Israel, nananawagan ng pagkakaisa laban sa terorismo matapos ang pambobomba sa MSU

ni Eli San Miguel - Trainee @News | December 4, 2023

Binigyang-diin ng Israel ang kahalagahan ng pagkakaisa laban sa terorismo matapos ang pambobomba noong Linggo sa Marawi City, na pinaniniwalaang isinagawa ng mga militante, na ikinamatay ng apat at ikinasugat ng daan-daang tao.

Nagsabi ang Israeli Embassy sa Maynila na ito'y nakikiisa sa gobyernong Pilipino at sa mamamayang Pilipino sa harap ng kasuklam-suklam na pag-atake sa isang gymnasium sa Mindanao State University sa isang misa noong Linggo ng umaga.

"Terrorism is a global threat that needs collective unity among nations to safeguard the well-being of all people and community," pahayag ng embahada.

Sinabi rin nito na kinokondena nito ang karuma-dumal na aktong terorismo at naroroon ang kanilang mga puso para sa mga biktima at kanilang mga naiwang pamilya.

10 Pinoy sa Gaza, tatawid sa Egypt border

ni Eli San Miguel - Trainee @News | November 24, 2023

Nakatakdang tawirin ng sampu sa 26 na Pinoy na nasa Gaza ang border patungong Egypt sa kasagsagan ng alitan ng Israel at Palestine, ayon sa Department of Foreign Affairs (DFA) ngayong Biyernes.

Ipinahayag ni DFA Undersecretary Eduardo de Vega ang pagiging positibo na makakalabas ang mga Pilipino sa Gaza sa pamamagitan ng Rafah Border Crossing kasama ang kanilang mga Palestinian na asawa.

Sa kasalukuyan, 111 Pinoy na ang umalis sa Gaza, ngunit 108 lamang ang nakauwi sa Pilipinas dahil nagpasya ang tatlo na manirahan sa Cairo, Egypt.

Nasa 109 na ang kabuuang bilang ng mga Pilipino na nakauwi, kabilang ang isang sanggol na ipinanganak sa Cairo 12 araw na ang nakalilipas.

8th batch ng mga 'Pinoy mula Gaza, inaasahang darating ng Biyernes

ni Angela Fernando - Trainee @News | November 17, 2023

Nag-anunsyo ang Department of Migrant Workers (DMW) na inaasahang darating ngayong Biyernes ang isa pang batch ng mga Filipino repatriates mula sa Israel.

Ito ay ang ika-8 batch na mga repatriate mula sa Israel na binubuo ng 32 Pinoy.

Ayon kay DMW officer-in-charge Hans Leo Cacdac, umaabot na sa 264 ang kabuuang bilang ng mga Pilipinong matagumpay na nauwi sa bansa.

Samantala, tatlong karagdagang repatriates ang darating mula sa Lebanon, na may bilang na 31.

Umabot naman sa 150 Pinoy sa Lebanon ang naghihintay pang maproseso ang mga dokumento upang tuluyang makauwi na ng 'Pinas.