Walang VIP treatment… JAKE, NAGPAKULONG SA MANDALUYONG CITY JAIL

ni Janiz Navida @Showbiz Special | Oct. 28, 2024

Photo: Jake Cuenca IG

Sa edad na 36, malinaw kay Jake Cuenca na career pa rin ang top priority niya, kahit masaya naman ang love life ng Kapamilya actor having Chie Filomeno as his girlfriend. 

Isa si Jake sa mga very passionate actors natin sa showbiz industry to the point na hindi lang basta trabaho para sa kanya ang pag-arte kundi kina-career talaga niya ito. 

Tulad na lang sa bago niyang serye na gagawin sa Prime Video at mapapanood sa Kapamilya Channel, na unang proyekto niya matapos mag-renew ng kontrata kamakailan sa kanyang home network.

Dahil gaganap na bilanggo sa What Lies Beneath na ididirek ni Dado Lumibao, kusa raw na nag-volunteer si Jake na magbuhay-inmate sa loob ng Mandaluyong City Jail upang maranasan ang mga ginagawa ng mga preso at kung paano sila tinatrato. 

Two months na pabalik-balik si Jake sa loob ng kulungan para mag-sink-in sa kanya ang bagong karakter na gagampanan. At sinabi raw talaga niyang ‘wag siyang itratong artista o VIP kaya kung ano ang kinakain ng mga inmates ay kinain din niya.

Excited si Jake sa bago niyang role matapos ding tumatak sa manonood ang kanyang karakter (as Cyrus) sa huling serye na kanyang ginawa, ang What's Wrong with Secretary Kim?. 

Sa panayam namin kay Jake nu'ng Sabado, naikuwento niyang minsan na rin siyang muntik ma-disorient at masira ang kanyang career lalo na nu'ng magsabay-sabay ang problema niya nang mahiwalay siya sa kanyang girlfriend at may kumalat pang iskandalo sa kanya, gayundin ang bad publicity tungkol sa kanyang mga bisyo.

At kesa mag-resort sa bisyo at malugmok, du'n daw na-realize ni Jake na mas pahalagahan ang kanyang career at mas ayusin ang takbo ng kanyang buhay kaya nag-quit na siya sa smoking at pag-inom ng alak.

Kahit anong tukso at pagyayaya nga raw ngayon ng kanyang mga kaibigan at bosses sa ABS-CBN kapag may okasyon, todo-tanggi na si Jake na tumikim ng alak para ‘di na mabalikan ang mga dating bisyo.

Marami pang pangarap na gustong maabot si Jake bukod sa pinag-aaral pa raw niya sa kolehiyo ang kanyang younger sister, kaya wala pa rin sa isip niya ang magpakasal at magka-pamilya.

Thankful naman siya sa GF na si Chie na hindi ito demanding sa time at laging nakasuporta sa kanyang mga ginagawa.

Smooth-sailing daw ang relasyon nila at tanggap na tanggap si Chie ng kanyang pamilya. 

Sa ngayon, pareho raw malinaw sa kanilang dalawa na unahin muna ang trabaho at pag-iipon bago lumagay sa tahimik.

Kaya nga nang biniro namin si Jake kung sino kaya sa kanilang magkakaibigan (Jake, Gerald Anderson at Paulo Avelino) ang mauunang magpakasal, aniya ay baka si Gerald dahil nakikita niya ngang papunta na rito ang relasyon ng BFF sa aktres na si Julia Barretto.

Jake Cuenca, Gerald Anderson at Julia Barretto - IG

Hmmm… Ang sure, isa si Jake sa mga bestmen ni Gerald sa kasal nito sa tagal na rin ng friendship nila.

---

‘Di aatras… WILLIE, MAY BIGTIME SPONSOR SA PAGTAKBONG SENADOR

Willie Revillame - Wil To Win

BUKOD pala sa P3 milyong idinoneyt ni Kuya Willie Revillame sa Angat-Buhay Foundation ni former VP Leni Robredo para sa mga biktima ng Bagyong Kristine sa Bicol, namigay din ng tulong-pinansiyal ang Wil To Win host sa mga pamilyang namatayan sa Batangas.

Nakausap namin kahapon ang friend naming si Wheyee Lozada na isa sa mga trusted staff ni Kuya Wil at nasabi nga niyang nasa Bgy. Sampaloc, Talisay, Batangas sila dahil pinuntahan ni Kuya Wil ang mga pamilya ng mga nalibing nang buhay na umabot na pala sa 20 ang nahukay.

Napaiyak daw si Kuya Wil nang makakuwentuhan ang mga kamag-anak ng mga biktima, na ‘yung isa nga raw tatay na nakausap ng TV host, buong pamilya niya ang nawala at siya lang ang natira.

Nag-abot daw ng cash ayuda ang TV host at nakiramay sa bawat pamilyang kanyang pinuntahan.

Samantala, isang reliable source rin ang nagtsika sa amin na hindi aatras si Kuya Wil sa pagtakbong senador dahil may isang big time businessman pala na mining ang negosyo ang nangakong mag-i-sponsor sa pagtakbo ni Kuya Wil.

Kaya pala kahit independent candidate, go, go, go lang si Willie Revillame sa pagtakbong senador sa 2025 midterm elections.

---

INILUNSAD ng Bilyonaryo News Channel (BNC) ang isang bagong daily program, ang On Point sa pangunguna ni Pinky Webb na isang pinagkakatiwalaang boses sa national television at kilala sa kanyang malalim na coverage sa mga isyu at magaling na pagkukuwento.

Mag-aalok ang On Point ng eksklusibo at napapanahong kuwento at kaganapan sa bansa sa araw-araw.

Mapapanood ang On Point tuwing Lunes hanggang Biyernes mula 7:30 PM.

Masusubaybayan ang Bilyonaryo News Channel sa free-to-watch television channel BEAM TV 31 (sa pamamagitan ng digital TV boxes sa Metro Manila, Cebu, Davao, Iloilo, Baguio, Zamboanga at Naga) at cable TV provider na Cignal Channel 24.

Awang-awa raw sa mga comfort women, napaiyak pa… SANYA, MARUPOK, GAME MAG-BF NG HAPON

ni Janiz Navida @Showbiz Special | Oct. 25, 2024

Photo: Sanya Lopez / Instagram

Napaiyak ang Pulang Araw actress na si Sanya Lopez sa ginanap na Pandesal Forum kahapon sa Kamuning Bakery nang mapag-usapan ang tungkol sa mga lolang biktima ng panggagahasa ng mga Hapon nu’ng panahon ng giyera o mas kilala sa tawag na ‘comfort women’.

Ang topic kasi ng forum ay “Justice for Filipino Comfort Women” kung saan naimbitahan si Sanya at ang co-star niya sa Pulang Araw na si Ashley Ortega na magbahagi ng kanilang saloobin tungkol sa usapin ngayong naranasan na nga nila ang pinagdaanan ng mga comfort women dahil sa kani-kanilang role sa GMA-7 serye.

Naging emosyonal si Sanya habang nagkukuwento ng mga istoryang nalaman niya mula sa ilang lola na nakausap niya bago nila inumpisahan ang Pulang Araw, kung paano inabuso ang mga ito at ang kanilang mga kapamilya nu’ng panahon ng giyera.

Masyadong naapektuhan si Sanya sa kuwento ng mga comfort women at talagang dinibdib niya ito lalo’t mukhang emosyonal na tao rin ang aktres.

Pero nang matanong naman siya kung ano’ng mga natutunan at naging realization niya playing her role in Pulang Araw na rape victim din ng Hapon at kung gusto pa rin ba niyang magpunta sa Japan, ang sagot ng aktres, love na love raw niya ang mga comfort women at nakikisimpatya siya sa pinagdaanan ng mga ito. 

Nakikiisa rin daw siya sa mga grupong kumokondena sa ginawang pang-aabuso sa mga comfort women at sa panghihingi ng hustisya sa sinapit ng mga ito.

Gayunpaman, aminado si Sanya na masarap ang mga pagkain sa Japan at mababait din naman ang mga Japanese na nakilala niya sa mga travels niya roon, kaya hindi naman daw nangangahulugan na magagalit na rin siya sa mga Hapon dahil sa mga nangyari nu’ng World War II.

Ganu’n din naman ang naging pananaw ni Ashley, hindi naman daw lahat ng Hapon ay rapist at masama, may mabubuting Japanese pa rin daw.

Pabirong tinanong nga namin ang dalawa, paano kung may Hapon na manligaw sa kanila, ie-entertain ba nila?

Natawa rin sina Sanya at Ashley at ang sagot nila, as long as mabuting tao naman at may values na makakasundo nila, why not?

Ohhh, “hashtag marupok” lang daw ang peg nila. Char!

Para naman kay Gabriela Partylist Rep. Arlene Brosas na present din sa Pandesal Forum kasama ng grupong Flowers for Lolas, naniniwala siyang kailangan lang na patuloy na i-educate ang mga kabataan tungkol sa ating kasaysayan at ‘wag isawalang-bahala ang malupit na pinagdaanan ng mga comfort women upang magsilbi itong paalala sa bagong henerasyon na ‘wag nang hayaang mangyari uli ito.

Ang isa sa mga hangad lang daw nila kaya isinusulong ang justice for comfort women ay mag-sorry ang Japanese government sa mga comfort women nang sa gayon ay makamit nila ang hustisya. Kaya pati sa ating gobyerno ay patuloy silang nananawagan para bigyan ng pansin at aksiyon ang hustisyang hinihingi ng mga biktima ng World War II mula sa kamay ng mga sundalong Hapon.

---

First time lang nagsama, game agad… 

JASMINE, 'NATIKMAN' NA NI JOHN LLOYD

HINDI naman tuluyang iniwan ni John Lloyd Cruz ang showbiz kahit medyo matagal na rin itong nagpahinga sa paggawa ng serye at sitcom.

In fact, may ginawang pelikula si John Lloyd na hindi lang siya actor kundi co-producer pa, ang Moneyslapper na isa sa mga pelikulang iso-showcase sa gaganaping 12th Edition ng QCinema International Film Festival na magsisimula sa Nov. 8 hanggang Nov. 17.

First time makakasama ni John Lloyd sa naturang film ang younger sis ni Anne Curtis na si Jasmine Curtis-Smith. 

Dahil nasa iisang management lang sila, ang Crown Artist Management na pinamamahalaan ng mag-asawang Maja Salvador at Rambo Nuñez, si JLC na rin ang nag-suggest na si Jasmine ang makasama niya sa movie.

Tinanong namin si Jasmine kung ano’ng natutunan niya kay JLC working with him for the first time.

Sagot ng aktres, “Magpakatotoo ka talaga pagdating sa pagtatrabaho mo.”

Tulad daw ng ginawa ni JLC na dahil gusto nitong gumawa ng film na kakaiba kahit pa indie, nag-produce ito para mapagbigyan ang pangarap nito.

Tinanong namin si Jasmine kung na-experience ba niya ang sinasabi ng ilan na pagiging “malalim” ni John Lloyd dahil artist nga ito at ‘di basta artista lang.

“Oo, I think so naman, na-experience ko ‘yung tunay na pagkatao niya,” ani ng aktres, sabay kuwento na natuwa siya nang makita si John Lloyd na kumakain sa isang pares house sa Pampanga after ng shooting nila, mga around 11 PM na.

‘Yung akala raw ng iba na sosyal at maselan si John Lloyd dahil artista, nakita raw niya kung gaano kasimple ang aktor, kaya ginaya na rin daw niya ito at kumain na rin ng pares.

Inamin din ni Jasmine na may love scenes sila ni John Lloyd sa Moneyslapper pero wala naman daw naging issue sa non-showbiz boyfriend niya dahil suportado nito ang kanyang career.

Kinumusta na rin ng press ang love life ni Jasmine at aniya, lagi nilang napag-uusapan ni Jeff Ortega ang kasal, though hindi pa naman daw ito nagpo-propose.

At tungkol sa pagkakasangkot niya sa fake news na hiwalay na ang sister na si Anne Curtis at mister na si Erwan Heussaff na siya ang dahilan, pare-pareho na lang daw nilang tinawanan ito dahil alam naman nila ang totoo.

Samantala, The Gaze ang tema ng 12th edition ng QCinema International Film Festival

kung saan tampok ang 77 pelikula na kinabibilangan ng 22 shorts at 55 full-length features sa iba’t ibang kategorya.

Sa unang pagkakataon ay apat ang napili para sa short films na produkto ng Directors’ Factory Philippines. Isang omnibus film project na nagsimula sa Cannes Directors’ Fortnight na ipinalabas sa 77th Cannes Film Festival noong Mayo ang magbubukas ng filmfest simula Nobyembre 8.

Ang QCinema 12 na gaganapin mula Nov. 8 to 17 ay mapapanood sa mga piling sinehan tulad ng Gateway Cineplex 18, Ayala Malls Cinema sa Trinoma, Red Carpet sa Shangri-la Plaza, at Powerplant Mall.

Salpukan kina Vice, Vic-Piolo, atbp… VILMA-AGA-NADINE, ARJO-JULIA, JUDAY-LT, ETC. PASOK SA MMFF 2024

ni Janiz Navida @Showbiz Special | Oct. 23, 2024

Photo: MMFF 2024 / Instagram

Nakakatuwa naman na bago pa man magbalik-pulitika si Star for All Seasons Vilma Santos ay nakagawa muna ito ng pelikula na take note, pasok pa sa Metro Manila Film Festival 2024 sa December.

Yes, in-announce na nga kahapon ng pamunuan ng Metro Manila Development Authority o MMDA ang natitirang limang entries na pasok sa gaganaping taunang film festival sa December at isa nga ang Uninvited nina Ate Vi at Aga Muhlach kasama ang magaling ding aktres na si Nadine Lustre sa 10 official entries.

Maging ang Mentorque Productions producer na si Sir Bryan Dy ay tuwang-tuwa sa pagkakapasok ng Uninvited sa MMFF 2024 dahil pagbubuking nga niya sa amin nang makapanayam namin siya kahapon sa announcement ng MMDA, dream project pala ni Ate Vi ang Uninvited at istorya raw talaga ito ng aktres. Meaning, siya ang nag-suggest ng kuwento na ididirek nina Dan Villegas, Antoinette Jadaone at Irene Villamor. 

Samantala, bukod sa Uninvited, tuwang-tuwa rin ang Nathan Studios producer na si Ms. Sylvia Sanchez dahil pumasok din sa natitirang 5 entries ang Topakk na pinagbibidahan ng anak niyang si Arjo Atayde at ni Julia Montes. 

Napanood namin ang trailer ng Topakk at ngayon pa lang, excited na kaming mapanood ito tulad din ng excitement naming mapanood ang Uninvited nina Ate Vi,

Aga at Nadine na trailer pa lang din, magkakainteres ka na talagang panoorin.

Ang tatlo pang pelikulang masuwerteng pumasok sa 10 official entries ng MMFF 2024 ay ang My Future You na pagbibidahan ng young love team nina Francine Diaz at Seth Fedelin mula sa Regal Films; Hold Me Close nina Julia Barretto at Carlo Aquino mula naman sa Viva Communications, Inc.; at Espantaho nina Judy Ann Santos at Ms. Lorna Tolentino.

Una nang nai-announce few months ago ng MMDA sa pamumuno ni Chairman Romando Artes at ng MMFF Committee kung saan kabilang din si Ms. Boots Anson-Rodrigo ang first 5 official entries.

Kabilang naman dito ang And The Breadwinner Is na pinagbibidahan ni Vice Ganda; Green Bones nina Dennis Trillo at Ruru Madrid; Himala, Isang Musikal na pagbibidahan nina David Ezra, Victor Robinson, Aicelle Santos & Bituin Escalante; Strange Frequencies: Haunted Hospital tampok sina Enrique Gil, Rob Gomez, Jane De Leon, Alexa Miro & MJ Lastimosa; at The Kingdom na first time pagsasamahan nina Bossing Vic Sotto at Dingdong Dantes kasama sina Sue Ramirez at Cristine Reyes.

Kasabay ng ginanap na announcement kahapon, ini-reveal na rin ng MMFF Committe ang design ng trophy na ginawa ng renowned Filipino artist na si Jefre.

Ang ganda at ang sosyal ng trophy na bagay na bagay sa 50th anniversary ng MMFF.

Ngayon pa lang, tiyak na hindi lang ang manonood ang excited sa magiging salpukan ng mga big stars sa box office sa upcoming MMFF 2024 sa December, kundi maging ang mga artistang tampok sa bawat pelikula, tiyak na excited na rin sa gagawing parada, promotion at awards night, lalo’t very remarkable nga sa kani-kanilang career ang mapasama sa 50th year ng Metro Manila Film Festival, lalo na kung mag-uuwi pa sila ng trophy.

---

Sylvia, no choice kahit gustung-gusto nang i-post… RIA AT ZANJOE, AYAW ILANTAD ANG MUKHA NG ANAK SA SOCMED

Zanjoe Marudo at Ria - Instagram

SPEAKING of Ms. Sylvia Sanchez, bago namin ito nakita kahapon sa announcement ng MMFF second batch of entries, nakapanayam din namin ito sa last mediacon para sa upcoming concert ni JK Labajo na Juan Karlos Live na gaganapin sa Nov. 29 sa Mall of Asia Arena.

Ang Nathan Studios kasi na pag-aari ng pamilya Atayde ang producer ng first major concert ni JK Labajo.

Nakumusta kay Ibyang ang kanyang pagiging lola for the first time at siyempre, tuwang-tuwa ito at excited na nagkuwento tungkol sa kanyang unang apo kina Ria Atayde at Zanjoe Marudo.

Enjoy na enjoy nga si Ibyang sa pagsa-shopping at pag-i-spoil sa kanyang apo na aniya, kamukha ni Zanjoe pero kakulay ni Arjo na tisoy.

‘Yun lang, hindi pa niya maipakita sa publiko ang mukha ng apo kahit pa kating-kati na raw siyang ipagmalaki ito dahil inirerespeto niya ang kagustuhan ng mag-asawang Ria at Zanjoe na ‘wag munang ipakita ang mukha ng anak sa social media.

Kaya fake raw ‘yung picture ng batang kumalat sa socmed na sinasabing anak nina Zanjoe at Ria.

Anyway, natanong din si Ms. Sylvia kung totoo bang dapat ay tatakbo siyang konsehal sa Kyusi tulad ng napabalita pero hindi nga natuloy.

Pag-amin niya, marami talaga ang nag-alok sa kanya, pero aminado naman siyang wala pa siyang alam sa batas ngayon, kaya ayaw naman niyang basta na lang pumasok sa pulitika.

Bukod diyan, ang dami rin niyang inaasikaso tulad nga ng mga projects ng Nathan Studios na producer ng Topakk na isa nga sa mga official entries sa MMFF 2024.

Nae-enjoy din daw niya ang pag-aalaga sa kanyang apo, kaya wala raw talaga sa isip niya ngayon ang pagpasok sa pulitika at ipinaubaya na niya ito kay Konsehal Arjo Atayde at sa kanyang manugang na si Zanjoe na tatakbong ASAP Partylist representative.