Kahit marami nang bago at mas batang banda... DECEMBER AVENUE, ‘DI TAKOT MALAOS

ni Janiz Navida @Showbiz Special | August 23, 2024

After 15 yrs., ngayon pa lang magkakaroon ng first major concert ang sikat na Pinoy band na December Avenue na binubuo nina Zel Bautista, Don Gregorio, Jet Danao, Jem Manuel and Gelo Cruz.

December Avenue ang name ng banda nila pero ngayong Agosto 30, 2024 magaganap ang kanilang first major concert titled Sa Ilalim ng mga Bituin sa Mall of Asia Arena. 

Hindi pa sila makapaniwala nu’ng una na finally, may producer na tulad ni Ms. Nancy Yang of NY Entourage Productions na susugal sa kanila sa malakihang concert.

Natakot man daw sila nu’ng una na baka walang bumili ng tiket, katwiran nila, sila na lang ang bibili at ipapamigay ito. 

Pero hindi ganu’n ang nangyari dahil kalalabas pa lang ng tickets, naka-65% na ang nabili at ngayon ay sold-out na raw, kaya nagbukas ng another section sa MOA dahil marami pa raw humihirit at gustong makahabol na bumili. 

Hindi naman kataka-taka na maraming fans ang December Avenue at kayang punuin ang MOA dahil sa mga maliliit na gigs nila sa iba’t ibang bars sa buong ‘Pinas, napaka-accommodating  nila sa mga fans at talagang lumalapit pa raw sila para makipag-selfie. 

Hindi raw big deal sa kanila ang privacy kahit nasa public place dahil mas gusto nilang may mga fans na nakakakilala sa kanila. 

Siyempre nga naman, hindi aabot sa 198 million views ang kanilang kanta na Huling Sandali at iba pang songs kung walang mga fans na tumatangkilik sa kanila. 

At kahit 15 yrs. na raw sila sa music industry at marami nang bago at mas batang mga musicians ang nagsusulputan, ‘di naman sila takot malaos dahil du’n naman daw sila galing nu’ng hindi pa sila kilala. Ang mahalaga, chill lang sila at okay lang na hindi maging superstar basta tuluy-tuloy ang kanilang career.

Well, for sure, hindi palalampasin ng mga mahilig sa hugot na music lovers ang first major concert ng December Avenue na Sa Ilalim ng mga Bituin at paghahandaan nila ang pagsabay sa mga kanta ng sikat na Pinoy band.

Mula sa direksiyon ni Paolo Valenciano, don’t miss the hit songs of December Avenue on Aug. 30 sa MOA Arena.

---

Nakakamatay ang krisis na dinaranas… BYUTI AT SEKSING TV BROADCASTER, BUKING NA ANG PAMBABABAE AT PAGDA-DRUGS NG MISTER NA PULITIKO

BLIND ITEM:

Magkasam pa rin sa bahay ang byuti at seksing TV broadcaster at ang kanyang husband na public servant sa isang lungsod sa Metro Manila, pero basa na ang papel ng lalaki.

Ang chika ng aming reliable source, nakarating na kay wifey ang mga kalokohan ng kanyang hindi lang pala manyak at playboy na mister kundi lasenggo at adiktus pa. 

Trueee! Kalorkey din naman ang guy na hindi pa nakuntento sa bisyong babae at alak, may drugs pa on the side. 

May mga friends pala ni girl ang mismong nakakakita ‘pag nagpupunta sa isang paborito niyang bar sa Kyusi itong si Mr. Politician at du’n ginagawa ang pagtira ng cocaine at ecstasy.

At ‘pag lango na nga sa alak at may tama na si Mr. Politician, lumalabas na ang pagiging manyak nito, nakikipagkilala sa mga girlash sa bar at ang press release niya ay very much single siya, ha?

Minsan ngang um-attend ito sa isang social event sa Makati, nagpaiwan pa at pinaunang umalis ang kanyang misis na TV broadcaster. ‘Yun pala, ang style niya, mambibiktima ng mga byuti at seksing girlash sa event na bobolahin para maging dyowa at matikman.

Nagpapakilala siyang single at nilalandi ang matipuhang babae na kapag kumagat naman, sabay take home na. 

Pati ang kanyang Instagram account ay gamit na gamit ni Mr. Politician sa pambobola ng mga babae. Kahit mga strangers, basta maganda ang profile pic, ina-add niya at kuntodo bida na ang girl ang mundo niya. 

Oh, ha? Pamatay ang mga linyahan niya na akala mo talaga, single si Mr. Politician. 

Kaso, as the saying goes, “Walang lihim na ‘di nabubuking” kaya ayun, tapos na ang maliligayang araw ni Mr. Politician dahil may nakapagsumbong na nga sa kanyang misis na TV broadcaster ng lahat ng kanyang kalokohan. 

Hay, naku! Patay siyang bata siya kapag tinopak si misis. Dadaan siya sa matinding krisis, for sure!!! 

Ate, isa sa mga Regal Babies… CLAUDINE, KUMANTA KUNG BAKIT NO SHOW SI GRETCHEN SA BUROL NI MOTHER LILY

ni Janiz Navida @Showbiz Special | August 11, 2024

Tulad ng mga blockbuster movies na ginawa ng Regal Entertainment, blockbuster din ang limang araw ng burol ng well-loved Regal matriarch na si Mother Lily Yu-Monteverde na pumanaw nu'ng Agosto 4, 2024 sa edad na 85 dahil sa cancer.

Fourth and 5th night na ng funeral wake kami nakapunta at inabutan namin nu'ng ika-apat na gabi sina Diamond Star Maricel Soriano, Aga Muhlach, Ricky Davao, Janice de Belen, Patricia Javier, Jane Oineza & RK Bagatsing, Matet de Leon at Tita Annabelle Rama.

Maagang nagpunta sina Star for All Seasons Vilma Santos-Recto at ang mag-asawang Dingdong Dantes at Marian Rivera na hindi rin nagtagal sa burol kaya 'di na namin naabutan.

Nu'ng Friday na last night ng wake, nakita naman namin ang mag-asawang Christopher de Leon at Sandy Andolong, si Ricky Davao (na perfect attendance yata since day 1), Jay Manalo, Sen. Grace Poe, at ang mag-asawang Ice Seguerra at Liza Diño.

Dumating din daw sina Sen. Robin Padilla, Roderick Paulate a.k.a. Kuya Dick, Direk Joel Lamangan, Ara Mina, Sheryl Cruz at marami pang iba pero nag-alisan na rin siguro bago kami makarating.

Nu'ng mga unang araw, nakapunta rin daw sina Sen. Bong Revilla, Jr. at Congw. Lani Mercado, Gabby Concepcion, Albert Martinez, Snooky Serna, Dina Bonnevie at Willie Revillame.

Nakita naman naming nakipaglibing kahapon sa Heritage Park, Taguig sina Ms. Maricel at Judy Ann Santos. 

Ang ipinagtataka lang namin, bagama't may sakit si Ms. Kris Aquino, hindi kaya nakarating sa kanya ang balitang pumanaw na si Mother Lily? Isa kasi si Kris sa mga well-loved stars ni Mother nu'ng nabubuhay pa at para rin silang tunay na mag-ina, pero bakit kaya wala kaming nabasa man lang na pa-tribute o mensahe ng pakikiramay ni Kris sa Regal matriarch?

May mga naghahanap din sa mensahe ng pakikiramay ni Megastar Sharon Cuneta kay Mother Lily dahil nakagawa rin naman ng Mano Po 6: A Mother's Love ang aktres sa Regal.

Samantala, nalaman namin kay Claudine nang sandali namin itong makatsikahan na busy daw ang kanyang Ate Gretchen Barretto na isa sa mga Regal Babies noon kaya hindi nakapunta sa lamay. So, bale siya na lang daw ang representative ni Gretchen. 

Nagmamadali that night si Claudine dahil nasa ospital din daw ang kanyang Mommy Inday dahil sa sakit na lupus na 9 na taon na nitong nilalabanan. 

Although ani Claudine, malakas pa naman ang kanyang ina at natatawa nga niyang sabi, mas lumalakas daw kapag nagsa-shopping ito. Hindi pa raw ito bedridden, bagama't paminsan-minsan ay naisusugod niya nga sa ospital 'pag masama ang pakiramdam.

Tinanong din namin si Claudine kung ano'ng mami-miss niya kay Mother Lily at du'n namin nalaman na never pala siyang nakagawa ng pelikula sa Regal Films.

Kuwento ni Claudine, kaya siya nag-artista dahil kay Mother Lily. Kinukulit daw siya nito noon na mag-artista para gumawa sa Regal, pero napunta siya sa Star Cinema. 

At tuwing magkikita raw sila ni Mother Lily, tinatanong siya nito kung kelan siya makakagawa ng pelikula sa Regal Films, kaso ayaw daw siyang ipahiram ng Star Cinema. 

Sayang nga lang daw at hindi niya napagbigyan ang Regal produ, pero buti na lang daw, nagka-collab ang GMA-7 at Regal Entertainment sa Lovers & Liars TV series kaya kahit paano ay masasabi rin niyang may nagawa siya under Regal Entertainment na si Ms. Roselle Monteverde na ang namamahala ngayon.

At nu'ng tinanong nga namin si Ma'm Roselle kung ano nang mangyayari sa Regal Entertainment ngayong wala na si Mother Lily, sinigurado naman niyang "Tuloy ang Regal," na siyempre, under her supervision na.

Anyway, lahat naman ng artistang nakausap namin sa burol ni Mother Lily, iisa ang sinasabi — malaking kawalan siya sa entertainment industry.

May you rest in eternal peace, our dear Mother Lily.

---

No comment sa harassment sa showbiz… AGA, IPINAUUBAYA NA KAY NIÑO ANG LABAN PARA KAY SANDRO

Photo: Circulations / FB

Nakausap naman namin si Aga Muhlach sa fourth night ng wake ni Mother Lily at nag-share nga ito kung gaano sila naging close ng Regal matriarch.

Ani Aga, parang totoong nanay sa kanya si Mother Lily at sabi nga niya sa pagkamatay nito, "It's the end of an era."

'Di malilimutan ni Aga na si Mother Lily lang daw ang nasa tabi niya nu'ng panahong gumagapang siya sa kanyang career. Ito rin ang nagbigay sa kanya ng condo at kotse at sunud-sunod na pelikula na naging daan para siya kilalanin sa movie industry.

Samantala, sinubukan din naming tanungin si Aga tungkol sa harassment issue kay Sandro Muhlach na anak ng pinsan niyang si Niño Muhlach pero tumangging mag-comment si Aga at ipinauubaya na lang niya ito kay Niño bagama't all-out support naman daw siya sa ipinaglalaban ng mga ito.

Tinanong din namin si Aga kung bago pa ba sa pandinig niya ang harassment sa showbiz pero tumanggi nang mag-comment ang magaling na aktor.

Ang kinumpirma sa amin ni Aga, magbabalik-tambalan sila ni Star for All Seasons Vilma Santos sa pang-MMFF entry, na kung saang production, ayaw pa niyang magdetalye.

Abangan na lang natin!

Kalat na… COCO AT JULIA, 'DI LANG 2, TATLO NA ANG ANAK

ni Janiz Navida @Showbiz Special | August 9, 2024

Ang dami nang mas bata at baguhang aktor ngayon at nauso na nga rin ang mga K-Pop idols na tinitilian ng mga kabataan, pero in fairness, malakas pa rin talaga ang appeal ng bida ng Pamilya Sagrado na si Piolo Pascual a.k.a. Papa P dahil siya pa rin ang paboritong aktor ng karamihan sa mga kababaihan.

Last August 5 kasi, nang dumayo kami sa Botolan, Zambales kung saan ginanap ang birthday party ng magandang CEO ng SCD o Skin Care Depot na si Ms. Gracee Angeles, tinanong namin siya kung sino ang dream niyang maging male endorser ng kanyang skin care products.

Mas una na kasing ini-launch at ipinakilala sa media a few months ago bilang endorser ng SCD ang magaling na aktres na si Lovi Poe.

At dahil may bagong SCD serum na ini-launch si Ms. Gracee kasabay ng kanyang birthday, na-curious kami kung sino ang gusto niyang kuning male endorser naman nang sa gayon ay may mag-represent din ng kanyang brand mula sa male sector.

Pag-amin ni Ma'm Gracee, "Si Piolo Pascual. Matagal ko na siyang gustong makita."

Oh, well, abangan na lang natin kung next time ay makukuha nga niya si Papa P. bilang additional endorser ng SCD aside kina Lovi Poe at Boss Toyo.

Anyway, hindi man nakarating si Lovi sa birthday party ni Ms. Gracee dahil nasa USA ngayon ang aktres, naki-join naman at nag-mini-concert pa ang The Voice Season 2 4th placer na si Sassa Dagdag na taga-Angeles, Pampanga at endorser din ng SCD.

Dumating din ang Kapamilya actor na si Joseph Marco, na ayon kay Ms. Gracee, naguwapuhan siya sa aktor kaya kinuha niyang performer para mapasaya rin ang mga guests niya sa party.

---

Photo: Mr. Coco Martin / FB - Julia Montes / IG

Nu'ng pauwi na kami ng Manila mula sa mahabang biyahe pa-Zambales, naging topic ng kuwentuhan namin ng mga kasamahang press people ang diumano'y pagkakaroon na ng hindi lang dalawa kundi tatlong anak nina Coco Martin at Julia Montes.

May isang kasamahan naming reporter ang nagkuwento na narinig daw niya ang chika sa isang friend na nakarinig naman sa kuwentuhan ng dalawang senior citizens na diumano'y kaibigan ng lola ni Julia.

Pero dahil nagpasa-pasa na ang kuwento, mahirap namang paniwalaan lalo't kung 'yung sinasabi ngang dalawang anak pa lang nina Coco at Julia ay never naman nilang inilantad sa publiko, eto pa kayang pangatlo ang aasahan nating aaminin nila.

Hangga't hindi sa mismong bibig nina Coco at Julia nanggagaling ang kumpirmasyon, mananatiling chismis sa showbiz ang pagkakaroon diumano nila ng mga anak, kahit pa minsan ay nadulas na rin naman si Kuya Willie Revillame tungkol dito sa kanyang Wil to Win.

---

Awww! JAMES, MAS GUSTONG SOLO NA LANG KESA MAKASAMA SI NADINE 

Photo: JaDine / FB - James Reid / IG

First time naman naming nakapanood ng Cinemalaya entry nu'ng Tuesday night at ito 'yung Kono Basho na pinagbibidahan ng aktres na si Gabby Padilla at ng Japanese actress na si Arisa Nakano.

Ngayon lang din namin napanood si Gabby sa pelikula at nagalingan naman kami sa kanya, pati kay Arisa na bukod sa ang ganda ng registration sa screen ay magaling ding umarte at posible pa ngang mag-uwi ng Best Actress award.

Kuwento ng half-sisters ang Kono Basho na dahil magkapatid lang sa amang Hapon, malayo ang loob ng mas matandang si Ella (Gabby) kay Reina (Arisa).

Heartwarming ang pelikula at may magandang lesson na hatid. And surprisingly, kahit hindi ito mainstream movie ay maraming nanood sa screening ng Kono Basho.

Kaya tuwang-tuwa naman ang producer ng Mentorque Productions na si Sir Bryan Dy sa pakikipag-collab niya sa Project 8 Productions nina Antoinette Jadaone at Dan Villegas (scriptwriter at hindi director ng movie) dahil kahit first time raw niyang sumugal sa Cinemalaya entry, maganda ang feedback ng mga viewers at maipagmamalaki rin niya ang movie tulad ng Mallari na humakot ng mga awards sa iba't ibang award-giving bodies.

Samantala, nainterbyu rin namin si Direk Antoinette after ng screening ng Kono Basho at natanong naman namin kung gusto pa ba niyang makagawa ng movie ang JaDine love team dahil sa kanyang serye at pelikula sumikat ang tambalan nina James Reid at Nadine Lustre.

Sagot ni Direk Tonette, open naman daw siya pero na kina James at Nadine pa rin 'yan kung gusto rin nilang magsama uli.

Well, ang alam namin, si Alden Richards ang next leading man ni Nadine sa movie kaya malabo pang magsama uli sila ni James at mukhang mas gusto na rin naman ni James na mag-solo sa kanyang career kesa magbalik-tambalan sila ni Nadine.

Anyway, showing pa rin ang Cinemalaya entry na Kono Basho sa lahat ng Ayala Malls theaters tulad ng UP Town Center, Trinoma at Greenbelt hanggang August 11, kaya sa mga gusto pang makapanood, puwedeng-puwede pa kayong humabol.