Todo-takip daw sa malaking tiyan… KC, PINAGPIPIYESTAHANG BUNTIS NA SA FOREIGNER BF

ni Julie Bonifacio @Winner | April 1, 2023

Todo-balandra na ang actress-businesswoman na si KC Concepcion ng kanyang Filipino-Swiss boyfriend na si Steve Michael Wuetrich sa kanyang mga non-showbiz friends.

Obvious na super proud si KC sa kanyang businessman BF kaya may pag-introduce na siyang eksena sa kanyang mga kaibigan dito sa 'Pinas.

Siyempre, nauna nang ipinakilala ni KC sa kanyang mga magulang na sina Megastar Sharon Cuneta at Gabby Concepcion ang BF na si Michael or simply "Mike."

Sa isang vlog ng kaibigan ni KC, tinanong ang BF niya kung ano ang name nito, and her boyfriend simply said, "Mike."

Sa naturang video rin, kapansin-pansin ang "paglaki" ng katawan ni KC. Malusog na malusog nga kung pagmamasdan ang katawan ngayon ng aktres.

Kaya naman, 'di masisisi ang mga Marites na mag-wan-plus-wan sa kondisyon ni KC.

Eh, ano pa nga ba? They are in unison sa pagsasabi na parang buntis daw ang panganay ni Mega.

Nakadagdag pa sa pagdududa ng mga netizens ang madalas na pagtatakip ni KC sa kanyang tiyan using her handbag.

Duda ng mga netizens, baka worried si KC na may makitang "umbok" sa tummy nito.

Baby bump, ganoon?

If ever true, baka naman nagbabalak na ring magpakasal si KC dito sa 'Pinas.

Napansin din kasi ng mga netizens sa vlog ng friend ni KC na nandoon ang very prominent "ninong" sa mga kasalang-celebrities — si former Ilocos Governor Chavit Singson.

Beke nemen kunin din nina KC at Mike si Chavit as one of the principal sponsors sa kanilang kasal.

If buntis si KC now, for sure, Gabby is the happiest father.

Imagine, pagkatapos i-reveal ng kanyang second "eldest" daughter kay Grace Ibuna na si Garie Concepcion, heto’t mukhang sumabay din ang kanyang "pinaka"-eldest daughter.

JoWaPao at Maine, damay din… KALAT NA: TITO, VIC AT JOEY, TSUGI SA EAT BULAGA!

ni Julie Bonifacio @Winner | March 4, 2023

Kalat na sa social media ang balitang pagkawala ng kilalang TV executive na si Tony Tuvierra sa longest noontime show sa telebisyon, ang Eat…Bulaga!.

Makalipas ang dalawang araw ay naging usap-usapan ang pag-alis ni Tuviera or Mr. T among showbiz people, sa tsikahan among entertainment writers (including yours truly) sa one-month birthday celebration ng model and producer na si Marc Cubales sa office/home nila ng misis niyang si Joyce Peñas Pilarsky sa Baesa, Quezon City.

Si Mr. T ang executive producer ng Eat… Bulaga! for 44 years being financed ng prominent family in Zamboanga del Norte, ang mga Jalosjos. Ito ay sa pangunguna ni Romeo Jalosjos.

“Kay Jalosjos naman talaga ang EB!, nakulong lang kaya nag-take over ang business partner niya which is the Tuviera. Majority owner ang Jalosjos. Ngayon, nalulugi na ang EB! dahil sa maling pamamalakad.”

Si Romeo ay kapatid ni Zamboanga del Norte Representative Cesar Jalosjos. May anak si Romeo sa Diamond Star na si Maricel Soriano, si Sebastien nicknamed as “Tien.”

Bukod kay Tien, may dalawa pang anak si Romeo sa misis niyang dating singer na si Lourna Pal.

Nagkaroon sila ng dalawang anak, ang dati ring singer na si Lana Jalosjos at si Dapitan Mayor Bullet Jalosjos.

Gaya ni Tien, half-sibling din nila si dating Zamboanga del Norte Representative Romeo “JonJon” Jalosjos, Jr..

May mga tsika na sa pagkawala ni Mr. T as EP ng Eat… Bulaga!, posible raw na mag-takeover at maging active on television ang pamilya Jalosjos.

Habang ang pag-alis ni Mr. T sa noontime show ay nangangahulugan din daw ng pag-exit ng main hosts ng show na sina Tito, Vic and Joey. Super close kasi si Mr. T sa tatlong komedyante.

If ever daw, pinaplano nina Tuviera at TVJ na mag-launch ng bagong noontime show titled Dabarkads featuring Wally Bayola, Jose Manalo, Allan K and Maine Mendoza.

Ayon pa sa balita, si Romy Jalosjos ang gustong tanggalin si Tony Tuviera at sina Tito, Vic and Joey sa Eat… Bulaga!.

May mga tsika rin na inalok ang iba pang hosts ng show but with a lower talent fee. At ang ibang hosts, tila ‘di naman worried kung magpaalam na rin sila sa show.

“Mukhang may exodus na magaganap. Eh, 'yung EB! artists, esp. OGs, are fiercely loyal to TVJ and Mr. T. Pretty likely JOWAPAO will go where TVJ would go. Naka-ilang lipat-bahay naman na rin sila and rebrand ng Eat… Bulaga!.”

Ayon sa aming source, isa si Maine Mendoza sa mga hosts ng Eat… Bulaga! na okey lang daw na mawala na sa show.

Katwiran daw ni Maine, mag-aasawa na rin naman siya at magkakaroon na ng sariling pamilya.

Kaya mas may time siya na mag-concentrate sa bubuoin nilang pamilya ng kanyang fiancè na si Cong. Arjo Atayde.

Dagdag pa ng aming source, plano na raw nina Cong. Arjo at Maine na magpakasal this year.

Why not?

Misis daw ang magpoprotekta sa mister… JESSY KAY LUIS: AKO ANG LALABAN PARA SA 'YO!

ni Julie Bonifacio @Winner | February 23, 2023

Ipinakita ni Jessy Mendiola ang buong suporta niya para sa kanyang mister na si Luis Manzano sa mensaheng ipinost niya sa Instagram para sa kanilang second wedding anniversary last February 21.

Pahayag ni Jessy sa kanyang IG post, “I will protect you and I promise that if you grow weak, I will be there to fight your battles for you. (Seven) years together,(two) years married and still counting.

“Isabella and I are so blessed to have you in our lives. I prayed for you every day, my love. God heard my prayer and gave me a good man.”

Siyempre, alam na marahil ng marami ang tinutukoy ni Jessy na “battle” na kinakaharap ngayon ni Luis. Ito ay ang reklamong inihain laban kay Luis ng mga investors ng dati niyang kinabibilangang kumpanya, ang Flex Fuel.

Sa isang radio program ay naging paksa ng mga komentarista — kung saan ang ilan sa kanila ay mga abogado — ang kinakaharap na issue ni Luis.

Tinanong ng host ng radio show ang eksperto sa batas na si Atty. Mark Tolentino kung ano ang chance ni Luis para makalusot sa kasong kakaharapin niya, kung sakali.

“Actually, as a lawyer, may karapatan naman siyang kumuha ng tinatawag na assumption of innocence. Sabi ko nga, walang obligasyon si Mr. Manzano to prove that he is innocent Luis because he is always innocent.”

“‘Yung mga complainant, sila ang may obligasyon. I-prove nila na niloko sila. I-prove nila na that act is a corporate act. Kung hindi nila ma-prove ‘yan, lusot si Mr. Manzano.”

Kahit pa nga raw may video si Luis na nanghihikayat na mag-invest sa dati niyang oil company.

“Oo, puwede ‘yan (discussion sa pag-amin ni Luis sa infomercial na siya ang chairman ng company),” diin ni Atty. Tolentino.

“Possible ‘yan. Pero ang tanong d’yan, as a chairman, ano ang role mo as a chairman according to the articles of incorporation of the Flex Fuel Corporation?”

“So, kailangan nating malaman lang based on the… sa mga complainants, kung sino ba ang nanghikayat sa kanila. Kasi baka nahikayat lang sila based lang sila sa TV, sa YouTube ni Mr. Manzano.”

“Sino ba ang tumanggap ng kuwarta? Saan ba idineposit ang kuwarta?”

“So, ‘yun ang kailangang i-explain nila kasi hindi naman puwedeng lahat, ituro nila kay Mr. Manzano. Kailangang i-prove nila, sino ang naghikayat sa kanila?

“Nu’ng nagpirmahan sila nu’ng investment of contract, sino’ng kaharap nila nu’ng nagpirmahan ng contract na ‘yan?”

“And ‘yung pangatlo, ‘yung P999 thousand na ‘yan, sino’ng binigyan nila? Sino ang tumanggap?”

“'Yun ang kailangan nilang i-explain.”

D’yan mapapatunayan kung sino talaga ang kriminal. Latagan ng ebidensiya.

“Unfair kasi kung palagi nating itinuturo ‘yang si Mr. Manzano kasi sikat. Hindi ganu'n,” esplika pa niya.

So, there.