GLORIA ROMERO, PUMANAW NA SA EDAD NA 92

ni Janiz Navida @Showbiz Special | Jan. 26, 2025

Photo: Gloria Romero - Circulated, FB

Kauumpisa pa lang ng taong 2025, nagluluksa na naman ang buong movie and showbiz industry dahil sa pagpanaw ng Queen of Philippine Cinema na si Ms. Gloria Romero sa edad na 91 kahapon, Enero 25.

Mismong ang anak ni Tita Gloria na si Maritess Gutierrez ang nag-anunsiyo ng pagpanaw ng ina sa kanyang Facebook account.

Nakasaad sa FB post nito, “TO OUR DEAREST FAMILY, RELATIVES AND FRIENDS: "It is with great sadness to announce the passing of my beloved Mother, Gloria Galla Gutierrez aka Gloria Romero who peacefully joined our Creator earlier today January 25, 2025.

“For those who want to visit the wake of Mama, it will be held in Arlington Memorial Chapel, Hall A, Araneta Avenue, Quezon City.

“In this time of loss, our family deeply appreciates the support, prayers, sympathy, all the lovely messages, and heartfelt condolences that we've received. She will surely be missed dearly.”

Walang ibinigay na dahilan ng pagkawala ng respetado at hinahangaang veteran actress, pero matagal na ring nagpahinga sa showbiz ang Queen of Phil. Cinema mula nang magkasakit ito ilang taon na ang nakararaan.

Marami namang nakatrabaho ni Tita Gloria sa movie and showbiz industry ang nalulungkot sa kanyang pagkawala.

Pero nawala man si Tita Gloria, maiiwan niya sa mundo ng showbiz ang tatak na kanyang naiambag sa napakaraming pelikula at TV shows na kanyang nagawa tulad ng Tanging Yaman, Palibhasa Lalake at ang pinakahuli niyang TV show bago siya nagpahinga ay ang Daig Kayo ng Lola Ko sa GMA-7.

Taos-puso po kaming nakikiramay sa kanyang pamilyang naulila.

---

Todo-holding hands at landian in public…

ALEXA AT KD: WHAT YOU SEE IS WHAT YOU GET

KD at Alexa - IG alexailacad

“What you see is what you get,” ang parehong sagot ng magka-love team na sina

Alexa Ilacad at KD Estrada nang matanong namin sa ginanap na press presentation ng mga pelikulang kasali sa 2025 Puregold CinePanalo Film Festival nu’ng Biyernes nang tanghali kung handa na ba silang aminin ang kanilang relasyon.

Bida ang KDLex sa Co-Love movie ni Direk Jill Singson Urdaneta na isa sa 8 full-length film entries sa gaganaping 2025 Puregold CinePanalo FilmFest sa Gateway Cineplex 18 from March 14 to 25, 2025, at kasama nila rito sina Kira Balinger at Jameson Blake.

Habang hinihintay na tawagin ang kanilang movie entry, napansin naming super sweet nina Alexa at KD sa kanilang table assignment - - - nagbubulungan, nagpapakitaan ng ginagawa sa kani-kanilang phone, nandiyang umaakbay si Alexa kay KD at maya-maya ay nag-holding hands na. 

2025 Puregold CinePanalo Filmfest filmmakers and lead stars

Ohhh, so sabi namin sa aming self, sila na nga dahil very comfortable na sila sa isa’t isa at parang hindi naman nila itinatago ang kanilang holding hands. 

Kaya after the presscon, tinanong namin separately sina KD at Alexa if handa na nga ba nilang aminin ang relasyon nila in public, pero bigo nga kaming marinig ang “Yes, kami na,” dahil ang parehong katwiran nila, wala naman silang dapat aminin kaninuman at what you see is what you get na nga lang.

Although, aminado naman ang dalawa na mas lumalim pa ang kanilang samahan dahil kahit wala silang project together ay nagkikita at nag-uusap sila.

Ayaw lang nilang pag-usapan ang kanilang personal na buhay ng ibang tao kaya mas pinipili nilang ‘private’ na lang kung anumang meron sila.

Ibinuking naman ni Direk Jill na naghihintayan umuwi sina Alexa at KD sa shooting ng Co-Love. So, kung ano'ng ibig sabihin nu'n, read between the lines na lang.

Samantala, bukod sa Co-Love, pasok din ang Mes de Guzman film na Sepak Takraw starring Enzo Osorio, Nicollo Castillo, Ruby Ruiz, and Acey Aguilar; JP Habac’s Olsen’s Day na bida sina Khalil Ramos, Romnick Sarmenta, and child actor Xander Nuda; at Tara Illenberger's film Tigkiliwi starring Ruby Ruiz in her second Puregold CinePanalo feature, Gabby Padilla, and Julian Paul Larroder. 

Nandiyan din ang entry ng dynamic duo na sina Christian Paolo Lat & Dominic Lat na Journeyman starring JC Santos and Jasmine Curtis-Smith. 

TM Malones will be working on Salum with stars Allen Dizon and Christine Mary Dimaisip.

Baby Ruth Villarama’s Food Delivery: Fresh from the West Philippine Sea will mark the first-ever documentary to join the Puregold CinePanalo line up.

Another historic first sees noted producer Catsi Catalan making her directorial debut with the film Fleeting starring Janella Salvador and RK Bagatsing.

Also in attendance at the press event were twenty-four student filmmakers from universities across the country.

With such a diverse lineup of filmmakers, the 2025 Puregold CinePanalo is primed to be another can’t-miss event for Philippine cinema. The completed films will be screened at Gateway Cineplex 18 from March 14 to 25, 2025.

Bagong GF ng anak mo, Carmina, bad influence raw… ASHLEY, HULING NAGBE-VAPE HABANG KASAMA SI MAVY

ni Janiz Navida @Showbiz Special | Jan. 23, 2025

Photo: Ashley Ortega at Mavy Legaspi - FB, IG

Maraming fans ni Mavy Legaspi ang natuwa nang mag-viral ang mga photos nila ni Ashley Ortega sa Sinulog Festival sa Cebu kamakailan na sweet, at may holding hands video pa.

Wala na raw kailangang aminin ang dalawa dahil obvious naman sa kanilang mga galawan na may ‘something’ na sila at naka-move on na ang isa sa kambal nina Carmina Villarroel at Zoren Legaspi mula sa breakup nito kay Kyline Alcantara.

Happy din ang mga fans dahil it’s a tie na raw sina Mavy at Kyline, kahit pa unang naging item ang pagkakaroon na rin ng relasyon nina Kyline at Kobe Paras.

Deserve naman daw ni Mavy na makatagpo na rin ng babaeng mamahalin lalo’t napakaguwapo nito at sayang kung magiging single lang. 

Napansin lang ng mga netizens na mahilig daw pala si Mavy sa mga babaeng malakas ang personality at pang-kontrabida ang beauty.

Oh, ‘di ba, si Kyline ay una ring nagkontrabida bago naging bida sa mga serye ng GMA-7?

And si Ashley Ortega, mas nakilala rin sa kontrabida role sa Legal Wives at Wish I May.

Pero kung maraming natuwa sa bagong showbiz couple, may mga kumokontra na rin agad, dahil sa nag-viral na video na makikitang nagbe-vape si Ashley habang kasama si Mavy.

May mga komento ang ilang Marites na kapag napanood daw ni Carmina ang naturang video ng pagbe-vape ni Ashley, tiyak na aayawan nito ang young actress para kay Mavy, dahil magiging bad influence ito at baka mahawa pa ang guwapong aktor na magkaroon na rin ng bisyo.

Hirit pa ng ilang netizens, kahit pa hindi naman goody-goody ang image ni Ashley, hindi pa rin magandang makita ito in public na nagbe-vape dahil maaaring gayahin siya ng mga kabataan.

Marami tuloy curious ngayon sa reaksiyon nina Carmina at Zoren sa ipinalit ni Mavy sa ex-GF na si Kyline. 

Na-meet na kaya nila ang bagong dyowa raw ng anak at gusto kaya nila ito para kay Mavy?

Well… abangan natin ang pagbuka ng bibig ni Carmina na inaakusahan ngang stagemother at ginagawa raw mama’s boy si Mavy.

‘Yun na!

---

Bongga ang energy! SIKAT NA PULITIKO, NAKIPAG-THREESOME SA 2 SEXY STARS HABANG NAGKO-COCAINE 

BLIND ITEM:

MAHIRAP palang malasing ang dating sexy star na may-edad na ngayon pero maganda pa rin at in fairness ay hindi naman naging lumba-lumba tulad ng ilang kasabayan niya.

May source na nakapagtsika sa amin na minsang nalasing ang sexy star (na ewan kung beer, gin o ano’ng klase ng alak ang nainom), dumulas ang dila nito at naispluk ang lihim na itinatago nila sa baul ng former beauty queen na rich na ngayon at ng sikat na pulitiko na galing sa mayaman at powerful na pamilya.

Sa sobrang kalasingan, nawala na sa huwisyo ang sexy star at buong-ningning na ikinuwento kung paano sila nag-threesome ng former beauty queen at ng sikat na pulitiko habang sila’y high na high sa cocaine. 

Pero ito naman ay nangyari nu’ng bagets days pa nila na pare-pareho pa silang nag-e-explore sa buhay at happy-happy lang.

Baka binata pa rin that time ang sikat na pulitiko kaya wala namang issue kesehodang nakipag-threesome pa siya kina sexy star at former beauty queen.

At dahil bata pa nga, bongga pa ang energy niya that time kaya kering-keri pa niya kahit dalawang girlash ang pinagsabay niyang nagpaligaya sa kanya.

Naku, ‘wag na kayong humirit ng clue dahil pare-pareho nang tahimik ang buhay nila at ‘yan ay part na lang ng kanilang makulay na nakaraan.

20 yrs. ang age gap, kamukha ni Pia Wurtzbach… BYUTI, SEXY AT MAS BATANG VLOGGER, IPINALIT NI VG MARK KAY KRIS

ni Janiz Navida @Showbiz Special | Jan. 22, 2025

Photo: File

Bago kami umuwi nu’ng Monday night, naki-fiesta naman kami nina Joel Peña, Willie Ong (‘di po si Doc Willie, katukayo lang), Mareng Caren Martinez at co-editor naming si Maricris Nicasio sa bahay ng dating TV Patrol showbiz reporter na si Marie Lozano.

Friend ni Joel ang mommy ni Marie na si Mrs. Beth Lozano kaya na-invite kami ru’n. 

Nagulat kami na habang kumakain kami, dumating si Vice-Gov. Mark Leviste kasama ang isang byuti, sexy at bata pang girl na proud niyang ipinakilala sa amin bilang “My girlfriend, Aira Lopez.” 

Naku, siyempre, ‘di na namin pinalagpas ang chance na ma-interview sila kahit nu’ng una ay nahihiya pa itong si Aira, pero habang ini-interview ay naging kampante na rin naman.

We learned from her na Sparkle talent pala siya ng GMA-7, though baguhan pa lang siya. Pero bago nag-artista, vlogger daw siya at triathlete.

And that day na nakausap namin sina VG Mark at Aira, kaa-announce lang pala nila sa social media na 5 months na silang BF-GF!

Kaya ayun, nagpakuwento kami kung paano nag-start ang kanilang love story, na panoorin n’yo na lang sa aming BULGAR Facebook page ang kabuuan ng kuwento para mas kita n’yo ang kilig nila habang nagsasalita.

Basta ang proud na sabi ni Aira, “Age doesn’t matter” kahit pa 20 yrs. pala ang age gap nila ni VG Mark, na in fairness, mukhang bumata at pumayat ngayon, ha?

At todo-smile si VG Mark na ramdam mo ang sobrang happiness at pagka-proud sa kanyang new GF na look-alike ni Pia Wurtzbach, in fairness.

Well, sabi pa ni VG Mark, naka-move on na siya sa breakup nila ni Kris Aquino bago niya naging GF si Aira, kaya ‘di naman ito masasabing “love on the rebound”.

At siguro naman, may karapatan ding magkaroon na ng love life ang aspiring congressman dahil si Kris naman ang unang nag-announce na may boyfriend na siyang doctor, ‘di ba?

Eto lang ang ironic, ha? Alam n’yo bang sabi ni Aira, fan siya ni Kris? At bukod du’n, isa rin siyang Aquino dahil ang full name niya ay Aira Lourdes Aquino Lopez, though ‘di sila blood related ni Kris.

Isa pang trivia, bago niya naging BF si VG Mark Leviste, crush daw niya noon si James Yap na ex-husband naman ni Kris.

Ang bongga ng pagkakakonek-konek, devah?

Oh, well, basta watch n’yo na lang ang interview namin sa kanila para mas makilala n’yo pa ang ipinalit ni VG Mark kay Kris Aquino.

---

After ng term, ipapakulong lang daw…

CONGW. LANI, TODO-TUTOL TUMAKBONG PANGULO SI BONG

Proud Caviteña si Bacoor Congresswoman Lani Mercado, pero nang dumalo ito sa ginanap na Rigodon night sa Lipa, Batangas nu’ng Linggo nang gabi bago ang kapistahan ni San Sebastian kinabukasan (January 20), ipinagsigawan ng misis ni Sen. Bong Revilla, Jr. na isa rin siyang Lipeña!

Nakasama kami sa inihandang dinner nu’ng Sunday night ng owner ng Big Ben (isang malaking complex sa Lipa) na si Joel Umali Peña (chairman din ng Lipa Tourism) para kay Congw. Lani na inimbitahan para maging guest speaker sa Rigodon, kung saan ipinakilala rin ang bagong Mutya ng Lipa na si Dana Annika Ku Wong.

Ang dami naming nalaman kay Congw. Lani na bihira naming makakuwentuhan nang personal, lalo ‘pag kasama niya si Sen. Bong.

Chika sa amin ni Congw. Lani, nang imbitahan siya na maging guest speaker sa Lipa Rigodon night, yes agad ang sagot niya dahil ang roots pala niya ay sa Lodlod, Lipa, Batangas.

Marami raw lupain du’n ang kanyang pamilya at nag-donate pa nga raw ng mga lupain ang kanyang ina base sa kuwento ng kanyang pinsan na kasama rin namin sa dinner, kaya nagulat si Congw. Lani na wala naman siyang minanang lupain sa Lipa, hahaha!

Masaya raw siyang nakabalik sa Lipa at naki-celebrate sa ginanap na Rigodon. 

Habang nagkukuwentuhan sa kanyang family background, nalaman din namin sa kanya na pamangkin niya si Tirso Cruz III at magkamag-anak din sila ni Yayo Aguila. ‘Di na lang namin masyadong natandaan ang paliwanag ni Congw. Lani kung paano sila related sa isa’t isa.

Napag-usapan din ang ilang taong pananatili ni Sen. Bong sa Camp Crame, kaya nu’ng tinanong namin si Congw. Lani kung pabor pa ba siyang kumandidatong pangulo si Sen. Bong sa mga susunod na halalan, ang bilis-bilis ng sagot nitong, “Naku, tama na! Huwag na!”

Paliwanag niya, mahirap daw maging pulitiko rito sa ‘Pinas, lalo na maging presidente, dahil pagkatapos mong ibigay lahat-lahat sa bayan, idedemanda ka pa. 

Hahaha! Parang ganu’n na nga!

At knows n’yo ba kung bakit kahit 8 na ang apo ni Congw. Lani ay ang sexy pa rin niya at never tumaba?

Well, hindi pala mahilig mag-kanin ang misis ni Sen. Bong, dahil nu’ng magkakasama kami, suman lang ng Batangas, happy na siya. 

Oh, now, alam n’yo na!

Anyway, bukod kay Congw. Lani, dumalo rin sa Rigodon night ang bunso ni Star for All Seasons Vilma Santos-Recto na si Ryan Christian. Pero dahil nagmamadaling umuwi si Ryan dahil may float parade pa pala kinabukasan, hindi na namin ito na-interview. 

First time naming nakapanood ng Rigodon sa Lipa na isa pala sa mga tradisyon nila.

Ang pamilya ng tinanghal na Mutya ng Lipa na si Dana Annika Ku Wong na may-ari ng Fiesta World Mall sa Lipa ang naging sponsor sa Rigodon since ang former councilor na si Ms. Gwendolyn K. Wong ang chairman ng Lipa Fiesta Executive Committee 2025.

---

Napayakap sa mister na si Mikee…

ALEX, NAHILO SA PARADA, MUNTIK BUMAGSAK

Dinagsa naman ng mga taga-Lipa ang Claro M. Recto Street nu’ng Lunes ng umaga para sa Grand Float Parade bilang bahagi ng pagdiriwang ng Kapistahan ni San Sebastian.

Ramdam na ramdam ang kapistahan dahil sa makukulay na suot ng mga participants ng parada at naggagandahang floats ng iba’t ibang establishments sa Lipa.

Ang daming nag-abang at tuwang-tuwa ang mga Lipeño na todo-kaway at pa-selfie sa mag-asawang Luis Manzano (running as vice-governor ng Batangas) at Jessy Mendiola, Ryan Christian Recto (tumatakbong congressman sa 6th district ng Batangas), Alex Gonzaga at Mikee Morada (vice-mayoralty aspirant), Ronnie Liang, Queenay, Christian Bables, Mentorque producer Bryan Dy, at senatorial candidate Camille Villar, kasama ang iba pang local candidates para sa coming elections.

Hindi nakasama sa parada ang idol naming si Ate Vi kaya na-miss namin itong makita, pero kung dumating siguro siya, mas nagkagulo ang mga tao.

Si Alex Gonzaga nga, nang umakyat sa stage para bumati ng “Happy Fiesta” sa mga Lipeño, muntik mag-collapse sa init kaya nakita naming napayakap kay Konsehal Mikee at maya-maya ay ibinababa na ng stage dahil putlang-putla na ito at nahihilo. 

Pero nilinaw ng road manager niyang si JC Baguio na hindi pa buntis si Alex kaya nahilo, ha? Kulang lang daw ito sa tulog at mainit nga kasi nu’ng umagang ‘yun.

After ng parade, nagsimba kami sa San Sebastian Cathedral at nakita rin namin du’n sina Luis, Ryan Christian at iba pang pulitiko na nagsimba rin.