ni Angela Fernando - Trainee @News | November 12, 2023
Inaasahang 39 Pinoy na naiipit sa Gaza ang agarang tatawid sa border ng Rafah patungong Egypt, ayon sa opisyal ng Department of Migrant Workers na si Hans Leo Cacdac.
Sinabi ni Cacdac na 71.5% ng Pilipinong nasa Gaza ang na-evacuate na patungong Egypt, at ilan sa kanila ay nakabalik na sa 'Pinas.
Aniya, patuloy ang nangyayaring paglikas ng mga Pilipino at makakatawid na rin ang natitirang 39 sa lalong madaling panahon.
ni Angela Fernando - Trainee @News | November 11, 2023
Mariing itinanggi ng malalaking international media ang paratang na alam ng mga Gaza photographers ang nangyaring pag-atake ng Hamas nu'ng Oktubre 7.
Inilabas sa malalaking news outlets ang ginawa nilang pagtanggi sa mga alegasyon matapos magsimula ang kontrobersiya sa isang online post ng HonestReporting, isang organisasyong binibigyang pansin ang mga balitang hindi naka-ayon sa Israel.
Ayon sa HonestReporting, ang bilis ng mga Palestinian photojournalist sa nangyaring pag-atake ay kahina-hinala na siya namang pinaniwalaan ng pamahalaan ng Israel.
Sa isang post sa 'X' ng opisina ni Prime Minister Benjamin Netanyahu, sinabing kasabwat ang mga journalists ng Gaza sa nangyaring pag-atake.
Ayon sa post sa X ng dating Israeli ambassador na si Danny Danon, "Israel's internal security agency announced that they will eliminate all participants of the October 7 massacre. The 'photojournalists' who took part in recording the assault will be added to that list."
Agad namang itinanggi ng Western media ang artikulong naglalaman ng mga bintang ng HonestReporting at sinabing walang kinalaman ang Associated Press sa nangyaring pag-atake.
ni Angela Fernando - Trainee @News | November 8, 2023
Pinaligiran ng Israel ang Gaza, isa sa pinakamalaking lungsod ng teritoryo at lugar ng Hamas, saad ng Israel matapos magbigay ang kabilang panig ng pahayag na nagsasabing malaking pinsala ang dinala ng kanilang militanteng grupo sa Israel.
Ayon sa punong tagapagsalita ng Israel na si Rear Admiral Daniel Hagari, binobomba nila ang mga lagusang ginawa ng Hamas na umaabot sa 100km sa ilalim ng Gaza.
Ito ay matapos gamitin ang mga lagusan para gamitin sa mga ambush na agad namang tinapatan ng mga tangke ng Israel.
Samantala, nakatuon ang mga operasyon ng Israel sa bahaging norte ng Gaza, naging biktima rin ng kanilang mga pag-atake ang bahaging timog ng lungsod.
Ayon sa ilang opisyal sa kalusugan ng mga palestino, umaabot sa 23 katao ang namatay sa magkasunod na panghimpapawid na atake ng Israel nu'ng Martes sa mga lungsod ng Khan Younis at Rafah.
