Jennie ng BLACKPINK, dumalo sa ‘Welcome Back’ concert ng 2NE1

ni Eli San Miguel @K-Buzz | Oct. 8, 2024

Dumalo si Jennie ng Blackpink sa “Welcome Back” concert ng 2NE1 sa Seoul. Sa Instagram, ibinahagi niya ang ilang larawan mula sa concert sa Olympic Park, Olympic Hall, kabilang ang isang litrato ng kanyang OOTD suot ang baseball cap na may logo ng 2NE1 at hawak ang opisyal na light stick ng grupo.

“Funday Sunday,” saad ni Jennie. Star-studded ang 2NE1 show, dahil present dito ang mga celebrities tulad ni Jennie at mga YG Entertainment artists, kabilang ang BIGBANG, Winner, iKON, at BabyMonster.

Ang “Welcome Back” ay ang unang world tour ng 2NE1 matapos silang ma-disband noong 2016. Inanunsiyo ng YG Entertainment ang kanilang comeback noong Hulyo, kung saan nagbahagi si Dara ng teaser para sa concert.

Nagsimula ang tour sa Seoul, South Korea nitong Oktubre, na magkakaroon ng mga stop sa Osaka, Manila, at Jakarta sa Nobyembre, at magpapatuloy sa Tokyo sa Disyembre at hanggang 2025.

Nakatakda naman ang stop sa Manila sa Nobyembre 16, 2024, na gaganapin sa SM Mall of Asia Arena. Bagama't na-disband ang grupo noong 2016 at umalis sa YG Entertainment, matatandaang nagkaroon ang 2NE1 ng ilang mini-reunions nu'ng mga nakaraang taon.

Global artist na si Sean 'Diddy' Combs, kinasuhan ng pang-aabuso ng 120 katao

ni Eli San Miguel @Entertainment | Oct. 2, 2024

Nahaharap ngayon sa kasong sexual misconduct ang global artist na si Sean “Diddy” Combs, isa sa pinakasikat na music executives, producers, at hip-hop performers, matapos sampahan ng 120 katao na diumano'y biktima niya.

Inihayag ng abogadong si Tony Buzbee ngayong Martes na siya ay kumakatawan sa 120 katao na nag-aakusa ng sexual misconduct laban kay Combs. Inaasahan ni Buzbee na ihahain ang mga demanda sa loob ng susunod na buwan.

Iniulat ni Buzbee na binubuo ang mga biktima ng 60 lalaki at 60 babae, kung saan 25 ang mga menor de edad nang maganap ang naturang misconduct. Isang biktima ang nagbunyag na siya ay inabuso sa edad na 9.

Ang mga paratang ay sumasaklaw mula 1991 hanggang sa kasalukuyan. “This type of sexual assault, sexual abuse, sexual exploitation should never happen in the United States or anywhere else. This should have never been allowed to go on for so long. This conduct has created a mass of individuals who are injured, scared and scarred,” ani Buzbee sa isang news conference.

Matapos ilabas ang mga akusasyon sa Texas, sinabi ng abogado ni Sean “Diddy” Combs na si Erica Wolff na, "[Combs] cannot address every meritless allegation in what has become a reckless media circus.

“That said, Mr. Combs emphatically and categorically denies as false and defamatory any claim that he sexually abused anyone, including minors,” pahayag ni Wolff. “He looks forward to proving his innocence and vindicating himself in court, where the truth will be established based on evidence, not speculation,” dagdag pa niya.

Sinabi ni Buzbee na higit sa 3,280 indibidwal ang nakipag-ugnayan sa kanyang firm na nagsasabing naging biktima sila ni Sean “Diddy” Combs. Matapos suriin ang mga alegasyon, pinili ng kanyang firm na kumatawan sa 120 tao, habang ang ibang mga kaso ay patuloy pang sinusuri.

Ayon pa kay Buzbee, naganap ang karamihan sa nasabing pang-aabuso sa mga party sa New York, California at Florida, kung saan ang mga indibidwal ay binigyan ng mga inuming may halong droga.

Si Sean “Diddy” Combs, 54, ay nasa kustodiya ng Metropolitan Detention Center sa Brooklyn mula nang mag-plead ng 'not guilty' noong Setyembre 17 sa mga paratang ng paggamit ng kanyang kapangyarihan at kasikatan upang hikayatin ang mga babaeng biktima na makilahok sa mga 'drugged sexual performance' kasama ang mga lalaking sex workers sa mga kaganapang tinawag na “Freak Offs.”

SB19, sumabay sa ‘Touch’ TikTok trend ng KATSEYE

ni Eli San Miguel @Entertainment | Sep. 22, 2024

Nakisabay at tila game na game ang P-pop Kings na SB19 sa isang collaboration TikTok dance video kasama ang global girl group na KATSEYE.

Sa post ng KATSEYE, makikita ang SB19 members na sina Pablo, Stell, Ken, Josh at Justin na kasama sina Sophia, Yoonchae, at Daniela, na ginagawa ang ‘Touch’ TikTok dance challenge. "SB19 making the challenge fire," saad ng KATSEYE sa caption.

Sa kasalukuyan, may higit 4.5 milyong views na ang video. Kamakailan lamang, pumunta ang KATSEYE sa Pilipinas para idaos ang kanilang Manila fan showcase, at nag-guest din sa noontime show na "It's Showtime."

Ang Katseye ay isang Los Angeles-based girl group na nabuo sa pamamagitan ng reality show na Dream Academy, isang kolaborasyon ng Hybe at Geffen Records.