Nanay na, nagpakita pa ng puwet… NETIZEN KAY ANNE: KAILANGAN PA TALAGANG IDISPLEY?

ni Julie Bonifacio - @Winner | May 20, 2022

Nangabog na naman ang It’s Showtime host na si Anne Curtis sa "pa-dyosabel" post niya on her socmed accounts kahapon.

Ang taray ng underwater shot ni Anne na naka-one-piece dark blue swimsuit. Nakatalikod si Anne pero halos nakaluwa naman ang dalawang pisngi ng kanyang butt.

Puwedeng-puwede pa talagang makipagsabayan si Anne sa mga bagong henerasyon ng sexy stars sa Vivamax, ‘noh?!

Caption ni Anne sa kanyang post, “Morning dip. Next time, I’ll make it all the way down to the plane in one breath. 'Di na kinaya ng Dyosabel powers ko, haha!”

Kung gaano ka-happy most of Anne’s followers, may netizen namang naiiba ang pagtingin sa pag-post ng It’s Showtime host ng kanyang underwater photo.

Comment ng netizen, “The point is, need pa bang piktyuran?”

Ipinagtanggol si Anne ng kanyang mga fans/followers sa comment ng netizen.

“Why not?”

“Trending 'yang expression na 'yan. Look in FB why.”

“Why not if ganyan ka sexy ang butt."

“Ang butt? Ganu'n po talaga Sir, 'pag celebrity all walks of their life, naka-public. Ek-ek nila 'yun para mapansin. Kaya po nagsisipag sila mag-exercise for their body to show up. Kahit po mga batang paslit nowadays, nagti-Tiktok na din po at mga parents ang content director.”

“If you don’t want to see it, swipe or skip, lol.”

Anyway, looking forward na ang marami sa pagbabalik ni Anne sa It’s Showtime na napapanood from Monday to Saturday, 12 NN sa A2Z channel 11 at digital platforms ng ABS-CBN.

Gusto nang mapanood ng mga Kapamilya ang kulitan ni Anne with Vice Ganda, Vhong Navarro, Karylle, Amy Perez, Jugs and Teddy.

Todo-suporta nu'ng kampanya… TONI AT ALEX, SURE NANG MAY POSISYON SA GOBYERNO NI BBM

ni Julie Bonifacio - @Winner | May 14, 2022

Haping-hapi definitely ang mga artistang sumuporta kay President-elect Bongbong Marcos. Kabilang na r'yan ang mga komedyanteng sina Ai Ai delas Alas, Bayani Agbayani at siyempre, ang magkapatid na Toni at Alex Gonzaga.

Sa panayam ni MJ Marfori kay Alex, naikuwento ng TV host na hindi pala sila nag-uusap ng elder sister niyang si Toni tungkol sa pulitika.

Mostly, tungkol daw sa pamangkin niyang si Seve, unico hijo ni Toni, at mister na si Paul Soriano ang pinag-uusapan nila ng kanyang kapatid.

Gaya raw nu’ng tawagan ni Alex si Toni nu’ng gabi ng eleksiyon, kasama raw ng kanyang ate si Seve habang natutulog.

“Kapag nag-uusap kami, lagi lang kay Seve. Oo, life goes on. The night ng election, tinawagan ko siya, pinapatulog niya si Seve. Ano lang, uhm, kung ano siya nu’ng before the election, umpisa nu'ng simula pa, wala namang nabago (kay Toni),” lahad ni Alex.

May nagsasabi na napakalakas daw ng influence nina Alex at Toni, kaya 'wag magtaka kung alukin ng posisyon sa gobyerno ang magkapatid.

“Grabe naman. SSS lang. Charing. Hahaha!”

Comment ng netizen sa interview kay Alex, “Eh, di siyempre, napakaraming kuwarta!!!!”

Reply ng isa pang netizen, “Eh, ano pa nga ba, HAHAHAHA!”

Si Bayani naman ay natawa raw when asked kung ano ang magiging posisyon niya sa susunod na administrasyon.

Feeling namin, ‘di naman interesado si Bayani sa anumang government position. Eh, di sana, nu’ng administrasyon pa lang ni President Duterte, umeksena na si Bayani sa gobyerno, pero ‘di niya ginawa.

Kuntento na marahil si Bayani sa pagho-host at pag-aartista. Knows din kasi ni Bayani ang kanyang limitasyon.

Isa si Bayani sa mga naging super-masipag sa mga rally ng UniTeam nina BBM at Sara Duterte. Kasama niyang nag-host sa mga rally ang Comedy Queen na si Ai Ai delas Alas na lumipad agad patungong US para sa kanyang concert sa Florida.

IVANA, IN-UNFOLLOW NG FANS DAHIL SA SUPORTA KAY VP LENI

ni Julie Bonifacio - @Winner | May 13, 2022

Respeto ang hiling ni Ivana Alawi sa mga bashers after niyang manindigan sa kandidatura ni VP Leni Robredo.

Idinaan ni Ivana ang kanyang mensahe by posting sa kanyang Twitter account, recently.

“Respect is one of the greatest expressions of love,” tweet ni Ivana.

Tsika ng ibang followers ni Ivana sa Twitter, nabawasan ang sexy vlogger ng mga followers sa kanyang social media accounts.

“Wala kayong narinig kay Ivana na negative pero ano'ng ginawa n'yo, kinansel n'yo, in-unfollow.”

Isa si Ivana sa mga artista na may pinakamaraming followers sa Twitter at Instagram.

Habang ang kanyang YouTube channel naman ay pangalawa sa may pinakamaraming subscribers (14.1 M) sa Pilipinas, as of last year.

But as of this writing, umabot na sa 15.4 M ang YT subscribers ni Ivana.

Ayon pa sa mga netizens, “Du'n sa in-unfollow, nakita 'yung post ni Ivana 30 mins pa lang tungkol sa support n'ya kay VP Leni. 19.005 M followers niya turn .004, .003. It means nag-a-unfollow na 'yung iba, ngayon tumaas na.”

Duda ng mga netizens, BBM supporters ang mga nag-unfollow kay Ivana.

“May lumalabas na polls sa Facebook. You have to choose between Ivana and other artist/vloggers. Tapos ang mga comments, 'Pass, kakampink 'yan!' at 'Ayoko d'yan, Pinklawan 'yan!' 'Lutang din 'yan gaya ng Mama Leni n'ya! Nasa'n ang respect du'n!! Jusko.”

Pagsilip namin sa Twitter account ni Ivana, mukhang true nga na nabawasan ang kanyang followers, ha?

Nasa 5.2M ang followers ni Ivana at 7.9M naman sa Instagram. Mataas pa rin naman kung tutuusin, bagaman, laglag si Ivana sa Top 10 ng may pinakamaraming followers sa Instagram.

Umalma naman ang mga followers ni Ivana na BBM supporters. Sabi nila, hindi raw nila in-unfollow si Ivana.

“You're blaming us for that? Luhhhh... Mag-fact checking ka muna, idol. And Ivana is not like you all that's why we support her.”

“Ha, walang nag-cancel kay Ivana. 'Di ganu'n ugali namin. Kahit nga sina Angel at Melai, 'di ko ina-unfollow. Kayo 'yan. 'Yan ugali ninyo. Kasi mga entitled kayo. May pag-protest pa na akala mo ang lapit ng lamang.”

'Yun na!