Marami raw pinagdaraanan… VICE, UMAMING NAGPAPA-THERAPY DAHIL SA MENTAL HEALTH

ni Janiz Navida @Showbiz Special | Dec. 7, 2024

Photo: Vice Ganda sa 'And The Breadwinner Is' mediacon - YT

May pa-big reveal si Meme Vice Ganda sa ginanap na mediacon ng And The Breadwinner Is… na isa sa mga official entries sa 50th Metro Manila Filmfest.

Nagsisimula pa lang ang presscon, naikuwento na ni Vice na nag-seek siya ng professional help at nagte-therapy hanggang ngayon para sa kanyang mental health dahil medyo matagal-tagal na rin daw itong “pinagdaraanan” niya na hindi naman niya binanggit kung ano, basta tungkol daw sa personal niyang buhay.

But definitely, wala raw kinalaman du'n ang kanyang pamilya na laging all-out support at napakabuti sa kanya at hindi siya inoobligang maging breadwinner kahit pa aminado si Vice na siya naman talaga ang may pinakamalaking kita sa kanilang magkakapatid.

Napag-usapan ito dahil sa latest MMFF entry ng Star Cinema at IdeaFirst Productions na tumatalakay sa isa sa mga totoong sitwasyon sa ating bansa kung saan handang gawin ng isang breadwinner ang lahat kesehodang buhay niya ang nakataya mabuhay lang ang kanyang pamilya.

Thankful lang si Vice dahil nakakaangat-angat siya sa totoong buhay kaya hindi niya kailangang pagdaanan ang pinagdaanan ng kanyang role sa movie na sa kanilang pamilya ay siya ang nagsakripisyo para lang kumita ng pera.

At sabi nga ni Vice, ayaw niyang isiping “utang na loob” na dapat tanawin sa kanya ng pamilya ang mga ginagawa niya dahil kusang-loob niyang ginagawa ang pagtulong at masaya siya ru'n.

Samantala, parang isang malaking pamilya naman sina Vice at mga co-stars niya sa And The Breadwinner Is… dahil pare-parehong malalapit sa kanya sina Eugene Domingo, Gladys Reyes, Jhong Hilario, Maris Racal and Anthony Jennings, ang batang si Argus, Via Antonio, Kokoy de Santos, MC and Lassy at maging si Malou de Guzman.

Showing na ang movie on Dec. 25 mula sa direksiyon ni Jun Lana.

---

GF at ka-love team, pinagsabay…

ANTHONY: SORRY KINA MARIS AT JAM

Jam Villanueva, Anthony Jennings at Maris Racal - IG, ABS CBN, YT

Speaking of Anthony Jennings, matapos magsalita ni Maris Racal tungkol sa trending scandal nila ngayon sa social media dahil sa nabulgar na “something” nila na sinimulan ng ex-GF umano ng aktor na si Jamela Villanueva, naglabas na rin ng public apology ang controversial actor kahapon, Biyernes, December 6. 

Sey niya, "Sa lahat ho ng mga nangyari noong nakaraang araw, sa lahat ho ng mga taong nasaktan ko, especially po si Maris at saka si Jam, humihingi ho ako ng tawad sa dalawang babae, and sa mga lahat po ng mga nadamay ko rin po.

"Iyon lamang po. Sorry po ulit."  

Pero sa kabila ng pagso-sorry ni Anthony, maraming fans pa rin ni Maris ang gigil na gigil dito dahil kung hindi pa pala nabulgar ang kalokohan niya, wala siyang balak mag-sorry maging sa dalawang babaeng nasaktan at pareho niyang niloko?

Ano naman kaya ang sagot ni Maris sa simpleng “sorry” ni Anthony at sa paninira sa pagkatao niya ng ex-GF “daw” nito?

---

Ayaw pang umamin ng mga bida ng My Future You na sina Francine Diaz at Seth Fedelin na magdyowa na sila, mag-BFF lang daw, pero pareho naman silang “hoping” na ang isa't isa na nga ang maging “future” nila.

Sabi ni Seth sa nakaraang grand mediacon ng My Future You na entry ng Regal Entertainment sa 50th MMFF, hindi pa niya natatagpuan ang kanyang “future” na gusto niyang makasama habambuhay, pero aminado siyang ang mga qualities ni Francine tulad ng pagiging family-oriented, maalalahanin at conservative sa pananaw sa buhay, bukod sa magagandang values nito, ang mga hinahanap niya sa isang babae.

Mahalaga para kay Seth ang family values dahil ganito rin daw siya pinalaki ng kanyang family at du'n nga sila nagkakasundo ni Francine.

Aminado rin naman si Francine na kay Seth din niya nakikita ang mga gusto at hanap niya sa isang lalaki, pero sa ngayon, pareho raw kasing career ang priority nila lalo na't mga bata pa sila at ngayon nga lang nabigyan ng malaking break para magbida sa My Future You na malalaking movies ang babanggain sa 50th MMFF.

Well, kung sila na talaga o hindi pa, ang mas mahalaga naman ay ang kilig na hatid nila sa mga fans sa kanilang MFY movie na inaasahang malakas ang hatak lalo na sa mga bagets na naghahanap ng kanilang ‘future’.

May mga lessons din sa movie kaya ‘wag palagpasin ang movie na mula sa direksiyon ni Cristiano Aquino.

Showing na rin ang MFY on Dec. 25 mula sa Regal Entertainment.

Parang sina Arjo at Maine… JULIA, UMAMING YAKAP LANG NI COCO, TANGGAL NA ANG TOPAK

ni Janiz Navida @Showbiz Special | Dec. 6, 2024

Photo: Coco Martin at Julia Montes - Instagram

Grabe pala ang inabot na mga sugat at sakit ng katawan nina Cong. Arjo Atayde at Julia Montes sa kanilang mga action scenes sa 50th MMFF's entry ng Nathan Studios na pag-aari ng pamilya Atayde, ang Topakk.

Kuwento ng producer na si Ms. Sylvia Sanchez sa ginanap na grand mediacon ng Topakk last Wednesday night, si Julia ay napako sa tuhod at nauntog ang ulo, habang si Cong. Arjo naman ay nasugatan sa kamay, at gayundin naman ang iba pang cast ng movie tulad nina Sid Lucero, Enchong Dee at iba pa.

Pero dahil parehong aktor talaga at dedicated at passionate sa kanilang pag-arte, kahit naaksidente na sina Julia at Cong. Arjo, tuloy ang shooting!

Nakakabilib si Julia sa kuwento niya na nang mapako siya sa tuhod, basta na lang niya binunot ito nang hindi na nakatutok sa kanya ang camera instead sumigaw ng "Cut!" para gamutin siya.

Ayaw daw kasi niyang masira ang eksena at matigil ang trabaho nila kaya kahit nasugatan at nasaktan, "the show must go on" ang peg niya.

At parehong very thankful naman sina Cong. Arjo at Julia sa kani-kanilang partner na sina Maine Mendoza at Coco Martin, respectively, dahil parehong all-out support ang dalawa sa kanilang Topakk movie na nu'ng unang ipalabas sa Cannes Filmfest ay umani na ng good reviews, maging nang magkaroon ito ng private screening before the grand mediacon na dinaluhan ng mga vloggers at influencers.

Ani Arjo, bagama't nag-aalala rin naman si Maine, alam naman nito na action ang kanilang ginagawa kaya paalala na lang na mag-ingat ang lagi nitong sinasabi sa kanya. 

Thankful naman si Julia na nagamit nila sa Topakk ang mga natutunan niya sa paggawa ng action film mula sa mga turo ni Coco Martin. 

At dahil nag-enjoy nga sila sa mga kakaibang experience na naranasan while filming the movie, sabi ni Julia, sa kabila ng mga hirap, kung may chance na gumawa sila ng another Topakk, game na game pa rin daw siya.

Samantala, tinanong namin sina Arjo at Julia kung paano sila nilalambing ng mga partner nila in real life kapag tinotopak na sila.

Si Arjo ang unang sumagot habang natatawa, "Yakap," na sinegundahan ni Julia na parang nahirapang mag-isip kaya ang sagot ay, "Yakap na lang din," sabay tawa.

So, 'yun na!

Kaya sa mga malakas ang topak d'yan (char!), bagay na bagay sa inyo ang MMFF entry na ito na showing on Dec. 25 mula sa direksiyon ni Richard Somes.

---

Kahit umuulan nu'ng Linggo (Dec. 1) ng umaga, natuloy pa rin ang ginanap na World AIDS Day Walk 2024 sa Pasig City kung saan nasa 1,500 participants ang nag-join sa taunang selebrasyon na ito. 

Dumalo ang Secretary of Health na si Ted Herbosa at mga taga-Department of Health pati na rin ang mga taga-Philippine National AIDS Council. 

Kinahapunan, ginanap naman ang launching ng mga ambassadors ng World AIDS Day U=U Campaign na pinangunahan ni 2015 Miss Universe Pia Wurtzbach. 

Inilunsad din ang aktor at modelo na si Markki Stroem at sina Adrian Lindayag, Janlee Dungca at Lorenz Olleres bilang mga kapwa-ambassadors ni Pia. 

Ayon sa DOH, kada araw ay may naitatalang 58 cases ng HIV sa bansa na nasa edad 15 hanggang 24 . 

Kaya naman, layunin ng campaign na mas mapalaganap ang kaalaman ng mga tao tungkol sa HIV at AIDS.

---

Puson maumbok, 'di raw buntis… 

ALEX: BUSOG LANG AKO!

Super-saya at ang bongga ng ginanap na Christmas Party ng Society of Phil. Entertainment Editors (SPEEd) kung saan isa kami sa mga members sa Rampa Bar last Dec. 1.

In fairness, kahit bisi-bisihan na ang mga pipol ngayon, especially ang mga celebs dahil sa kaliwa't kanang Christmas parties, naglaan ng panahon sa amin at maagang dumating sina Ara Mina, Ms. Roselle Monteverde at anak na si Keith Monteverde (Regal Entertainment producers), singer-comedian TJ Valderrama na talent ng Curve Entertainment ni Mr. Narciso Chan, Ms. Boots Anson-Rodrigo (na nakasabay pa namin sa entrance ng Rampa Bar), Jake Cuenca, mag-asawang Ice Seguerra at Liza Diño, ilang Vivamax talents kasama si Salome Salvi, mag-asawang Sylvia Sanchez at Art Atayde kasama si Ms. Anne Feo na isa sa cast ng Topakk, at pinakahuling dumating at nag-duet pa ng Christmas song ang mag-asawang Alex Gonzaga at Mikee Morada.

Present din ang PR head ng Kapamilya Network na si Sir Kane Choa kasama ang kanyang team, si Ms. Claire Papa ng Unilab kasama rin ang kanyang PR team, si Ms. Marianne de Vera ng Pascual Laboratories, si Sir Wilson Flores ng Kamuning Bakery, Ferlin Parreno ng Viva, at PR manager na si Chuck Gomez.

All-out support din ang mismong may-ari ng Rampa Bar at Frontrow na si RS Francisco at kasama pa niyang naki-party sa amin ang Manila mayoralty candidate na si Sam Verzosa na partner din niya sa Frontrow.

Hindi man nakarating si Ma'm Rei Anicoche Tan ng Beautederm, nagpadala naman ito ng bonggang pa-raffle, gayundin ang aming Kumareng Tates Gana na ang bongga ng pa-havey lalo't sinabi namin sa kanya na part ng proceeds ng sponsorship ng anak na si Harvey Gana-Bautista at ni Mayor Bistek ay mapupunta sa mga biktima ng mga bagyo at gayundin ng sunog sa Tondo, Manila.

Pagdating sa pagtulong, all-out talaga lagi ang aming Mareng Tates na wala mang posisyon sa gobyerno, eh, may mga sarili ring charity works.

Samantala, tinanong namin si Alex nang mapansin naming medyo maumbok ang kanyang puson sa suot na black dress at naka-flat sandals kung preggy na ba siya.

Aniya, hindi pa naman, busog lang siya dahil galing sila sa pa-Christmas party ni Dra. Vicki Belo.

Tinanong namin siya sa recent na pag-iingay ni JC de Vera na nagbulgar na na-offend siya ni Alex. Ani ng younger sis ni Toni Gonzaga, tumawag naman sa kanya si JC after lumabas ang interview at nag-sorry, pero hindi na raw niya pinansin dahil matagal naman nang issue 'yun at ayaw na lang niyang patulan.

Move on na lang daw, tutal ay may kani-kanya na silang happy life.

Korte, 2 beses inisnab kaya inaresto… NERI, MAY 200 PLUS NA BIKTIMA, KASO MADARAGDAGAN PA

ni Janiz Navida @Showbiz Special | Dec. 4, 2024

Photo: Neri Miranda - Instagram

Nailipat na pala sa BJMP si Neri Naig mula sa kustodiya ng Southern Police District na umaresto sa kanya sa isang convention sa Pasay City nu'ng November 23.

Nu'ng unang pumutok ang balita, may lumabas na nagpiyansa naman si Neri para sa kasong estafa at 14 counts ng violation ng Sec. 28 ng RA 8799 o Securities Regulation Code.

Pero dahil hindi pala simpleng kaso ito at ang balita ngang nakarating sa amin ay may mahigit pa sa 200 biktima ang nakaambang magreklamo rin laban sa misis ng Parokya ni Edgar vocalist na si Chito Miranda, mukhang matatagalan pa nga sa kulungan ang dating aktres-turned entrepreneur habang ongoing ang kaso.

May naging pahayag din si Police Major Hazel Asilo ng SPD sa isang panayam sa kanya sa DWPM Radyo 630 Teleradyo Serbisyo na ayon sa nakarating sa kanilang impormasyon, dalawang beses daw hindi sinipot ni Neri ang pagpapatawag sa kanya ng korte kaya inaresto na ito.

Parang duda rin si PMaj. Asilo sa sinabi ng kampo ni Neri na wala silang kaalam-alam sa kasong isinampa sa kanya dahil taong 2022 pa raw nagsimula ang kaso at nagkaroon na rin nga ng preliminary investigation at subpoena sa aktres na hindi nga raw nito pinansin.

Samantala, may nakapagbulong din sa amin na isang malaking tao sa showbiz ang nakalaban ni Neri at nasagasaan nito na nasa likod ng pagdedemanda at pagpapaaresto sa kanya. 

---

Para sa Pieta nila ni Nora…

ALFRED, 3 BESES NAG-BEST ACTOR SA JAPAN

Photo: Alfred Vargas

Congratulations kay QC 5th District Councilor Alfred Vargas para sa historic "three-peat" win nito as Best Actor para sa latest film niyang Pieta.

The acclaimed full-length film na bida rin sina National Artist Nora Aunor and multi-awarded actress and director, Gina Alajar, mula sa direksiyon ni Adolf Alix ay nagbigay ng award para kay Alfred Vargas as Best Actor in both the 72nd FAMAS Awards and the 3rd WuWei Taipei International Film Festival.

Sa tanong kung ano'ng feeling niya sa pagtanggap ng award, aniya, "I am very humbled and proud to receive this award! To God be the Glory! Ang daming nominees from other countries like Japan, Korea, Indonesia among others, at nakakataba ng puso na na-recognize 'yung performance natin for PIETA. 

"I am very honored kasi international recognition ito at kahit papa'no ay na-represent natin ang Pilipinas dito at naiwagayway natin ang ating bandila together for other Pinoy awardees. 

"Kayang-kaya talaga nating makipagsabayan sa world stage at ang creativity at talent ng Pilipino ay walang kaparis! 

"I want to thank our Superstar Ms. Nora Aunor for accepting this project. Kay Direk Gina Alajar for guiding me and always supporting me pagdating sa improvement ng aking craft. And kay Direk Adolf Alix for bringing everyone together for this film. Kung wala sila, wala ako dito ngayon.” 

Ang kanyang third “Best Actor” award for the mother-son suspense drama na Pieta na mula sa Ima Wa Ima Asian International Film Festival in Osaka Japan ay nagpapatunay lang ng positive momentum ng pelikula and Alfred’s entry into the rare and exclusive list of “3-peat-in-one-movie-best-actors” tulad nina Piolo Pascual, Christopher de Leon, Allen Dizon, at Coco Martin. 

The event was organized by the Global Maharlika in Kansai, the Philippine Community Coordinating Council, Korean Residents Union in Japan, and the Kyomigaru Creative Collective Group, Japan. 

Layunin ng award-giving body na ma-recognize ang remarkable Asian creativity and talent. 

The Entertainment Special Awards extend this objective to, not only filmmaking, but

also in television and new media content. 

Naganap ang awarding ceremony last December 1, 2024 at the massive Sumiyoshi Main Hall at the heart Osaka, Japan’s prestigious City Hall.

Marami ang na-touched na sa kanyang speech, tinawag ni Alfred sa stage ang kanyang anak na si Cristiano at in-offer dito ang award bukod sa kanyang asawa at tatlo pang anak.

“Anak (Cristiano), para sa iyo ang award na ito. Pinaghirapan ito ni Daddy. Always remember that I will always be by your side no matter what. Reach for your dreams. At kung mangangarap ka na rin lang, mangarap ka nang malaki. Don’t forget, balang-araw when you’re successful at nasa rurok ka na ng tagumpay, nasa itaas ka na, huwag mong kakalimutan na lalong tumulong sa mga mas nangangailangan, 'yung mga nasa ibaba, huwag mong kalimutan. Tsaka family is everything, anak,” aniya. 

Aside from their Best Actor win, Pieta also bagged the Best Screenplay award for screenwriter, Jerry Gracio.