the concert, another surprise ang gumulat kay Raymond. Binati siya ng kanyang dalawang anak on stage na may dalang birthday cake. 

Magse-celebrate kasi si Raymond ng kanyang ika-59 na kaarawan ilang araw matapos ang concert. 

So, next year ay senior citizen na si Raymond Lauchengco, pero he still looks young and debonair.

Misis ng Parokya ni Edgar vocalist na si Chito… NERI, NAGBENTA NA 'DI RAW REHISTRADO SA SEC, INARESTO

ni Julie Bonifacio @Winner | Nov. 27, 2024

Photo: Ms. Neri Miranda - Instagram

Matapos maging controversial kamakailan ang Kapuso actor na si Ken Chan na sinampahan ng syndicated estafa ng ilang investors sa kanyang negosyo, bulung-bulungan naman sa showbiz ngayon na diumano'y inaresto ang misis ni Parokya ni Edgar vocalist Chito Miranda na si Neri Naig-Miranda.

Sa event na dinaluhan namin sa Bacoor Government Center Christmas tree lightning last Monday ay isang source ang nagtsika sa amin na nakapiit daw sa isang kulungan sa Maynila ang dating aktres-turned entrepreneur.

Ang mismong staff daw ng kulungan na ito sa Maynila ang nagtsika sa aming source. 

Pero bukod sa nakuha naming chika, may ilan na ring naglabas ng balita sa social media na diumano'y inaresto si Neri dahil sa paglabag sa Section 8 ng Republic Act (RA) 8799 o mas kilala bilang "Securities Regulation Code" na nagsasabing "No one can buy, sell, or act as a salesman or associated person of a broker or dealer in the Philippines without being registered with the Commission on Security and Exchange (SEC)." 

Tsinek namin ang mismong Instagram account ng mag-asawa para makibalita kung ano ba ang ganap nila ngayon, pero 4 days ago pa ang huling post ni Neri kung saan binabati nito ang anak na nag-birthday, habang si Chito ay 8 hours ago ang last post na Lego figure naman na pag-aari raw ng kanyang anak ang ipinakita.

Marami ang naghihintay ngayon sa panig ng mag-asawang Chito at Neri para mabigyang-linaw ang kumakalat na balita.

Bukas ang aming kolum at pahayagang BULGAR para sa paglilinaw ni Neri Miranda.

---

Sinindihan na ang mga ilaw sa malaking Christmas tree at iba pang makislap na mga parol sa harap ng Bacoor City Government Office sa may Molino Boulevard, Bacoor City last Monday. 

Nasaksihan namin ang pasinayang ito sa pangunguna siyempre ni Bacoor City Mayor Strike Revilla. 

Kasama niya ang iba pang opisyales ng Bacoor gaya ng representante ng lungsod sa Kongreso na si Lani Mercado-Revilla, Vice-Mayor Rowena Bautista-Mendiola, Cavite's 2nd District (lone district of Bacoor) Board Member Ramon Vicente “Ram Revilla” Bautista, Agimat Partylist Bryan Revilla, BM Edwin Malvar at iba pang opisyales ng lungsod. 

Kasabay ng Christmas tree lighting sa Bacoor Government Center (BGC) ground ang opisyal na paglulunsad ng pamahalaan ng Bacoor ng programang Strike Festival. 

Ayon kay Mayor Strike, “Na-conceptualize ang Strike Festival ilang araw lang ang nakalipas. Naisip ko, dahil sa totoo lang, nakita natin ‘yung dinanas natin sa past few months. Dumaan tayo sa pagsubok — putok ng bulkan, bagyo at sunog, ‘di talaga tayo nakaligtas. 

“Ngayon, may dengue, may depresyon, may mga depressed na namamatay, nagpapakamatay dahil sa hirap. Pero sabi ko nga, ano ba'ng kailangan kong gawin this time? 

“Alam ko, hindi ganu’n kadali. Pero sabi ko, gusto kong mapaligaya natin kahit sa maliit na paraan ang mga Bacooreño. Kaya po natin ginawa itong Strike Festival.”

Ang event ay inorganisa ng Department of Tourist and Cultural Affairs headed by Mr. Edwin Guinto, brought together a diverse crowd, including city officials, employees, NGOs, at ang komunidad kasama na ang mga magulang at guardians ng 750 daycare children. 

Nakisaya rin ang mga barangay officials and Miss Tourism. 

The launch featured a series of exciting activities, including the announcement of the Strike Scholarship program for 750 daycare children, the ceremonial opening of the Christmas Bazaar, a vibrant lantern parade, and the highly anticipated Christmas tree lighting.

Ang Strike Festival program promises a month-long celebration filled with cultural events, entertainment, and community activities, culminating in a grand New Year’s Eve celebration.