2NE1, magsasama-sama muli sa isang concert sa Oktubre

ni Eli San Miguel @Overseas News | July 22, 2024

Inanunsiyo ng YG Entertainment founder na si Yang Hyun-suk na magbabalik ang K-Pop girl group na 2NE1 sa music scene sa pamamagitan ng pagdaraos ng isang concert.

Agad na dinumog ng mga fans ang announcement post sa Facebook, na ngayo'y may higit sa 700,000 reactions matapos lamang ang labing-tatlong oras. Ipinost ng YG Entertainment ang isang larawan ng 2NE1 sa Facebook at isinulat na, “WELCOME BACK, 2NE1.”

Ipinost din ni Sandara Park ang parehong larawan sa Instagram na may caption na: “What’s up We’re 2NE1. WELCOME BACK, #BLACKJACKS #2NE1 #투애니원 #YG #WELCOME_BACK.” Hindi mapigilan ng mga fans ang kanilang excitement dahil isa itong napakagandang balita para sa grupong binubuo nina Sandara Park, CL, Park Bom, at Minzy, na pitong taon nang disbanded.

Noong Hunyo 27, matatandaang inanunsiyo ni Yang Hyun-suk sa YouTube ang plano para sa 2NE1 matapos ang kanyang pagpupulong kasama ang apat na miyembro. “Today, I have some very exciting news. The first girl group YG announced. The first successful YG girl group was 2NE1,” aniya.

“The members of 2NE1 informed me that they'd like to hold a concert commemorating their 15th anniversary. So we caught up and happily discussed, making it all happen within this year,” dagdag pa niya. Inihayag naman ni Yang Hyun-suk na ang concert ng 2NE1 sa Seoul ay gaganapin sa pagsisimula ng Oktubre.

Romance: Untold ng ENHYPEN, may 2.3 M sales na

ni Eli San Miguel @K-Buzz | July 19, 2024

Nakapagtala ng bagong record para sa kanilang grupo ang 4th Generation K-Pop boy band na ENHYPEN. Nitong Hulyo 19, inanunsiyo ng Hanteo music chart ng Korea na ang bagong album ng grupo na "Romance: Untold" ay nakapagbenta ng kabuuang 2,344,749 na kopya sa unang linggo ng paglabas nito mula Hulyo 12 hanggang 18.

Itinuturing na may 'highest first week album sales' ang "Romance: Untold" mula nang sila ay nag-debut. Lumampas ang first week album sales ng "Romance: Untold" sa naunang rekord ng ENHYPEN para sa album na "Orange Blood," na nakabenta lamang ng 1,871,269 kopya mula Nobyembre 17 hanggang 23 nu'ng nakaraang taon.

Inilabas ang "Romance: Untold" noong Hulyo 12 at nakakuha ng benta na 1,883,143 kopya sa unang araw, na isa rin sa bagong record para sa ENHYPEN, kumpara sa 1,383,292 kopya para sa unang araw ng "Orange Blood."

SB19, nasungkit ang Favorite Asian Act sa Nickelodeon Kids' Choice Awards 2024

ni Eli San Miguel @Entertainment News | July 18, 2024

Muling pinatunayan ng SB19 ang kanilang pamamayagpag bilang “P-Pop Kings” matapos nilang masungkit ang parangal na Favorite Asian Act sa Nickelodeon Kids' Choice Awards 2024.

Sa post ng grupo sa X noong Miyerkules ng gabi, nagpasalamat sila sa kanilang fans para sa nakamit nilang bagong tagumpay.

“To our A'TIN, this recognition is not just for us—it is yours too. Your support fuels our passion every day. Let's continue chasing our dreams together, not just for us, but for P-POP and for the country!” pahayag ng SB19.

Natalbugan ng SB19 sa naturang kategorya ang K-Pop group na ENHYPEN, ang Japanese girl group na NiziU, ang Malaysian singer na si Iman Troye, at ang Indonesian singer na si Tiara Andini. Ang SB19 ang tanging Pinoy act na napabilang sa KCA ngayong taon.