Concert ni Taylor Swift, mas hihigpitan

by Eli San Miguel @Overseas News | August 15, 2024

Magbabalik-entablado si Taylor Swift ngayong Huwebes upang ipagpatuloy ang kanyang major concert tour na may mas mahigpit na seguridad matapos ang nabigong Islamic State-inspired attack na nagdulot ng kanselasyon ng kanyang mga palabas sa Vienna noong nakaraang linggo.

Inihayag ng British police na hindi maaapektuhan ng insidente sa Vienna ang kanyang limang palabas sa Wembley Stadium, kung saan inaasahang darating ang 90,000 na Swifties bawat gabi.

Papapasukin ang mga fans sa Wembley gamit ang mga metal detector at pinapayagang magdala alamang ng isang maliit na bag. Bawal ang mga glass at metal containers, laptop, at payong.

Sinabi ng 34-anyos na si Swift, na ang pinakamalaking takot niya ay ang panganib sa kanyang mga fans lalo nu’ng nangyari ang mga pag-atake noong 2017 sa mga music events, kabilang ang pamamaril sa Las Vegas at suicide bombing sa isang concert ni Ariana Grande sa Manchester.

Samantala, inaasahan namang kikita ang kanyang 'Eras' tour ng higit sa $1 bilyon, ang kauna-unahang tour na makakamit ito, mula sa 149 na palabas sa loob ng dalawang taon.

Miley Cyrus emosyonal nang balikan ang pagiging 'Hannah Montana'

ni Angela Fernando @Entertainment News | August 14, 2024

Photo: Miley Cyrus sa Disney Award sa pagganap bilang Hannah Montana - Miley Cyrus

Naging emosyonal si Miley Cyrus habang inaalala ang kanyang panahon bilang si 'Hannah Montana' nang tanggapin niya ang kanyang Disney Legends honor sa D23.

Makasaysayan ang naging pagtanggap ni Miley ng award dahil itinanghal siya bilang pinakabatang "Disney Legend" sa D23 2024: The Ultimate Disney Fan Event sa Anaheim, California, dahil sa naging pagganap niya sa karakter ni Hannah.

Kasama si Cyrus sa hanay ng mga naggagalingang stars tulad nina Jamie Lee Curtis at Angela Bassett bilang isa sa mga taong may malaking impluwensiya sa Disney.

"A little bit of everything has changed... but at the same time, nothing has changed at all. I stand here still proud to have been Hannah Montana," proud na saad ni Cyrus. Naging nostalgic naman para sa mga fans ng actress-singer ang naging pagtanggap ng award at inulan nila ito ng papuri at suporta.

ARMYs, itinanggi ang pagpapasimuno sa trending hashtag na #SugaChallenge

ni Eli San Miguel @K-Buzz | August 12, 2024

Photo: AP

Itinanggi ng mga fans ng BTS o mas kilala bilang ARMYs, ang pagpapasimuno sa #SugaChallenge bilang suporta sa pagkakasangkot ng BTS member na si Suga sa drunk driving.

Noong Agosto 6, nasemplang si Suga na kasalukuyang nagsasagawa ng kanyang serbisyo militar bilang social worker, habang siya’y nagmamaneho ng electric scooter sa Seoul.

Ayon sa pulis, ang resulta ng breathalyzer test ni Suga ay nagpapakita ng 0.227 percent na blood alcohol content, na sobrang taas kumpara sa license revocation level na 0.08 percent. Malapit nang ipatawag ng Yongsan Police Station sa Seoul si Suga para imbestigahan ang mga pangyayari sa kanyang pag-inom at ang dami ng alcohol na kanyang nakonsumo.

Sa X, umakyat sa trending ang #SugaChallenge kung saan ang mga gumagamit ng hashtag ay nag-post ng mga larawan na nagpapakita ng pag-inom ng alak sa kanilang mga sasakyan. Maging ang mga media sa Korea ay nag-ulat tungkol sa #SugaChallenge na sinasabing sinimulan ng BTS ARMYs.

Naglabas naman ng pahayag ang BTS ARMYs upang itanggi ang kanilang pagkakasangkot sa trend na #SugaChallenge.

“From BTS ARMY: In light of recent events, a number of individuals associated with various music fandoms…who have expressed unfavorable opinions towards BTS, have initiated a trend intended to ridicule a specific situation,” ayon sa pahayag na ibinabahagi ng mga BTS ARMYs sa Facebook at X.

Dagdag pa nito, “This trend entails the sharing of images portraying the consumption of alcohol within a vehicle, despite the fact that the initial incident did not occur in a car. It is important to note that although ARMY will continue their support for all seven members, ARMY was not involved in this trend, as it is essential to handle such matters with sensitivity and consideration for all parties involved.

Thank you. ARMY.” Bilang pagkontra sa #SugaChallenge, ginamit ng fandom ang mga hashtags na #FAKECHALLENGE, #Its_Not_ARMY, #조작된챌린지 #진짜아미아님 at #koreanmediabeprofessional.