P350 M pondo para sa mga kalsada sa 13 lalawigan

ni Lolet Abania | June 3, 2021

Nakatakdang ibigay ang nakalaang P350 milyong pondo sa 13 lalawigan para sa pagsasaayos ng mga tulay at provincial roads ngayong taon, ayon sa Department of the Interior and Local Government (DILG) ngayong Huwebes.

Sa isang statement, sinabi ng DILG na ang pondo ay nasa ilalim ng Conditional Matching Grant to Provinces (CMGP), isang programa ng gobyerno na layong makadebelop ng tinatawag na ‘state of core provincial roads.’

Ayon sa DILG spokesperson na si Undersecretary Jonathan Malaya, ang CMGP funds ay direktang mapupunta sa mga sumusunod na probinsiya:

• Ilocos Norte

• La Union

• Apayao

• Benguet

• Mountain Province

• Nueva Ecija

• Pampanga

• Tarlac

• Laguna

• Western Samar

• Davao Occidental

• Dinagat Islands

• Agusan del Sur

Hinimok naman ni Malaya ang mga provincial governors na agarang isumite ang mga requirements upang matanggap na ang nakalaang pondo sa kanilang lalawigan.

Sa ilalim ng pareho ring programa, tinatayang 915 provincial road projects na may kabuuang P39.192 bilyon at aabot sa 2,866.91 kilometro ang natapos na, ayon sa ahensiya.

Sa mga nakumpletong proyekto, 91 ay mula sa Region III na nagkakahalaga ng P3.217 bilyon; 85 sa CALABARZON na may halagang P1.888 bilyon; 76 sa Region II na may halagang P2.5 bilyon; 75 sa MIMAROPA na may halagang P3.357 bilyon; 74 sa Region VIII na may halagang P2.5 bilyon; at 74 sa Region X na may halagang P3.151 bilyon.

Dagdag pa ng DILG, 65 proyekto ang natapos din sa Region VI na may halagang P3.116 bilyon; 63 sa Region XII na may halagang P2.907 bilyon; 57 sa Cordillera Administrative Region na may halagang P2.532 bilyon; 54 sa CARAGA na may halagang P2.652 bilyon; at 51 sa Region 1 na may halagang P1.92 billion.

Gayundin, sa Region V, 47 proyekto ang natapos na nasa halagang P2.366 bilyon; 44 sa Region XI na may halagang P2.777 bilyon; 27 sa Region VII na may halagang P2.244 billion; 18 sa Autonomous Region of Muslim Mindanao na may halagang P522.172 milyon; at 14 sa Region IX na may halagang P1.283 bilyon.

Ipinunto naman ni DILG Secretary Eduardo Año ang kahalagahan ng mga naturang proyekto sa komersiyo.

“With better provincial road networks, these infrastructure development will lead to faster economic recovery amidst the COVID-19 pandemic and more peaceful communities in far-flung areas,” ani Año.

Epalitiko na gagamitin sa kampanya ang COVID pandemic, lagot!

ni Lolet Abania | May 24, 2021

Ipinahayag ng Department of the Interior and Local Government (DILG) na wala pa silang naitatalang insidente hinggil sa mga politicians na ginagamit ang pandemya ng COVID-19 upang i-promote na ang sarili para sa halalan sa Mayo 2022.

Sinabi ni DILG Undersecretary at Spokesperson Jonathan Malaya na wala pa silang na-monitor na lokal na opisyal na nagbibigay ng cash assistance sa mga mahihirap at nagsasagawa ng sariling vaccination program para sa pulitikal na pangangampanya.

“The position of the DILG has been very consistent. Any aspect of the COVID-19 response shall not be used for political purposes,” ani Malaya sa isang press briefing na inorganisa ng National Task Force to End Local Communist Armed Conflict (NTF-ELCAC) ngayong Lunes.

Ayon kay Malaya, isang probisyon sa 2021 General Appropriations Act ang nagbabawal ng paglalagay ng pangalan, larawan at iba pang katulad nito ng mga public officials sa mga proyekto ng gobyerno.

“If ever there is such an incident, please report it to the DILG and we will investigate these local officials,” sabi ni Malaya.

Matatandaang nagbabala na rin sina Senador Richard Gordon at Senador Sonny Angara laban sa tinatawag na politicizing ng mga pulitiko sa kampanya ng pagbabakuna ng pamahalaan.

Waiver sa ayuda, pinaiimbestigahan sa CHR

ni Mary Gutierrez Almirañez | April 22, 2021

Pinaiimbestigahan sa Commission on Human Rights (CHR) ang anomalya sa pagpapapirma ng waiver sa ilang nakatanggap ng financial assistance sa NCR Plus.

Ayon sa panayam sa abogadong si Chel Diokno ngayong umaga, Abril 22, "First I think they should conduct an investigation, where this is happening, is this sanctioned by the state and make sure that practice is stopped."

Dagdag pa niya, "Naka-monitor kami ng incidents na kapag nagbibigay sila ng ayuda, pinapapirma sila ng waiver. Some people may not know what they’re signing is a waiver. You might be signing away your rights... People will sign anything to get help."

Samantala, itinanggi naman ni Department of the Interior and Local Government (DILG) Spokesman Jonathan Malaya ang nangyaring pirmahan ng waiver sa Bulacan.

Paliwanag nito, “Wala pong ibang lugar na nag-require ng waiver… Kino-confirm po muna namin ang report na 'to, kung totoo nga na may waiver ay hinihintay namin ang paliwanag po."

Nagpaalala naman si Diokno sa mga residente na huwag basta pumirma ng kahit anong dokumento, bagkus ay basahing mabuti at kung nahihirapang unawain ang nakasulat ay kailangan muna iyong ipakonsulta sa abogado bago pirmahan.