Aktor, ayaw daw kasing magpakasal… JAKE, NAGSALITA NA SA HIWALAYAN NILA NI KYLIE

ni Julie Bonifacio - @Winner | April 22, 2022

Nagparamdam na rin si Jake Cuenca sa social media tungkol sa pinag-uusapang breakup nila ng girlfriend niyang si Kylie Versoza.

Sunud-sunod ang mga makahulugang posts ni Jake sa kanyang Instagram Story recently. Kongklusyon tuloy ng mga netizens, indirectly ay umamin na si Jake sa hiwalayan nila ni Kylie after almost 3 years bilang magkasintahan.

Ilan sa mga quotations na ipinost ni Jake sa kanyang Instagram ay nagpapakita ng concern at pag-comfort sa isang taong sugatan tulad ng: “I wish I could wipe away your tears,” at “I will try to fix you.”

Kani-kanya namang say ang mga netizens sa posts ni Jake.

“Ang lakas maka-high school nu'ng mga quotes, hahaha, na isine-share but seriously, I wish them both well.”

“Ano 'toh? Mga teen-ager lang?”

“Papansin ang dalawa.”

“Ang drama naman. Ba't 'di na lang mag-usap?”

May opinion din ang mga netizens kung ano ang possible reasons ng hiwalayan nina Jake at Kylie.

“Attitude? Fall out of love? Differences sa outlook?”

“Nagkasawaan na 'yan.”

“Wala kayang third party o cheating na naganap?"

“Baka may problema si girl.”

“May movie daw kasi, hayaan n'yo na. Haha!”

“Hmmm, mukha bang may tinutumbok si Jakey?”

Ang dami ring alam ng mga netizens kung sino talaga ang nakipag-break kanino.

“Siya pala talaga ang nakipag-break! Mga posts niya about girl before, sobrang akala mo, this is it na! Mukhang ayaw mag-settle down ni guy, baka iba ang gusto, hehe.”

“I will fix you? Isn't that just condescending?"

“Oo nga. May picture pa ng band aid. Parang nakakainsulto at ang sakit naman sa part ni Kylie kung wala sa kanya ang pagkakamali ng breakup.”

“Mukhang siya ang binreyk ni Kylie!”

“Seems it's the other way around. Read again.”

At the same time, marami rin ang nanghihinayang sa relasyon nina Jake at Kylie, if true na hiwalay na talaga sila.

“Ano kaya'ng nangyari sa kanila? In love na in love pa naman sila noon and very supportive sa isa't isa. Sad for them. Hope they can still fix this.”

Pero may payo rin na ibinigay ang mga netizens kay Kylie, “You deserve someone who is more serious and committed, Kylie.”

Ganern.

PBB Kumunity Season 10 housemate… ANJI, NAGSALITA NA SA RELASYON NILA NI ALBIE

ni Julie Bonifacio - @Winner | April 21, 2022

Tumatak sa isip ng baguhang singer na si Anji Salvacion ang ibinigay na payo sa kanya ni Concert King Martin Nievera.

Bitbit ni Anji ang sinabi sa kanya ni Martin sa pag-abot sa kanyang pangarap bilang singer.

“I remember 'yung advise ni Sir Martin sa akin. Sabi niya, nu’ng newbie po kami sa ASAP, ‘Why are you performing?’ Sabi ko, ‘Because I love it. I love singing. I love performing and I love to entertain people with my performance,'” kuwento ni Anji.

Natuwa naman si Anji sa pagko-congratulate sa kanya ni Martin sa kanyang naging sagot.

“Sabi ni Sir Martin, ‘That’s good.’ Kasi, don’t take daw something that you feel you don’t love. Kasi mapapagod ka. So, grabe ‘yun. Tumatak ‘yun sa isip ko, ‘Oh, you should really do something that you love kasi in the long run, hindi ka mapapagod.' And that was very good career advise that I remembered from Sir Martin,” pahayag ni Anji.

May ibang celebs din ang nagbigay ng payo kay Anji na kanyang tinandaan gaya ng “kaagaw” niya sa trono as a possible PBB Big Winner ng Season 10 na si Alyssa Valdez.

Si Anji ay isa sa Final 2 spot sa Pinoy Big Brother: Kumunity Season 10. Ang isang spot ay nakuha ng athlete na si Alyssa.

“And ‘yung kay Ate Aly (Alyssa), uh, sabi niya sa akin… pero it’s more of a career na malalagay din ‘yung mental health mo sa alanganin. So, what she told me lang is, sa bahay (PBB) pa ‘to, na make the basher or the negativity as a noise. Those noises, make them your stepping stone towards achieving your dreams. So, no matter how hurtful are the words they’re throwing at you, see it into positive perspective where it will help you like gain more confidence and to achieve your dreams more,” lahad pa ni Anji.

Anjie Kristine Allen Salvacion Grobulev ang complete name ng 19-year-old singer and composer. Tinawag siya bilang "Singing Sweetheart of Siargao” sa Celebrity Edition ng PBB.

Malapit na ang first concert ni Anji titled Feels: The Concert na mapapanood online on April 30, 8 PM.

Bago pumasok sa Bahay ni Kuya, sumali rin siya sa Idol Philippines in 2019 and recently released her new single, Dalampasigan.

Samantala, naging malapit si Anji sa kapwa niya housemate sa Bahay ni Kuya na si Albie Casiño. At kahit pareho raw silang nasa outside world na, patuloy pa rin ang kumustahan nila by messaging each other.

“Pero these days, Kuya Albie is very busy because he has this new project again and I’m just so proud of him. And, our relationship po is really great and I’m just so glad na I have a kuya like Kuya Albie.

“So, he’s one of the people din who always… Nakalimutan kong sabihin na Kuya Albie rin told me na always choose happiness and do whatever makes me happy without nakakatapak o nakakasakit ng ibang tao. And he’s one of the best kuyas that I ever had kasi he’s one of the truest and the most genuine people na I want to keep in my life,” sabi pa ni Anji.

KRISTINE, MAS PINILING MAGING NANAY SA 5 ANAK KESA BALIKAN ANG SHOWBIZ

ni Julie Bonifacio - @Winner | April 20, 2022

Tumira pala sa iisang bahay ang King of Talk na si Boy Abunda at ang former Kapamilya Primetime Teleserye Queen na si Kristine Hermosa.

‘Yan ang ibinulgar ni Kuya Boy sa kanyang exclusive interview sa misis ni Oyo Sotto — na isa sa pinakamagaganda, kundi man pinakamagandang aktres sa kanyang henerasyon — sa The Interviewer Presents: Kristine Hermosa content sa YouTube channel ng TV host.

Bago mag-isip ang iba, ang ibig sabihin ni Kuya Boy ay may dating tinirhan na bahay si Kristine na inupahan din ng TV host.

“May isang bahay na pagkatapos umalis nina Tin (pet name ni Kristine), kami naman ang tumira,” kuwento ni Kuya Boy.

Introduction pa lang ni Kuya Boy kay Kristine ay inulan na agad ng comments mula sa mga netizens.

“She is one of the most beautiful, inside and out, young mother in this country,” pagpapakilala ni Kuya Boy kay Kristine.

Say ng netizen, “Ang ganda ni Kristine, sobra. The most beautiful woman in the whole Philippines. Kahit walang makeup.”

“The most beautiful actress here in the PH. Saw other artistas na, pero siya talaga 'yung pinakamaganda."

Sa true lang, agree kami sa sinabi ng mga netizens. Kaya ang dami talagang nanghinayang nu’ng tumigil si Kristine sa showbiz, bagama't panaka-naka ay lumalabas siya sa telebisyon with Oyo.

“Actually, Tito Boy, it was my choice. Choice ko ‘yun kasi parang medyo too much ako pagdating sa (work), kumbaga, nawala rin talaga ‘yung childhood, which is happy ako doon, kasi nabigyan ako ng pagkakataon to experience that. So, eto na ako ngayon,” pahayag niya.

Nagpokus kasi talaga sa mga anak nila ni Oyo si Kristine. Lima ang anak nila, four boys and one girl. Ang panganay ay si Kristian Daniel or simply Kiel, Kaleb Hanns, Marvic Valentin, ang only girl na si Ondrea Bliss at ang youngest na si Vittorio Isaac.

“Well, ngayon, maliliit pa ang mga anak ko, masasabi ko na hindi ko siya puwedeng gawin nang hati-hati. I mean, I can do that kung pipiliin ko, pero mas pinipili ko to stay with them, alalayan sila hanggang sa lumaki sila. Siguro, 'pag malalaki na sila, that’s the time na unti-unting you know, balik sa showbiz," esplika ni Kristine.

Aminado si Kristine na siya man ay nami-miss na rin ang pag-arte. Pero mukhang matatagalan pa since she just gave birth kay Vittorio last August, 2021. Beybing-baby pa ang bunso nina Oyo at Kristine.