Sexual abuse sa showbiz… "MATAGAL KO NANG ALAM 'YAN" — JINGGOY

ni Janiz Navida @Showbiz Special | August 24, 2024

Photo: Sen. Jinggoy Estrada / FB

Nag-issue na ng statement si Sen. Jinggoy Estrada bilang paglilinaw sa naging pag-handle niya last time sa rape issue ni Sandro Muhlach na dinidinig sa Senado.

Kung matatandaan, nairita at nagbanta pang magwo-walkout si Sen. Jinggoy habang ginaganap ang hearing sa Senado nang tumangging idetalye ng panganay na anak ni Niño Muhlach na si Sandro ang naganap na panggagahasa diumano sa kanya ng dalawang GMA-7 independent contractors na sina Jojo Nones at Dode Cruz nu'ng July 21, 2024.

Ayon sa written statement na binasa ni Sen. Jinggoy, "I understand that my recent questionings in the Senate hearing gave the public impression of me being harsh, insensitive and apathetic.

"It was never, never my intention to victim blame or humiliate those who have come out to disclose the tragic realities happening in the movie industry or the entertainment industry, but rather to address a systemic issue that has been hurting our artists and workers."

Dagdag pa ng senador, "My passionate approach which did not sit well to the public monitoring the proceedings stems from a deep frustration that these problems have persisted for years.

"Parte po ako ng industriyang ito kaya alam ko na matagal na po itong nangyayari, at patuloy na nangyayari. Pero takot lumantad ang mga biktima, nahihiyang magsalita. Ang mga isyung ito ay pabulong lamang na pinag-uusapan."

Ipinagdiinan din ni Sen. Jinggoy na hindi raw niya binabalewala ang rape issue at iba pang related concerns.

"Wala po akong intensiyon na balewalain ang nararamdaman ng mga biktima ng pang-aabuso, sexual abuse, or sexual harassment. Walang-wala po.

"Ngunit bilang parte ng industriyang ito, hindi ko kukunsintihin ang ginawa ng sinasabing may otoridad o kapangyarihan sa industriya.

"In fact, I condemn all forms of violence regardless of gender, particularly in this industry where abuses — katulad ng sinasabi ko — have been ongoing for so long."

Ngunit taliwas sa inaasahan ng senador na maipaliwanag ang kanyang panig, lalong inulan ng pamba-bash si Sen. Jinggoy dahil sa tahasan niyang pag-amin na matagal na pala niyang alam na may nagaganap na pang-aabuso sa entertainment industry, pero bakit wala raw siyang ginawa at kung 'di pa nagsalita ang isang Sandro Muhlach, hindi pa pala mabubuksan ang malaking isyung ito sa Senado.

Ilan lang sa mga comments ng mga netizens…

“Matagal nang nangyayari…”"Sa tagal mo sa Senado, wala kang ginawa para matigil ang pang-aabuso sa mga kapwa mong nasa entertainment industry?!"

"Passionate your ahh lol! Matagal mo na pala alam, wala ka initiative to address it given the govt. position that you held."

Pang-aasar naman ng iba pang netizens kay Sen. Jinggoy, "Char char ka. Dapat talaga may totoong Law knowledge, eh."

"Really? Your are a huge joke sa Senate."

"Bakit ba nandiyan pa 'yan sa Senado? What a clown and waste of taxpayer's money."

Ang witty naman ng isang netizen sa comment nitong "Naku, Jinggoy, 'yung sinseridad mo, parang leeg mo… 'di ko makita!"

Mapapa-"Nyahahahaha!" ka na lang talaga!

---

HLA MOVIE NINA ALDEN AT KATHRYN SA CANADA, INUNAHAN NINA LA AT KIRA 

Photo: Circulations & 7k Sounds / FB

Natawa rin kami nang malakas kasama ng ilang press friends sa intimate interview namin sa isa sa most in demand directors ngayon na si Direk Benedict Mique nang magbiro ito ng "'Di ko naman pinapunta sa kuwarto ko!" bilang sagot nang biruin din namin siya ng tanong na mabuti at hindi siya ipinatawag sa Senado matapos ang controversial na 'dirty finger' scene ng batang si Euwenn Mikael Aleta sa Netflix movie na Lolo and the Kid.

Naging usap-usapan pala ang naturang eksena sa social media dahil ang feeling ng iba, hindi good influence sa manonood at hindi dapat ginawa 'yun ng isang bata.

Paliwanag naman ni Direk Benedict, parte 'yun ng istorya at kailangan talagang gawin ni Euwenn ang eksena kung saan kinorek naman siya agad ng gumanap na lolo niyang si Joel Torre dahil paano raw maitatama ang pagkakamali ng bata kung hindi nito ginawa.

So, may point naman.

Haping-happy ang direktor ng Lolo and the Kid dahil sa loob ng ilang linggo, hindi nawawala sa Top 10 ang pelikulang pinagbidahan nina Joel Torre, Euwenn Mikael Aleta at JK Labajo.

Maging sa ibang bansa ay trending ang Lolo and the Kid.

Kaya sabi nga ni Direk Benedict, tamang-tama naman ang pagdating sa kanya ng follow-up movie niya na kasali naman sa Sinag Maynila Festival, ang Maple Leaf Dreams, na pagbibidahan ng bagong tandem nina Kira Balinger at LA Santos.

Ipinapanood na rin sa amin ni Direk Benedict ang trailer ng movie na kinunan sa Canada kung saan gumaganap na OFWs sina Kira at LA, at sabi nga namin, may chemistry naman pala ang dalawa kaya hindi mahirap ibenta ang pelikula.

Tinanong namin si Direk Benedict kung ano'ng masasabi niya na parang ipe-preempt nito ang Hello, Love, Again nina Kathryn Bernardo at Alden Richards na kinunan din sa Canada, at ang sagot ng direktor, nauna talaga sila dahil last year pa ginawa ang movie na ipapalabas na sa Sept. 25 sa mga sinehan.

'Wag daw sanang isipin ng iba ang kompetisyon kundi suportahan ang parehong pelikula na magkaiba naman ang mga bida at ang istorya.

Hmmm… ganu'n din kaya ang maging thinking ng mga Kathryn at Alden fans? Tingnan natin, hehe!

Kahit marami nang bago at mas batang banda... DECEMBER AVENUE, ‘DI TAKOT MALAOS

ni Janiz Navida @Showbiz Special | August 23, 2024

After 15 yrs., ngayon pa lang magkakaroon ng first major concert ang sikat na Pinoy band na December Avenue na binubuo nina Zel Bautista, Don Gregorio, Jet Danao, Jem Manuel and Gelo Cruz.

December Avenue ang name ng banda nila pero ngayong Agosto 30, 2024 magaganap ang kanilang first major concert titled Sa Ilalim ng mga Bituin sa Mall of Asia Arena. 

Hindi pa sila makapaniwala nu’ng una na finally, may producer na tulad ni Ms. Nancy Yang of NY Entourage Productions na susugal sa kanila sa malakihang concert.

Natakot man daw sila nu’ng una na baka walang bumili ng tiket, katwiran nila, sila na lang ang bibili at ipapamigay ito. 

Pero hindi ganu’n ang nangyari dahil kalalabas pa lang ng tickets, naka-65% na ang nabili at ngayon ay sold-out na raw, kaya nagbukas ng another section sa MOA dahil marami pa raw humihirit at gustong makahabol na bumili. 

Hindi naman kataka-taka na maraming fans ang December Avenue at kayang punuin ang MOA dahil sa mga maliliit na gigs nila sa iba’t ibang bars sa buong ‘Pinas, napaka-accommodating  nila sa mga fans at talagang lumalapit pa raw sila para makipag-selfie. 

Hindi raw big deal sa kanila ang privacy kahit nasa public place dahil mas gusto nilang may mga fans na nakakakilala sa kanila. 

Siyempre nga naman, hindi aabot sa 198 million views ang kanilang kanta na Huling Sandali at iba pang songs kung walang mga fans na tumatangkilik sa kanila. 

At kahit 15 yrs. na raw sila sa music industry at marami nang bago at mas batang mga musicians ang nagsusulputan, ‘di naman sila takot malaos dahil du’n naman daw sila galing nu’ng hindi pa sila kilala. Ang mahalaga, chill lang sila at okay lang na hindi maging superstar basta tuluy-tuloy ang kanilang career.

Well, for sure, hindi palalampasin ng mga mahilig sa hugot na music lovers ang first major concert ng December Avenue na Sa Ilalim ng mga Bituin at paghahandaan nila ang pagsabay sa mga kanta ng sikat na Pinoy band.

Mula sa direksiyon ni Paolo Valenciano, don’t miss the hit songs of December Avenue on Aug. 30 sa MOA Arena.

---

Nakakamatay ang krisis na dinaranas… BYUTI AT SEKSING TV BROADCASTER, BUKING NA ANG PAMBABABAE AT PAGDA-DRUGS NG MISTER NA PULITIKO

BLIND ITEM:

Magkasam pa rin sa bahay ang byuti at seksing TV broadcaster at ang kanyang husband na public servant sa isang lungsod sa Metro Manila, pero basa na ang papel ng lalaki.

Ang chika ng aming reliable source, nakarating na kay wifey ang mga kalokohan ng kanyang hindi lang pala manyak at playboy na mister kundi lasenggo at adiktus pa. 

Trueee! Kalorkey din naman ang guy na hindi pa nakuntento sa bisyong babae at alak, may drugs pa on the side. 

May mga friends pala ni girl ang mismong nakakakita ‘pag nagpupunta sa isang paborito niyang bar sa Kyusi itong si Mr. Politician at du’n ginagawa ang pagtira ng cocaine at ecstasy.

At ‘pag lango na nga sa alak at may tama na si Mr. Politician, lumalabas na ang pagiging manyak nito, nakikipagkilala sa mga girlash sa bar at ang press release niya ay very much single siya, ha?

Minsan ngang um-attend ito sa isang social event sa Makati, nagpaiwan pa at pinaunang umalis ang kanyang misis na TV broadcaster. ‘Yun pala, ang style niya, mambibiktima ng mga byuti at seksing girlash sa event na bobolahin para maging dyowa at matikman.

Nagpapakilala siyang single at nilalandi ang matipuhang babae na kapag kumagat naman, sabay take home na. 

Pati ang kanyang Instagram account ay gamit na gamit ni Mr. Politician sa pambobola ng mga babae. Kahit mga strangers, basta maganda ang profile pic, ina-add niya at kuntodo bida na ang girl ang mundo niya. 

Oh, ha? Pamatay ang mga linyahan niya na akala mo talaga, single si Mr. Politician. 

Kaso, as the saying goes, “Walang lihim na ‘di nabubuking” kaya ayun, tapos na ang maliligayang araw ni Mr. Politician dahil may nakapagsumbong na nga sa kanyang misis na TV broadcaster ng lahat ng kanyang kalokohan. 

Hay, naku! Patay siyang bata siya kapag tinopak si misis. Dadaan siya sa matinding krisis, for sure!!! 

Ate, isa sa mga Regal Babies… CLAUDINE, KUMANTA KUNG BAKIT NO SHOW SI GRETCHEN SA BUROL NI MOTHER LILY

ni Janiz Navida @Showbiz Special | August 11, 2024

Tulad ng mga blockbuster movies na ginawa ng Regal Entertainment, blockbuster din ang limang araw ng burol ng well-loved Regal matriarch na si Mother Lily Yu-Monteverde na pumanaw nu'ng Agosto 4, 2024 sa edad na 85 dahil sa cancer.

Fourth and 5th night na ng funeral wake kami nakapunta at inabutan namin nu'ng ika-apat na gabi sina Diamond Star Maricel Soriano, Aga Muhlach, Ricky Davao, Janice de Belen, Patricia Javier, Jane Oineza & RK Bagatsing, Matet de Leon at Tita Annabelle Rama.

Maagang nagpunta sina Star for All Seasons Vilma Santos-Recto at ang mag-asawang Dingdong Dantes at Marian Rivera na hindi rin nagtagal sa burol kaya 'di na namin naabutan.

Nu'ng Friday na last night ng wake, nakita naman namin ang mag-asawang Christopher de Leon at Sandy Andolong, si Ricky Davao (na perfect attendance yata since day 1), Jay Manalo, Sen. Grace Poe, at ang mag-asawang Ice Seguerra at Liza Diño.

Dumating din daw sina Sen. Robin Padilla, Roderick Paulate a.k.a. Kuya Dick, Direk Joel Lamangan, Ara Mina, Sheryl Cruz at marami pang iba pero nag-alisan na rin siguro bago kami makarating.

Nu'ng mga unang araw, nakapunta rin daw sina Sen. Bong Revilla, Jr. at Congw. Lani Mercado, Gabby Concepcion, Albert Martinez, Snooky Serna, Dina Bonnevie at Willie Revillame.

Nakita naman naming nakipaglibing kahapon sa Heritage Park, Taguig sina Ms. Maricel at Judy Ann Santos. 

Ang ipinagtataka lang namin, bagama't may sakit si Ms. Kris Aquino, hindi kaya nakarating sa kanya ang balitang pumanaw na si Mother Lily? Isa kasi si Kris sa mga well-loved stars ni Mother nu'ng nabubuhay pa at para rin silang tunay na mag-ina, pero bakit kaya wala kaming nabasa man lang na pa-tribute o mensahe ng pakikiramay ni Kris sa Regal matriarch?

May mga naghahanap din sa mensahe ng pakikiramay ni Megastar Sharon Cuneta kay Mother Lily dahil nakagawa rin naman ng Mano Po 6: A Mother's Love ang aktres sa Regal.

Samantala, nalaman namin kay Claudine nang sandali namin itong makatsikahan na busy daw ang kanyang Ate Gretchen Barretto na isa sa mga Regal Babies noon kaya hindi nakapunta sa lamay. So, bale siya na lang daw ang representative ni Gretchen. 

Nagmamadali that night si Claudine dahil nasa ospital din daw ang kanyang Mommy Inday dahil sa sakit na lupus na 9 na taon na nitong nilalabanan. 

Although ani Claudine, malakas pa naman ang kanyang ina at natatawa nga niyang sabi, mas lumalakas daw kapag nagsa-shopping ito. Hindi pa raw ito bedridden, bagama't paminsan-minsan ay naisusugod niya nga sa ospital 'pag masama ang pakiramdam.

Tinanong din namin si Claudine kung ano'ng mami-miss niya kay Mother Lily at du'n namin nalaman na never pala siyang nakagawa ng pelikula sa Regal Films.

Kuwento ni Claudine, kaya siya nag-artista dahil kay Mother Lily. Kinukulit daw siya nito noon na mag-artista para gumawa sa Regal, pero napunta siya sa Star Cinema. 

At tuwing magkikita raw sila ni Mother Lily, tinatanong siya nito kung kelan siya makakagawa ng pelikula sa Regal Films, kaso ayaw daw siyang ipahiram ng Star Cinema. 

Sayang nga lang daw at hindi niya napagbigyan ang Regal produ, pero buti na lang daw, nagka-collab ang GMA-7 at Regal Entertainment sa Lovers & Liars TV series kaya kahit paano ay masasabi rin niyang may nagawa siya under Regal Entertainment na si Ms. Roselle Monteverde na ang namamahala ngayon.

At nu'ng tinanong nga namin si Ma'm Roselle kung ano nang mangyayari sa Regal Entertainment ngayong wala na si Mother Lily, sinigurado naman niyang "Tuloy ang Regal," na siyempre, under her supervision na.

Anyway, lahat naman ng artistang nakausap namin sa burol ni Mother Lily, iisa ang sinasabi — malaking kawalan siya sa entertainment industry.

May you rest in eternal peace, our dear Mother Lily.

---

No comment sa harassment sa showbiz… AGA, IPINAUUBAYA NA KAY NIÑO ANG LABAN PARA KAY SANDRO

Photo: Circulations / FB

Nakausap naman namin si Aga Muhlach sa fourth night ng wake ni Mother Lily at nag-share nga ito kung gaano sila naging close ng Regal matriarch.

Ani Aga, parang totoong nanay sa kanya si Mother Lily at sabi nga niya sa pagkamatay nito, "It's the end of an era."

'Di malilimutan ni Aga na si Mother Lily lang daw ang nasa tabi niya nu'ng panahong gumagapang siya sa kanyang career. Ito rin ang nagbigay sa kanya ng condo at kotse at sunud-sunod na pelikula na naging daan para siya kilalanin sa movie industry.

Samantala, sinubukan din naming tanungin si Aga tungkol sa harassment issue kay Sandro Muhlach na anak ng pinsan niyang si Niño Muhlach pero tumangging mag-comment si Aga at ipinauubaya na lang niya ito kay Niño bagama't all-out support naman daw siya sa ipinaglalaban ng mga ito.

Tinanong din namin si Aga kung bago pa ba sa pandinig niya ang harassment sa showbiz pero tumanggi nang mag-comment ang magaling na aktor.

Ang kinumpirma sa amin ni Aga, magbabalik-tambalan sila ni Star for All Seasons Vilma Santos sa pang-MMFF entry, na kung saang production, ayaw pa niyang magdetalye.

Abangan na lang natin!