Selena Gomez, sinagot ang fan na nagsabing 'di siya papatol dati sa dyowang si Benny Blanco

ni Angela Fernando @Entertainment News | July 31, 2024

Photo: Selena Gomez at Benny Blanco / Allen Berezovsky - Getty / Glamour

Ibinahagi ng actress-singer na si Selena Gomez sa social media ang kanyang pagbabalik-tanaw sa love life niya noon at ngayon pati na rin ang emotional growth niya bilang isang indibidwal.

Nag-post pa kamakailan sa Tiktok ang singer bilang tugon sa isang fan na nagbahagi ng video ni Gomez nu'ng siya'y bata pa, at nilagyan ito ng caption na, "I know, and so do you that at the time (Younger Selena) she would never have gotten engaged to Benny, she was in her IT GIRL era."

"Kinda makes me laugh because I was so depressed back then lol," komento ni Selena sa nasabing video. Matatandaang nagsimula sina Gomez at Blanco bilang mga collaborators at magkaibigan. Kinumpirma nila ang kanilang relasyon nu'ng Disyembre 2023, at naging bukas sa publiko patungkol dito.

US Sen. Vance, binanatan ang mga babaeng walang anak, pinalagan ni Jennifer Aniston

by Angela Fernando @Overseas News | July 26, 2024

Muling lumutang ang komento ng United States senator na si J.D. Vance patungkol sa mga babaeng walang anak na may posisyon sa gobyerno na sinagot at hindi pinalampas ng kilalang aktres na si Jennifer Aniston.

Ipinost ng 55-anyos na aktres sa kanyang Instagram story kamakailan ang pambabatikos sa binitawang komento ni Vance. "I truly can't believe this is coming from a potential VP of The United States, All I can say is... Mr. Vance, I pray that your daughter is fortunate enough to bear children of her own one day. I hope she will not need to turn to IVF as a second option. Because you are trying to take that away from her, too," saad ni Aniston sa kanyang story.

Matatandaang sa kanyang lumutang na panayam ay binatikos ng senador si Bise-Presidente Kamala Harris. Ang 59-anyos na babaeng opisyal na nasa isa sa pinakamataas na puwesto sa kasaysayan ng U.S. na ngayon ay tumatakbo sa pagka-pangulo matapos umatras ni Pangulong Joe Biden at sinabing hindi na siya tatakbong muli.

"We're effectively run in this country — via the democrats, via our corporate oligarchs — by a bunch of childless cat ladies who are miserable at their own lives and the choices that they've made and so they want to make the rest of the country miserable, too," saad ni Vance sa kanyang panayam nu'ng 2021.

"And it's just a basic fact -- you look at Kamala Harris, Pete Buttigieg, AOC [Alexandria Ocasio-Cortez] -- the entire future of the Democrats is controlled by people without children. And how does it make any sense that we've turned our country over to people who don't really have a direct stake in it?" dagdag pa nito.

Kasal ang Bise-Presidenteng si Harris kay Doug Emhoff mula pa nu'ng 2014 at tumayong stepmother kina Cole, 29, at Ella, 25. Nagbigay ng pahayag si Aniston na dati nang ibinahagi sa publiko ang mga hinarap na pagsubok sa hindi pagkakaroon ng anak.

Karen, pinuri ang BINI, SB19 fans nainsulto, pumalag

by Angela Fernando @News | July 25, 2024

Inulan ng puna at bashing ang TV Patrol anchor na si Karen Davila matapos umano nitong i-discredit ang kilalang P-pop boy group na SB19 sa mga kontribusyon nila sa musikang Pinoy at international music.

Matatandaang nagkaroon ng ulat ang TV Patrol kamakailan patungkol sa P-pop girl group na BINI at napuri ang mga ito para sa kanilang mga gaganaping sunud-sunod na shows sa ibang bansa.

Todo-puri ang news anchor sa girl group at sinabi pa nitong magiging daan ang BINI para sa industriya ng P-pop at tila maraming netizens ang hindi natuwa sa komentong ito.

"Pag sumikat sila, sisikat din yung iba pang Pilipino," komento ni Karen. Na-trigger nga ang ilang fans ng boy group sa sinabing ito ni Davila at nag-share pa ang iba ng kontribusyon ng SB19 sa lumalagong industriya sa 'Pinas dahil nauna raw ang mga itong makapasok sa international music industry.