MGA CELEB FRIENDS NI MARIEL NA BUMATI KAY ROBIN, NILAIT NG MGA KAKAMPINK

ni Julie Bonifacio - @Winner | May 12, 2022

Umani ng batikos ang mga celebrity friends ni Mariel Padilla na nag-congratulate sa mister niyang si Robin Padilla sa social media.

Dinagsa ng pagbati ang post ni Mariel sa Instagram pagkatapos lumabas sa bilangan na No. 1 sa senatorial race si Robin, last May 9 election.

Caption ni Mariel sa IG post niya last Tuesday: “My Senator (green heart emoji) is #1 (3 loudly crying emojis) We are beyond grateful!!! Pilipinas, maraming-maraming salamat.”

Ilan sa mga celebrity followers ni Mariel sa IG na binash ng mga netizens ay sina Toni Gonzaga, Alex Gonzaga, Pops Fernandez, Charlene Gonzales, RR Enriquez at Martin Nievera.

“@martinnievera No Martin, don't taint your legacy like this.”

“@martinnievera Luh, kumanta ka lang d'yan!”

“@cathygonzaga Kadiri ka at ang pamilya mo! Naturingan na maka-Diyos ngunit panay suporta sa mga kriminal! Nawa'y mapunta kayo sa impiyerno sapagkat doon kayo nababagay. Alam kong ikinakahiya na kayo ng Diyos sa itaas!” ang sobrang harsh na comment ng isang netizen.

“@cathygonzaga Kasuka ka, beh.”

“@celestinegonzaga Bobo ka for life.”

“@celestinegonzaga KADIRI KA. DIRING-DIRI AKO SA 'YO. PALIBHASA MAYAMAN KA NA, WALA KANG PAKI SA KAHAHANTUNGAN NG ATING... BAYAN. Ikinakahiya kitang tawagin na Pilipino.”

“@rr.enriquez Deserve because??? Ano ang gagawin niya? Barilan."

“Galing sa isang ina na may 2 anak, wow.”

“@itsmecharleneg Yuck, magsama kayo ng asawa mo.”

“@lizzzuy Home wrecker na nga, enabler pa.”

“Walang hiya," reply ng netizen sa comment ni Pops Fernandez.

At the same time, may ibang netizens din naman ang nagtanggol sa mga celeb friends ni Mariel na nag-comment sa IG post ng misis ni Robin.

'Di ma-take na si BBM ang bagong pangulo… ANAK NINA SHARON AT KIKO NA SI KAKIE, NAG-RALLY SA COMELEC

ni Julie Bonifacio - @Winner | May 11, 2022

Nag-rally si Frankie 'Kakie' Pangilinan kasama ang mga protesters na nagpunta sa harap ng opisina ng Commission on Elections (Comelec) sa Palacio del Gobernador sa Intramuros.

Isa si Kakie sa mga estudyanteng sumama sa rally at daan-daan pang protesters para manawagan sa Comelec sa resulta ng botohan, last Monday.

Ayon sa ulat, may mga pahayag si Kakie kontra kay Bongbong Marcos na nangunguna sa bilangan sa pagka-pangulo as of this writing.

“I am not going to have my president be named Ferdinand Marcos again,” pahayag ni Kakie.

Si Kakie ay anak nina Megastar Sharon Cuneta at VP candidate nitong eleksiyon na si Sen. Francis “Kiko” Pangilinan.

Kahit first time lang… TONY, TINABLAN KAY ARIELLA SA TIKIMAN NILA

ni Julie Bonifacio - @Winner | May 10, 2022

Akmang-akma kay Tony Labrusca ang title ng kauna-unahan niyang pelikula sa Vivamax, ang Breathe Again.

Nakakahinga na kasi ulit si Tony pagkatapos mapagtagumpayan ang kasong Acts of Lasciviousness na isinampa sa kanya sa korte, last year.

“Breathe again, uh, I think that word is just so timely with what’s happening to the world right now na when pandemic started, parang ‘yung buong mundo, lahat tayo, may problema, ‘di ba?

"I might have a different problem, pero parang lahat tayo, nagkaroon ng crisis kahit papa'no sa buhay natin. Na ngayon, napi-feel natin na nakakahinga na tayo ulit. And with what happened last year sa akin, it’s really nice nga na you don’t have to think about that anymore," pahayag ni Tony.

Favorite raw gawin ni Tony if he wants to “breath again” ay mag-travel at magpunta sa beach.

“Talagang masarap magpunta sa beach. Kaso, hindi kasi natin ‘yun nagagawa nang parang every week, or recently, nagpunta ako ng LA, tapos na-realize ko, parang mas napagod pa ako. Pumunta ako kasi gusto ko sanang mag-relax. Pero ‘yung biyahe, minsan, kasama mo ang friends mo, parang na-stress ako at napagod pa ako. Kaya ang ginagawa ko, ‘yung World Trip, as in, natutuwa lang ako kapag naglalaro nu’n,” sabay ngiti ni Tony.

Tiyak na pag-uusapan ang love scenes ni Tony with Ariella sa Breath Again dahil mala-Glorious din daw ang dating nito sa screen.

Ang Glorious ay title ng nakaraang pelikula ni Tony kung saan nag-trending ang controversial scenes niya with Angel Aquino.

“Iba naman ito sa Glorious. Bow ako kay Ara (nickname ni Ariella) sa scenes na ginawa namin. Sobra akong happy na leading lady siya rito. Excited ako sa mga future projects niya and magaling si Ara in what she’s doing, masaya siyang katrabaho. At kahit intimate scenes ‘yung ginawa namin, natatawa rin kami after, eh. Masaya sa set. ‘Yung nag-e-enjoy pa rin kayo kahit nagtatrabaho kayo,” paliwanag ni Tony.

Since first movie niya ang Breathe Again sa Vivamax, inaasahan ng audience ng streaming platform ng Viva na itotodo ni Tony ang pagpapaseksi sa first film niya with Ariella. Baka raw kasi biglang mag-decide si Tony na tumigil na sa pagpapaseksi sa pelikula.

“Muntik na akong mag-plaster dito. Ay, sorry,” nadulas na sabi ni Tony sa amin when we asked him sa presscon ng Breathe Again.

Natawa si Tony at tinanong ang katabi niya sa presidential table at direktor din ng Breathe Again na si Raffy Francisco kung bawal bang sabihin na muntik na siyang nag-plaster sa love scenes nila ni Ariella.

“Well, sinasabi ko ‘yun pero feeling ko, kapag in-offer-an ako, gagawin ko pa rin, eh, sa totoo lang,” sabay tawa ni Tony.

Ang Breathe Again ang unang full-length movie ni Raffy Francisco na kilala bilang direktor ng mga TV commercials. Siya mismo ay mahilig sa dagat at ito ay makikita sa kanyang mga kuhang litrato.

Ipapalabas ang Breathe Again sa Vivamax sa June 3, 2022.

Mag-subscribe sa Vivamax sa web.vivamax.net. Maaari ring mai-download ang app at mag-subscribe sa Google Play Store, App Store, at Huawei App Gallery.

Ang mga cable partners ng VivaMax ay SkyCable, Cable Link, Wesfardell Connect, Fiber, BCTVI, Cebu Cable, Zenergy HD, Cotabato Cable Television Network Corporation, at Concepcion Pay TV Network, Inc..